ՍԱՏՄ

Սննդամթերքի անվտանգության տեսչական մարմինն իրականացնում է սննդամթերքի անվտանգության եւ համապատասխանության գնահատման, անասնաբուժության եւ բուսասանիտարիայի բնագավառների պետական կարգավորումը, օրենքով, իսկ առանձին դեպքերում դեպքերում իրականացնում է նաեւ վերահսկողական գործառույթներ եւ կիրառում պատասխանատվության միջոցներ այդ բնագավառում` հանդես գալով Հայաստանի Հանրապետության անունից։ Այս կառույցը հիմնադրվել է 2018թ.-ին ՀՀ ԳՆ ՍԱՊԾ հիմքի վրա։ Տեսչական Մարմնի ղեկավարը Գեորգի Ավետիսյանն է։

Կասեցվել է Երևանի մանկապարտեզներից մեկի խոհանոցի գործունեությունը

Կասեցվել է Երևանի մանկապարտեզներից մեկի խոհանոցի գործունեությունը

ՀՀ սննդամթերքի անվտանգության տեսչական մարմնի Երևանի կենտրոնի տեսուչները, երեխաների զարգացման կենտրոնում արձանագրված թունավորման դեպքով պայմանավորված, ստուգում են իրականացրել «Սայադյան» ՍՊԸ-ում (Լիդեր Լենդ երեխաների զարգացման կենտրոն, ք. Երևան), որի ընթացքում կատարվել է նմուշառում «Կաթով խլոպիա» և «Թանապուր» արտադրատեսակներից և ներկայացվել լաբորատոր հետազոտության:   Փորձաքննությամբ արձանագրվել է, որ «Կաթով խլոպիա» արտադրատեսակի նմուշը՝ «ԱՑԽՄ» (աղիքային ցուպիկի խմբի մանրէներ), իսկ «Թանապուր» արտադրատեսակի նմուշը՝ ՄԱՖԱնՄՔ (մեզոֆիլ աէրոբ և ֆակուլտատիվ անաէրոբ մանրէներ) ցուցանիշներով չեն համապատասխանում Մաքսային Միության տեխնիկական կանոնակարգի պահանջներին և, համաձայն «Սննդամթերքի անվտանգության մասին» ՀՀ օրենքի, համարվում են վտանգավոր: Տեսչական մարմնի ղեկավարի որոշմամբ՝ «Սայադյան» ՍՊԸ գործունեության առանձին գործառույթը՝ «Կաթով խլոպիա» և «Թանապուր» արտադրատեսակների արտադրությունը, կասեցվել է, սահմանվել է հայտնաբերված խախտումները վերացնելու ժամկետ:
13:48 - 23 նոյեմբերի, 2023
ՍԱՏՄ-ն այս տարի ոչնչացրել է գրեթե 7606 տոննա վտանգավոր սննդամթերք

ՍԱՏՄ-ն այս տարի ոչնչացրել է գրեթե 7606 տոննա վտանգավոր սննդամթերք

Սննդամթերքի անվտանգության տեսչական մարմինը տեղեկացնում է, որ 2023 թվականի հունվարի 1-ից նոյեմբերի 10-ն ընկած ժամանակահատվածում ոչնչացրել է 7605456,1 կգ վտանգավոր սննդամթերք։ Երևանում ոչնչացվել է 5284198 կգ հրուշակեղեն,  46786 կգ մսամթերք,  264390 կգ կաթնամթերք, 725 կգ մանկական կեր, 2004744 կգ այլ սննդամթերք։ Կոտայքի մարզում ոչնչացվել է 18 կգ հրուշակեղեն, 21 կգ մսամթերք, 142 կգ կաթնամթերք,  494 կգ այլ սննդամթերք,  Արարատի մարզում ոչնչացվել է 3226 կգ կաթնամթերք, 5,5 կգ այլ սննդամթերք։ Շիրակի մարզում ոչնչացվել է 17,5 կգ հրուշակեղեն, 22 կգ մսամթերք, 136 կգ կաթնամթերք, 406 կգ այլ սննդամթերք,  Գեղարքունիքի մարզում ոչնչացվել է 3 կգ հրուշակեղեն, 2 կգ կաթնամթերք, 30 կգ մսամթերք։ Վայոց Ձորի մարզում ոչնչացվել է 3 կգ այլ սննդամթերք, 17 կգ կաթնամթերք,  Լոռու մարզում ոչնչացվել է 2,6 կգ այլ սննդամթերք, 5,5 կգ մսամթերք, Արագածոտնի մարզում՝ 62 կգ այլ սննդամթերք։ Վտանգավոր սննդամթերքը ոչնչացվել է և՛ տնտեսավարողների դիմումների հիման վրա, և՛ վերահսկողական միջոցառումների արդյունքում։ «Սննդամթերքի անվտանգության մասին» օրենքի 7-րդ հոդվածի 1-ին մասի համաձայն՝ սննդամթերքը համարվում է վտանգավոր, եթե չի համապատասխանում սննդամթերքի անվտանգության ոլորտի իրավական ակտերով սահմանված անվտանգության և սննդամթերքի հիգիենային ներկայացվող պահանջներին, չունի անվտանգությունը հավաստող փաստաթուղթ կամ պիտանիության ժամկետն անցել է:
13:21 - 17 նոյեմբերի, 2023
ՍԱՏՄ ղեկավարի տեղակալը ձուկ-ձկնամթերք արտահանողների հետ քննարկել է ոլորտի խնդիրները

