Վլադիմիր Զելենսկի

Վլադիմիր Ալեքսանդրովիչ Զելենսկին Ուկրաինայի նախագահ, քաղաքական գործիչ, շոումեն, արտիստ, կատակերգու, «Թաղամաս-95» ստուդիայի գեղարվեստական ղեկավար և մշտական առաջնորդ, պրոդյուսեր և սցենարիստ:

Ծնվել է 1978 թվականի հունվարի 25-ին Կրիվոյ Ռոգ քաղաքում:

1998-2003 թվականներին «95-րդ թաղամասը» ելույթ է ունեցել ՈւՀԱ-ի բարձրագույն լիգայում։ Եղել է Ուկրաինայի Հանրապետության կառավարության անդամ և «Ինտեր» հեռուստաալիքի գլխավոր պրոդյուսեր

2019 թվականի հունվարի 21-ին «Ժողովրդի ծառա» կուսակցությունն առաջարկել է Վլադիմիր Զելենսկու թեկնածությունը որպես նախագահ։ Ուկրաինայի նախագահական ընտրությունների երկու փուլերի հաղթել է։

Զելենսկին հրամանագրով դադարեցրել է Ուկրաինայի ՍԴ նախագահի պաշտոնավարումը |armenpress.am|

armenpress.am: Ուկրաինայի նախագահ Վլադիմիր Զելենսկին ստորագրել է հրամանագիր՝ չեղարկելով նախկին նախագահ Վիկտոր Յանուկովիչի կողմից 2013 թվականին Սահմանադրական դատարանի նախագահի պաշտոնում Ալեքսանդր Տուպիցկիի նշանակումը: Այս մասին հայտնում է Reuters-ը: «Ուկրաինայի Սահմանադրական դատարանի որոշ դատավորներ՝ նշանակված Վիկտոր Յանուկովիչի կողմից, շարունակելով օգտագործել իրենց իշխանությունը, սպառնալիք են Ուկրաինայի պետական անկախությանն ու ազգային անվտանգությանը»,- ասվում է նախագահականի հրապարակած փաստաթղթում: Սահմանադրական դատարանը դեռևս չի մեկնաբանել Զելենսկիի նոր կարգադրությունը: Դեռևս հոկտեմբերին Ուկրաինայի ՍԴ-ն որոշումներ էր ընդունել հակակոռուպցիոն մի քանի օրենքների դեմ, ինչից հետո Զելենսկին հրամանագիր էր ստորագրել Տուպիցկիին ՍԴ դատավորի պաշտոնից հեռացնելու մասին: Սակայն ՍԴ-ից հայտնել էին, որ Տուպիցկին շարունակելու է աշխատանքը, իսկ նախագահին մեղադրել սահմանադրական լիազորությունների շրջանակից դուրս գալու մեջ: Դրանից հետո էլ Զելենսկին մի քանի անգամ փորձել էր հեռացնել դատավորին պաշտոնից, սակայն վերջինս ամեն անգամ բողոքարկել էր որոշումը և չէր հեռացել: Տուպիցկին նախկինում մի քանի անգամ մեղադրել է Զելենսկիին իրեն հեռացնելով «սահմանադրական հեղաշրջման» փորձ իրականացնելու մեջ:

15:13 - 27 մարտի, 2021

Զելենսկին Սաակաշվիլիին հեռացրել է քաղաքաշինության ոլորտում խնդրահարույց հարցերի լուծման համակարգող խորհրդի կազմից |tert.am|

tert.am: Վրաստանի նախկին նախագահ, «Միասնական ազգային շարժում» կուսակցության հիմնադիր, Ուկրաինայի բարեփոխումների հարցով գործադիր հանձնաժողովի նախագահ Միխեիլ Սաակաշվիլիին հեռացրել են Ուկրաինայի քաղաքաշինության ոլորտում խնդրահարույց հարցերի լուծման համակարգող խորհրդի կազմից, Վլադիմիր Զելենսկու համապատասխան հրամանագիրը հրապարակվել է նրա պաշտոնական կայքում, փոխանցում է ria.ru-ն։ Փաստաթուղթը ուժի մեջ է մտել նախօրեին։ Խորհրդում ազատված տեղը զբաղեցրել է բարեփոխումների գործադիր կոմիտեի փորձագետ Գեորգի Ցխակայան։

