Ֆինանսավարկային և բյուջետային հարցերի մշտական հանձնաժողով

Հանձնաժողովի գործունեության ոլորտներն են՝ բյուջետային օրենսդրություն, պետական բյուջե, փոխառություններ, վարկեր, դրամ, դրամաշրջանառություն, աուդիտ, հաշվեքննություն, բանկային համակարգ, ֆինանսական (դրամական, կապիտալի, վարկային, ապահովագրական եւ արժեթղթերի) շուկաներ եւ այդ ոլորտները կարգավորող օրենքներ։

ԱԺ Ֆինանսավարկային եւ բյուջետային հարցերի մշտական հանձնաժողովի նախագահն է «Լուսավոր Հայաստան» խմբակցության պատգամավոր Արկադի Խաչատրյանը։ Նախագահի տեղակալն է «Իմ քայլը»-ի պատգամավոր Արտակ Մանուկյանը։

Ֆինանսների նախարարը՝ կորոնավիրուսի դեմ պայքարի ծախսերի մասին |1lurer.am|

Ֆինանսների նախարարը՝ կորոնավիրուսի դեմ պայքարի ծախսերի մասին |1lurer.am|

1lurer.am: ՀՀ ֆինանսների նախարար Ատոմ Ջանջուղազյանն անդրադարձել է կորոնավիրուսի համավարակի դեմ պայքարի շրջանակներում իրականացված ծախսերի ծավալներին ու արդյունավետությանը: Նրա խոսքով՝ այդ ծախսերը եղել են բավարար չափով հիմնավոր ու համարժեք: «Մենք քանիցս առիթ ունեցել ենք անդրադառնալու ստեղծված իրավիճակին և դրանից բխող, ձևավորվող առաջարկներին։ Մեր կարծիքով՝ դրանք եղել են բավարար չափով հիմնավոր և իսկապես համարժեք տվյալ ժամանակահատվածի փոփոխված իրավիճակի պահանջներին»,- հայտարարեց նա ԱԺ ֆինանսավարկային և բյուջետային հարցերի մշտական հանձնաժողովի նիստում: Ըստ Ջանջուղազյանի, համեմատություններ կարող են արվել այլ երկրների, այլ միջոցառումների հետ: Նրա խոսքով՝ բոլոր դեպքերում պետք է հաշվի առնել, որ ՀՀ-ն ունի իր իրականությունը, կարգավորումները, գործունեության տրամաբանությունը։ «Վերադառնալով ֆինանսներին՝ պետք է ասեմ, որ մեր պատկերացմամբ՝ ոչ թե կոնկրետ միջոցառումների, այլ ծախսերի ընդհանուր մակարդակն ունեցել է կուռ տրամաբանություն՝ հանրային ֆինանսների կառավարման և հարկաբյուջետային քաղաքականության տեսակետից, ունեցել է հակացիկլիկ բնույթ։ Անխուսափելի էր այն պայմաններում, երբ ունեինք տնտեսական անկում, ակնկալել նույնքան եկամուտներ, ինչքան կանխատեսված էին, հետևաբար դա հանգեցրել է թե դեֆիցիտի՝ սկզբնական ծրագրից շեղվող մեծության, թե դրանով պայմանավորված՝ պետական պարտքի՝ սկզբնական ծրագրերից շեղվող մեծության»,- հայտարարեց Ջանջուղազյանը։ Նախարարը վստահեցրեց՝ անցած տարի անորոշության աստիճանը մեծ էր, այսօր էլ գործում են անորոշության բարձր աստիճանի պայմաններում՝ կապված համավարակի ու դրա հետևանքների հետ։ «Ինչպես 2019-ին չէինք կարող կանխատեսել, այնպես էլ 2020-ին, խոշոր հաշվով, չէինք կարող կանխատեսել․ երբ ներկայացնում էինք բյուջեի նախագիծը, ունեինք սպասում, որ արդեն սկսված է լինելու վերականգնման գործընթաց»,- հայտարարեց նախարարը:
13:26 - 06 ապրիլի, 2021
Նախատեսվում է ներդնել բանկային հաշիվների կենտրոնացված ռեեստր |armenpress.am|

