Հայկ Մարության

Երևանի նախկին քաղաքապետ, դերասան, ռեժիսոր, հասարակական և քաղաքական գործիչ։

2021 թ․ դեկտեմբերի 15-ին Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց սկսեց։ Դեկտեմբերի 22-ին Հայկ Մարությանը հեռացվեց Երևանի քաղաքապետի պաշտոնից․ քաղաքապետարանում տեղի ունեցած փակ քվեարկության արդյունքում Երևանի նոր քաղաքապետ ընտրվեց Հրաչյա Սարգսյանը։

Ծնվել է 1976թ․ դեկտեմբերի 18-ին։

1996 - 2002 թվականներին աշխատել է «Շարմ» ընկերությունում՝ որպես սցենարիստ, ռեժիսոր, դերասան։ 2002 թվականին ընկերների հետ համատեղ հիմնել է «Կարգին ստուդիա» ընկերությունը, որտեղ և աշխատել է որպես դերասան, սցենարիստ, ռեժիսոր և պրոդյուսեր։ 2012 թվականից հանդիսացել է «Շանթ» հեռուստաընկերության «Կանխիկ հումոր» հեռուստանախագծի ժյուրիի անդամ։ 2018 թվականի սեպտեմբերին Քաղաքացիական պայմանագիր կուսակցության կողմից առաջադրվել է որպես Երևանի քաղաքապետի թեկնածու։

Անցյալի վկայությունների ոչնչացումը անցյալի պատմության ոչնչացում է․ մշակութային գործիչների նամակը՝ վարչապետին և քաղաքապետին

Մշակույթի մի շարք գործիչներ բաց նամակ են հղել վարչապետին և Երանի քաղաքապետին․ «Մենք՝ ներքոստորագրյալներս, մեր տարակուսանքն ու վրդովմունքն ենք հայտնում Երևանի 33-րդ (Ֆիրդուսի) թաղամասի կառուցապատման շուրջ զարգացումների վերաբերյալ։ Անթույլատրելի է Երևան քաղաքի պատմամշակութային ժառանգության շարունակվող ոչնչացումը: Քրեա-օլիգարխիկ համակարգի հետ համագործակցած իշխանությունները մեր մայրաքաղաքը հետևողականորեն դարձրել և դարձնում են անցյալ չունեցող քաղաք: Մասնավորապես թիրախավորված է Կենտրոն թաղամասը: Այսօր հերթը հասել է մանրածախ առևտրականացման պատճառով ժողովրդական միջավայրում «Ֆիրդուս» անվանված թաղամասին:Լինելով Երևան քաղաքի պատմա-ճարտարապետության կարևոր և բացառիկ հատվածներից մեկը, իշխանությունների թողտվությամբ այն վերածվել է անխնամ և փնթի միջավայրի այն դեպքում, երբ որոշ խնամքի դեպքում կարող էր և կարող է դառնալ Երևանի ոչ վաղ անցյալը ներկային կապող նշանակալի ճարտարապետական, պատմական ու մշակութային միջավայր: Անցյալի վկայությունների ոչնչացումը անցյալի պատմության ոչնչացում է: Երևանի անցյալը միայն թամանյանական Երևանը չէ: Խորհրդային մոդեռնիզմը իր դրական ներդրման հետ չկարևորեց Երևան քաղաքի նույնիսկ 19-րդ դարի պատմության վավերական վկայությունները պահպանելու անհրաժեշտությունը: Բայց խորհրդային ճարտարապետության առանձնահատկություններից մեկը ըստ էության գաղութային ժողովուրդների ինքնության խորհրդայնացումն էր նաև այդ ժողովուրդների անցյալի ոչնչացմամբ, որից, թվում է, պիտի հրաժարվեինք Հայաստանի ինքնիշխայնացմամբ: Ցավոք մենք գնացինք հակառակ ճանապարհով: Այսօր Երևանի նախախորհրդային անցյալից քիչ բան է մնացել, և հիմա կարծեք ընթացքի մեջ է այդ քիչը նույնպես ոչնչացնելու անհագուրդ ծրագիրը: Եթե խնդիրը ճարտարապետ Նարեկ Սարգսյանի նախագծածն իրագործելն է, ամենևին պարտադիր չէ այն անպայման Երևանի կենտրոնում իրագործել, առավել ևս՝ անցյալի քիչ վկայություն թաղամասի հաշվին: ՝ Անհավատալի է, որ Հյուսիսային պողոտայի տխրահռչակ հեղինակը, որն իր մեղքի մասնաբաժինն ունի պատմա-մշակությային հուշարձանների ոչնչացման և բազմաթիվ ընտանիքների ունեզրկման գործում, այսօր շարունակելու է արդեն ավանդականացող երևույթը՝ Երևանի անձնագրի հերթական էջը պոկել և սոսնձել նոր էջ՝ Թամանյական Երևանի վրա իշխող, ճնշող մի նոր մոդեռն ներկայացվող միկրո-թաղամասով: Այս կարևորագույն խնդրին ավելանում է օրինականության տեսակետից աշխատանքների խնդրահարույց ընթացքը, քաղաքաշինական փաստաթղթերի ամբողջական փաթեթի, մասնավորապես՝ նախագծի ու համապատասխան թույլտվությունների պակասը և վարչական դատարանում գերակա շահի որոշումը վիճարկող ընթացիկ գործի առկայությունը։ Սրան գումարած՝ թաղամասի բնակիչների նկատմամբ հերթական ծաղրը՝ չնչին գումարը, որը նրանց առաջարկվել է դեռևս 2018թ. Հյուսիսային և Գլխավոր պողոտաների վատագույն ավանդույթներով: Զազրելի է այս նախագծի իրականացմանը խայտառակ պատմություն ունեցող և սնանկ ճանաչված «Գլենդեյլ Հիլզ»-ի հետ անմիջական կապ ունեցող անձանց և կազմակերությունների, իրականում մասնիկների տրոհված նույն Գլենդել Հիլզի դերակատարումը: Մենք պահանջում ենք՝ - Անհապաղ դադարեցնել «Ֆիրդուս» թաղամասում ընթացող բոլոր աշխատանքները,- Չեղյալ հայտարարել Նարեկ Սարգսյանի անընդունելի նախագիծը,- Հանրային քննարկումներն ու քաղաքացիների մասնակցությունը Երևանի Կենտրոն թաղամասի կառուցապատման հարցերի շուրջ դարձնել պարտադիր ընթացակարգ,- Բաց մրցույթ հայտարարել և ընտրել «Ֆիրդուս» թաղամասի պատմամշակութային շերտերի պահպանմամբ արդիական նախագիծ: Հարգանքով Զարուհի Մուրադյան, ՀՀ Նկարիչների միության անդամՀրանուշ Խառատյան, Ազգագրագետ, ՊԳԹՀենրիկ Բախչինյան, ԲԳԴԳայանե Շագոյան, մշակութային մարդաբան, ՊԳԹԼևոն Աբրահամյան, ՀՀ ԳԱԱ թղթակից անդամ, Մշակույթի վաստակավոր գործիչՅուլիա Անտոնյան, Մշակութային մարդաբան,ՊԳԹԳոհար Մուրադյան, ԲԳԴ, ՄատենադարանԱրծվի Բախչինյան, ԲԳԹՎահրամ Մարտիրոսյան, Գրող, կինոդրամատուրգ, լրագրողԱշոտ Ադամյան,Դերասան, ռեժիսորԱրմինե Գեղամյան, Լրագրող, խմբագիրԼուսինե Հովհանիսյան, ԼրագրողՌուբեն Առուտչյան, ՀՀ վաստակավոր նկարիչՍեդա Գրիգորյան, Վավերագրող ռեժիսորՏիգրան ՀեքեքյանՀասմիկ Պապյան, Օպերային երգչուհի, ՀՀ ժողովրդական արտիստՆարինե