Չինաստան

Հայաստանը հայ-չինական «Շանսի-Նաիրիտ» ձեռնարկությունից որպես բաժնետեր օգուտներ է ուզում ստանալ․ Սուրեն Պապիկյան |hetq.am|

hetq.am: Խորհրդարանի հերթական նիստում շարունակվում է Կառավարության 2019 թվականի ծրագրի կատարման հաշվետվության քննարկումը: ԱԺ անկախ պատգամավոր Արման Բաբաջանյանը, դիմելով Տարածքային կառավարման և ենթակառուցվածքների նախարար Սուրեն Պապիկյանին, հետաքրքրվեց, թե Հայաստանը որպես համասեփականատեր պատկերացում ունի՞, թե ինչ է ուզում Չինաստանում գործող «Շանսի-Նաիրիտ» ձեռնարկությունից: Այս ձեռնարկությունը Չինաստանի Շանսի նահանգի Դաթուն քաղաքում է գործում, հայ-չինական համատեղ ձեռնարկությունը ստեղծվել է «Շանսիի սինթետիկ կաուչուկների խմբային բաժնետիրական ընկերության» (ՉԺՀ) և «Նաիրիտ» ՓԲԸ-ի միջև 2003թ. կնքված պայմանագրի հիման վրա: «Շանսի-Նաիրիտ»-ում հայկական կողմի բաժնեմասը 40 % է: «Մենք ուզում ենք, որպեսզի Հայաստանը որպես համասեփականատեր, որպես բաժնետեր ունենա օգուտներ, մեր բաժնետեր լինելը չկրի սիմվոլիկ բնույթ»,-արձագանքեց նախարար Պապիկյանը: Նախարարի խոսքով` Հայաստանն ավելի առարկայական բանակցություններ է սկսել չինական կողմի հետ` արտադրանքն ինքնարժեքով ձեռք բերելու և այլ շուկաներ արտահանելու համար: «Մինչև համավարակը նման պրոցես էինք սկսել, այն հիմա կանգ է առել, համավարակից հետո կվերսկսենք պրոցեսը»,-ասաց Սուրեն Պապիկյանը: Պատգամավորը նաև հետաքրքրվեց Մեծամորի ատոմակայանի աշխատանքներով` հիշեցնելով, որ այն վերազինման նպատակով 130 օրով դադարեցնելու է աշխատանքը։ «Որքա՞ն ներդրում է անհրաժեշտ վերազինման համար»,- հարցրեց Բաբաջանյանը: «Ատոմակայանի կանգը պլանավորած խնդիր է, որտեղ արտառոց բան չկա, վերազինման համար է, և դեռ նախորդ տարվանից պարզ է եղել, որ ատոմակայանը կանգ է առնելու է: Էնեգետիկ բալանսում հաշվարկները կատարված են, և որևէ խնդիր չենք ունենա կանգի պարագայում»,-ասաց Սուրեն Պապիկյանը: Խոսելով ատոմակայանի ֆինանսավորման մասին՝ Սուրեն Պապիկյանն ասաց, որ Հայաստանը ճիշտ է համարում ֆինանսական նոր միջոցների ներգրավումը և բանակցում է գործընկերների հետ` նախկինում ունեցած համաձայնագիրը, որն ավարտվել էր, չերկարացնելու շուրջ:

11:30 - 07 մայիսի, 2020

COVID-19. ԱՄՆ-ում վարակվածների թիվն անցել է 1 մլն 263 հազարը |armenpress.am|

10:10 - 07 մայիսի, 2020

Հյուսիս-հարավ ճանապարհային միջանցքի շինարարությունն ընդհատված է. նախարար Պապիկյանը նամակ է գրել չինացի գործընկերներին |armtimes.com|