22:12 - 05 մարտի, 2021

Ուկրաինական ընդդիմությունն ապացույցներ կներկայացնի Զելենսկիի պաշտոնանկության գործընթացի համար |tert.am|

tert.am: «Հանուն կյանքի ընդդիմադիր հարթակ» ընդդիմադիր կուսակցությունն Ուկրաինայի նախագահ Վլադիմիր Զելենսկիի կողմից սահմանադրության ու երկրի օրենքների խախտման վերաբերյալ ապացույցներ ունի: Այս մասին հայտարարել է կուսակցության քաղխորհրդի ղեկավար Վիկտոր Մեդվեդչուկը, գրում է «ՌԻԱ Նովոստի» գործակալությունը:Նախօրեին խմբակցությունը տեղեկացրել էր երկրում որոշ հեռուստաալիքների փակման որոշումից հետո Զելենսկիի նկատմամբ պաշտոնանկության գործընթաց նախաձեռնելու մասին:«Մենք հիմա նյութեր ենք պատրաստում, հասկանում ենք, որ սա բարդ ընթացակարգ է: Մենք հասկանում ենք, որ այս ընթացակարգը նախատեսող օրենքն իրականում անիրագործելի է, բայց մեր նպատակը ոչ միայն պաշտոնանկության նախաձեռնումն է (ունենք բոլոր փաստարկները), որպեսզի Զելենսկին ենթարկվի այս ընթացակարգին: Ուզում ենք ցույց տալ մարդկանց, որ այսօր Զելենսկին արժանի չէ այդ պաշտոնին»,-հայտարարել է Մեդվեդչուկը:

14:10 - 04 փետրվարի, 2021

Ուկրաինայի Սահմանադրական դատարանը Վլադիմիր Զելենսկիին մեղադրել է լիազորությունները չարաշահելու համար |tert.am|

tert.am: Ուկրաինայի Սահմանադրական դատարանը երկրի նախագահ Վլադիմիր Զելենսկիին մեղադրել է լիազորությունները չարաշահելու համար: Այս մասին հայտնում է «ՌԻԱ Նովոստին»: Մասնավորապես, ՍԴ-ն իր որոշման հիմնավորման մեջ նշել է, որ երկրի նախագահը դուրս է եկել իր սահմանադրական լիազորություններից՝ ստորագրելով հրամանագիր Ուկրաինայի Սահմանադրական դատարանի ղեկավար Ալեքսանդր Տուպիցկիին պաշտոնից հեռացնելու մասին:Նախորդ օրը պետության ղեկավարը Ալեքսանդր Տուպիցկիին երկու ամսով հեռացրել է զբաղեցրած պաշտոնից՝ վկային կաշառք տալու և դիտավորյալ կեղծ ցուցմունք տալու կասկածների պատճառով:Միաժամանակ շեշտվել է, որ սա ոչ թե աշխատանքից ազատում է, այլ ժամանակավոր միջոց:Ավելի վաղ Տուպիցկիի դեմ հարուցվել էին մի քանի քրեական գործեր:Տուպիցկին իր դեմ կատարվածը որակել է ճնշում:

17:25 - 30 դեկտեմբերի, 2020

Կորոնավիրուսով վարակված Ուկրաինայի նախագահը հոսպիտալացվել է․ DW |factor.am|

factor.am: Աշխարհի երկրները պայքարում են SARS-CoV-2 կորոնավիրուսի տարածման երկրորդ ալիքի դեմ: Համաճարակի սկզբից ի վեր վարակը հայտնաբերվել է մոլորակի ավելի քան 52 միլիոն բնակչի մոտ: Ըստ Worldometer պորտալի, ավելի քան 1,2 միլիոն մարդ է մահացել վիրուսի հարուցած COVID-19 թոքային հիվանդության հետևանքով, ապաքինվել է գրեթե 36 միլիոն մարդ։ Գրում է DW-ի ռուսական ծառայությունը։ Ուկրաինայի նախագահ Վլադիմիր Զելենսկին և նախագահի աշխատակազմի ղեկավար Անդրեյ Երմակը, որոնք վարակվել են կորոնավիրուսային հիվանդությամբ, հոսպիտալացվել են և այժմ բուժում են ստանում Պետական կառավարման վարչության «Ֆեոֆանիա» կլինիկական հիվանդանոցում: «Այնտեղ կա հատուկ գրասենյակ, որտեղ նախագահը կարող է խորհրդակցություններ անցկացնել: Միակ սահմանափակումը մեկուսացումն է», – «Ուկրաինսկայա պրավդային» ասել է «Երմակի» խորհրդական Միխայիլ Պոդոլյակը: Նրա խոսքով ՝ Զելենսկին չի շփվում նաև իր ընտանիքի անդամների հետ, չնայած կինն արդեն հիվանդացել է COVID-19- ով:

13:03 - 12 նոյեմբերի, 2020

Զելենսկին ասել է, թե Ղրիմը առանց դիմադրության Ռուսաստանին հանձնողները պետք է պատասխանատվություն կրեն |azatutyun.am|

azatutyun.am: Ուկրաինայի նախագահ Վլադիմիր Զելենսկին այսօր Գերագույն ռադայում իր ամենամյա ուղերձում ասել է, թե պետք է պատասխանատվության ենթարկվեն նրանք, ովքեր 2014 թվականին առանց պայքարի թույլատրեցին Ղրիմի անօրինական բռնակցումը Ռուսաստանին։ Նրա խոսքերով՝ իր կառավարությունը հնարավորինս անում է Ղրիմը Ուկրաինայի ենթակայությանը վերադարձնելու համար։