Նախատեսվում է ներդնել բանկային հաշիվների կենտրոնացված ռեեստր |armenpress.am|

armenpress.am: Հայաստանում  նախատեսվում է ներդնել բանկային հաշիվների կենտրոնացված ռեեստր, որի նպատակներից է փողերի լվացման ու ահաբեկչության ֆինանսավորման դեմ պայքարը դարձնել ավելի արդյունավետ: Կառավարության ներկայացրած «Հայաստանի Հանրապետության կենտրոնական բանկի մասին» Հայաստանի Հանրապետության օրենքում լրացում կատարելու մասին օրենքի նախագիծը հավանություն ստացավ ԱԺ ֆինանսավարկային և բյուջետային հարցերի մշտական հանձնաժողովի նիստում: «Փոփոխությունը վերաբերում է ՀՀ-ում բանկային հաշիվների կենտրոնացված ռեեստրի ներդրմանը, այդ ռեեստրում ներառված տեղեկատվության բովանդակությանը և ԿԲ-ի խորհրդի լիազորություններին՝ սահմանել ռեեստրի վարման կարգը, ներառման ենթակա նույնականացման տեղեկությունների ցանկը, տեղեկությունների, այդ թվում հաշվետվությունների տեսքով տրամադրման կարգը և ժամկետները»,- ասաց ԿԲ նախագահի տեղակալ Ներսես Երիցյանը: Նրա վստահեցմամբ՝ փոփոխությունը բխում է նաև փողերի լվացման և ահաբեկչության ֆինանսավորման դեմ պայքարի ընդհանուր ստանդարտներից ու կանոններից: Այն միտված է փողերի լվացման և ահաբեկչության դեմ պայքարի հետ կապված ընթացակարգերի բարելավման և արդյունավետության բարձրացմանը: Կենտրոնացված ռեեստրը թույլ է տալու հետագայում  նաև զարգացնել տարբեր նորարարական  գաղափարներ՝ կապված քաղաքացիների հաշիվների ավտոմատացաման, հետագայում նաև թվային արժույթի ներդրման հարցում: «Ըստ էության, կենտրոնացված տվյալների բազա է լինում հաշիվների վերաբերյալ: Փողերի լվացման, ահաբեկչության ֆինանսավորման դեմ պայքարի տեսակետից արդյունավետությունը կայանում է նրանում, որ տարբեր տեսակի վերլուծությունների և իրավապահ մարմինների հետ հաղորդակցության ժամանակ կասկածի կամ գործողության առարկա չդառնան բոլոր հաշիվներն ու բանկերը, այլ այդ ռեեստրի միջոցով ուղղակի սելեկտիվ այն հաշիվները հավաքագրվեն, որոնք խնդրո առարկա են, և դրանց հետ կապված իրականացնեն գործողություններ»,-ասաց ԿԲ նախագահի տեղակալը: Նա վստահեցրեց, որ սկզբնական մնացորդի, ընթացիկ շարժերի, վերջնական մնացորդի վերաբերյալ տեղեկատվություն չի հավաքագրվելու և չի պահվելու: Ռեսստերը ստեղծվելու է ԿԲ-ում:
11:59 - 06 ապրիլի, 2021
Սոցաջակցություն ստացող սահմանամերձ համայնքների ցանկում ավելանում է ևս 30 բնակավայր |armenpress.am|

Սոցաջակցություն ստացող սահմանամերձ համայնքների ցանկում ավելանում է ևս 30 բնակավայր |armenpress.am|

armenpress.am: Հայաստանում սոցիալական աջակցություն ստացող սահմանամերձ համայնքների ցանկանում ավելացվում է ևս 30 բնակավայր: Այս մասին ԱԺ ֆինանսավարկային և բյուջետային հարցերի մշտական հանձնաժողովի նիստում ասաց ՀՀ աշխատանքի և սոցիալական հարցերի փոխնախարար Դավիթ Խաչատրյանը՝ պատգամավոր Արտակ Մանուկյանի հեղինակած նախագծի քննարկման համատեքստում, որով առաջարկվում է ընդլայնել Հայխնայբանկում ներդրած ավանդների փոխհատուցման հնարավորություն ունեցողների ցանկը և որպես շահառու դարձնել նաև ՀՀ պաշտպանության մարտական գործողությունների մասնակից կամ մարտական գործողությունների հետևանքով չօգտագործվող և հակառակորդի կողմից հողատարածքների գնդակոծման դեպքեր ունեցող` ՀՀ սահմանամերձ համայնքներում 2014 թվականի օգոստոսի 1-ի դրությամբ հաշվառված անձանց: «Փետրվարի 3-ին շրջանառության մեջ ենք դրել Սահմանամերձ համայնքներին տրվող սոցիալական աջակցության ենթակա ծավալների, փոխհատուցման կարգի և փոխհատուցում ստացող համայնքների ցանկի փոփոխության՝ կառավարության որոշման նախագիծը»,-ասաց փոխնախարարը: Նրա խոսքով՝ դրանով, ի թիվս 4 մարզերում սահմանամերձ համայնքների 38 բնակավայրերի, ավելանում է 30 բնակավայր՝ պայմանավորված պատերազմի հետևանքներով: Դա մասնավորապես Սյունիքի մարզն է: Խաչատրյանի խոսքով՝ 2014-ից մինչև դեկտեմբերի 20-ի դրությամբ գործող՝ սահմանամերձ համայնքների 38 բնակավայրերի մասով այդ հոդվածով շուրջ 2.4 մլրդ գումար արդեն փոխհատուցվել է: Շահառուների թիվը կազմել է մոտ 17 հազար: Մեկ շահառուի գծով միջինում 140 հազար փոխհատուցում է եղել: Սահմանամերձ բնակավայրերի թիվը,նրա խոսքով, կոպիտ հաշվարկով, ավելանում է 75 տոկոսով: Այսպիսով, շատ կոպիտ հաշվարկով կստացվի, որ կունենան ևս 1.8 մլրդ դրամի ենթակա փոխհատուցման գումար: Նա հորդորեց պատգամավոր Մանուկյանին հետաձգել նախագիծը, հեղինակը համաձայնեց երկու ամսով հետաձգել քննարկումը:
13:57 - 05 փետրվարի, 2021
Ավանդների երաշխավորված չափերի վերանայումը պետք է իրականացնի մասնագիտացված մարմինը. նախագծի լրամշակված տարբերակը կքննարկվի երկու ամսից |1lurer.am|