ՍԱՏՄ ղեկավարի տեղակալը ձուկ-ձկնամթերք արտահանողների հետ քննարկել է ոլորտի խնդիրները

Ձկան արտահանման ոլորտում առկա խնդիրների քննարկման նպատակով ՀՀ սննդամթերքի անվտանգության տեսչական մարմին էին հրավիրվել համապատասխան գործունեությամբ զբաղվող ընկերությունների ներկայացուցիչները՝ հայտնում են տեսչական մարմնից: Քննարկվել են ձկան արտահանման գործընթացներին ու փաստաթղթաշրջանառությանը, մասնավորապես՝ նմուշառման անասնաբուժական ենթահսկման բեռների համար տրվող՝ ձև 8 համապատասխանության տեղեկանքի տրամադրման գործընթացին, հանգստյան օրերին արտահանման կազմակերպմանը վերաբերող և այլ հարցեր։ Շեշտելով, որ ձկնարդյունաբերությունն այսօր Հայաստանի տնտեսության կայացած ճյուղերից է, տեսչական մարմնի ղեկավարի տեղակալ Վահագն Հարությունյանը վստահեցրել է՝ տեսչական մարմինը, որպես ոլորտը կարգավորող կառույց, անում է առավելագույնը արտահանման գործընթացը տնտեսավարողների համար հնարավորինս արագ ու անխոչընոտ կազմակերպելու համար: Ձուկ-ձկնամթերք արտահանող գործարարները խոսել են արտահանման ժամանակ առաջացող խնդիրների մասին, որոնց լուծման համար ակնկալվում է պետական միջամտություն՝ նաև արձանագրելով ՍԱՏՄ սահմանային տեսուչների պատշաճ, օրենսդրությանը համապատասխան աշխատանքն ու աջակցելու պատրաստակամությունը:
17:59 - 09 նոյեմբերի, 2023
Կապանում կասեցվել է հանրային սննդի օբյեկտի գործունեությունը