Աբգարյան, գրողՏիգրան Ամիրյան, ԲԳԹ, գրականագետԱրթուր Իսպիրյան, երգիչ, Երևանի ավագանու անդամԼեւոն Խալաթյան, ՖՄԳԹԴավիթ Մաթևոսյան, ռեժիսոր, Հրանտ Մաթևոսյան հիմնադրամի տնօրենԱրեգ Քեշիշյան, Ճարտարապետ/ՁեռներեցՀայկուհի Մուրադյան, մշակութաբանԱրտավազդ Եղիազարյան, «Երևան» ամսագրի գլխավոր խմբագիր, գրողԴիաննա Սահակյան, մշակութաբանԱրմեն Աբրոյան, ճարտարապետԼուսինե Գրիգորյան, մեդիա մասնագետԿարեն Թովմասյան, միջազգայնագետ-պատմագետ, լրագրողԱշոտ Սիմոնյան, ճարտարապետՄարինա Դիլանյան, նկարիչՆատալիա Օհանյան, ճարտարապետՍամվել Խաչատրյան, քաղաքագետ, թարգմանիչՍուսաննա Մկրտչյան, թարգմանիչ, բանասերՍոսե Ղլեջյան, բանասեր, հայոց լեզվի և գրականության ուսուցչուհիՏիգրան Հայրապետյան, ճարտարագետԼուսինե Խառատյան, Մշակութային մարդաբանԷդիթ Սողոմոնյան, կրթության կառավարման մասնագետԱլեքս Միրզոյան, երաժիշտ, մշակութային միջոցառումների կազմակերպիչԱստղիկ Սիմոնյան թատերագիր, կինոդրամատուրգՄարիամ Ավագյան ԿԳԹ, դոցենտԷդուարդ Բագրատունի, լուսանկարիչՏորք Դալալյան, լեզվաբան-բանագետՆելլի Շիշմանյան, վավերագրող լուսանկարիչ, դիրիժորէսթեր Հակոբյան, զարգացման ծրագրերի կառավարիչԱղասի Թադևոսյան, Մշակութային մարդաբանՀերիքնազ Հարությունյան, բանասերԷվիյա Հովհաննիսյան, սոցիալական մարդաբանԳոհար Ստեփանյան, ազգագրագետ, պ․գ․թ․Վիլյամ Կարապետյան, նկարիչ-դիզայներԴավիթ Մարգարյան, ՏԳԹԱրտեմ Սադոյան ՏՏ գործարարՍոնա Տոնիկյան, արևելագետՋավահիր Այվազյան, ինժեներ քիմիկ-տեխնոլոգԻննա Մխիթարյան, ֆոտոլրագրողԱրամ Ղանալանյան, ճարտարապետ "Ռաֆայել Իսրայելյան" հիմնադրամի համահեղինակԳագիկ Աղասարյան, ճարտարապետԷմմա Ֆահրադյան ճարտարապետ ճարտարապետների միության անդամՍամվել Խաչատրյան, քաղաքագետ, թարգմանիչԱրթուր Աթայան, արվեստաբան, ՀԳՊԱ դասախոսՆարբե Պետրոսյան, "Ստորակետ Ճարտարապետական Արվեստանոց" համահիմնադիր-ճարտարապետՀասմիկ Սողոմոնյան նկարիչ-դիզայներԶարուհի Սիմոնյան, սոցիոլոգԱռնոլդ Հակոբյան, ՏԳԹԳևորգ Եղիկյան, ֆմգթ, տվյալագետ, քաղաքային պլանավորողՀասմիկ Մանուկյան, արաբագետՇողեր Մաթևոսյան, "Չորրորդ իշխանություն" թերթի գլխավոր խմբագիրԱնահիտ Մանուկյան, բժիշկ-ստոմատոլոգՆաիրա Սահակյան, ԻսլամագետԴավիթ Ֆիդանյան, պատմաբանԱշոտ Գևորգյան, քաղաքագետԼիանա Եղիազարյան, լրագրողՊետո Պողոսյան, նկարիչՎահրամ Աղաբալյան, ծրագրավորողՍոնա Գրիգորյան, արաբագետՏաթև Հակոբյան, լուսանկարիչԼիլիթ Վաղարշյան, նկարիչԴավիթ Սիմոնյան, ուսանողԲագրատ Անդրեասյան, տնտեսագետԱրեգ Նազարյան, երգահանՍամվել Մարտիրոսյան, մեդիա փորձագետՍիլվա Աղաջանյան, բանասեր֊հոգեբանՄովսէս Տէր Գէորգեան, ՃարտարապետՀասմիկ Բարխուդարյան, արվեստաբան, մշակութային լրագրողԱղավնի