Ավանդների երաշխավորված չափերի վերանայումը պետք է իրականացնի մասնագիտացված մարմինը. նախագծի լրամշակված տարբերակը կքննարկվի երկու ամսից |1lurer.am|

1lurer.am: ԱԺ ֆինանսավարկային և բյուջետային հարցերի մշտական հանձնաժողովում քննարկվեց «Ֆիզիկական անձանց բանկային ավանդների հատուցումը երաշխավորելու մասին» օրենքում փոփոխությունների նախագիծը: Նախագծի հեղինակ, «Իմ քայլը» խմբակցության պատգամավոր Արտակ Մանուկյանը նշեց, որ առաջարկվում է սահմանել, որ հինգ տարին մեկ ավանդների երաշխավորված չափերի վերանայումը կատարվի ՀՀ կենտրոնական բանկի խորհրդի որոշմամբ՝  Ֆիզիկական անձանց բանկային ավանդների հատուցումը երաշխավորող հիմնադրամի հոգաբարձուների խորհրդի առաջարկությամբ: Գործող կարգավորման համաձայն՝ Ֆիզիկական անձանց բանկային ավանդների հատուցումը երաշխավորող հիմնադրամի հոգաբարձուների խորհուրդը առնվազն հինգ տարին մեկ քննարկում է երաշխավորված ավանդի` օրենքով սահմանված չափերի վերանայման հարցը` հիմնադրամի կանոնադրությամբ սահմանված չափորոշիչներին համապատասխան: Դրանից հետո երաշխավորված ավանդների չափերը փոփոխվում են օրենքով: Սակայն, ըստ նախագծի հեղինակի, այդ չափերը, նպատակահարմար է, որ իրականացնի այն մասնագիտացված մարմինը, որը տիրապետում է այդ հաշվարկների համար հիմք հանդիսացող տեղեկատվությանը: Արտակ Մանուկյանի խոսքով՝ նման որոշումները պետք է զերծ լինեն քաղաքական ազդեցությունից: Հանձնաժողովը որոշեց երկու ամսով հետաձգել նախագծի քննարկումը՝ նոր առաջարկներ ներգրավելու և այն լրամշակելու նպատակով: 
13:29 - 05 փետրվարի, 2021
Առաջարկվում է կարգավորել բանկերի և սպառողների միջև փոխհարաբերությունները՝ խախտումների դեպքում խստացնելով տուգանքի չափը |1lurer.am|

Առաջարկվում է կարգավորել բանկերի և սպառողների միջև փոխհարաբերությունները՝ խախտումների դեպքում խստացնելով տուգանքի չափը |1lurer.am|

1lurer.am: ԱԺ ֆինանսավարկային և բյուջետային հարցերի մշտական հանձնաժողովում հավանության արժանացավ «Բանկային ավանդների ներգրավման մասին» օրենքում փոփոխությունների նախագծերի փաթեթը, որն առնչվում է սպառողների իրավունքների վերականգնմանը:  Նախագծի համահեղինակ, «Իմ քայլը» խմբակցության պատգամավոր Արտակ Մանուկյանն ասաց, որ օրենսդրական նախաձեռնությունը հղացել է, երբ հանձնաժողովում փորձում էին կարգավորել բանկային ավանդների, բանկային համակարգի և սպառողների միջև փոխհարաբերությունները՝ նկատելով, որ կան վարքագծի ստանդարտների չպահպանման խնդիրներ:  «Ներկա պահին առավելագույն տուգանքը, որը մեծ հաշվով կարող էր Կենտրոնական բանկն այդ խախտումների դեպքում կիրառել՝ առաջին դեպքում՝ եթե մեկ տարվա ընթացքում կրկնվում էին, 100 հազար դրամն էր, երկրորդ դեպքում՝ 200 հազար դրամը և երրորդ դեպքում՝ 500 հազար դրամը: Եթե ֆինանսական հաշտարարին եք դիմում, և ապացուցում է, որ ճիշտ եք, ապա 300 հազար գանձվում է և ուղղակիորեն տրվում սպառողին, ում իրավունքները խախտվել են: ԿԲ-ն վարչարարություն է անում, ապացուցում է և ընդամենը գանձում 100 հազար դրամ»,- ասաց Մանուկյանը: Առաջարկվում է սպառողների իրավունքների պաշտպանության համար ՀՀ կենտրոնական բանկի կողմից կիրառվող պատասխանատվության միջոցները խստացնել` ռիսկերը հավասարակշռելու նպատակով: Մանուկյանը տեղեկացրեց, որ պետք է հասնել նրան, որ օրենքի գերակայություն լինի, և այդ պատիժները լինեն համաչափ: «Տուգանքները պետք է մեծանան առաջին խախտման դեպքում՝ մինչև 500 հազար դրամ, բայց ոչ պակաս, քան 300 հազար դրամը, երկրորդի դեպքում, եթե կրկնվում է՝ մինչև 1 միլիոն, բայց ոչ պակաս, քան 500 հազար դրամը, և երրորդի դեպքում, եթե 365 օրվա ընթացքում կրկնվում է՝ մինչև 2 միլիոն, բայց ոչ պակաս, քան 1 միլիոն դրամը: Այս բոլոր հավաքված գումարները գնալու են պետական բյուջե: ԿԲ-ն այս գործիքակազմը որպես վերջին աստիճանի գործիք է կիրառում, այսինքն՝ երբ կան ստանդարտներից շեղումներ, բայց երբ այդ ինստիտուտը շարունակաբար սպառողների իրավունքները խախտում է, ապա, կարծում եմ, որ այս դեպքում պետք է լինի ավելի բարձր տուգանք: Սա է օրենքի տրամաբանությունը»,- ասաց Մանուկյանը: 
12:12 - 05 փետրվարի, 2021
ԱՀ ԱԺ հանձնաժողովի պատվիրակությունը ՀՀ ԿԲ-ում քննարկել է ԱՀ քաղաքացիների վարկային բեռի թեթևացումը

