Վեոլիա ջուր

«Վեոլիա Ջուր» ՓԲԸ-ն իր գործունեությունն է ծավալում Հայաստանում 2017 թ․-ից։ «Վեոլիա Ջրի» սպասարկման տարածքն ընդգրկում է Հայաստանի բոլոր մարզերը, այդ թվում մայրաքաղաք Երևանը, 44 այլ քաղաք և 318 գյուղ: Ընդամենը 363 բնակավայր:

Դրանից բացի, ընկերությունը մեծածախ ջրամատակարարման ծառայություններ է մատուցում 53 բնակավայրի: Ընդհանուր առմամբ Օպերատորը սպասարկում 527 000 ակտիվ բաժանորդի:

Գառնի-Երևան մայրուղային ջրատարը վերանորոգվում է |shantnews.am|

Գառնի-Երևան մայրուղային ջրատարը վերանորոգվում է |shantnews.am|

shantnews.am: Վթարված Գառնի-Երևան մայրուղային ջրատարը վերանորոգվում է։ Հնարավոր է, որ փետրվարի 21-ի առավոտյան սպառողների ջրամատակարարումը կվերսկսվի։ Այս մասին տեղեկացրին «Վեոլիա Ջուր» ընկերության հանրային կապերի ծառայությունից։   «Ինչպես հենց նոր տեղեկացրեց «Էրեբունի» շահագործման տեղամասի պետ Հենրիկ Մարտիրոսյանը, ավարտվել է մնացորդային ջրի հեռացումը այս խոշոր, շուրջ 40 կմ երկարություն ունեցող խողովակաշարից և սկսվել են վերանորոգման աշխատանքները: Վթարը տեղի է ունեցել Նուբարաշենի աղբավայրից քիչ հեռու՝ ձորում: Ջրատարի երկու խողովակներ, թերևս հողի սողքի պատճառով, իրարից հեռացել են 5-6 սմ, որով պայմանավորված ջուրն ուժեղ շիթով դուրս է մղվել ու շուրջբոլոր հողը քանդել: Նախատեսվում է աշխատել նաև գիշերը՝ լուսարձակների լույսով՝ վերանորոգումը հնարավորինս արագ ավարտելու համար: Սակայն ևս մի քանի ժամ կպահանջվի խողովակաշարը նորից ջրով լցնելու ու բաշխիչ ցանցում բավարար ճնշում ապահովելու համար: Այնուամենայնիվ, «Էրեբունիում» աշխատում են այն հաշվով, որ վաղն առավոտյան վերսկսեն սպառողների ջրամատակարարումը»,- նշված է հաղորդագրության մեջ:
21:27 - 20 փետրվարի, 2020
Վթարվել է «Գառնի-Երևան» ջրատարը. Երևանի մի շարք վարչական շրջաններում և Արարատի որոշ գյուղերում փետրվարի 20-21-ը ջուր չի լինի

Վթարվել է «Գառնի-Երևան» ջրատարը. Երևանի մի շարք վարչական շրջաններում և Արարատի որոշ գյուղերում փետրվարի 20-21-ը ջուր չի լինի