Հարությունյան, հաղորդակցության փորձագետՄարգարիտ Սարգսյան, դաշնակահարՍերինե Ավետիսյան, հոգելեզվաբանԻզաբելլա Ղազարյան, ԵՊՀԱնդրանիկ Տոնոյան, ճարտարապետԳուրգեն Բաղդասարյան/ իրավաբան, օպերային երգիչՆաիրա Մուրադյան, ռեժիսոր անիմատորՀայարփի Սահակյան, ՓԳԹԱրևիկ Օհանյան, Կրթության կառավարման մասնագետԱնուշ Արշակյան. տնտեսագետ, արվեստի նախագծերի համակարգողԱրծրուն Պիվազյան, քաղաքացիական հասարակության ծրագրի համակարգողՀարություն Թումաղյան, ճարտարապետ, կոնցեպտ արտիստԼուսինե Քարամյան, իրավաբանԳրետա Նիկողոսյան, թարգմանիչ, ծրագրերի համակարգողԱրփի Մաղաքյան, ռեժիսոր, «Երևանյան հեքիաթներ» գրքի հեղինակԴիանա Գազարովա, լեզվաբան, ԵՊՀԼիլիթ Հովհաննիսյան, արվեստաբանԴավիթ Նահատակյան, ճարտարապետության թեկնածուՀասմիկ Իսրայելյան, ուսուցիչ, լրագրողԱլիսա Ջամալյան, եվրոպագետԳայանե Ղազարյան, սոցիոլոգԱրտակ Առաքելյան, հաշվապահ, ակտիվիստԿարին Պօղոսեան, ճարտարապետԼիա Մխիթարյան, լեզվաբանԱրեգ Ասատրյան, ճարտարապետ-փորձագետ, Նյու-ՅորքՄարգարիտա Վարդանյան, ԱԺ նախկին պատգամավոր, գրողՄհեր Ղազարյան, ՃարտարապետՔրիստինա Պողոսյան, սոցիոլոգՄարիամ Կիրակոսյան, ԵՊՀ, հայոց լեզվի դասախոսԶոյա Հակոբյան, մաթեմաթիկ-տնտեսագետՀասմիկ Աղաբաբյան, գիտաշխատող, ՔԳԹՆատալյա Մարտիրոսյան, ՔԳԹՍվետլանա Մուրադյան,լրագրողՀասմիկ Հակոբյան, գրականագետ, ԲԳԹԼիլիթ Բաբայան, ճարտարապետՆարեկ Հարությունյան, տեխնիկական գիտությունների թեկնածուՆարեկ Սուքիասյան, քաղաքագետԱնահիտ Սահակյան, ձեռնարկատերՌուզաննա Ծատուրյան, ազգագրագետՇուշանիկ Հարությունյան, սոցիոլոգԿարեն Կարակոզով, արևելագետ, գործարարՍիրանուշ Սարգսյան, պատմաբան-քաղաքագետՇաղիկ Մաթևոսյան, միջազգային իրավունքի մասնագետԱշոտ Ալեքսանյան - քաղաքագետՄերի Մուսինյան, լրագրողՆելլի Մկրտչյան, Այբուբեն թարգմանչական կենտրոնի խմբագիրՇուշանա Սիրականյան, քաղաքագետՇաքէ Ամիրեան Պետրոսեան, լրագրողՄարի Չաքրյան, գեո- էկոլոգԱնի Այվազյան, նկարիչԱրփինե Սարիբեկյան, արվեստաբանԱնուշ Չուբարւան, գեղանկարիչՆելլի Փայտյան, միջազգայնագետՌայա Հակոբյան, բժշկուհիՍահակ Պողոսյան, քանդակագործՍուսաննա Գյուլամիրյան, արվեստի քննադատ, համադրողԳրիգոր Խաչատրյան Պատահականությունների պլանավորման կենտրոնի ղեկավարՄարիամ Մուղդուսյան, գեղանկարիչՀասմիկ Սիմոնյան, բանաստեղծԼեւոն Գյուլխասյան, կոմիկսարարԱրման Գրիգորյան, քաղաքագետՍամվել ՀովհաննիսյանՍոնա Միքայելյան գրականագետԱրա Մովսիսյան, մաթեմատիկոսՆիկա Շեկ, ռեժիսորՀասմիկ Կնյազյան, մշակութային մարդաբանԲելլա Մարգարյան, կառավարման ծրագրերի մասնագետԶարուհի Հայրապետյան, սոցիալական մասնագետԼիլիթ Մնացականյան, հոգեբանՄարիա Հովումյան, Կառավարման խորհրդատուԱրամ Մկրտչյան տնտեսագետԿարեն