ԱՀ ԱԺ հանձնաժողովի պատվիրակությունը ՀՀ ԿԲ-ում քննարկել է ԱՀ քաղաքացիների վարկային բեռի թեթևացումը

ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի պատվիրակությունը աշխատանքային այցով հունվարի 10-12-ը Հայաստանի Հանրապետությունում էր։ Ինչպես տեղեկացրին Արցախի Հանրապետության Ազգային ժողովի լրատվության և հանրության հետ կապերի բաժնից, ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի պատվիրակությունը հանձնաժողովի նախագահ Արթուր Հարությունյանի գլխավորությամբ աշխատանքային հանդիպումներ է ունեցել ՀՀ ԱԺ ֆինանսավարկային և բյուջետային հարցերի մշտական հանձնաժողովի նախագահ Արկադի Խաչատրյանի և տնտեսական հարցերի մշտական հանձնաժողովի նախագահ Բաբկեն Թունյանի հետ: Քննարկվել են Արցախում ստեղծված հետպատերազմյան տնտեսական իրավիճակը, ֆինանսական համակարգին վերաբերող, տնտեսական և սոցիալական, հարկային և այլ բնույթի արդի խնդիրները և դրանց լուծման հնարավոր ուղիները: Հանդիպումների արդյունքում ԱՀ և ՀՀ ԱԺ համապատասխան հանձնաժողովների միջև պայմանավորվածություն է ձեռք բերվել նման ձևաչափով հանդիպումները դարձնել շարունակական և ծագած խնդիրների՝ համատեղ ուժերով լուծելու պատրաստակամություն: Այնուհետև ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի պատվիրակությունն այցի շրջանակներում հանդիպումներ է ունեցել նաև ՀՀ Կենտրոնական բանկի պատասխանատուների հետ: Քննարկվել են ԱՀ քաղաքացիների վարկային բեռի թեթևացմանն ուղղված հարցեր, ձեռք են բերվել պայմանավորվածություններ շարունակելու բանկերի հետ քննարկումները վարկային պարտավորությունների ժամկետների հետաձգման և դրանք հնարավորինս վերակառուցելու ուղղությամբ: Հանդիպումներն անցել են կառուցողական և փոխըմբռնման մթնոլորտում:
19:22 - 13 հունվարի, 2021
ԱԺ ֆինանսավարկային հարցերի հանձնաժողովի նախագահը հանդիպել է Արցախի ԱԺ պատվիրակության հետ

ԱԺ ֆինանսավարկային հարցերի հանձնաժողովի նախագահը հանդիպել է Արցախի ԱԺ պատվիրակության հետ

ԱԺ «Լուսավոր Հայաստան» խմբակցության պատգամավոր, ԱԺ ֆինանսավարկային և բյուջետային հարցերի մշտական հանձնաժողովի նախագահ Արկադի Խաչատրյանը հանդիպել է Արցախի ԱԺ ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արթուր Հարությունյանի և նրա գլխավորած պատվիրակության հետ: «Այսօր աշխատանքային հանդիպում ունեցանք Արցախի ԱԺ ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արթուր Հարությունյանի և նրա գլխավորած պատվիրակության անդամների հետ: Հանդիպման ընթացքում քննարկեցինք Արցախում ստեղծված հետպատերազմյան տնտեսական իրավիճակը, ֆինանսական համակարգին վերաբերող, ինչպես նաև տնտեսական, սոցիալական և այլ բնույթի արդի խնդիրները և դրանց լուծման հնարավոր ուղիները։ Հանդիպման արդյունքում պայմանավորվեցինք շարունակել շփումները՝ ընթացիկ հարցերը համատեղ ջանքերով լուծելու պատրաստակամությամբ»,- ասել է Խաչատրյանը։
12:45 - 12 հունվարի, 2021
Պատգամավորը տնտեսական ակտիվության վերականգնման համար կարևորեց քաղաքական կայունության հասնելը |armenpress.am|

