Ուկրաինա

Ուկրաինան գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Զելենսկին խոստացել Է ՆԱՏՕ-ին անդամակցելու շուրջ հանրաքվե անցկացնել, «երբ ուկրաինացիները պատրաստ լինեն» |armenpress.am|

armenpress.am: Ուկրաինայի նախագահ Վլադիմիր Զելենսկին խոստացել Է ՆԱՏՕ-ին երկրի անդամակցության հարցը հանրաքվեի դնել, երբ ուկրաինացիները դրան պատրաստ կլինեն:«Մենք պետք Է յուրաքանչյուր ուկրաինացու պատմենք, թե ինչ Է ՆԱՏՕ-ն, որ դա այնքան Էլ սարսափելի չԷ: Երբ բոլոր ուկրաինացիները պատրաստ լինեն, մենք անպայմանորեն այդ հարցը կառաջադրենք հանրաքվեի, եւ Ուկրաինան անպայմանորեն կլինի ՆԱՏՕ-ում»,-ասել Է նա «1+1» հեռուստաալիքին տված հարցազրույցում՝ պաշտոնական այցով գտնվելով Բրյուսելում:Զելենսկին ընդգծել Է, որ ՆԱՏՕ-ին եւ ԵՄ-ին անդամակցությունը Ուկրաինայի ռազմավարական ուղեգիծն Է, որն ամրագրված Է երկրի Սահմանադրությամբ: «Դա մեր ընտրությունն Է եւ մեր ուղեգիծը: Ես միշտ ասել եմ, որ մեր կուրսը Եվրոպային անդամագրվելն Է, դա ամրագրված Է Ուկրաինայի Սահմանադրությամբ: Իսկ կուրսը դեպի ՆԱՏՕ՝ ամենից առաջ Ուկրաինայի անվտանգությունն Է եւ մեր բանակի մակարդակը»,-հավելել Է նա, հաղորդել Է ՏԱՍՍ-ը:

09:43 - 05 հունիսի, 2019

Զելենսկին հայտարարել է, թե պատրաստ է բանակցել Ռուսաստանի հետ |azatutyun.am|

azatutyun.am։ Ուկրաինայի նորընտիր նախագահը հայտարարել է, թե պատրաստ է բանակցել Ռուսաստանի հետ, միաժամանակ ընդգծել՝ Կիևը շարունակելու է քայլել Եվրամիությանն ու ՆԱՏՕ-ին անդամակցելու ուղղությամբ:Վլադիմիր Զելենսկին երկրորդ օրն է՝ բանակցություններ է անցկացնում Բրյուսելում։ Սա նրա առաջին արտասահմանյան այցն է նախագահի պաշտոնը ստանձնելուց հետո:«Մենք պատրաստ ենք բանակցել և իրագործել մինսկյան պայմանավորվածությունները, սակայն, նախ պետք է կարողանանք պաշտպանել ինքներս մեզ և հզորացնել մեր տնտեսական, քաղաքական ու ռազմական կարողությունները», - հայտարարել է Զելենսկին՝ ՆԱՏՕ-ի գլխավոր քարտուղարի հետ համատեղ ասուլիսում:

09:32 - 05 հունիսի, 2019

Ուկրաինայում ՌԴ անձնագիր ստացողների գույքի առգրավման մասին օրենք կարող են ընդունել |panarmenian.net|

panarmenian.net։ Ուկրաինայի Գերագույն ռադայում մի օրինագիծ է դրվել շրջանառության մեջ, որի համաձայն Ուկրաինայի այն քաղաքացիների ունեցվածքը, որոնք կամավոր ՌԴ քաղաքացիություն են ստացել, կարող է առգրավվել:«Ունեցվածքի քաղաքացիական առգրավման մասին» օրինագիծը մասնավորապես վերաբերում է Դոնեցկի և Լուգանսկի շրջանների բնակչությանը:Փաստաթղթի հեղինակն է Ուկրաինայի առողջապահության նախկին նախարար Օլեգ Մուսիյը: Այն շրջանառության մեջ է դրվել հունիսի 4-ին, սակայն դրա ամբողջական տեքստը դեռևս հասանելի չէ ընթերցման համար, գրում է Deutsche Welle-ն:Մեկնաբանելով այդ օրինագիծը, ինքնահռչակ Դոնեցկի ժողովրդական հանրապետության մարդու իրավունքների լիազոր Դարյա Մորոզովան նշել է, որ Ուկրաինայի սահմանադրությունը երաշխավորում է իր սեփականությունն ունենալու, օգտագործելու և տնօրինելու յուրաքանչյուր անձի իրավունքը:«Ուկրաինայի գլխավոր օրենքը սահմանում է, որ մասնավոր սեփականության իրավունքի սուբյեկտ կարող է լինել յուրաքանչյուրը, ինչը նշանակում է յուրաքանչյուր մարդ, ֆիզիկական անձ, որոնց դասվում են Ուկրաինայի քաղաքացիները, օտար պետությունների քաղաքացիները, քաղաքացիություն չունեցող անձինք,-ասել է մարդու իրավունքների պաշտպանը:

09:05 - 05 հունիսի, 2019

Կլիչկոն առաջարկել է Սաակաշվիլիին դառնալ իր ղեկավարած ՈւԴԱՐ կուսակցության նախագահը |tert.am|

tert.am։ Ուկրաինայի ՈւԴԱՐ կուսակցության առաջնորդ, Կիևի քաղաքապետ Վիտալի Կլիչկոն առաջարկել է Օդեսայի նախկին նահանգապետ Միխեիլ Սաակաշվիլին Վերին Ռադայի արտահերթ ընտրություններին մասնակցել իր կուսակցության կազմում, հաղորդում է ТАСС-ը: «Ես լսեցի, որ Սաակաշվիլիի քաղաքական ուժի համար խոչընդոտներ են ստեղծել ընտրություններին մասնակցելու համար, ուստի ես պատրաստ եմ աջակցել նրան», - հայտարարել է Կլիչկոն ֆեյսբուքյան էջում:Նա համոզմունք է հայտնել, որ նման «միությունը» կարող է կրկնապատկել երկիրը բարեփոխելու ջանքերը: «ՈւԴԱՐ-ը մասնակցելու է արտահերթ խորհրդարանական ընտրություններին, և ես կոչ եմ անում մեր գործընկերներին միանալ մեզ: Ես մնում եմ կուսակցության առաջնորդը, իսկ Սաակաշվիլիին առաջարկում եմ դառնալ կուսակցության նախագահը»,- նշել է Կլիչկոն:

06:12 - 05 հունիսի, 2019

Ռադան հրաժարվեց քննարկել նախագահի իմպիչմենտի մասին Զելենսկու նախագիծը |armenpress.am|

armenpress.am: Գերագույն ռադան հրաժարվել Է քննարկել պետության ղեկավարի իմպիչմենտի մասին Ուկրաինայի նախագահ Վլադիմիր Զելենսկու օրինագիծը: Փաստաթուղթը խորհրդարանական նստաշրջանի օրակարգ մտցնելու օգտին քվեարկել Է 110 պատգամավոր՝ անհրաժեշտ առնվազն 226 ձայնի դեպքում:Զելենսկին նախագահի իմպիչմենտի մասին օրինագիծը Ռադային Էր հանձնել մայիսի 29-ին. դա նրա նախընտրական արշավի կետերից մեկն Էր, որոնց թվում Է նաեւ պատգամավորական անձեռնմխելիությունը հանելու եւ ապօրինաբար հարստանալու համար պատժելու վերաբերյալ օրենքը:Ուկրաինայի Սահմանադրության համաձայն, նախագահին կարող են իմպիչմենտ հայտարարել, եթե նա պետական դավաճանություն կամ այլ հանցագործություն Է կատարել: Ընթացակարգը ենթադրում Է Ռադայում ժամանակավոր հետաքննչական հանձնաժողովի ստեղծում, որի եզրակացությունները քննարկվում են խորհրդարանի նիստում: Այս հանձնաժողովի եզրակացության հիման վրա Ռադան սկզբում 226 ձայնով որոշում Է ընդունում նախագահին մեղադրանքներ առաջադրելու մասին, իսկ այնուհետեւ 300 ձայնով որոշում Է ընդունում իմպիչմենտի մասին՝ նախապես ստանալով Սահմանադրական դատարանի եզրակացությունը իմպիչմենտի անցկացված ընթացակարգի օրինականության մասին եւ Գերագույն դատարանի եզրակացությունն այն մասին, որ նախագահն իսկապես հանցագործություն Է կատարել, հաղորդել Է ՌԻԱ Նովոստին:

12:45 - 04 հունիսի, 2019

Վլադիմիր Կարապետյանը և Հրաչյա Թաշչյանը հանդիում են ունեցել ուկրաինական ԶԼՄ-ների և փորձագիտական շրջանակների ներկայացուցիչների հետ

Վարչապետի մամուլի քարտուղար Վլադիմիր Կարապետյանը և վարչապետի արտաքին քաղաքականության հարցերով օգնական Հրաչյա Թաշչյանը հանդիպում են ունեցել Հայաստան ժամանած ուկրաինական լրատվամիջոցների և փորձագիտական շրջանակների ներկայացուցիչների հետ: Հանդիպման ընթացքում Վլադիմիր Կարապետյանը և Հրաչյա Թաշչյանը ներկայացրել են Հայաստանում տեղի ունեցած ոչ բռնի, թավշյա հեղափոխության պատճառները, երկրում ստեղծված այն իրավիճակը, որը հանգեցրեց հեղափոխության, ինչպես նաև տեղի ունեցած իրադարձություններից հետո ծավալվող գործընթացները, արտաքին քաղաքական գերակայությունները և արմատական բարեփոխումների ընթացքը: ՀՀ վարչապետի մամուլի քարտուղարն ու օգնականը կարևորել են Հայաստանի և Ուկրաինայի միջև հարաբերությունների զարգացումն ու երկու երկրների փոխշահավետ գործակցությունը: Վլադիմիր Կարապետյանը և Հրաչյա Թաշչյանը պատասխանել են նաև ուկրաինացի լրագրողների և փորձագետների մի շարք հարցերի: Վարչապետի մամուլի քարտուղարը մի քանի լրատվամիջոցների հարցազրույց է տվել:

15:39 - 03 հունիսի, 2019

Զելենսկին Կուչմային Ուկրաինայի ներկայացուցիչ Է նշանակել Դոնբասի խնդրով շփման խմբում |armenpress.am|

armenpress.am: Ուկրաինայի նախագահ Վլադիմիր Զելենսկին Լեոնիդ Կուչմային Ուկրաինայի ներկայացուցիչ Է նշանակել Դոնբասի իրադրության կարգավորման խնդրով շփման խմբում:«Հունիսի 5-ին Մինսկում կայանալու Է շփման խմբի հերթական հանդիպումը՝ Ուկրաինայի կողմից Լեոնիդ Կուչմայի գլխավորությամբ»,-հայտնել Է նախագահը Կիեւում կայացած ճեպազրույցում: Զելենսկին հայտարարել Է, որ Կիեւը կոնկրետ առաջարկություններ եւ նոր լուծումներ ունի Դոնբասի վերաբերյալ: «Մենք իսկապես կոնկրետ առաջարկություններ եւ նոր լուծումներ ունենք Դոնբասի վերաբերյալ, բայց ոչ ոք Ուկրաինայի տարածքով եւ ինքնիշխանությամբ առեւտուր չի անելու»,-ասել Է նա, հաղորդել Է ՏԱՍՍ-ը:

13:34 - 03 հունիսի, 2019

Ցանկանում եմ լինել ուկրաինական քաղաքականության Սթիվ Ջոբսը․ Սաակաշվիլի |shantnews.am|

shantnews.am: Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին հայտարարել է, որ ցանկանում է ուկրաինական քաղաքականությունում լինել Սթիվ Ջոբս։ Ավելի վաղ Սաակաշվիլին հայտարարել էր, որ մտադիր չէ մասնակցել Գերագույն ռադայի արտահերթ ընտրություններին։«Ցանկանում եմ լինել ուկրաինական քաղաքականության Սթիվ Ջոբսը, մտքեր գեներացնել»,- նրա խոսքերն է մեջբերում ТСН-ը։Սաակաշվիլին հայտնել է, որ ցանկանում է Ուկրաինայում ստեղծել հարթակ նոր գաղափարների համար։ «Իմ հետևում կանգնած չէ ո՛չ Պետդեպարտամենտը, ո՛չ էլ Բրյուսելը։ Ես պարզապես ուսերիս վրա գլուխ ունեմ»,- ասել է նա։

