Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։

ԱՄՆ-ն կարող է Չինաստանի հետ «ռազմական հակամարտության» բախվել Թայվանի կարգավիճակի պատճառով․ ԱՄՆ-ում Չինաստանի դեսպան |tert.am|

tert.am: ԱՄՆ-ում Չինաստանի դեսպան Ցին Գանը նախազգուշացրել է, որ Միացյալ Նահանգները կարող է Չինաստանի հետ «ռազմական հակամարտության» բախվել՝ Թայվանի կարգավիճակի պատճառով: Այս ամսին դեսպանն ասել է ամերիկյան NPR ռադիոկայանին տված հարցազրույցում: «Եթե Թայվանի իշխանությունները, Միացյալ Նահանգների կողմից խրախուսվելով, շարունակեն ընթանալ անկախության ճանապարհով, ամենայն հավանականությամբ, երկու մեծ տերությունների՝ ԱՄՆ-ին և Չինաստանին կներգրավեն ռազմական հակամարտության մեջ»,- ասել է դեսպանը: Ինչպես աղբյուրը նկատում է, թեև ԱՄՆ-ի ուշադրությունը կենտրոնացած է հազարավոր կիլոմետրեր հեռավորությամբ գտնվող Ուկրաինայի վրա, ամերիկացի պաշտոնյաներն ու վերլուծաբանները բարձրաձայնում են Թայվանի ինքնապաշտպանության կարողության շուրջ մտահոգությունները:

13:06 - 29 հունվարի, 2022

Միջուկային խնդրի շուրջ բանակցություններում կա լավ առաջընթաց. Իրանի ԱԳՆ |azatutyun.am|

13:21 - 25 հունվարի, 2022

Պեկինը ձմեռային Օլիմպիական խաղերին ընդառաջ կպահպանի կորոնավիրուսով պայմանավորված արտակարգ իրավիճակը |armtimes.com|

armtimes.com: Չինաստանի մայրաքաղաք Պեկինում հորդորել են բոլոր տեղական շրջաններին պահպանել լրիվ արտակարգ ռեժիմը, քանի որ քաղաքում շարունակվում են գրանցվել կորոնավիրուսի տեղական դեպքեր՝ ձմեռային օլիմպիական խաղերի մեկնարկից երկու շաբաթ առաջ: Այս մասին հայտնում է «Reuters»-ը: Հունվարի 15-ից ի վեր Պեկինում հայտնաբերվել է փոխանցված տեղական 27 դեպք, որոնց մոտ եղել են ախտանշաններ և ևս 5 ասիմպտոմ դեպքեր: Իսկ Հյուսիսարևելյան Հարբին քաղաքում երկուշաբթի օրը կթեստավորվեն մոտ 10 մլն քաղաքացու, թեև այնտեղ վերջերս վիրուսի դեպք չի գրանցվել:

14:14 - 23 հունվարի, 2022

Հնդկական օվկիանոսում սկսվել են Իրանի, Չինաստանի և Ռուսաստանի ռազմածովային ուժերի համատեղ զորավարժությունները |tert.am|

tert.am: Հնդկական օվկիանոսի հյուսիսային հատվածում ուրբաթ առավոտյան մեկնարկել են Իրանի, Չինաստանի և Ռուսաստանի զինված ուժերի «Ծովային անվտանգության գոտի» համատեղ ռազմածովային զորավարժությունները։ Այս մասին հայտնում է Mehr գործակալությունը։Նշվում է, որ իրանական կողմից զորավարժություններին մասնակցում են Իսլամական հեղափոխության պահապանների կորպուսի ռազմածովային ուժերի և իրանական բանակի ստորաբաժանումները։