armtimes.com: Հյուսիս-հարավ ճանապարհային միջանցքի Գյումրի-Երևան հատվածում շինարարական դադար է ներկա պահին: Ճանապարհի վիճակը գնալով դառնում է անմխիթար, աշխատանքներ, սակայն, ներկա պահին չեն նախատեսվում: Չինացի մասնագետները երկրից մեկնել են: Թե երբ են վերադառնալու, հստակ չէ: ՏԿԵ նախարար Սուրեն Պապիկյանն այսօր Կառավարության հետ հարցուպատասխանի ժամանակ անդրադարձավ պատգամավոր Սարիկ Մինասյանի բարձրացրած այս հարցին: Նախարարն ասաց, հենց երեկ է նամակ գրել «Սինո հիդրո» չինական ընկերության գործընկերներին, որի պատասխանն ակնկալում է ստանալ առաջիկա շաբաթում: «Այս պահին չինացի գործընկերների հետ բանակցությունների մեջ ենք: Նամակի պատասխանը շատ կարևոր է: Պետք է հասկանանք մեր չինացի գործընկերների գալու հավանականությունը: Այս հարցում նաև առաջնային են ժամկետների հստակեցումները, քանի որ արդեն գնալով խնդիրները շատանում են: Մենք համատեղ օրակարգ ունեինք, քննարկվում էր հավելյալ ծավալների մեծացման հարցը»,-ասաց Պապիկյանը: Ըստ նախարարի, Կառավարությունը շատ բարձր է գնահատում ժամանակը: Եթե պարզվի, որ չինացի գործընկերները գալու հնարավորություն չեն ունենալու, կքննարկվեն այլ լուծումներ: Թե ինչի մասին է խոսքը, նախարարը չմանրամասնեց: Ասաց դեռ չի ուզում այդ մասին խոսել:

22:28 - 06 մայիսի, 2020

COVID-19. Չինաստանում գրանցվել է վարակվածության 2 նոր դեպք |armenpress.am|

17:47 - 06 մայիսի, 2020

COVID-19. Մեծ Բրիտանիան մահացության ցուցանիշով շրջանցել է Իտալիային |armenpress.am|

10:00 - 06 մայիսի, 2020

COVID-19. Աշխարհում ապաքինվել է 1 միլիոն 200 հազարից ավելի մարդ |armenpress.am|

10:16 - 05 մայիսի, 2020

Աշխարհում նոր տիպի կորոնավիրուսային վարակով վարակվածների թիվն անցել է 3 միլիոն 589 հազար 263-ը |armenpress.am|