05:55 - 03 հունիսի, 2019

Վլադիմիր Զելենսկին Վաշինգտոն այցելելու հրավեր է ստացել Դոնալդ Թրամփից |armenpress.am|

armenpress.am: Ուկրաինայի նորընտիր նախագահ Վլադիմիր Զելենսկին ԱՄՆ նախագահ Դոնալդ Թրամփից Վաշինգտոն այցելելու հրավեր է ստացել: Այս մասին հայտնել է Ուկրաինայի նախագահի աշխատակազմի մամուլի ծառայությունը: «Ուկրանիայի նախագահ Վլադիմիր Զելենսկին շնորհակալ է ԱՄՆ նախագահ Դոնալդ Թրամփին հրավերի համար»,- ասված է Ուկրանիայի նախագահի աշխատակազմի մամուլի ծառայության տարածած հաղորդագրության մեջ:

09:17 - 01 հունիսի, 2019

Ուկրաինացիների աչքերում հույս եմ տեսնում. Սաակաշվիլին կիսվել է իր տպավորություններով |tert.am|

tert.am: Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին, որը մի քանի տարվա բացակայությունից հետո կրկին վերադարձել է Կիև և ստացել Ուկրաինայի քաղաքացիություն, News One հեռուստաալիքի եթերում կիսվել է իր տպավորություններով, հաղորդում է Корреспондент-ը: «Կիևում գրեթե ոչինչ չի փոխվել, ես չգիտեմ՝ լավ է դա արդյոք. Չի փոխվել մարդկանց կենսամակարդակը, չեն փոխվել ենթակառուցվածքները, սակայն մարդկանց մեջ ես հույս եմ տեսնում»,- ասել է Սաակաշվիլին:

06:19 - 01 հունիսի, 2019

Զելենսկին անհրաժեշտ Է համարել Ռուսաստանի դեմ պատժամիջոցների շարունակումը |armenpress.am|

ԱՐՄԵՆՊՐԵՍ: Ուկրաինայի նախագահ Վլադիմիր Զելենսկին հայտարարել Է Ռուսաստանի դեմ պատժամիջոցները շարունակելու անհրաժեշտության մասին՝ մինչեւ «վերադարձվեն բռնազավթված ուկրաինական բոլոր տարածքները»: «Շնորհակալություն Ռուսաստանի դեմ պատժամիջոցների քաղաքականությանն աջակցելու համար եւ հուսով եմ, որ այն կշարունակվի, քանի դեռ ուկրաինական տարածքներն ամբողջությամբ չեն վերադարձվել»,-ասել Է Զելենսկին Շվեդիայի եւ Լեհաստանի արտաքին գործերի նախարարներ Մարգոտ Վալստրեմի եւ Յացեկ Չապուտովիչի հետ մայիսի 31-ին Կիեւում կայացած հանդիպմանը:Պետության ղեկավարը շնորհակալություն Է հայտնել Ուկրաինայի ինքնիշխանության ու տարածքային ամբողջականության պաշտպանության գործում եւ ուկրաինացի գերիների ազատման հարցում Լեհաստանի եւ Շվեդիայի կողմից ցուցաբերվող աջակցության համար: Նախագահը նաեւ ասել Է, որ կոռուպցիայի, աղքատության եւ տնտեսական լճացման դեմ պայքարը «երկրորդ ճակատն Է Ուկրաինայի համար», հաղորդել Է «Ինտերֆաքս»-ը:

13:34 - 31 մայիսի, 2019

Սահակաշվիլիի կուսակցությունը մտադիր է մասնակցել Ուկրաինայի Ռադայի ընտրություններին |PanARMENIAN.Net|

PanARMENIAN.Net - Միխայիլ Սահակաշվիլիի Նոր ուժերի կուսակցությունը մտադիր է մասնակցել Ուկրաինայի Գերագույն ռադայի արտահերթ ընտրություններին: Այդ մասին հայտնել է կուսակցության առաջնորդներից մեկը՝ Դավիթ Սակվարելիձեն:Սակվարելիձեն ճիշտ է համարել Ուկրաինայի նախագահ Վլադիմիր Զելենսկու որոշումն արտահերթ խորհրդարանական ընտրություններ անցկացնելու մասին: Ըստ նրա, գործող Գերագույն ռադայում «չկան ոչ կաոլիցիաներ, ոչ գաղափարներ, ոչ նորմալ մարդիկ, որոնք պատրաստ են ինչ-որ փոփոխությունների», գրում է «Վեդոմոստին»:Մայիսի 28-ին Զելենսկին հրամանագիր է ստորագրել, որով վերադարձրել է ուկրաինական քաղաքացիությունը Միխայիլ Սահակաշվիլիին, որից վերջինս զրկվել էր 2017-ին կեղծ տվյալներ ներկայացնելու պատճառով:Մայիսի 21-ին Զելենսկին ցրել է Գերագույն ռադան: Արտահերթ ընտրությունները կայանալու են հուլիսի 21-ին:

14:18 - 29 մայիսի, 2019

Սաակաշվիլիին հրաժարվել են ներառել Զելենսկիի թիմում |tert.am|

tert.am։ Ուկրաինական «Ժողովրդի ծառա» կուսակցության ղեկավար Դմիտրի Ռազումկովը հայտարարել է, որ Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին ամռանը կայանալիք արտահերթ խորհրդարանական ընտրություններում չի կարող ներառվել իրենց կուսակցական ցուցակում: Ինչպես նշում է 112.ua կայքը, Սաակաշվիլին չի կարող ընդգրկվել նորընտիր նախագահ Վլադիմիր Զելենսկիի թիմում, քանի որ նա տևական ժամանակ չի բնակվել Ուկրաինայի տարածքում: Ռազումկովը մանրամասնել է, որ վրացի քաղաքական գործիչն առհասարակ չի կարող ներառվել որևէ կուսակցության ցուցակում, քանի որ ըստ օրենսդրության՝ պետք է առնվազն հինգ տարի ապրած լիներ երկրի տարածքում: Վրաստանի նախկին նախագահը հավելել է, որ ինքը որևէ պաշտոնի չի հավակնում, սակայն պատրաստ է դատարանում պաշտպանել իր շահերը, ինչի համար էլ իրեն հարկավոր է երկիր մուտք գործել:

08:04 - 29 մայիսի, 2019

ԱՄՆ հատուկ բանագնացը օկուպացիա է անվանում Ռուսաստանի գործողությունները Ուկրաինայի արևելքում |azatutyun.am|

azatutyun.am: Ուկրաինայի հարցով Միացյալ Նահանգների հատուկ բանագնացը Ռուսաստանի գործողությունները Ուկրաինայի արևելքում անվանել է օկուպացիա և կոչ է արել Մոսկվային ի վերջո սկսել կատարել 2015 թվականի Մինսկի համաձայնագրով ստանձնած պարտավորությունները:Քուրթ Վոլքերը երեկ հանդիպել է լրագրողների հետ և խոսել է այն հեռանկարների մասին, որ Ուկրաինան ունի Վլադիմիր Զելենսկու նախագահ ընտրվելուց հետո։

06:42 - 29 մայիսի, 2019

Զելենսկին Սաակաշվիլիին վերադարձրել է Ուկրաինայի քաղաքացիությունը |tert.am|

tert.am։ Ուկրաինայի նախագահ Վլադիմիր Զելենսկին Օդեսայի նախկին նահանգապետ Միխեիլ Սաակաշվիլիին է վերադարձրել ուկրաինական քաղաքացիությունը: Ինչպես հայտնում է tvrain.ru-ն, այս մասին ասվում է Զելենսկիի պաշտոնական կայքում: Օրերս Վրաստանի 3-րդ նախագահ և Օդեսայի նախկին նահանգապետ Միխեիլ Սաակաշվիլին խնդրել էր Ուկրաինայի նորընտիր նախագահ Վլադիմիր Զելենսկիին վերականգնել Ուկրաինայի իր քաղաքացիությունը, քանի որ համոզված է՝ իրեն ապօրինաբար են զրկել դրանից: Վրաստանի նախկին նախագահը հավելել է, որ ինքը որևէ պաշտոնի չի հավակնում, սակայն պատրաստ է դատարանում պաշտպանել իր շահերը, ինչի համար էլ իրեն հարկավոր է երկիր մուտք գործել:

13:34 - 28 մայիսի, 2019

Զելենսկին նախագահի կարգավիճակում առաջին անգամ Դոնբաս է այցելել |tert.am|

tert.am: Ուկրաինայի նորընտիր նախագահ Վլադիմիր Զելենսկին երկրի ղեկավարի պաշտոնը ստանձնելուց հետո առաջին անգամ Դոնբաս է այցելել: Նա, մասնավորապես, եղել է Լուգանսկի մարզում, որտեղ ուսումնասիրել է զինվորական դիրքերը, շփվել ծառայողների հետ և լսել հրամանատարության զեկույցը:

06:37 - 28 մայիսի, 2019