Պատգամավորը տնտեսական ակտիվության վերականգնման համար կարևորեց քաղաքական կայունության հասնելը |armenpress.am|

armenpress.am: ՀՀ ազգային ժողովի «Լուսավոր Հայաստան» խմբակցության պատգամավոր, ֆինանսավարկային և բյուջետային հարցերի մշտական հանձնաժողովի նախագահ Արկադի Խաչատրյանի կարծիքով՝ երկրում քաղաքական կայունացումն ու անորոշությունների նվազումը բարվոք պայմաններ կստեղծեն տնտեսական ակտիվության վերականգնման համար: Խաչատրյանը նման տեսակետ հայտնեց «Լուսավոր Հայաստան» խմբակցության նախաձեռնությամբ  հրավիրված խորհրդարանական լսումներում: «Քաղաքական կայունացումն ու անորոշությունների նվազումը բարվոք պայմաններ կստեղծի տնտեսական ակտիվության վերականգնման, ֆինանսական կայունությունն ամրապնդելու համար: Հակառակ դեպքում աղետալի վիճակ կսպասի մեզ: Պետք է շատ արագ գործել, որ ժամանակ չկորցնենք: Անցումային կառավարությունը պետք է մշակի նոր անվտանգության ռազմավարություն՝ իր ռազմական, տնտեսական և սոցիալական բաղադրիչներով: Թիրախը պետք է լինի բոլոր ուղղություններով արդյունավետության կտրուկ բարձրացումը»,-ասաց Խաչատրյանը:   Նա շեշտեց՝ թե բանակում, թե տնտեսության մեջ պետք է լինել ավելի բարձր ու ուժեղ, քան մրցակիցներն ու թշնամիներն են: «Մենք դուրս ենք գալու այս իրավիճակից, մենք ուղղելու ենք մեր մեջքը՝ ազգովի, միասին, համատեղ՝ այս հարթակը ձևավորելուց: Մենք պատրաստ ենք լինել դրա առաջամարտիկներից մեկը»,-ասաց Խաչատրյանն ու հավելեց՝ այդ հարթակին պետք է միավորվեն բոլոր կարող ուժերը: «Ժառանգություն» կուսակցության վարչության նախագահ Նարինե Դիլբարյանը ևս ելույթով հանդես եկավ, նշեց՝ խնդիրը հետևյալն է՝ Նիկոլ Փաշինյանի հեռանալուց հետո ինչ պետք է լինի: «Քանի որ այս խորհրդարանը և այս Սահմանադրությունը չափազանց սահմանափակ ելքեր են ստեղծել, ապա պետք է կարողանալ ողջամտորեն այդ սահմանափակ ելքերի ներսում գործել: Ըստ էության միակ սահմանադրական և անցնցում ճանապարհը խորհրդարանի միջոցով առաջ գնալն է»,-ասաց Դիլբարյանը: Նա նշեց, որ «անձ» չեն կարող ընտրել, պետք է ընտրեն ծրագրեր, վստահելու են գաղափարին, թիմին, մարդկանց: 
13:53 - 07 դեկտեմբերի, 2020
ԱԺ հանձնաժողովը հավանություն տվեց ԿԲ խորհրդի անդամի թեկնածությանը |1lurer.am|