18:12 - 04 մայիսի, 2020

COVID-19. Աշխարհում վարակվածների թիվը 3.5 միլիոնից ավելին է |armenpress.am|

10:22 - 04 մայիսի, 2020

COVID-19. Վարակվածների թվով Ռուսաստանը շրջանցել է Թուրքիային |armenpress.am|

armenpress.am: Աշխարհում նոր տիպի կորոնավիրուսային վարակով վարակվածների թիվը հասել է 3 միլիոն 424 հազար 356-ի: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 240 հազարը: Ապաքինվել է 1 միլիոն 93 հազար 766 մարդ: Վիրուսով վարակվածների թվով առաջին տեղում հայտնված ԱՄՆ-ում 1 մլն 132 հազար 38 հաստատված դեպք կա: Այստեղ մահացածների թիվը 65 հազար 783 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 245 հազար 567 է: Մահացության ցուցանիշը կազմում է 25 հազար 100: Իտալիան վարակվածների թվով երրորդն է: Այստեղ հաստատված դեպքերի ընդհանուր թիվը 207 հազար 428 է: Վարակից մահացել է 28 հազար 236 մարդ։ Կորոնավիրուսից վարակվածության ցուցանիշով հաջորդը Մեծ Բրիտանիան է: Այնտեղ հաստատված դեպքերի թիվը կազմում է 177 հազար 454: Վարակի հետևանքով մահացել է, 27 հազար 510 մարդ: Մեծ Բրիտանիային հաջորդում է Ֆրանսիան, որտեղ գրանցվել է 167 հազար 346 հաստատված դեպք, մահացել է 24 հազար 594 մարդ: Գերմանիայում 164 հազար 77 հաստատված դեպք կա, մահացել է 6 հազար 736 մարդ: Վարակվածների թվով Ռուսաստանն անցել է Թուրքիային: Ռուսաստանում կորոնավիրուսով վարակված 124 հազար 54 մարդ կա: Թուրքիայում վարակակիրների թիվը 122 հազար 392-ի, մահացածներինը՝ 3,258-ի: Թուրքիային հաջորդում է Իրանը, որտեղ հաստատված դեպքերի ընդհանուր թիվը կազմում է 96 հազար 448 է: Երկրում վարակի բռնկումից ի վեր կորոնավիրուսի հետևանքով մահացել է 6 հազար 156 մարդ: Վարակվածների թվով առաջատար երկրների տասնյակը եզրափակում է Բրազիլիան: Այստեղ վարակվածների թիվը 92 հազար 630 է, վիրուսի հետևանքով մահացել է 6434 մարդ, ապաքինվել՝ 38 հազար 39-ը: Վարակվածության ընդհանուր ցուցանիշով վարակի ծագման երկիր Չինաստանն առանձնանում է 82 հազար 875 դեպքով: Մեկ օրում Չինաստանում գրանցվել է վարակվածության ընդամենը 1 դեպք։ Չինաստանում մահացել է 4 հազար 633 մարդ։ Վերջին մի քանի օրում այստեղ վարակի հետևանքով մահ չի գրանցվել: Արաբական երկրներից Կատարում հաստատված դեպքերի թիվը կազմում է 14 հազար 872, մահերինը՝ 12-ը: ԱՄԷ-ում վարակվածների ընդհանուր թիվը 13 հազար 038 է, մահացածներինը՝ 111: Եգիպտոսում 5 հազար 895 հաստատված դեպք կա, մահացել է 406 մարդ: Քուվեյթում վարակվածների թիվը հասել է 4 հազար 619-ի, մահացածներինը՝ 33-ի: Իրաքում գրանցվել է 2153 վարակվածության, 94 մահվան դեպքով: Լիբանանում կա 733 վարակի հաստատված դեպք: Մահացության ցուցանիշը կազմում է 25: Սիրիայում վարակվածների թիվը հասել է 44-ի: Մահացել է 3 մարդ: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 210-ը: ԱՄԷ-ում ցողունային բջիջների միջոցով COVID-19-ի բուժման մեթոդ է մշակվել ԱՄԷ Էկոնոմիկայի նախարարության կողմից արտոնագիր է տրվել ցողունային բջիջների միջոցով նոր կորոնավիրուսի (Covid-19) նորարարական և խոստումնալից բուժմանը: Այս մասին հայտնում է Էմիրությունների լրատվական գործակալությունը: Բուժումը մշակվել է Աբու Դաբիի ցողունային բջիջների կենտրոնի (ADSCC) մի խումբ բժիշկների և մասնագետների կողմից, որը նախատեսում է հիվանդի արյունից ցողունային բջիջների հանում և ակտիվացումից հետո կրկին տեղադրում: Արտոնագիրը տրվել է ցողունային բջիջների հավաքման նորարարական եղանակին: ԱՄԷ-ում բուժման փորձարկումը կատարվել է 73 վարակակրի վրա, որի արդյունքում բոլորը բուժվել են, իսկ թեստերի արդյունքներըը եղել են բացասական: Ենթադրվում է, որ բուժական ազդեցությունը կլինի թոքերի բջիջների վերականգնումը և դրանց իմունային արձագանքման շտկումը՝ կանխելով բջիջների չափազանց սուր արձագանքը «Covid-19» վարակին և առողջ բջիջներին վնաս հասցնելը։ Բուժումը հաջողությամբ անցել է կլինիկական փորձարկումների առաջին փուլը, ինչը ցույց է տալիս դրա անվտանգությունը: Բուժում ստացողներից ոչ մեկի մոտ չեն արձանագրվել կողմնակի բարդություններ: Փորձարկումները շարունակում են ցույց տալ բուժման արդյունավետությունը և ակնկալվում է, որ այն կավարտվի երկու շաբաթվա ընթացքում: Հատկանշական է, որ բուժումն իրականացվել է ավանդական բժշկական միջամտության հետ զուգահեռ: Այս բուժումը ձեռնարկված բժշկական միջոցառումների հետ մեկտեղ արտացոլում են ԱՄԷ-ի կառավարության համախմբված ջանքերն ու նվիրվածությունը`վերջ տալու նոր կորոնավիրուսի համաճարակին: Շարունակությունը՝ armenpress.am-ում։

18:19 - 02 մայիսի, 2020

Չինաստանն ԱՀԿ-ի ներկայացուցիչներին չի հրավիրել մասնակցելու կորոնավիրուսի ծագման հետաքննության աշխատանքներին |hetq.am|