Կապանում կասեցվել է հանրային սննդի օբյեկտի գործունեությունը

ՀՀ ՍԱՏՄ-ից տեղեկացնում են, որ ՀՀ սննդամթերքի անվտանգության տեսչական մարմնի Սյունիքի մարզային կենտրոնի տեսուչներն անհատ ձեռնարկատեր Լիլիա Ասատրյանին պատկանող հանրային սննդի օբյեկտում իրականացրած ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (Սյունիքի մարզ, ք. Կապան):   Մասնավորապես՝   - հանրային սննդի օբյեկտն ապահովված չի եղել ձեռքերի լվացման համար նախատեսված լվացարաններով, ախտահանման միջոցներով, տաք և սառը ջրով, չորացման հիգիենիկ սարքերով.   - սննդի կառույցն ապահովված չի եղել լվացող և ախտահանող նյութերի՝ սննդամթերքից առանձնացված պահման տարածքով.   - հատակը չի ունեցել հարթ մակերես, խոհանոցի պատերի վրա առկա են եղել ճաքեր, պատրաստված չեն եղել անջրանցիկ, չներծծող, լվացվող նյութերից.   - խոհանոցի առաստաղն ունեցել է կեղտի կուտակման, գոլորշու խտացման, անցանկալի բորբոսների աճի և մասնիկների թափվելու հնարավորություն.   - պատուհանները չեն ունեցել հեշտությամբ բացվող և մաքրվող միջատապաշտպան ցանցեր.   - չի պահպանվել սննդամթերքի արտադրության գործընթացում օգտագործվող արտադրական շինությունների, տեխնոլոգիական սարքավորումների և գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականությունը.   - սննդամթերքի հետ շփվող աշխատակիցը չի ենթարկվել պարտադիր պարբերական բժշկական զննության.   - սննդամթերքի հետ անմիջական շփման մեջ գտնվող բոլոր սարքավորումները, գործիքները, պարագաները և բեռնարկղերը, աշխատանքային մակերևույթները ենթարկված չեն եղել պատշաճ մաքրման ու ախտահանման.   - սննդամթերքը պահպանվել է այլ տեսակի սննդամթերքի և ոչ սննդային արտադրանքի հետ՝ հանգեցնելով սննդամթերքի աղտոտմանը:   «Հանրային սննդի օբյեկտի արտադրական գործունեությունը կասեցվել է, սահմանվել ժամկետ հայտնաբերված խախտումները վերացնելու համար»,- ասված է հաղորդագրության մեջ:  
17:00 - 01 նոյեմբերի, 2023
Երևան-Սևան մայրուղում գտնվող հանրային սննդի օբյեկտի գործունեությունը կասեցվել է

Երևան-Սևան մայրուղում գտնվող հանրային սննդի օբյեկտի գործունեությունը կասեցվել է

ՀՀ սննդամթերքի անվտանգության տեսչական մարմնի Երևանի կենտրոնի տեսուչներն անհատ ձեռնարկատեր Գարեգին Անդրեասյանին պատկանող հանրային սննդի օբյեկտում իրականացրած ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (Կոտայքի մարզ, Երևան-Սևան մայրուղի): Այդ մասին հայտնում են ՍԱՏՄ-ից:   Մասնավորապես՝   - սննդի կառույցի հատակը, պատերը, առաստաղները և խոհանոցի դուռը չեն ունեցել հարթ մակերես, անջրանցիկ, չներծծվող շերտը եղել է վնասված, չի կանխարգելվել կեղտի կուտակումը, մասնիկների թափվելու հնարավորությունը. - աշխատանքային մակերևույթները, դարակաշարերը և աշխատասեղանները՝ ներառյալ սարքավորումների և հատկապես սննդամթերքի հետ անմիջական շփման մեջ գտնվողները, կառուցված են եղել հիգիենայի պահանջները չբավարարող նյութերից. - չի իրականացվել սննդամթերքի արտադրության գործընթացում օգտագործվող արտադրական շինությունների, տեխնոլոգիական սարքավորումների և գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականությունը:   Հանրային սննդի օբյեկտի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար:
12:34 - 17 հոկտեմբերի, 2023
Երևանում կասեցվել է հրուշակեղենի արտադրամասի գործունեությունը. ՍԱՏՄ

Երևանում կասեցվել է հրուշակեղենի արտադրամասի գործունեությունը. ՍԱՏՄ

ՀՀ սննդամթերքի անվտանգության տեսչական մարմնի Կոտայքի մարզային կենտրոնի տեսուչներն անհատ ձեռնարկատեր Աննա Բեգլարյանին պատկանող հրուշակեղենի արտադրամասում իրականացրած ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (ք. Երևան): Մասնավորապես՝   - սննդամթերքի հետ անմիջական շփման մեջ գտնվող սարքավորումները, գործիքներն ու պարագաները կառուցված չեն հիգիենայի պահանջները բավարարող նյութերից և չեն պահվում նորոգ և բարվոք վիճակում. - արտադրական շինությունը, որտեղ իրականացվում է սննդամթերքի արտադրությունը սարքավորված չէ մեխանիկական օդափոխության միջոցներով. - սանհանգույցի հատակի մակերևույթը պատրաստված չէ անջրանցիկ, լվացվող նյութերից, չի կանխարգելվում առաստաղից մասնիկների թափվելու հնարավորությունը. - սննդամթերքի հետ շփման մեջ գտնվող տեխնոլոգիական սարքավորումների և գույքի լվացման, մաքրման և ախտահանման աշխատանքներ կատարելու հնարավորություն չի եղել. - աշխատակիցները չեն ենթարկվել պարտադիր նախնական և պարբերական բժշկական զննությունների և չունեն սանիտարական գրքույկներ: Հրուշակեղենի արտադրամասի արտադրական գործունեությունը կասեցվել է, սահմանվել է ժամկետ՝ հայտնաբերված խախտումները վերացնելու համար:
18:39 - 18 սեպտեմբերի, 2023
Եղեգնաձորում երեխաներին կծած շան մոտ ախտորոշվել է կատաղություն հիվանդություն

