Արա Բաբլոյան

Արա Սայենի Բաբլոյանը (մայիսի 5, 1947, Երեւան) ՀՀ ԱԺ նախկին նախագահն է (2017-2018), մանկական վիրաբույժ-ուրոլոգ, բժշկական գիտությունների դոկտոր (1987), պրոֆեսոր (1989)։

1965-1971 թթ․ սովորել է ԵՊԲԻ մանկաբուժական ֆակուլտետում։ 1970-ին աշխատել է թիվ 8 պոլիկլինիկայում, 1972-ին՝ Երեւանի թիվ 1 մանկական կլինիկական հիվանդանոցում՝ որպես մանկական վիրաբույժ եւ ուրոլոգ։ 1977թ, Լենինգրադում պաշտպանել է թեկնածուական թեզ, ընտրվել է ԵՊԲՀ-ի մանկական վիրաբուժության ամբիոնի ասիստենտ։ 1982թ․ նշանակվել է Երեւանի թիվ 3 մանկական կլինիկական հիվանդանոցի ուռոլոգիական բաժանմունքի վարիչ։ 1987-ին Լենինգրադի մանկաբուժության ինստիտուտում պաշտպանել է դոկտորական թեզ։ Նույն տարում դարձել է ԵՊԲՀ մանկական վիրաբուժության ամբիոնի դոցենտ, 1989-ին՝ պրոֆեսոր, իսկ 1997-2006թթ․՝ ամբիոնի վարիչ։ 1989թ․ անցել է երիկամի փոխպատվաստման մասնագիտացում Շվեյցարիայում եւ Բելգիայում։ 1990-ին մասնագիտացված ուռոնեֆրոլոգիայի եւ մանկական վիրաբուժության կենտրոն է հիմնադրել։
1991-1997թթ․ եղել է ՀՀ առողջապահության նախարար։ 2003-ին հիմնել է «Արաբկիր» բժշկական համալիր՝ երեխաների եւ դեռահասների առողջության ինստիտուտ։ 2006թ․ ընտրվել է ԵՊԲՀ մանկաբուժության եւ մանկական վիրաբուժության թիվ 1 ամբիոնի վարիչ։ 2007-ի մայիսի 12-ին եւ 2012թ․ մայիսի 6-ին ԱԺ պատգամավոր է ընտրվել համամասնական ընտրակարգով ՀՀԿ-ից, եղել է ԱԺ առողջապահության, սոցիալական եւ բնության պահպանության հարցերի մշտական հանձնաժողովի նախագահ։ 2017-ին կրկին ընտրվել է պատգամավոր ՀՀԿ ցուցակով։ 2017-2018թթ․ եղել է ԱԺ նախագահը։ 2019-ից դուրս է եկել ՀՀԿ-ից ու քաղաքականությունից։

2019 թվականի հոկտեմբերին Արա Բաբլոյանը ներգրավվել է ՍԴ լիազորություններին տիրանալու եւ պաշտոնեական կեղծիքի հետ կապված քրեական գործի մեջ որպես կասկածյալ։ Այնուհետեւ նրան մեղադրանք է առաջադրվել մի խումբ պաշտոնատար անձանց կողմից ՀՀ սահմանադրական դատարանի լիազորություններին տիրանալու, ինչպես նաեւ պաշտոնեական կեղծիք կատարելու համար եւ գործը մեղադրական եզրակացությամբ ուղարկվել է դատախազություն՝ մեղադրական եղրակացությունը հաստատելու համար։ Գործի նախաքննության նխատմամբ վերահսկողություն իրականացնող դատախազը չի հաստատել մեղադրական եզրակացությունը, եւ այն հետ է ուղարկվել Հատուկ Քննչական Ծառայություն՝ լրացուցիչ քննություն կատարելու համար։

Դատախազությունը նորից չի հաստատել Արա Բաբլոյանի և Արսեն Բաբայանի մեղադրանքը |hetq.am|