ԱԺ հանձնաժողովը հավանություն տվեց ԿԲ խորհրդի անդամի թեկնածությանը |1lurer.am|

1lurer.am: ԱԺ ֆինանսավարկային և բյուջետային հարցերի մշտական հանձնաժողովի նիստում քննարկվեց և հավանության արժանացավ Կենտրոնական բանկի խորհրդի անդամի թափուր տեղի համար «Իմ քայլը» խմբակցության կողմից ներկայացված Դավիթ Ռոբերտի Նահապետյանի թեկնածությունը:  «Իմ քայլը» խմբակցության պատգամավոր Եղիշե Սողոմոնյանը ներկայացրեց Դավիթ  Նահապետյանի կենսագրությունն ու աշխատանքային գործունեությունը:  Նահապետյանը ծնվել է 1977 թ. սեպտեմբերի 26-ին Երևանում: Ավարտել է Երևանի Նիկոլ Աղբալյանի անվան թիվ 19 միջնակարգ դպրոցը: 1994-1999 թթ. սովորել և գերազանցությամբ ավարտել է ԵՊՀ տնտեսագիտության ֆակուլտետի բանկային գործ բաժինը: 1999-2003-ին սովորել է Լոմոնոսովի անվան Մոսկվայի պետական համալսարանի տնտեսագիտության ֆակուլտետի ասպիրանտուրայում: 2003 թ. պաշտպանել է «Ժամանակակից Ռուսաստանում ներքին պետական պարտքի կառավարման դրամավարկային գործիքներ» թեմայով ատենախոսություն և ստացել տնտեսագիտության թեկնածուի գիտական աստիճան: 2010 թ. ուսանել է ԱՄՆ-ի Թաֆսթի համալսարանի Ֆլեթչերի դիվանագիտության և իրավունքի դպրոցում՝ «Հանրակրթության կառավարում, հանրային քաղաքականություն» կրթական ծրագրում: 2006-2020 թթ. մասնակցել է մի շարք սեմինարների, համաժողովների տարբեր երկրների բանկերում, ֆինանսական կառույցներում: Դավիթ Նահապետյանը մի շարք հրապարակումների և հետազոտական աշխատանքների հեղինակ է: Նահապետյանը 2006-2015 թթ. աշխատել է ԿԲ աշխատակազմի ղեկավարի տեղակալի, 2015-2017 թթ՝ ԿԲ աշխատակազմի ղեկավարի պաշտոնում, 2017-ից մինչև օրս զբաղեցնում է ԿԲ գլխավոր քարտուղարի պաշտոնը, գործադիր կոմիտեի անդամ է: Դավիթ Նահապետյանը շնորհակալություն հայտնեց «Իմ քայլը» խմբակցությանը ԿԲ խորհրդի անդամի պաշտոնում իր թեկնածությունն առաջադրելու համար: Ասաց, որ ԿԲ-ում գրեթե 15 տարի ի պաշտոնե ներգրավված է եղել կառավարման համակարգում՝ սկսած ռազմավարական պլանավորումից մինչև  ստորաբաժանումների աշխատանքների կազմակերպում, անմիջական մասկացություն է ունեցել գործադիր մարմնի կողմից որոշումների կայացման գործընթացին և կոորդինացրել է ֆունկցիոնալ ստորաբաժանումների  համագործակցությունը: Որպես ֆինանսական համակարգի կարգավորման առաջնահերթություն՝ Նահապետյանը դիտարկում է դիվերսիֆիկացիայի խնդիրը: Ասաց, որ այդտեղ հստակ անելիք է տեսնում: «Ֆինանսկան գորիքների կիրառմամբ ԿԲ խորհուրդը պետք է առավելագույն ջանք ներդնի ֆինանսկաան համակարգի այլ հատվածների՝ հատկապես կապիտալի շուկայի ապահովագրության համակարգի ընդլայնման և զարգացման նպատակով: Կապիտալի շուկայի տեսանկյունից կարծում եմ անհրաժեշտ է պետական ձեռնարկությունների մասնավորեցում իրականացնել բորսայի,  հրապարակային տեղաբաշխման միջոցով: Խոշոր շրջանառություն ունեցող ընկերություններին աստիճանաբար վերածել բաց բաժնետիրական ընկեությունների: Հաջորդ կարևոր ոլորտը դիվերսիֆիկացիայի առումով  ապահովագրական ոլորտն է և այստեղ ապահովագրական ընկերությունների միջոցով  պարտադիր ապահովագրության զարգացումն է, կյանքի ապահովագրության ներդրումը, որն էապես կարող է խթանել ոլորտի զարգացմանը»,- ասաց Նահապետյանը: Թեկնածուն առաջնահերթություն համարեց նաև այն, որ կցանկանար ուշադրություն դարձնել սպառողների շահերի պաշտպանության ֆինանսական կրթման հիմնախնդրին: «Վերջին 10 տարում ստանձնելով այս գործընթացը՝ ԿԲ-ին հաջողվել է  ստեղծել սպառողների շահերի պաշտպանության արդյունավետ իրականացման անհրաժեշտ ինստիտուցիոնալ միջացվայր և կարգավորման դաշտ: Այս ահամտեքստում անելիքները դեռ շատ են և ընտրվելու դեպքում իմ անմիջական մասնակցությունն եմ ունենալու իր անձնական ֆիանանսերը գրագետ և արդյունավետ կառավարող,  իր շահերը գնահատող և դրանց պաշտպանությանը միտված ինքնուրույն քայլեր իրականացնող անհատի, քաղաքացու ձևավորմանը քաղաքականության մշակմանը»,- ասաց Նահապետյանը: Նրա խոսքով՝ առաջնահերթություններից է նաև ԿԲ միջազգային համագործակցությունը: Ասաց, որ կառանձնացնի հատկապես ԵԱՏՄ շրջանակում  առաջիկա անելիքները: Ըստ թեկնածուի՝ մինչև 2025 թվականն անդամ պետությունների հետ համատեղ պետք է իրականացվի  ֆինանսկան համակարգի օրենսդրության ներդաշնակեցման ծրագիր: Ընդգծեց՝ գերխնդիր է Հայաստանի ֆինանսական համակարգի շահերն այս գործընթացում առավելապես ներկայացնել մշակվող փաստաթղթերում այնպես, որ մի կողմից առավելագույն ապահովվի մեր ֆինանսական կառույցների ներգրավվածությունը ԵԱՏՄ ֆինանսական շուկաներում, մյուս կողմից՝ մեր շուկան ապահովագրվի անհամարժեք մրցակցությունից: 
12:07 - 01 դեկտեմբերի, 2020
Պատգամավորներն առաջարկում են փոփոխել Հաշվեքննիչ պալատի անդամի թեկնածուին ներկայացվող պահանջները |armenpress.am|