Շիկոնյան, ճարտարագետՍվետլանա Անանյան, ճարտարապետների միության անդամՄարո Սարգսյան, նկարիչ, ՀՀ Նկարիչների Միության անդամՍտեփան Կակոսյան, ծրագրավորողԱրման Սուլեյմանյան լրագրողՇողակաթ Մլքե-Գալստյան, Միհր Թատրոնի համահիմնադիր, սոլիստԼիլիթ Հակոբյան, կինոգետՕվսաննա Քարամյան, լեզվաբան, արվեստաբանԿարեն Գասպարյան տնտեսագետԱնահիտ Հայրապետյան, ֆոտոլրագրողԵլենա Խաչվանքյան, տնտեսագետԿարեն Ազատյան, ծրագրավորողԴիանա Հակոբյան, նկարիչՄիքայել Մկրտչյան, ՃարտարապետԳարեգին Ալեքսանյան, ֆոտոլրագրողԿարին Գրիգորյան, թարգմանիչ, խմբագիրՆազիկ Արմենակյան, վավերագրող լուսանկարիչ/ 4ՊլյուսԹամարա Գևորգյան, կառավարման համակարգերի մասնագետԴիանա Գրիգորյան արվեստաբան, զբոսավարՀովհաննես Մարգարյան, նկարիչՎաչե Ջիհանյան, Երջանկության նախարարՏաթևիկ Սարգսյան, նախագծերի համակարգողԱնահիտ ԲախշյանՄարգարիտ ՓիլիպոսյանԱրա ՓահլևանյանՆելլի ՄարդանյանԽաթուն ԱտիկյանՆվարդ ՄանասյանԻնգա ԶառաֆյանԱրեգ ՊետրոսյանԱննա ՄաթևոսյանՀրանտ Տեր-ԱբրահամյանԴինա ԱնանյանՀակոբ ՀակոբյանՎիկա ՍուքիասյանՍոֆյա ՀակոբյանՌիմա ԻսպանդարյանԶարուհի ՔոչարյանՀարութ ԳյամջյանԼիլիթ ՕնանյանԱննա ՍիմոնյանԱնի ՀովսեփյանԼևոն ԲաբամյանՏաթևիկ ՄելիքյանՍուրեն ԽառատյանՆաիրա ԳյուլնազարյանԱնահիտ ՀայրապետյանԼիլիթ ՀարությունյանՄարինա ԳասպարյանՍտեփան ԿակոսյանԱրմինե ԲոյաջյանԱնահիտ ԽանոյանԶարուհի ԱմատունիՆազելի ՕհանյանՍոնա ՄալխասյանԱրուսյակ Սիմոնյան»

09:24 - 26 հունիսի, 2020

Երեւանի քաղաքապետ Հայկ Մարությանի ընտանիքը Չեխիայում նոր առանձնատուն է գնել |hetq.am|

hetq.am: 2018-ի հոկտեմբերից Երեւանի քաղաքապետի պաշտոնը զբաղեցնող Հայկ Մարությանի կինը՝ Իվա Մարությանը, անցյալ տարի 3 միավոր անշարժ գույք է ձեռք բերել Չեխիայի Կուտնա Հորա քաղաքում: Սա Մարությանների առաջին անշարժ գույքը չէ Չեխիայում: Նկատենք, որ Իվա Վլաստիմիլի Մարությանն ազգությամբ չեխ է, Չեխիայի քաղաքացի, այդ երկրի քաղաքացիներ են նաեւ Երեւանի քաղաքապետի 4 անչափահաս զավակները: Հայկ Մարությանն անցյալ տարի լրագրողներին ասել է, որ ինքը ՀՀ քաղաքացի է, Չեխիայի քաղաքացիություն չունի, սակայն այլ ինֆորմացիա չի բացահայտել. խոսքն այստեղ ԵՄ անդամ այդ երկրում կացության իրավունք ունենալու մասին է: Ինչու են Մարությանի հայտարարագրերի տվյալները տարբեր Երբ 2018-ի սեպտեմբերին կայացած Երեւանի ավագանու ընտրություններից առաջ Հայկ Մարությանը ԿԸՀ-ին ներկայացրել էր գույքի եւ եկամուտների հայտարարագիր, նշել էր, որ միանձնյա սեփականության իրավունքով 2 միավոր անշարժ գույք ունի Երեւանի Հյուսիսային պողոտայում (բնակարան եւ ավտոտնակ): Բացի դրանից՝ թեկնածուն հայտարարագրել էր 7 միավոր գույք Չեխիայի մայրաքաղաք Պրահայում (5 բնակարան, 2 հողամաս, 1 առանձնատուն): Այս մասին «Հետքը» գրել էր դեռ 2018-ին: Նկատենք, որ չեխական գույքի մի մասը Մարությանի միանձնյա, մյուս մասն էլ կնոջ հետ համատեղ սեփականություն է, ինչը մենք ճշտել էինք այդ երկրի կադաստրից: Փաստորեն, ԿԸՀ-ին թեկնածու Հ. Մարությանը ներկայացրել էր 10 միավոր անշարժ գույք Երեւանում ու Պրահայում: Բայց քաղաքապետ ընտրվելուց հետո նա ՀՀ կոռուպցիայի կանխարգելման հանձնաժողովին (նախկինում՝ բարձրաստիճան պաշտոնատար անձանց էթիկայի հանձնաժողով) ուղարկել է պաշտոնի ստանձնման հայտարարագիր, որտեղ անշարժ գույքի տվյալներն այլ են: Այսպես՝ ի տարբերություն ԿԸՀ-ին ներկայացրած 10 միավոր անշարժ գույքի՝ քաղաքապետ դարձած Հ. Մարությանը հիշատակել է կրկնակի շատ՝ 21 միավոր գույք, որոնք բոլորն էլ նշված են իբրեւ համատեղ սեփականություն: Բայց փաստենք, որ այս շոշափելի տարբերությունը նոր գույքի ձեռքբերմամբ չի բացատրվում, քանի որ 2018-ին ԿԸՀ-ին եւ հանձնաժողովին ներկայացրած հայտարարագրերի միջակայքում Մարությանը նոր գույք չի գնել: Ավելին՝ նա այդ գույքը ձեռք է բերել 2006-ի մարտից մինչեւ 2018-ի հունիս: Այս մասին տեղեկանում ենք 2019 թ. նրա տարեկան հայտարարագրից, որը լրացված է նոր ձեւաչափով: ԿԸՀ-ին եւ հանձնաժողովին ներկայացրած փաստաթղթերի միջեւ շոշափելի տարբերության պատճառը պարզելու համար դիմել ենք քաղաքապետին: Մարությանը նշել է, որ 2018-ին ԿԸՀ-ին չի ներկայացրել երեւանյան այն գույքը (4 հատից 2-ը՝ բնակարան եւ ավտոտնակ Կենտրոն վարչական շրջանում), որն իր կնոջ անունով է գրանցված: Բայց այս գույքը, ըստ պաշտոնյայի, ավելի ուշ ներկայացրել է հանձաժողովին իբրեւ համատեղ սեփականության իրավունքով իրեն պատկանող, քանի որ «հանձնաժողովի կողմից հայտարարագրերի էլեկտրոնային ռեեստրում տեղադրված ուղեցույցի համաձայն՝ հայտարարագրման ենթակա անշարժ գույքը, որը հանդիսանում է ամուսինների համատեղ սեփականությունը, հայտարարագրվում է նրանցից միայն մեկի կողմից` որպես համատեղ սեփականություն»։ Այսինքն՝ Մարությանը հիմք է ընդունել հանձնաժողովի ուղեցույցը եւ կնոջ անունով գրանցված, սակայն ամուսնության ժամանակ ձեռք բերված եւ ՀՀ օրենսդրությամբ համատեղ սեփականություն համարվող գույքը ներկայացրել է հանձնաժողովին: Ահա մի հատված նրա պարզաբանումից: «Գույքի նկատմամբ իրավունքների պետական գրանցման մասին» ՀՀ օրենքի 18-րդ հոդվածի 2-րդ մասի համաձայն՝ գույքի նկատմամբ ամուսինների իրավունքները եւ սահմանափակումները, որոնք սահմանված են ՀՀ օրենսդրությամբ, ունեն իրավաբանական ուժ՝ անկախ պետական գրանցումից, եթե նույնիսկ այդ իրավունքներն առանձին չեն գրանցվել: ՀՀ Քաղաքացիական օրենսգրքի 201 հոդվածի համաձայն՝ ամուսնության ընթացքում ամուսինների ձեռք բերած գույքը նրանց համատեղ սեփականությունն է, եթե այլ բան նախատեսված չէ օրենքով կամ նրանց միջեւ կնքված պայմանագրով: Քանի որ մեր դեպքում առկա չէ ամուսնական պայմանագիր կամ օրենքով նախատեսված այլ հիմք, ապա տվյալ անշարժ գույքերը, ինչպես նաեւ Չեխիայում գտնվող անշարժ գույքերը, ամուսնության ընթացքում մեր համատեղ սեփականությունն են, եւ այդ իսկ պատճառով դրանք, ինչպես պաշտոնի ստանձնման, այնպես էլ տարեկան հայտարագրերում հայտարարագրվել են որպես համատեղ սեփականություն՝ անկախ նրանից, թե փաստացի ում անունով են գրանցված: Թվում է, թե այս պարագայում Հ. Մարությանը կարող էր ԿԸՀ-ին եւս ներկայացնել կնոջ անունով գրանցված, բայց ամուսնության ընթացքում ձեռքբերված գույքը, որը ՀՀ օրենսդրությամբ համարվում է նրանց երկուսի համատեղ սեփականությունը: Իսկ թե ինչու է Հ. Մարությանը 2018-ին ԿԸՀ-ին ներկայացրել Պրահայում ունեցած 8 միավոր անշարժ գույք, որը հանձնաժողովին տրամադրած հայտարարագրում դարձել է 17, նա պարզաբանել է, որ դա տեղի է ունեցել հայտարարագրման տարբեր մեթոդաբանությունների արդյունքում: «2018 թ. պաշտոնը ստանձնելու օրվա դրությամբ Չեխիայում ինձ եւ կնոջս համատեղ սեփականության իրավունքով պատկանում է 5 բնակարան, 1 առանձնատուն եւ 2 հողամաս (2018-ին գրել էինք, որ սրանց մի մասը գրանցված է Հ. Մարությանի անունով, մյուսներն էլ զույգի անունով է: Բայց քաղաքապետը դրանք բոլորը համատեղ սեփականություն է համարում՝ հենվելով վերը նշված օրենսդրական նորմերի վրա- հեղ.): Սակայն տվյալ 5 բնակարանները ունեն փոքրիկ խորդանոց, իսկ 4-ը՝ նաեւ ավտոկայանատեղի: Տվյալ խորդանոցները եւ ավտոկայանատեղիները ձեռք են բերվել բնակարանների ձեռքբերման հետ միաժամանակ՝ մի պայմանագրով, եւ ունեն նույն կադաստրային հաշվառման համարը, եւ այդ տեսանկյունից ԿԸՀ ներկայացվող հայտարարագրում չեն դիտարկվել որպես առանձին գույքային միավորներ: Մինչդեռ հանձնաժողովի կողմից հաստատված հայտարարագրերի լրացման կարգի համաձայն՝ դրանք դիտարկվել են առանձին գույքային միավորներ, եւ դրանցից յուրանքանչուրի մասով հայտարարագրում կատարվել է առանձին գրառում»,- «Հետքին» փոխանցել է Հ. Մարությանը: Տեխնիկական վրիպակ եւ չկայացած գործարք Հետաքրքիր է, որ քաղաքապետը 2019 թ. տարեկան հայտարարագրում, որն, ինչպես ասվեց, լրացվել է նոր ձեւաչափով, նշել է, որ 2018-ի հունիսին 1 բնակարան, 1 հողամաս եւ 1 միավոր ոչ բնակելի տարածք է ձեռք բերել Պրահայում, այնինչ մինչ այդ լրացրած 2018 թ. տարեկան հայտարարագրում նոր գույքի ձեռքբերման մասին չէր նշել: Պաշտոնյան հայտնել է, որ խոսքը Պրահայի Կրեյչիհո փողոցում գտնվող գույքի մասին