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ «Գառնի-Երևան» ջրատարի վթարի վերացման աշխատանքներով պայմանավորված, ս.թ. փետրվարի 20-ին ժամը 14.00-ից մինչև փետրվարի 21-ը ժամը 14.00-ն կդադարեցվի հետևյալ տարածքների ջրամատակարարումը. Նուբարաշեն վարչական շրջանը՝ ամբողջությամբ,Էրեբունի վարչական շրջանը` բացառությամբ` Արին-Բերդի փողոցի և նրբանցքների, Արցախի պողոտայի ու Սարի Թաղի,Կենտրոն վարչական շրջանի` Օստրովսկու, Ծատուրյան, Զավարյան  փողոցների և նրբանցքների, Ալեք Մանուկյան փող. 1, 4/2, 17 համարների, Նար-Դոսի փող. 1-ից-40 համարների, Քրիստափորի փող. 1-ից-15 համարների, Ծխախոտագործների փող. 1-65 համարների, Խորենացու փող. 28-ից-231 համարների և 3-րդ փակուղու, Տիգրան Մեծի պող. 12-ից-80 համարների և նրբանցքի, Երևանի ոստիկանության վարչության, Ազգային անվտանգության ծառայության, Երևանի պետական համալսարանի վարչական շենքերի,Շենգավիթ վարչական շրջանի` Արշակունյաց պողոտայի, Գ. Նժդեհի, Շահամիրյան, Ֆրունզեի, Ս. Սարգսյան, Մայիսի 9-ի, Մխչյան, Կոտովսկու, Մուսայելյան, Պատկանյան, Մադոյան, Օդեսայի, Հրազդանի, Սմբատ Զորավարի, Ղարիբջանյան, Եղբայրության, Մանթաշյան, Մանանդյան, Շևչենկոյի, Նիզամու, Մասիսի, Վերին Շենգավիթի 1-ին, 2-րդ, 10-րդ  փողոցների ու նրբանցքների, Արին-Բերդի փող․3-րդ եւ 5-րդ նրբանցքների,  Չեխովի փող. 1-ից-21 համարների, Բագրատունյաց փող. 41-ից-80 համարների, Ներքին Շենգավիթ, Նորագավիթ եւ Նոր Խարբերդի «Այգեգործական» թաղամասերի, իսկ Շենգավիթ վարչական շրջանի մյուս հատվածներում կդադարեցվի 3-ից բարձր հարկերի ջրամատակարարումը: Արարատի մարզի` Բարձրաշեն, Դիտակ, Ջրաշեն, Նոր Խարբերդ գյուղերի և անմիջապես ջրատարից սնվող բաժանորդների:
15:26 - 20 փետրվարի, 2020
Խմելու ջրի սակագինը սպառողի համար կմնա նույնը. պետությունն այլևս սուբսիդավորում չի անի |armenpress.am|

Խմելու ջրի սակագինը սպառողի համար կմնա նույնը. պետությունն այլևս սուբսիդավորում չի անի |armenpress.am|

armenpress.am։ Հայաստանում ջրի սակագինը սպառողների համար 2020 թվականին կմնա նույնը: Սակայն բազիսային սակագնում փոփոխության՝ 191 դրամից 180 դրամ էժանացման արդյունքում պետությունն արդեն սուբսիդավորում չի անի: Այս մասին հրավիրված ասուլիսում հայտնեց Հանրային ծառայությունները կարգավորող հանձնաժողովի նախագահ Գարեգին Բաղրամյանը: «Դեռևս տարվա սկզբին «Վեոլիա ջուր»-ի հետ ակտիվ բանակցությունների արդյունքում հնարավոր էր եղել փոփոխություններ կատարել համապատասխան բազիսային սակագներում: Սակագների ճշգրտման հերթական հայտը ներկայացնելուց հետո 2020 թվականի հունվարի 1-ից մենք ունենք նորից սպառողների համար գործող սակագների վերահաստատում: Սակայն, եթե 2019-ի համար հանձնաժողովը սահմանել էր 191 դրամ գումարային սակագին, և պետությունը սուբսիդավորում էր 11 դրամը, ապա հիմա արդեն վերահաստատվել է 2020 թվականի հունվարի 1-ից 180 դրամ գործող սակագինը՝ սպառողների համար, իսկ պետության կողմից սուբսիդավորման հարց այլևս չի դրվում»,-ասաց Բաղրամյանը: Որոշակի փոփոխություններ են ենթարկվել նաև ջրային ոլորտում սպառողների միացման գործընթացում: Շուրջ 53 համայնքներում Ասիական զարգացման բանկի, Եվրոպական զարգացման բանկի ջրամատակարարման և ջրահեռացման սուբվենցիոն ծրագրերով իրականացված աշխատանքները հնարավորություն են ստեղծել ավելի պարզեցված ընթացակարգերով միացնել «Վեոլիա ջուր»-ի հիմնական ցանցին:
10:41 - 25 դեկտեմբերի, 2019