Եղեգնաձորում երեխաներին կծած շան մոտ ախտորոշվել է կատաղություն հիվանդություն

ՀՀ սննդամթերքի անվտանգության տեսչական մարմնի Վայոց Ձորի մարզային կենտրոնի տեսուչները լաբորատոր փորձաքննության են ներկայացրել երեկ Եղեգնաձոր քաղաքում երեխաների կծած թափառող շանը, որը քնեցվել էր փրկարար ծառայության աշխատակիցների կողմից. քիչ առաջ պարզ են դարձան հետազոտության արդյունքները. շան մոտ ախտորոշվել է կատաղություն հիվանդությունը: Ինչպես տեղեկացնում են ՀՀ սննդամթերքի անվտանգության տեսչական մարմնից, երեխաները Երևանի բուժհաստատություններում ստացել են համապատասխան բժշկական օգնություն: Տեսչական մարմինը հորդորում է առավել զգոն լինել կենդանիների վարքի նկատմամբ. կատաղություն հիվանդության ժամանակ կենդանիները դառնում են անհանգիստ, ագրեսիվ, առաջանում է արտահայտված փրփրախառն քթարտադրություն, դժվարությամբ են սնունդ և ջուր ընդունում։ Տեսչական մարմինը հորդորում է առավել զգոն լինել կենդանիների վարքի նկատմամբ. կատաղություն հիվանդության ժամանակ կենդանիները դառնում են անհանգիստ, ագրեսիվ, առաջանում է արտահայտված փրփրախառն քթարտադրություն, դժվարությամբ են սնունդ և ջուր ընդունում։ Այդ հիվանդությամբ վարակվում են ոչ միայն թափառող և վայրի կենդանիները, այլև տան պայմաններում խնամված շներն և կատուները: Տնային կենդանիներին անհրաժեշտ է պարբերաբար պատվաստել, այդ թվում՝ կատաղության հիվանդության դեմ տարին 1 անգամ:
17:58 - 31 օգոստոսի, 2023
Եղեգնաձորում կաթնամթերքի արտադրամասի գործունեություն է կասեցվել

Եղեգնաձորում կաթնամթերքի արտադրամասի գործունեություն է կասեցվել

ՀՀ սննդամթերքի անվտանգության տեսչական մարմնի Վայոց ձորի մարզային կենտրոնի տեսուչների վերահսկողության արդյունքում իրավական ակտերով սահմանված սանիտարահիգիենիկ նորմերի խախտումներ են հայտնաբերվել անհատ ձեռնարկատեր Անահիտ Հակոբյանին պատկանող կաթնամթերքի արտադրամասում (Վայոց ձորի մարզ, ք. Եղեգնաձոր):   Մասնավորապես, արտադրական շինությունների պատերի մակերևույթները պատրաստված չեն անջրանցիկ, լվացվող, ախտահանվող նյութերից, առաստաղներն ապահով չեն, ինչը չի կանխարգելում կեղտի կուտակումը, բորբոսի առաջացումը և մասնիկների թափվելու հնարավորությունը, արտադրամասը չունի անձնակազմի համար հանդերձարան, լվացարան, ձեռքերի չորացման հիգիենիկ սարքեր:   Տեսչական մարմնի ղեկավարի որոշման համաձայն՝ կաթնամթերքի այդ արտադրամասի արտադրական գործունեությունը կասեցվել է, տրվել է հայտնաբերված խախտումները վերացնելու ժամկետ:  
16:22 - 22 օգոստոսի, 2023
Երևանի սուպերմարկետներից մեկում հայտնաբերված ժամկետանց բոլոր արտադրատեսակները տեղում ոչնչացվել են. ՍԱՏՄ

Երևանի սուպերմարկետներից մեկում հայտնաբերված ժամկետանց բոլոր արտադրատեսակները տեղում ոչնչացվել են. ՍԱՏՄ