18:39 - 20 հոկտեմբերի, 2020

Զելենսկին հայտարարել է, որ Կիեւը ռազմական օգնություն չի ցուցաբերի ԼՂ հակամարտության կողմերին |armenpress.am|

armenpress.am: Ուկրաինան ռազմական օգնություն չի ցուցաբերի Լեռնային Ղարաբաղի հակամարտության կողմերից որևէ մեկին: Ինչպես տեղեկացնում է ՏԱՍՍ-ը, Չերնովիցկի շրջանում կայացած ճեպազրույցի ժամանակ այս մասին հայտարարել Է Ուկրաինայի նախագահ Վլադիմիր Զելենսկին: «Խոսքն այն մասին չէ, որ Ուկրաինան ռազմական օգնություն կցուցաբերի որեւէ երկրի»,-ասել է Զելենսկին: Զելենսկին նաեւ ճեպազրույցի ժամանակ հայտարարել է, որ Կիեւը հակամարտող կողմերին ՝ Հայաստանին եւ Ադրբեջանին, երկխոսության կոչ է անում ՝ հակամարտության ապաէսկալացման նպատակով:

20:28 - 02 հոկտեմբերի, 2020

Զելենսկին չեղարկել է այցը Բելառուս |azatutyun.am|

azatutyun.am: Ուկրաինայի նախագահ Վլադիմիր Զելենսկին չեղարկել է հոկտեմբերին նախատեսված իր այցը Բելառուս։ Այս մասին ուկրաինական լրատվամիջոցներին է տեղեկացրել Զելենսկու մամուլի քարտուղար Յուլիա Մենդելը։ Զելենսկին բելառուսական Գրոդնո քաղաք պետք է մեկներ հոկտեմբերի 8-ին՝ «Ուկրաինայի և Բելառուսի տարածաշրջանների համաժողովի» աշխատանքներին մասնակցելու նպատակով։ «Համաժողովի անցկացումը բազմաթիվ գործոններից է կախված», - հայտարարել է Ուկրաինայի նախագահի խոսնակը։

20:16 - 24 սեպտեմբերի, 2020

Կիևը դատապարտում է Բելառուսի ընտրություններն ու բռնաճնշումները |azatutyun.am|

azatutyun.am:Այդ մասին Մերկելի հետ հեռախոսազրույցում ասել է Զելենսկին: Ուկրաինան դատապարտել է Բելառուսի վերջին նախագահական ընտրություններն ու ընդդիմության դեմ շարունակվող բռնաճնշումները: «Կիևը միանում է Եվրամիության հայտարարությանը», - երեկ Գերմանիայի կանցլեր Անգելա Մերկելի հետ հեռախոսազրույցում ասել է նախագահ Վլադիմիր Զելենսկին։ Վիճահարույց նախագահական ընտրություններից հետո, որոնց արդյունքներով վեցերորդ անգամ անընդմեջ նախագահ էր հռչակվել Ալեքսանդր Լուկաշենկոն, Բրյուսելը հայտարարել էր՝ քվեարկությունը ազատ և արդար չէր։ Ակնկալվում է, որ մինչև այս ամսվա վերջ եվրոպական ընտանիքը պատժամիջոցներ կսահմանի բելառուսցի մի քանի տասնյակ պաշտոնյաների նկատմամբ, որոնք մեղսակից են ընտրախախտումներին ու խաղաղ ցուցարարների դեմ բռնություններին։

14:38 - 11 սեպտեմբերի, 2020

Ուկրաինայում ծայրահեղականները բողոքի ակցիա են իրականացրել Զելենսկու նստավայրի դիմաց՝ Դոնբասում ԵԱՀԿ-ի հետ համատեղ տեսչական ստուգումների պատճառով |tert.am|

tert.am: Դոնբասում գտնվող խնդրահարույց տարածքում ԵԱՀԿ-ի հետ համատեղ տեսչական ստուգման գաղափարի հակառակորդ ուկրաինացի ազգայնականները հինգշաբթի բողոքի ակցիա են իրականացրել Կիևում՝ Ուկրաինայի նախագահ Վլադիմիր Զելենսկու գրասենյակի մոտ: Այս մասին հայտնում է ТАСС-ը: Հաղորդվում է, որ նույն ժամանակահատվածում ազգայնականներ են հավաքվել նաև նախագահի՝ Կոնչա Զասպա շրջանում գտնվող նստավայրի դիմաց: Ուկրաինական УНН գործակալությունը հայտնում է, որ ազգայնականների՝ մոտ 100 ավտոմեքենաներից կազմված շարասյունը ուղևորվել է դեպի նստավայր, իսկ գրասենյակի մոտ հավաքվել է մի քանի տասնյակ մարդ:

09:28 - 11 սեպտեմբերի, 2020