Հաշվեքննիչ պալատ

Արտաքին պետական վերահսկողություն իրականացնող Հաշվեքննիչ պալատը հիմնադրվեց 1996թ. մայիսի 29-ին:

ՀՀ Ազգային ժողովի վերահսկիչ պալատի խնդիրներն էին` իրականացնել բազմակողմանի եւ մասնագիտական վերահսկողություն պետական եկամուտների եւ միջոցների արդյունավետ ծախսման նկատմամբ՝ ապահովելով դրանց օգտագործման թափանցիկությունը: ՀՀ ԱԺ վերահսկիչ պալատի մյուս կարեւորագույն գործառույթը ԱԺ ներկայացված հաշվետվությունների վերլուծությունն էր:

Հայաստանի վերահսկիչ պալատը ձեւավորվել էր Ազգային ժողովի կողմից եւ հաշվետու էր երկրի օրենսդիր մարմնին: Պալատը Ազգային ժողով էր ներկայացնում կիսամյակային տեղեկանքներ, վերահսկողության վերաբերյալ ընթացիկ հաշվետվություններ, պալատի գործունեության տարեկան ծրագիրն ու հաշվետվությունը` հրապարակային դարձնելով իր ուսումնասիրության արդյունքները:

2018 թվականի հունվարի 16-ին Ազգային ժողովն ընդունեց «Հաշվեքննիչ պալատի մասին» ՀՀ օրենքը, որը ուժի մեջ մտավ 2018 թվականի ապրիլի 9-ին: Հաշվեքննիչ պալատը կազմված է նախագահից եւ 6 անդամից:

Ջանջուղազյանը դրամական հոսքերի կառավարման համակարգում չի տեսնում էական շեղումների ռիսկեր |armenpress.am|

armenpress.am: ՀՀ ֆինանսների նախարար Ատոմ Ջանջուղազյանը դրամական հոսքերի կառավարման համակարգը ըստ էության նորմալ է գնահատում, սակայն չի ժխտում, որ կանխատեսումների որակի բարելավման կարիք միշտ կա: Ջանջուղազյանը նման կարծիք հայտնեց ԱԺ ֆինանսավարկային և բյուջետային հարցերի հանձնաժողովի նիստում Պետական պարտքի կառավարման հաշվեքննության արդյունքների վերաբերյալ Հաշվեքննիչ պալատի եզրակացության ներկայացմանը: Նա նախ տեղեկացրեց, որ հաշվեքննության արդյունքում ձևավորվել է միջոցառումների ծրագիր: «Եվ ենթադրում եմ, որ քայլերն իրականացնելով կմեղմենք որոշակի ռիսկեր, որոնք արձանագրվել են եզրակացության մեջ»,-ասաց Ջանջուղազյանը: Դիտարկումների մի մասն էլ այդ միջոցառումների ցանկի մեջ իր տեղը չի գտել զուտ այն պատճառով, որ կա կառավարության կողմից հավանության արժանացած պետական ֆինանսների կառավարման ռազմավարություն առաջիկա տարիների համար: Եվ դրանցում այդ հարցերին անդրադարձ կա: Անդրադառնալով հաշվեքննիչ պալատի կողմից ներկայացված ռիսկերին` նա համաձայնեց, որ կանխատեսումների որակը միշտ բոլոր հարցերում պետք է բարելավվի: «Սակայն եթե ճշգրտորեն կարողանայինք մեր ծախսային ծրագրերը կանխատեսել,ապա դրամական հոսքերի կառավարման համատեքստում այդ կանխատեսումը կվերածվեր ընդամենը տեխնիկայի: Դրամական հոսքերի կառավարման համակարգը եղած տվյալների արժանահավատության պայմաններում նույնիսկ կարող է ավելին է, քան հնարավոր է: Ինչ-որ մեթոդաբանություն այդուհանդերձ կիրառվում է, և շատ էական շեղումներ չենք ունենում ռիսկի տեսակետից: Ռիսկ ասելով նկատի ունեմ, որ մեր գործողությամբ հոսքերը կառավարելիս ռիսկ չառաջացնենք, որ որևէ ծախսի համար ֆինանսական միջոցներ պահանջվեն, բայց մենք ասենք, թե դա ներդրել ենք այլ տեղ»,-ասաց Ջանջուղազյանը: Անդրադառնալով պետական պարտքի սահմանման վերաբերյալ պալատի դիտարկմանը` նա նշեց Պետական պարտքի մասին օրենքը տալիս է պարտքի մի սահմանում, որից դուրս է մնում պետական մասնակցություն ունեցող ընկերությունների պոտենցիալ պարտքը: «Այս ցանկը կարելի է ընդլայնել: Միայն պետական մասնակցությամբ ընկերությունները չեն, որ պետական բյուջեի վրա ռիսկ են պարունակում: Պակաս կարևոր չէ նաև հանրային կարգավորման տիրույթում գտնվող 0 պետական մասնակցություն ունեցող ընկերությունների մոտ առաջացող կամ պոտենցիալ ռիսկերը»,-ասաց նա ու նշեց` դրան կանդրադառնան ֆինանսների կառավարման ռազմավարության շրջանակում: Նախարարը հայտնեց, որ փորձ են անում ոչ թե պարտքի շրջանակը օրենքով սահմանելով լուծել հարցը, այլ բացահայտել ռիսկերը: Սակայն նա չբացառեց, որ օրենքով այդ սահմանումը Անդրադառնալով նրան, որ Ֆինանսների նախարարության և կենտրոնական բանկի միջև գործակալական պայմանագիրը հրապարակված չէ` նախարարը նշեց, որ իրենք չեն կենտրոնանում նրա վրա, որ այդ անպայման պետք է հրապարակված չլինի: «Հիմա քննարկում ենք նաև այդ նույն գործակալական պայմանագրում փոփոխություններ: Եթե օրենսդրական որևէ սահմանափակում չունենաք, ապա այն կհրապարակվի»,-ասաց Ջանջուղազյանն ու վստահեցրեց, որ թաքցնելու որևէ բան չունեն:

17:46 - 18 փետրվարի, 2020