ՀՀ սննդամթերքի անվտանգության տեսչական մարմնի՝ Ֆեյսբուք սոցիալական ցանցի պաշտոնական էջին քաղաքացին հաղորդագրություն էր թողել այն մասին, որ Երևանի Չեխովի 52 հասցեում գործող «Արև» սուպերմարկետում վաճառվում է ժամկետանց սննդամթերք, մասնավորապես հին, բորբոսնած երշիկեղեն, հաց, ժամկետանց հյութեր և այլն: «Արագ արձագանքելով հաղորդագրությունը՝ ՍԱՏՄ Երևանի Կենտրոնի տեսուչները դիտարկում են իրականացրել «Էրիռուս» ՍՊԸ-ին պատկանող նշված իրացման օբյեկտում և հայտնաբերել պիտանիության ժամկետն անցած արտադրատեսակներ՝ թեյ՝ 2 հատ, բաստուրմա՝ մոտ 2 կգ, եփած և ապխտած երշիկներ՝ մոտ 16 կգ ընդհանուր քաշով, վետչինա և սալ՝ ընդհանուր մոտ 2 կգ, Էներգետիկ ըմպելիք և հյութ՝ 4 հատ, պանիր՝ մոտ 3,5 կգ: Ժամկետանց բոլոր արտադրատեսակները տեղում ոչնչացվել են»,- ասված է ՍԱՏՄ հաղորդագրության մեջ:  
12:17 - 14 օգոստոսի, 2023
Կասեցվել է «ԻԳԻԹ» պանրի արտադրության առանձին գործառույթը

Կասեցվել է «ԻԳԻԹ» պանրի արտադրության առանձին գործառույթը

ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչները ստուգում են իրականացրել «ԻԳԻԹ» ՍՊԸ-ին պատկանող կաթնամթերքի արտադրամասում (Շիրակի մարզ, գյուղ Ազատան), որի ընթացքում իրականացվել է նմուշառում պանիր «Տիլզիտեր» արտադրատեսակից (արտադրված 15.06.2023 թվականին, խմբաքանակի չափը 20 կգ.) և ներկայացվել լաբորատոր հետազոտության: Այս մասին հայտնում են ՍԱՏՄ-ից: Փորձաքննությամբ արձանագրվել է, որ նշված արտադրատեսակի նմուշը «ԱՑԽՄ» (աղիքային ցուպիկի խմբի մանրէներ) ցուցանիշով չի համապատասխանում «Կաթի և կաթնամթերքի անվտանգության մասին» Մաքսային Միության տեխնիկական կանոնակարգի պահանջներին և, համաձայն  «Սննդամթերքի անվտանգության մասին» ՀՀ օրենքի, համարվում է վտանգավոր սննդամթերք: Տեսչական մարմնի ղեկավարի որոշմամբ՝ կասեցվել է «ԻԳԻԹ» ՍՊԸ պանրի արտադրության առանձին գործառույթը՝ «Տիլզիտեր» արտադրատեսակի արտադրությունը, մինչև հայտնաբերված խախտումները վերացնելը: Սահմանվել է ժամկետ:
11:58 - 04 օգոստոսի, 2023
Սահմանային վերահսկողության արդյունքում արգելվել է ՀՀ ներմուծել մի շարք երկրների սննդամթերքը

Սահմանային վերահսկողության արդյունքում արգելվել է ՀՀ ներմուծել մի շարք երկրների սննդամթերքը