է, որին, ի դեպ, մենք անդրադարձել էինք։ Իսկ 2018 թ. տարեկան հայտարարագրում գույքը չներկայացնելու պատճառը, ըստ Հայկ Մարությանի, տեխնիկական վրիպակն է: «Այդ բնակարանի եւ հողամասի առկայության վերաբերյալ նշել եմ ինչպես ԿԸՀ ներկայացված հայտարարագրում, այնպես էլ 2018 թ. պաշտոնի ստանձման հայտարարագրում: Սակայն, 2018 թ. տարեկան հայտարարագրում այս ձեռքբերումը տեխնիկական վրիպակի պատճառով նշված չի եղել, եւ ներկայումս վրիպակը ուղղման ընթացքում է, որի ավարտից հետո հայտարարագիրը կրկին կհրապարակվի հանձնաժողովի կայքում սահմանված կարգով»,- «Հետքին» տեղեկացրել է նա: Ինչպես գրել ենք նախորդ հոդվածում, Չեխիայում Մարությանի ունեցած անշարժ գույքի մի մասը կնոջ հետ համատեղ սեփականություն է (1 առանձնատուն, 1 հողամաս, 2 բնակարան), ինչը փաստում են այդ երկրի կադաստրի տվյալները, սակայն 2019 թ. տարեկան հայտարարագրում Իվա Մարությանը չի հիշատակել մինչեւ 2019 թ. ձեռք բերած իր այդ գույքի մասին: Սրա բացատրությունը վերեւում հիշատակված հայտարարագիր լրացնելու ուղեցույցն է: Կոռուպցիայի կանխարգելման հանձնաժողովի այս ուղեցույցով՝ ամուսինների համատեղ սեփականությունը հայտարարագրվում է նրանցից միայն մեկի կողմից` որպես համատեղ սեփականություն։ Տվյալ պարագայում չեխական գույքը (ինչպես եւ երեւանյանը) հայտարարագրել է միայն Հայկ Մարությանը: Այդուհանդերձ, Իվա Մարությանը 2018-ի իր տարեկան հայտարարագրում նշել էր, որ այդ տարի 6,5 մլն չեխական կրոնով (այսօրվա փոխարժեքով՝ մոտ 275.000 դոլար) առանձնատուն է գնել, այսինքն՝ գույքի ձեռքբերումն այս դեպքում ոչ թե քաղաքապետը, այլ նրա կինն էր հայտարարագրել, սակայն վերջինիս 2019 թ. հայտարարագրում այդ գույքը չի երեւում: Հ. Մարությանն այս առումով «Հետքին» հայտնել է. «Այդ գործարքը չի կայացել, եւ հայտարարագրում արդեն իսկ արվել է համապատասխան ուղղում, որը եւս կհրապարակվի հանձնաժողովի կայքում սահմանված կարգով»: Փոխարենը 2019 թ. հայտարարագրում տիկին Մարությանը նշել է, որ անցյալ տարի 3 միավոր նոր գույք է ձեռք բերել, բայց ոչ թե Պրահայում, այլ Կուտնա Հորա քաղաքում: Նոր առանձնատունը Ըստ Իվա Մարությանի հայտարարագրի՝ 2019-ի մարտին գնել է առանձնատուն (գինը՝ 3,76 մլն կրոն կամ 160.000 դոլար), ինչպես նաեւ 2 կտոր հողամաս (յուրաքանչյուրը՝ 100.000 կրոն): Ընդհանուր գույքն արժեցել է 3,96 մլն կրոն կամ 168.000 դոլար: Քաղաքապետի կինն այս գույքը նշել է որպես համատեղ սեփականություն, սակայն Հայկ Մարությանի հայտարարագրում այն չի երեւում. պատճառը, ինչպես ասվեց, այն է, որ համատեղ գույքը պետք է հայտարարագրի ամուսիններից մեկը: Շարունակությունը՝ hetq.am-ում

10:35 - 23 հունիսի, 2020