hetq.am: Դատախազությունը երկրորդ անգամ չի հաստատել Ազգային ժողովի նախկին նախագահ Արա Բաբլոյանի և աշխատակազմի նախկին ղեկավար Արսեն Բաբայանի մեղադրանքը:Դատախազության հանրային կապերի բաժնի պետ Արևիկ Խաչատրյանն ասաց, որ դատավարական հսկողություն իրականացնող դատախազը լրացուցիչ քննություն կատարելու համար գործը քննիչին վերադարձնելու մասին որոշում է կայացրել, անհրաժեշտ համարել լրացուցիչ նախաքննության ընթացքում քրեադատավարական օրենքով սահմանված կարգով փոփոխել մեղադրյալներին առաջադրված մեղադրանքը և նրանց առաջադրել նոր մեղադրանքներ։«Նախաքննության օրինականության նկատմամբ հսկողություն իրականցնող դատախազը կայացրել է ըստ մեղադրանքի՝ Արա Բ.-ի՝ Քրեական օրենսգրքի 300-րդ հոդվածի 1-ին մասով և 314-րդ հոդվածի 1-ին մասով, Արս. Բ.-ի՝ Քրեական օրենսգրքի 38-300-րդ հոդվածի 1-ին մասով և 314-րդ հոդվածի 1-ին մասով մեղադրական եզրակացությունը չհաստատելու և լրացուցիչ քննություն կատարելու համար քրեական գործը քննիչին վերադարձնելու մասին որոշում՝ նկատի ունենալով, որ ճիշտ չեն որակվել մեղադրյալների կատարած արարքները։Մասնավորապես՝ նախաքննությամբ ձեռք բերված փաստական տվյալներն առերևույթ վկայում են այն մասին, որ պաշտոնատար անձինք, պաշտոնեական դիրքը ծառայության շահերին հակառակ օգտագործելով չարաշահելով իրենց լիազորությունները, մինչև 2015թ. փոփոխություններով Սահմանադրության 7-րդ գլխի ուժի մեջ մտնելը իրենց կուսակցության ներկայացուցիչ Հրայր Թովմասյանին Սահմանադրական դատարանի նախագահի պաշտոնում նշանակելու և այդ պաշտոնում մինչև 65 տարեկան պաշտոնավարելու հնարավորությունն ապահովելու, այդ գործընթացը բնականոն ընթացակարգով իրականացնելու պատրանք ստեղծելու խմբային շահերից ելնելով, առերևույթ կատարելով պաշտոնեական կեղծիքներ, ղեկավարվելով տվյալ պահին ակնհայտ չգործող օրենսդրական կարգավորումներով, ընդունել են գործող Սահմանադրական դատարանի նախագահի հրաժարականը, ներկայացրել են Սահմանադրական դատարանի նախագահի պաշտոնում Հրայր Թովմասյանի թեկնածությունը և 2018թ. մարտի 21-ի հերթական նիստում վերջինս նշանակվել է Սահմանադրական դատարանի նախագահի պաշտոնում: Դրա հետևանքով էական վնաս է պատճառվել Սահմանադրական դատարանի օրինական շահերին: Արդյունքում կատարված արարքը ծանր հետևանքներ է առաջացրել ՀՀ օրինական շահերի համար՝ հանգեցնելով սահմանադրի՝ ՀՀ քաղաքացիների կամաարտահայտության չիրագործման: Վերջինս արտահայտվել է նրանում, որ 2015թ. Սահմանադրական փոփոխությունների հանրաքվեի արդյունքում ՀՀ քաղաքացիները ձևավորել են քվեարկության դրված նախագծի տեքստի 166-րդ հոդվածի 2-րդ մասով նախատեսված կարգով՝ Սահմանադրական դատարանի դատավորների կողմից, իրենց կազմից, առանց վերընտրվելու իրավունքով 6 տարի ժամկետով Սահմանադրական դատարանի նախագահ ընտրելու ընթացակարգով, Սահմանադրական դատարան ունենալու կամարտահայտություն՝ ունենալով այդ կարգավորմամբ ուժի մեջ մտնելուց հետո դրա իրագործման լեգիտիմ ակնկալիք, ինչն արհեստականորեն խոչընդոտվել, չի իրագործվել վերը նշված արարքի հետևանքով։Այսինքն՝ քրեական գործի նախաքննության ընթացքում ձեռքբերված ապացույցների բավարար համակցությամբ Արա Բ.-ի արաքը առերևույթ համապատասխանում է Քրեական օրենսգրքի 308-րդ հոդվածի 2-րդ մասով և 314-րդ հոդվածի 1-ին մասով նախատեսված հանցագործությունների, իսկ Արսեն Բաբայանի արարքը՝ ՀՀ քրեական օրենսգրքի 38-308-րդ հոդվածի 2-րդ մասով և 314-րդ հոդվածի 1-ին մասով նախատեսված հանցագործությունների հատկանիշներին»,-հայտնում են դատախազությունից:Հիշեցնենք, Բաբլոյանի և Բաբայանի գործով մեկ անգամ ևս նախաքննության ավարտ էր հայտարարվել և ՀՔԾ-ն այն դատարան ուղարկելու միջնորդությամբ ուղարկել էր դատախազություն, սակայն մեղադրանքը չէր հաստատվել, և գործն քւղարկվել էր լրացուցիչ նախաքննության: Ստացվում է, որ դատախազությունն արդեն երկրորդ անգամ չի հաստատում Բաբլոյանի և Բաբայանի մեղադրանքը:

15:54 - 10 փետրվարի, 2020