Հուլիսին Սննդամթերքի անվտանգության տեսչական մարմնի սահմանային վերահսկողության արդյունքում, լաբորատոր անհամապատասխանության հիմքով, արգելվել է ՀՀ ներմուծել հետևյալ սննդամթերքը․ Լաբորատոր անհամապատասխանություն Հնդկաստան Գոմեշի միս՝ 51480 կգ, ախտածին մանրէներ, այդ թվում սալմոնելաներ ցուցանիշով  Դանիա Թռչնամիս՝ 26744 կգ, լիստերիա (Listeria monocytogenes) ցուցանիշով Ուկրաինա Թռչնամիս՝ 6565 կգ, ախտածին մանրէներ, այդ թվում սալմոնելաներ ցուցանիշով  Բրազիլիա Խոզի միս՝ 62072,43 կգ, որից 36580 կգ-ը ախտածին մանրէներ, այդ թվում սալմոնելաներ ցուցանիշով, իսկ  25492,43 կգ-ը լիստերիա (Listeria monocytogenes) ցուցանիշով։ Ուկրաինա Թռչնամիս՝ 482756 կգ, որից․ 4270 կգ՝ ախտածին մանրէներ, այդ թվում սալմոնելաներ ցուցանիշով ոչնչացվել է, 435 կգ՝ լիստերիա (Listeria monocytogenes) և ախտածին մանրէներ, այդ թվում սալմոնելաներ ցուցանիշով վերադարձվել է, 53291 կգ՝ լիստերիա (Listeria monocytogenes) ցուցանիշովվերադարձվել է, 365022 կգ՝ լիստերիա (Listeria monocytogenes) և խոնավության զանգվածային մաս ցուցանիշով չի թույլատրվել, 37016 կգ՝ խոնավության զանգվածային մաս, ցուցանիշով չի թույլատրվել, 2450 կգ՝ խոնավության զանգվածային մաս և ախտածին մանրէներ, այդ թվում սալմոնելաներ ցուցանիշով ոչնչացվել է, 20272 կգ՝ Խոնավության զանգվածային մաս, ՄԱՖԱնՄՔ և լիստերիա (Listeria monocytogenes) ցուցանիշով չի թույլատրվել Տավարի միս և ենթամթերք՝ 23110,7 կգ, լիստերիա (Listeria monocytogenes) ցուցանիշով չի թույլատրվել, որից 20000 կգ-ը պահեստային նմուշը եղել է վնասված։  ԱՄՆ Թռչնամիս՝ 852․58 կգ՝ խոնավության զանգվածային մաս ցուցանիշով ոչնչացվել է։ Բրազիլիա Թռչնամիս՝ 186365 կգ, որից․ 1850 կգ՝ լիստերիա (Listeria monocytogenes) և ախտածին մանրէներ, այդ թվում սալմոնելաներ ցուցանիշով ոչնչացվել է. 104010 կգ՝ խոնավության զանգվածային մաս, ցուցանիշով չի թույլատրվել, 55005 կգ՝ խոնավության զանգվածային մաս, լիստերիա (Listeria monocytogenes) և  ախտածին մանրէներ, այդ թվում սալմոնելաներ  ցուցանիշով վերադարձվել է.  25500 կգ՝  խոնավության զանգվածային մաս և ՄԱՖԱնՄՔ ցուցանիշով չի թույլատրվել: Գերմանիա Թռչնամիս՝ 51000 կգ՝ ախտածին մանրէներ, այդ թվում սալմոնելաներ ցուցանիշով վերադարձվել է։ Իրանի Իսլամական Հանրապետություն Կաթի փոշի՝ 21250 կգ, ՄԱՖԱնՄՔ ցուցանիշով չի թույլատրվել , Թռչնի ենթամթերք՝ 210000 կգ,  լիստերիա (Listeria monocytogenes) ցուցանիշով չի թույլատրվել, Կերակրի աղ յոդացված՝  15000 կգ, յոդի զանգվածամաս ցուցանիշով չի թույլատրվել   Հնդկաստան Գոմեշի միս՝ 26000 կգ, ՄԱՖԱնՄՔ և ախտածին մանրէներ, այդ թվում սալմոնելաներ  ցուցանիշով վերադարձվել է: Պակիստան Հիմալայան կերակրի աղ (Crystals)՝ 600 կգ, կալիումի ֆերոցիանիդ և յոդի զանգվածամաս ցուցանիշով ոչնչացվել է: Վրաստան Թռչնամիս՝ 119816,109 կգ, որից․ 622, 415 կգ՝ ախտածին մանրէներ, այդ թվում սալմոնելաներ  ցուցանիշով չի թույլատրվել,  53534,485 կգ՝ ախտածին մանրէներ, այդ թվում սալմոնելաներ  ցուցանիշով ոչնչացվել է, 3436,44 կգ՝ ախտածին մանրէներ, այդ թվում սալմոնելաներ  ցուցանիշով վերադարձվել է, 16134,79 կգ՝ լիստերիա (Listeria monocytogenes) և ախտածին մանրէներ, այդ թվում սալմոնելաներ  ցուցանիշով ոչնչացվել է, 6075,02 կգ՝ խոնավության զանգվածային մաս և ախտածին մանրէներ, այդ թվում սալմոնելաներ ցուցանիշով ոչնչացվել է, 40012, 959 կգ՝ խոնավության զանգվածային մաս և ախտածին մանրէներ, այդ թվում սալմոնելաներ ցուցանիշով վերադարձվել է։ Փաստաթղթային անհամապատասխանություն Ռուսաստանի Դաշնություն Թունաքիմիկատ՝ 10773.97 կգ, փաստաթղթերի անհամապատասխանություն, վերադարձ Իրանի Իսլամական Հանրապետություն Կաթնային սերուցք 50% ՝ 25000 կգ, թույլտվության բացակայություն, վերադարձ Խտացված կաթ՝ 19040 կգ, թույլտվության բացակայություն, վերադարձ Ինկուբացիոն ձու՝ 6740 կգ, թույլտվության բացակայություն, վերադարձ Արտահանող երկիրը՝ Վրաստան,  ծագման երկիրը՝  Թուրքիա Ծիրանենու, դեղձենու և նեկտարենու տնկիներ՝  21400 հատ, թույլտվության բացակայություն, վերադարձ։
15:31 - 02 օգոստոսի, 2023
Երեխաներին կծած շունը մեկուսացվել է․ փոքրիկներից մեկի վիճակը ծանր է, մյուսը դուրս է գրվել