10:57 - 21 հունվարի, 2022

Հյուսիսային Կորեան նոր գերձայնային հրթիռ է փորձարկել |azatutyun.am|

azatutyun.am: Գլխավոր լուսանկարը՝ արխիվային Հյուսիսային Կորեան այսօր հաջողությամբ սեփական արտադրության գերձայնային հրթիռի փորձարկումներ է իրականացրել, հաղորդում է Reuters գործակալությունը՝ վկայակոչելով պաշտոնական Փհենյանի տարածած տեղեկությունները։ Դրանց համաձայն` արձակված հրթիռը հաջողությամբ խոցել է Ճապոնական ծովում գտնվող թիրախը, որը գտնվել է Կորեական թերակղզուց շուրջ 700 կիլոմետր հեռավորության վրա։ ԱՄՆ-ն, Ճապոնիան և Հարավային Կորեան դատապարտել են հյուսիսկորեական հրթիռի փորձարկումները, Չինաստանը բոլոր կողմերին զսպվածության կոչ է արել։

17:51 - 06 հունվարի, 2022

Պեկինը կշարունակի արդիականացնել իր միջուկային սպառազինությունը. Չինաստանի ԱԳՆ |1lurer.am|

1lurer.am: Պեկինը կշարունակի աշխատել իր միջուկային սպառազինության արդիականացման ուղղությամբ՝ ազգային անվտանգության պահանջներին համապատասխան: Այդ մասին մամուլի ասուլիսի ժամանակ հայտարարել է Չինաստանի ԱԳՆ սպառազինությունների վերահսկման վարչության տնօրեն Ֆու Ցունը: Նրա խոսքով՝ ԱՄՆ-ի հայտարարություններն այն մասին, թե Չինաստանը զգալիորեն մեծացնում է իր միջուկային ներուժը, չեն համապատասխանում իրականությանը: Միևնույն ժամանակ Ցունը կարծիք է հայտնել, որ Ռուսաստանն ու ԱՄՆ-ը պարտավոր են կրճատել իրենց միջուկային զինանոցները։ «Մոսկվային ու Վաշինգտոնին նախկինի պես պատկանում է մոլորակի միջուկային մարտագլխիկների 90%-ը: Նրանք պետք է մեկընդմիշտ իրավաբանորեն պարտադիր կերպով կրճատեն իրենց միջուկային զինանոցները»,- ասել է Ֆու Ցունը: Նրա խոսքով՝ Պեկինը հաստատակամ է միջուկային զենքի հետագա տարածումը կանխելու անհրաժեշտության հարցում։ Հունվարի 3-ին հինգ միջուկային տերությունները և ՄԱԿ-ի Անվտանգության խորհրդի մշտական անդամները՝ Ռուսաստանը, Մեծ Բրիտանիան, Չինաստանը, ԱՄՆ-ը և Ֆրանսիան, համատեղ հայտարարություն են ընդունել, որով ընդգծել են, որ իրենց առաջնահերթ պատասխանատվությունն են համարում «միջուկային զենք ունեցող պետությունների միջև պատերազմների կանխումը և ռազմավարական ռիսկերի նվազեցումը»:

15:20 - 04 հունվարի, 2022

Միջուկային 5 գերտերություններ համատեղ հայտարարել են ատոմային զենքի կիրառման անթույլատրելիության մասին |azatutyun.am|

azatutyun.am: Միջուկային 5 գերտերություններ՝ ԱՄՆ-ն, Բրիտանիան, Ֆրանսիան, Ռուսաստանը և Չինաստանը համատեղ հայտարարություն են տարածել, որտեղ նշված է, որ իրենց առաջնահերթ պատասխանատվությունն են համարում ատոմային զենք ունեցող երկրների միջև պատերազմի անթույլատրելիությունն ու ռազմավարական ռիսկերի նվազեցումը։ «Մենք հայտարարում ենք, որ ատոմային պատերազմում չեն կարող հաղթողներ լինել և այն երբեք չպետք է տեղի ունենա»,- ըստ Կրեմլի պաշտոնական կայքում տեղադրված հաղորդագրության, հայտարարել են հինգ երկրները, նշելով, որ իրենց միջուկային զենքերը չպետք է ուղղված լինեն միմյանց, ինչպես նաև այլ երկրների դեմ։ Նրանք նաև ընդգծել են, որ քանի դեռ միջուկային սպառազինությունները շարունակում են գոյություն ունենալ, նրանք պետք է ծառայեն պաշտպանական նպատակների՝ ագրեսիան զսպելու ու պատերազմները կանխելու համար։ Համատեղ հայտարարությունում 5 երկրները իրենց հավատարմությունն են հայտնել միջուկային զենքի չտարածման պայմանագրին։