Պատգամավորներն առաջարկում են փոփոխել Հաշվեքննիչ պալատի անդամի թեկնածուին ներկայացվող պահանջները |armenpress.am|

armenpress.am: ՀՀ Ազգային ժողովի Ֆինանսավարկային և բյուջետային հարցերի մշտական հանձնաժողովը դրական եզրակացություն ներկայացրեց «Հաշվեքննիչ պալատի մասին» օրենքում փոփոխություններ և լրացումներ կատարելու մասին օրենքի նախագծին: Նախագիծը հեղինակել են պատգամավորներ Եղիշե Սողոմոնյանը, Արտակ Մանուկյանը, Տիգրան Ուլիխանյանը, Վարդան Աթաբեկյանը, Համազասպ Դանիելյանը և Երջանիկ Հակոբյանը: «Լուսավոր Հայաստան» խմբակցության անդամ Եղիշե Սողոմոնյանը նշեց, որ նախագծով առաջարկվում է փոփոխություն մտցնել Հաշվեքննիչ պալատի անդամի թեկնածուին ներկայացվող պահանջներում: «Գործող կարգավորմամբ` Հաշվեքննիչ պալատի անդամ կարող են հանդիսանալ այն անձինք, որոնք ունեն աուդիտորի որակավորում, այդ ոլորտում գործունեության 5 տարվա փորձ, ընդորում` 1 տարի աուդիտորական կազմակերպության ղեկավարի փորձ կամ Հաշվեքննիչ պալատի անդամի 3 տարվա փորձ, ինչպես նաև հանրային հատվածի ֆինանսական ոլորտում 10 տարվա փորձ, որից 5 տարին` ղեկավարի պաշտոնում: Առաջարկում ենք, որ անդամին ներկայացվող պահանջներում կատարվի փոփոխություն ու դիտարկվի ոչ միայն հանրային ֆինանսներում աշխատանքային փորձը, այլ նաև ընդհանրապես ֆինանսական հատվածում փորձի առկայությունը: Եթե անձն ունի ֆինանսական համակարգի 10 տարիների փորձ, որից 5 տարին` ղեկավար անձի փորձ, նաև աուդիտորի որակավորում, ապա հնարավորություն կունենա ներկայացված լինել, որպես Հաշվեքննիչ պալատի անդամի թեկնածու»,- ասաց Սողոմոնյանը: Օրենքի նախագիծն ընդգրկվեց Ազգային ժողովի լիագումար նիստերի օրակարգում:
11:33 - 01 դեկտեմբերի, 2020
2021-ի համար իրատեսական է 3.2 տոկոս տնտեսական աճը. ֆինանսների նախարար |1lurer.am|

2021-ի համար իրատեսական է 3.2 տոկոս տնտեսական աճը. ֆինանսների նախարար |1lurer.am|

1lurer.am: ide class="content-wrapper__left fl"> ՀՀ ԱԺ ֆինանսավարկային և բյուջետային հարցերի մշտական հանձնաժողովի նիստում 2021 թվականի պետբյուջեի նախագածի քննարկմանը ֆինանսների նախարար Ատոմ Ջանջուղազյանը ներկայացրեց, թե ինչ փոփոխության է ենթարկվել նախագիծը երկրում ռազմական գործողությունների սկսվելուց հետո։ Նախարարն ասաց, որ 2020-ի համար ունեին տնտեսական աճի 6 տոկոս կանխատեսում, որը ճշգրտվեց 0.8 տոկոսային կետով՝ ռազմական գործողությունների սկսվելուց անմիջապես հետո, արդյունքում՝ 2020-ի համար սպասվում է մոտ 7.9 տոկոս տնտեսական անկում։ Ջանջուղազյանը նշեց, որ հարկային եկամուտների առումով կանխատեսել էին 1 տրիլիոն 320 միլիարդ, սակայն սեպտեմբերից հետո այդ ցուցանիշը գնահատվում է 1 տրիլիոն 350-356 միլիարդ դրամ:   «Հաշվի առնելով անորոշությունները՝ փորձել ենք որպես իրատեսական վերցնել ստորին շեմ՝ մոտ 1 տրիլիոն 350 միլիարդ այս տարվա հարկային եկամուտների համար: Մենք կունենանք 2020 թվականի համար կանխատեսվածից տարբերվող պակասուրդ՝ մոտ 30 միլիարդ դրամով ավելի ցածր, քան բյուջեի փոփոխությամբ ներկայացված էր։ Բացարձակ թիվը 459 միլիարդ էր, հիմա դա կլինի մոտ 430 միլիարդ դրամ՝ ըստ կանխատեսումների»,- ասաց նախարարը։ Ջանջուղազյանի խոսքով՝ 4.8 տոկոս տնտեսական աճ էր նախատեսվում 2021 թվականի համար, բայց հաշվի առնելով նաև համավարակի երկրորդ ալիքի բացասական ազդեցությունը, արտաքին պահանջարկի փոփոխությունը՝ գնահատում են, որ հաջորդ տարվա համար իրատեսական կարելի է համարել 3.2 տոկոս տնտեսական աճի սցենարը։ Նախարարը նաև նշեց, որ դեֆիցիտի մեծացմամբ պայմանավորված՝ լրացուցիչ պարտք է պետք ներգրավել, ինչը նշանակում է, որ մեր տոկոսային ծախսերը կարող են աճել։ «Վերանայված սցենարի պարագայում ծախսերի մակարդակը կլինի 1 տրիլիոն 850 միլիարդ դրամ, կամ 2021 թվականի համար կուեննանք ոչ թե 4.1 տոկոս ՀՆԱ-ի չափով պակասուրդ, այլ 5.4 տոկոս։ Բացարձակ թվով 274 միլիարդ դրամի փոխարեն 342 միլիարդ դրամ կունենանք»,- ասաց նախարարը։
12:44 - 13 նոյեմբերի, 2020
Պատերազմից տուժած անձանց համար մշակվում է սոցիալ-հոգեբանական, առողջապահական վերականգնողական ծրագիր
 |forrights.am|