Երեխաներին կծած շունը մեկուսացվել է․ փոքրիկներից մեկի վիճակը ծանր է, մյուսը դուրս է գրվել

Լոռու մարզի Սպիտակ համայնքում քաղաքացու շունը, պոկելով շղթան, հարձակվել է խաղացող երկու երեխաների վրա, պատճառել մարմնական բազմաթիվ  վնասվածքներ։ Երեխաները տեղեփոխվել են հիվանդանոց: Այս մասին հայտնում են ՍԱՏՄ-ից։ Դեպքի մասին տեղեկատվությունը ստանալուն պես՝ ՀՀ սննդամթերքի անվտանգության տեսչական մարմնի Լոռու մարզային կենտրոնի տեսուչները ձեռնարկել են անհրաժեշտ գործողություններ: Տեսչությունից հայտնում են, որ շունն անմիջապես մեկուսացվել է։ Ըստ սահմանված ընթացակարգերի՝ կենդանին կլինի ամենօրյա հսկողության տակ, և, վարքի փոփոխության, որոշակի հիվանդությունների, մասնավորապես՝ կատաղության, կլինիկական նշանների առկայության դեպքում, կձեռնարկվեն համապատասխան գործողություններ (շունը կքնեցվի և կտարվի լաբորատոր հետազոտության)։ Երեխաներից մեկի վիճակը գնահատվում է ծանր, մյուսին ցուցաբերվել  է անհրաժեշտ առաջին բուժօգնություն, որից հետո նա դուրս է գրվել հիվանդանոցից։
11:35 - 21 հուլիսի, 2023
ՍԱՏՄ-ն հորդորում է չօգտագործել անհայտ ծագման սնկեր

ՍԱՏՄ-ն հորդորում է չօգտագործել անհայտ ծագման սնկեր

Հաշվի առնելով վերջին շրջանում արձանագրված սնկից թունավորման դեպքերը՝ ՀՀ սննդամթերքի անվտանգության տեսչական մարմինը հորդորում է․ - զերծ մնալ անտառից, դաշտից ինքնուրույն հավաքած կամ փողոցներում վաճառվող սնկերի ձեռք բերումից, - չգնել սունկ՝ առանց փաթեթավորման, առանց հստակ տեղեկատվություն իմանալու դրա մասին, - չհավաքել սունկ, որն աճում է ավտոճանապարհների և երկաթգծերի մոտակայքում, քանի որ սունկն ունի թունավոր նյութեր կուտակելու հատկություն, - չգնել և չօգտագործել խառը, չտեսակավորված սունկ: Ցանկալի չէ նաև սնկի օգտագործումն ալկոհոլի հետ, քանի որ սպիրտը նպաստում է օրգանիզմում թույների արագ ներծծմանը: Սնկից թունավորման նախնական ախտանշաններն են աղեստամոքսային տրակտի խանգարումները՝ սրտխառնոց, փսխում, լուծ, ցավեր որովայնի շրջանում և գլխապտույտ: Մթերքն օգտագործելուց հետո նման խնդիրներ ծագելու դեպքում անհրաժեշտ է շտապ դիմել բժշկի: Իրազեկման համար առիթ են հանդիսացել արձանագրված ահազանգերը թունավորումների վերաբերյալ, որոնք եղել են անհայտ ծագման սնկերից։
16:39 - 26 հունիսի, 2023