19:19 - 03 հունվարի, 2022

Չինաստանում երկրաշարժի հետևանքով տուժածների թիվը հասել է 22-ի |factor.am|

factor.am: Չինաստանի Յունան հարավարևմտյան նահանգում այսօր 5,5 մագնիտուդով երկրաշարժ է գրանցվել։ Չինաստանի սեյսմոլոգիական կենտրոնի տեղեկություններով՝ ստորգետնյա ցնցումները գրանցվել են Լինցզյան քաղաքում։ Երկրաշարժի էպիկենտրոնը գտնվել է Նինլան գավառի տարածքում, օջախը գտնվել է 10 կմ խորության վրա: Չինաստանում երկրաշարժի հետևանքով տուժածների թիվը հասել է 22-ի, հայտնել է տարածաշրջանի սեյսմոլոգիական վարչությունը: Ավելի վաղ իշխանությունները հայտնել էին 15 տուժածների մասին։ Բժիշկները տուժածների առողջական վիճակը գնահատել են ծանր: Նախնական տվյալներով՝ սեյսմիկ ակտիվությունը չի հանգեցրել բնակելի շենքերի ավերմանը և կարեւոր ենթակառուցվածքային օբյեկտների լուրջ վնասմանը: Դեպքի վայրում աշխատում են փրկարարները։ Պաշտոնական տվյալների համաձայն ՝ բարձր վտանգի գոտում է գտնվում 24 հազար մարդ։

18:49 - 02 հունվարի, 2022

Երևանի քաղաքապետն ու ՉԺՀ դեսպանն այցելել են նոր ավտոբուսների հավաքակայան

ՀՀ-ում Չինաստանի Ժողովրդական Հանրապետության արտակարգ և լիազոր դեսպան Ֆան Յոնգը Երևանի քաղաքապետ Հրաչյա Սարգսյանի հետ այցելել է Երևանի ավտոբուսների հավաքակայան, ծանոթացել նոր ավտոբուսների հարմարություններին: Քաղաքապետն ու դեսպանն ավտոբուսով պտույտ են կատարել հավաքակայանում: Այս մասին հայտնում է Երևանի քաղաքապետարանը: Շնորհակալություն հայտնելով աշխատանքային այցի համար՝ քաղաքապետ Հրաչյա Սարգսյանը կարևորել է երկուստեք փոխգործակցության ընդլայնումն ու համատեղ ծրագրերի իրականացումը:ՉԺՀ դեսպանն իր հերթին շնորհակալություն հայտնելով համագործակցությունն ընդլայնելու պատրաստակամության համար՝ նկատել է, որ առողջ և կայուն կերպով զարգացող երկուստեք հարաբերությունները նոր նախաձեռնությունների լավ հնարավորություն են: «Հուսով եմ՝ մեր համագործակցությունը կլինի երկարատև, որպեսզի մենք ավելի շատ տեխնիկա, այս դեպքում ավտոբուսներ բերենք Երևան: Այս ավտոբուսները շահագործվում են նաև Չինաստանում, որևէ տարբերություն չկա թե՛ գունային առումով, թե՛ կառավարման տեսանկյունից, կարծում եմ՝ շատ հարմար են: Համագործակցության ընդլայնման մեր պատրաստակամությունը հայտնեցի պարոն քաղաքապետին, որպեսզի հետագայում նոր տեխնիկա կարողանանք բերել Հայաստան, Երևան, որպեսզի բնակիչների կյանքն ավելի հեշտացնենք և հարմարավետ դարձնենք»,- նշել է դեսպանը: Դեսպան Ֆան Յոնգին ներկայացնելով տրանսպորտային համակարգի բարեփոխումների ընթացքը՝ քաղաքապետ Հրաչյա Սարգսյանը նշել է, որ տարբեր ուղղություններով ցուցաբերվելու է համալիր մոտեցում: «Երթևեկության կազմակերպումը, լուսացույցների սպասարկումը, որպես պատվիրակված լիազորություն, անցնելու է Երևան համայնքին, այս պահի դրությամբ քննարկում ենք որպեսզի նաև խելացի լուսացույցներ ունենանք Երևանում: Միայն ավտոբուսների ձեռքբերմամբ հնարավոր չէ տրանսպորտի հարցը լուծել մայրաքաղաքում, և այդ համատեքստում մենք ունենալու ենք նաև կառավարման կենտրոն, որը հնարավորություն է տալու ժամանակակից միջոցներով վերահսկողություն իրականացնել հանրային տրանսպորտի նկատմամբ, որպեսզի ավելի մատչելի և հասանելի դարձնենք քաղաքացիների սպասարկումն ու կարողանանք որակյալ ծառայություններ մատուցել»,-նշել է քաղաքապետը:

17:18 - 29 դեկտեմբերի, 2021

Էդուարդ Աղաջանյանը և ՀՀ-ում Չինաստանի դեսպանը քննարկել են տարբեր ոլորտներում համագործակցության հեռանկարները

ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը դեկտեմբերի 21-ին հանդիպել է Հայաստանում Չինաստանի Ժողովրդական Հանրապետության արտակարգ եւ լիազոր դեսպան Ֆան Յոնգի հետ: Այս մասին հայտնում են ՀՀ ազգային ժողովից: Էդուարդ Աղաջանյանը կարեւորել է երկու երկրների խորհրդարանականների շփումները, բարեկամական խմբերի միջեւ համագործակցությունը, խոսել երկկողմ հարաբերություններում առկա ներուժի իրացման եւ մի շարք ոլորտներում փոխգործակցության զարգացման անհրաժեշտությունից: Հանձնաժողովի նախագահի խոսքով` դիվանագիտական հարաբերությունների հաստատումից ի վեր Հայաստանի եւ Չինաստանի միջեւ կապերը դրական զարգացում են ապրել: Դեսպանն ընդգծել է, որ անհրաժեշտ է էլ ավելի խորացնել երկկողմ համագործակցությունը եւ այդ հարցում աջակցելու պատրաստակամություն է հայտնել: Անդրադարձ է եղել զբոսաշրջության, ենթակառուցվածքների, կրթության, մշակույթի եւ այլ ոլորտներում համագործակցության հեռանկարներին: Կողմերը փոխշահավետ ծրագրեր իրականացնելու պատրաստակամություն են հայտնել:

18:58 - 21 դեկտեմբերի, 2021

Արմեն Սարգսյանն ու Չինաստանի դեսպանն անդրադարձել են տարածաշրջանային անվտանգության ու կայունության հարցերին

Հանրապետության նախագահի լրատվական ծառայությունը տեղեկացնում է, որ Արմեն Սարգսյանն այսօր հանդիպում է ունեցել Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ֆան Յունի հետ: Հանդիպմանը նախագահ Սարգսյանն ու դեսպանը մտքեր են փոխանակվել հայ-չինական երկկողմ հարաբերությունների օրակարգի, համագործակցության հեռանկարային ուղղությունների և տարբեր ոլորտներում փոխգործակցությունը խորացնելու հնարավորությունների շուրջ: Անդրադարձ է եղել նաև տարածաշրջանային անվտանգության ու կայունության հարցերին:

22:27 - 16 դեկտեմբերի, 2021

Արմեն Սարգսյանը հանդիպել է Հայաստանում Չինաստանի դեսպան Ֆան Յունի հետ

Հանրապետության նախագահ Արմեն Սարգսյանը դեկտեմբերի 16-ին հանդիպել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ֆան Յունի հետ: Ինչպես տեղեկացնում են ՀՀ նախագահի աշխատակազմից, հանդիպմանը նախագահ Սարգսյանն ու դեսպանը մտքեր են փոխանակվել հայ-չինական երկկողմ հարաբերությունների օրակարգի, համագործակցության հեռանկարային ուղղությունների և տարբեր ոլորտներում փոխգործակցությունը խորացնելու հնարավորությունների շուրջ: Անդրադարձ է եղել նաև տարածաշրջանային անվտանգության ու կայունության հարցերին։