hetq.am: Չինաստանը սկսել է ուսումնասիրել Ուհան քաղաքում նոր տիպի կորոնավիրուսի առաջացման պատճառները, որին, սակայն, չեն հրավիրել Առողջապահության համաշխարհային կազմակերպության ներկայացուցիչներին։ Այդ մասին «Sky News» հեռուստաընկերությանը պատմել է Չինաստանում ԱՀԿ-ի ներկայացուցիչ Գոդեն Գալեան։ «Մենք գիտենք, որ սկսվել է ազգային հետաքննություն, սակայն այս փուլում մեզ չեն առաջարկել միանալ աշխատանքներին։ [...] ԱՀԿ-ն նման հարցմամբ դիմել է Առողջապահության հարցերով հանձնաժողովին և չինական իշխանություններին»,- պատմել է նա։ Կազմակերպության ներկայացուցիչն ընդգծել է, որ նոր վիրուսի էության բացահայտումը շատ կարևոր է, որպեսզի ապագայում հնարավոր լինի խուսափել իրավիճակի կրկնությունից։ Նրա խոսքերով՝ անհրաժեշտ է մանրակրկտորեն վերլուծել կենդանուց մարդուն վիրուսի փոխանցման հնարավորությունը։ Գալեան նշել է, որ չի տեսնում որևէ օբյեկտիվ պատճառ` թույլ չտալու կազմակերպությանը միանալ հետաքննությանը, քանի որ ԱՀԿ-ի փորձագետները կասկած չունեն վիրուսի բնական ծագման հարցում։ Ավելի վաղ հնչել էին կարծիքներ, որ կորոնավիրուսն ստեղծվել է չինական լաբորատորիայում։ ԱՄՆ նախագահ Դոնալդ Թրամփը հայտարարել էր, որ ինքն ունի տվյալներ, որոնք վկայում են այն մասին, որ COVID-19-ը ստեղծվել է լաբորատոր պայմաններում։ ԱՀԿ-ում, սակայն, նման տարբերակը համարում են քիչ հավանական։ Միևնույն ժամանակ Չինաստանում կորոնավիրուսի պանդեմիան արագ անկում է ապրում։ Վերջին մեկ օրվա ընթացքում երկրում գրանցվել է նոր կորոնավիրուսի վարակման ընդամենը 12 դեպք։ Կորոնավիրուսի տարածումից ի վեր Չինաստանում վարակվել է շուրջ 83,5 հազար մարդ։

17:51 - 01 մայիսի, 2020

COVID-19. Բրազիլիան վարակվածության ցուցանիշով շրջանցել է Չինաստանին |armenpress.am|

11:08 - 01 մայիսի, 2020

COVID-19. Աշխարհում Մեծ Բրիտանիան մահացության ցուցանիշով երրորդն է |armenpress.am|

armenpress.am: Աշխարհում նոր տիպի կորոնավիրուսային վարակով՝ COVID-19-ով վարակվածների թիվն անցել է 3 միլիոն 240 հազար 038: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 228 հազարը: Ապաքինվել է 1 միլիոն 010 հազար 721 մարդ: Վիրուսով վարակվածների թվով առաջին տեղում հայտնված ԱՄՆ-ում 1 մլն 064 հազար 819 հաստատված դեպք կա: Այստեղ մահացածների թիվը 61 հազար 680 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 236 հազար 899 է: Մահացության ցուցանիշը կազմում է 24 հազար 275: Իտալիան վարակվածների թվով երրորդն է: Այստեղ հաստատված դեպքերի ընդհանուր թիվը 203 հազար 591 է: Վարակից մահացել է 27 հազար 682 մարդ։ Կորոնավիրուսից վարակվածության ցուցանիշով հաջորդը Ֆրանսիան է. եվրոպական այդ երկրում գրանցվել է 166 հազար 420 հաստատված դեպք, մահացել է 24 հազար 087 մարդ: Շրջանցելով Գերմանիային՝ վարակվածության ցուցանիշով հաջորդ տեղում Մեծ Բրիտանիան է, որտեղ կա 165 հազար 221 հաստատված դեպք: Վարակի հետևանքով մահացել է 26 հազար 097 մարդ: Մեծ Բրիտանիային հաջորդում է Գերմանիան, որտեղ 161 հազար 552 հաստատված դեպք կա, մահացել է 6 հազար 467 մարդ: Թուրքիայում վարակակիրների թիվը հասել է 117 հազար 589-ի, մահացածներինը՝ 3 հազար 081-ի: Իրանին շրջանցած Ռուսաստանում մեկ օրում 7 հազարից ավելի վարակվածության նոր դեպք է գրանցվել՝ ընդանուր թիվը կազմելով 106 հազար 498: Երկրում մահացության ցուցանիշը կազմում է 1073: Ռուսաստանին հաջորդում է Իրանը, որտեղ հաստատված դեպքերի ընդհանուր թիվը կազմում է 94 հազար 640: Երկրում վարակի բռնկումից ի վեր կորոնավիրուսի հետևանքով մահացել է 6 հազար 028 մարդ: Չինաստանն առանձնանում է 82 հազար 862 ընդհանուր, 4 նոր դեպքով։ Չինաստանում մահացել է 4 հազար 633 մարդ։ Վերջին մեկ օրում մահ չի գրանցվել: Բրազիլիայում հաստատված դեպքերի թիվը 79 հազար 685 է, Կանադայում՝ 51 հազար 597, Բելգիայում 48 հազար 519 է, Նիդերլանդներում 39 հազար 316 է: Վրաստանում կորոնավիրուսով վարակվածության հաստատված 539 դեպք կա, մահացածների թիվը կազմում է 6: Արաբական երկրներից Կատարը վարակվածների թվով շրջանցեց ԱՄԷ-ին: Կատարում հաստատված դեպքերի թիվը կազմում է 13 հազար 409, մահերինը՝ 10-ը: ԱՄԷ-ում վարակվածների ընդհանուր թիվը 12 հազար 481 է, մահացածներինը՝ 105: Եգիպտոսում 5 հազար 268 հաստատված դեպք կա, մահացել է 380 մարդ: Քուվեյթում վարակվածների թիվը հասել է 4 հազար 024-ի, մահացածներինը՝ 26-ի: Իրաքում գրանցվել է 2003 վարակվածության, 92 մահվան դեպքով: Լիբանանում կա 725 վարակի հաստատված դեպք: Մահացության ցուցանիշը կազմում է 24: Սիրիայում վարակվածների թիվը հասել է 43-ի: Մահացել է 3 մարդ: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 210-ը:

17:16 - 30 ապրիլի, 2020

COVID-19. Աշխարհում ապաքինվել է 1 միլիոնից ավելի մարդ |armenpress.am|

09:56 - 30 ապրիլի, 2020

COVID-19. Վարակվածների թվով Մեծ Բրիտանիան շրջանցել է Գերմանիային |armenpress.am|

10:29 - 29 ապրիլի, 2020

Ռուսաստանը վարակակիրների թվով շրջանցեց Չինաստանին |armenpress.am|

armenpress.am: Ռուսաստանում կորոնավիրուսով վարակակիրների թիվը մեկ օրում ավելացել է 6 հազար 198-ով՝ դառնալով 87 հազար 147: Այս մասին տեղեկացնում է «ՌԻԱ Նովոստի»-ն՝ հղում կատարելով Ռուսաստանում կորոնավիրուսի տարածման դեմ պայքարի օպերատիվ շտաբին: Այսպիսով, Ռուսաստանը վարակակիրների թվով շրջանցեց վարակի ծագման երկիր հանդիսացող Չինաստանին: «Վերջին մեկ օրում Ռուսաստանում գրանցվել է կորոնավիրուսով վարակվածության 6 հազար 198 նոր դեպք: Դեպքերը գրանցվել են երկրի 84 ռեգիոնում: Նոր դեպքերի թվում 2 հազար 693-ի մոտ նախանշաններ չեն եղել»,-ասվում է հաղորդագրության մեջ:

16:20 - 27 ապրիլի, 2020

Աշխարհի պետությունները մեկ տարում ռազմական կարիքների վրա շուրջ 2 տրիլիոն դոլար են ծախսել |azatutyun.am|

azatutyun.am: Աշխարհի պետությունների կողմից իրականացվող ռազմական ծախսերը շարունակում են աճել, պնդում են Ստոկհոլմում գործող «Խաղաղության հարցերի ուսումնասիրության միջազգային ինստիտուտի» (SIPRI) այսօր հրապարակած տարեկան զեկույցի հեղինակները: Հետազոտության համաձայն՝ 2018 թվականի համեմատ աշխարհի պետությունների կողմից իրականացվող ռազմական ծախսերը աճել են 3.6 տոկոսով` բացարձակ թվերով հասնեով գրեթե 2 տրիլիոն ամերիկյան դոլարի: Ինչպես և նախորդ տարիներին, պաշտպանական բյուջեի ծավալներով առաջատարը Միացյալ Նահանգներն է` ավելի քան 700 միլիարդ դոլար: Երկրորդ տեղում Չինաստանն է, որի պաշտպանական ծախսերի ընդհանուր ծավալը 261 միլիարդ դոլար է կազմում: «Մեկ տարում Չինաստանի ռազմական ծախսերն աճել են ավելի քան 5 տոկոսով», - նշում են զեկույցի հեղինակները: «Պաշտպանական բյուջեի չափով երրորդը Հնդկաստանն է` ավելի քան 71 միլիարդ դոլար», - նշված է SIPRI-ի զեկույցում: Ինստիտուտի մասնագետների հաշվարկով՝ Ռուսաստանը ռազմական ծախսերի ծավալով չորրորդն է: 2019 թվականին պաշտոնական Մոսկվան բանակի վրա շուրջ 65 միլիարդ դոլար է ծախսել:

15:16 - 27 ապրիլի, 2020