Պատերազմից տուժած անձանց համար մշակվում է սոցիալ-հոգեբանական, առողջապահական վերականգնողական ծրագիր |forrights.am|

forrights.am: Հայաստանում մշակման փուլում է պատերազմից տուժած անձանց համար սոցիալ-հոգեբանական, առողջապահական վերականգնողական ծրագրի նախագիծ: Ազգային ժողովի առողջապահության և սոցիալական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի մասին» ՀՀ օրենքի նախագծի քննարկմանն այս մասին ասաց ՀՀ աշխատանքի և սոցիալական հարցերի նախարար Զարուհի Բաթոյանը: «Հիմա մշակման փուլում է սոցիալ-հոգեբանական, առողջապահական վերականգնողական ծրագրի նախագիծ՝ պատերազմից տուժած անձանց համար: Դա միջգերատեսչական համագործակցությամբ պետք է քննարկվի»,- ասա նախարարը: Նրա վստահեցմամբ՝ դրա նպատակն է ոչ միայն կարճաժամկետ աջակցություն ցուցաբերել, այլ նաև երկարաժամկետ աջակցման ծրագրեր իրականացնել տարբեր ոլորտներում:
12:24 - 09 նոյեմբերի, 2020
Պետբյուջեից Աշխատանքի և սոցիալական հարցերի նախարարությանը հատկացումները կավելանան 10.7 մլրդ դրամով


 |armenpress.am|

Պետբյուջեից Աշխատանքի և սոցիալական հարցերի նախարարությանը հատկացումները կավելանան 10.7 մլրդ դրամով |armenpress.am|

armenpress.am: ՀՀ աշխատանքի և սոցիալական հարցերի նախարարությանը հաջորդ տարվա պետբյուջեից կհատկացվի 503.6 մլրդ դրամ, ինչն ավելի է նախորդ տարվա համեմատ: Ազգային ժողովի առողջապահության և սոցիալական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի մասին» ՀՀ օրենքի նախագծի քննարկմանն այս մասին ասաց ՀՀ աշխատանքի և սոցիալական հարցերի նախարար Զարուհի Բաթոյանը: «ՀՀ աշխատանքի և սոցիալական հարցերի նախարարությանը 2021-ի բյուջեի նախագծով հատկացվել է 503.6 մլրդ դրամ՝ թվով 11 ծրագրերում ընդգրկված 99 միջոցառումների համար: Այս ցուցանիշը 10.7 մլրդ դրամով ավելի է 2020 թվականի պետբյուջեով նախատեսված ծրագրից, աճը կազմել է 2.2 տոկոս»,- ասաց Բաթոյանը: Բյուջեի տրանսֆերտները կազմում են 94.2 տոկոս, խոսքը հիմնականում նպաստների, կենսաթոշակների մասին է: Նոր ծրագրեր, նոր միջոցառումներ չկան: Նախարարի վստահեցմամբ՝ չնայած ֆինանսական դժվարություններին՝ ոլորտի ծրագրերում նվազումներ, ծրագրերի կասեցումներ չեն եղել, նույնիսկ որոշակի ծրագրերում ավելացումներ են արվել: Ժողովրդագրական վիճակի բարելավմանը վերաբերող ծրագրերում արվել են ավելացումներ: Պետբյուջեով նախատեսված չափաքանակը 7.2 մլրդ դրամով ավելին է՝ նախորդ տարվա համեմատ: Նպաստների, կենսաթոշակների բարձրացումներ այս իրավիճակում ասյ բյուջեով նախատեսված չեն: Բաթոյանը հիշեցրեց, որ բյուջեն կազմվել է առանց ներկայիս վիճակը նկատի ունենալու, սակայն աջակցության մեխանիզմները թույլ են տալու արձագանքելու որոշակի խնդիրների:
11:24 - 09 նոյեմբերի, 2020