12:12 - 16 դեկտեմբերի, 2021

Պուտինը եւ Սի Ծինպինը առցանց բանակցություններ են անցկացրել |armenpress.am|

armenpress.am։ Ռուսաստանի նախագահ Վլադիմիր Պուտինը եւ Չինաստանի ղեկավար Սի Ծինպինը շփվել են տեսակապով: Խոսակցությունը տեւել Է մեկուկես ժամ: Զրույցի բաց մասում Ռուսաստանի եւ Չինաստանի ղեկավարները քննարկել են երկկողմ երկխոսությունը եւ անցողակի արծարծվել Է միջազգային օրակարգը: «Ուրախ եմ Ձեզ հետ ուղիղ կապի դուրս գալու հնարավորության համար: «…» (Մեր) հարաբերությունները համարում եմ քսանմեկերորդ դարում միջպետական համագործակցության իսկական օրինակ»,- հանդիպման սկզբում ասել Է Պուտինը: ՉԺՀ-ի ղեկավարն իր հերթին շնորհակալություն Է հայտնել Ռուսաստանի նախագահին Մոսկվայի եւ Պեկինի միջեւ սեպ խրելու փորձերին դիմակայելու համար, ինչպես նաեւ նշել Է համատեղ նախագծերի թվի ավելացումն ու ապրանքաշրջանառության աճը: «Այս տարվա հունվար-նոյեմբերին ապրանքաշրջանառությունն ավելացել Է 31 տոկոսով՝ հասնելով 123 միլիարդ դոլարի: Արդեն գերազանցվել են 2019 թվականի նախահամավարակային ռեկորդային ցուցանիշները: Ոչ հեռավոր ապագայում, ինչպես եւ պայմանավորվել ենք, կհաղթահարենք 200 միլիարդի սահմանագիծը»,-համաձայնել Է Պուտինը: Բացի այդ, նա Չինաստանը համարել Է ռուսաստանյան «Սպուտնիկ V» եւ «Սպուտնիկ Լայթ» պատվաստանյութերի արտադրության միջազգային կենտրոն. ավելի քան 150 միլիոն չափաբաժին պատվաստանյութի թողարկման պարտավորագրեր են ստորագրվել չինական վեց արտադրողների հետ: Կողմերը հույս են հայտնել, որ փետրվարին անձնական հանդիպում կունենան եւ համատեղ կմասնակցեն Պեկինի ձմեռային Օլիմպիական խաղերի բացման արարողությանը: Ներածական խոսքից հետո բանակցությունները շարունակվել են փակ ռեժիմով, հաղորդել Է ՌԻԱ Նովոստին:

14:51 - 15 դեկտեմբերի, 2021

Տասնյակ մարդիկ են արգելափակվել Հոնկոնգի առևտրի կենտրոններից մեկում՝ հրդեհի պատճառով |tert.am|

tert.am: Հոնկոնգի առևտրի կետրոններից մեկում ուժեղ հրդեհ է բռնկվել, ինչի հետևանքով տասնյակ մարդիկ են արգելափակվել շենքում:Ինչպես հայտնում է South China Morning Post-ը, կրակը բռնկվել է տեղի ժամանակով 12:30-ի սահմանում (երևանյան 08:30), երբ շատերն առևտրի կենտրոն են այցելում ոչ միայն գնումներ անելու, այլև ընդմիջելու: Նշվում է, որ հրդեհի պատճառող արգելափակման մեջ են հայտնվել հիմնականում խանութների և ռեստորանների այցելուները, ինչպես նաև աշխատակիցները:

10:57 - 15 դեկտեմբերի, 2021

Կրեմլը հայտնել է Պուտինի և Չինաստանի նախագահի բանակցությունների թեման |armenpress.am|

armenpress.am: ՌԴ նախագահ Վլադիմիր Պուտինի և Չինաստանի նախագահ Սի Ցզինպինի բանակցությունների թեման, որոնք կանցկացվեն դեկտեմբերի 15-ին առցանց տարբերակով, կլինի երկու երկրների միջև համագործակցության զարգացումն ապագայում։ Այս մասին գրում է «ՌԻԱ Նովոստի»-ին՝ հղում անելով Կրեմլի մամուլի ծառայությանը։ «Կամփոփվեն 2021 թվականին ռուս-չինական համապարփակ ռազմավարական գործընկերության զարգացման ուղղությամբ համատեղ աշխատանքի արդյունքները և կքննարկվեն հետագա համագործակցության առաջնահերթությունները»,- ասվում է հաղորդագրության մեջ։ Բացի այդ, երկու երկրների ղեկավարները կքննարկեն արդիական գլոբալ և տարածաշրջանային հարցեր։ Ավելի վաղ Չինաստանի ԱԳՆ-ն հայտարարել էր, որ գագաթնաժողովը կամրապնդի Պեկինի և Մոսկվայի միջև փոխվստահությունը և «կայունություն և դրական էներգիա կբերի միջազգային քաոսային իրավիճակին»։ Քաղաքական գործիչների նախորդ հանդիպումը նույնպես առցանց էր։ Այն տեղի ունեցավ հունիսի 28-ին և համընկավ բարիդրացիության, բարեկամության և համագործակցության մասին ռուս-չինական պայմանագրի ստորագրման 20-ամյակի հետ։

20:34 - 13 դեկտեմբերի, 2021

Ավստրալիան միացել է Չինաստանի Օլիմպիական խաղերի դիվանագիտական բոյկոտին, Մեծ Բրիտանիան դեռ մտածում է |1lurer.am|

1lurer.am: Ավստրալիան միացել է Չինաստանի Օլիմպիական խաղերի դիվանագիտական բոյկոտին։ Այս մասին հայտարարել է Ավստրալիայի վարչապետ Սքոթ Մորիսոնը՝ հայտնում է The Sydney Morning Herald-ը։ Նրա խոսքով՝ Ավստրալիայի իշխանության ներկայացուցիչները Պեկին չեն մեկնի, սակայն ավստրալացի մարզիկները ներկա կլինեն միջազգային մրցումներին։ Խաղերը կանցկացվեն 2022 թվականի փետրվարի 4-ից 20-ը։ Ավելի վաղ Սպիտակ տունը հայտնել էր, որ ԱՄՆ ղեկավարությունը չի մեկնի Օլիմպիական խաղերին, բայց ամերիկացի մարզիկներին թույլատրվել է ինքնուրույն որոշումներ կայացնել խաղերին մասնակցելու վերաբերյալ։ Չինաստանի Օլիմպիական խաղերին դիվանագիտական բոյկոտ է հայտարարել նաև Նոր Զելանդիան, իսկ Մեծ Բրիտանիան վերջնական որոշում դեռ չի կայացրել: Այդ մասին չորեքշաբթի հայտնել է Telegraph թերթը՝ վկայակոչելով վարչապետ Բորիս Ջոնսոնի վարչակազմի ներկայացուցիչներին: Ըստ պարբերականի, քննարկվող տարբերակներից մեկը նախարարների և այլ պաշտոնյաների՝ Պեկին մեկնելուց հրաժարվելն է, սակայն երկիրը կարող է պաշտոնապես ներկայացնել Չինաստանում Մեծ Բրիտանիայի դեսպան Քերոլայն Ուիլսոնը։ Օլիմպիական խաղերի դիվանագիտական բոյկոտի հարցում Միջազգային օլիմպիական կոմիտեն (ՄՕԿ) որոշել է քաղաքական չեզոքություն պահպանել։ ՄՕԿ-ը բացատրել է, որ խաղերին պետական պաշտոնյաների և դիվանագետների ներկայությունը կամ բացակայությունը յուրաքանչյուր երկրի ներքին խնդիրն է:

12:11 - 08 դեկտեմբերի, 2021