Կորոնավիրուս

Էջմիածնում ախտահանվում են քաղաքային տրանսպորտը և ուսումնական հաստատությունները |armenpress.am|

armenpress.am: Էջմիածնի քաղաքապետարանը ախտահանիչ միջոցառումներ է իրականացնում քաղաքային տրանսպորտում և ուսումնական հաստատություններում: Այս մասին հայտնեցին Էջմիածնի քաղաքապետարանից: «Երեկ ուսումնական հաստատություններում ախտահանիչ միջոցառումներ են իրականացվել: Մեզ մոտ նույնպես նմանատիպ գործողություններ ենք իրականացրել և շենքի տարբեր հատվածներում դրված են «ալկոգելի» սրվակներ: Էջմիածնում ունենք մեկ ներքաղաքային տրանսպորտի գիծ, որով երթևեկով մեքենաները երեկ, ինչպես նաև այսօր առավոտյան, ախտահանիչ միջոցներով մաքրվել են»,- նշեց քաղաքապետարանի աշխատակիցը:

11:44 - 13 մարտի, 2020

Հայաստան ժամանողներին մասնագետները հորդորում են հետևել ինքնամեկուսացման ցուցումներին |armenpress.am|

armenpress.am: Հայաստանում կորոնավիրուսով վարակված անձանց հետ շփման ամբողջ շրջանակը հայտնաբերված է և մեկուսացված: Այս մասին նշել է ՀՀ ԱՆ Հիվանդությունների վերահսկման և կանխարգելման ազգային կենտրոնի վարակիչ հիվանդությունների համաճարակաբանության բաժնի պետ Լիանա Թորոսյանը: «Կոնտակտավորները մեկուսացվում են, նրանք գտնվում են 14-օրյա կարանտինի մեջ առանձին շինությունում: Սահմաններին խիստ վերահսկողությունը շարունակվում է: Արտերկրից ժամանողները սահմանային բոլոր անցման կետերում ջերմաչափվում են, խնդիրների դեպքում հոսպիտալացվում են համապատասխան բժշկական հաստատություններ: Եթե ախտանշանները բացակայում են, ապա մեկուսացվում են տան պայմաններում»,-ասաց Լիանա Թորոսյանը: Նա հորդորեց Հայաստան բոլոր վերադարձողներին ականջալուր լինել, հետամուտ լինել առողջապահական մարմինների խորհուրդներին: «Ինքնամեկուսացում ասվածը ինքնանպատակ չէ, այն նախատեսված է տվյալ անձի առողջական վիճակի վերահսկողության ապահովման, ինչպես նաև միջավայրն առավել անվտանգ դարձնելու համար»,-ասաց Լիանա Թորոսյանը: Նա ընդգծեց, որ հնարավոր բոլոր միջոցառումներն իրականացվում են թե՛ հնարավոր դեպքերն արագ հայտնաբերելու, թե՛ բժշկական օգնությունը պատշաճ կարգով կազմակերպելու համար:

11:22 - 13 մարտի, 2020

Չինաստանում մեկ օրում կորոնավիրուսից 1318 մարդ Է ապաքինվել |armenpress.am|

armenpress.am: Չինաստանում վերջին 24 ժամվա ընթացքում նոր կորոնավիրուսից զոհերի թիվն աճել Է յոթով, վարակվածների թիվն ավելացել Է ութով, ապաքինվել Է եւս 1318 մարդ: Այդ մասին մարտի 13-ին հայտնել Է ՉԺՀ-ի հիգիենայի եւ առողջապահության հարցերի պետական կոմիտեն: Կոմիտեի տվյալներով՝ ախտահարվածների թիվը կորոնավիրուսի հարուցած հիվանդության տարածման ողջ ժամանակաշրջանում հասել Է 80 հազար 813-ի, նրանցից ապաքինվել են 64 հազար111-ը, մահացել Է 3176 մարդ: Ինչպես նշել են պետկոմիտեում, Հուբեյի կենտրոնական նահանգում, որտեղ շարունակվում Է հիվանդության գլխավոր օջախի վերացումը, վերջին 24 ժամվա ընթացքում վարակվել Է հինգ մարդ, բոլորն Էլ Ուհանում: Նահանգում հիվանդացածների ընդհանուր թիվը հասել Է 66 հազար 786-ի: Մահվան դեպքերը Հուբեյում անցած օրվա ընթացքում ավելացել են վեցով (բոլորն Էլ Ուհանում)՝ մինչեւ 3062: ապաքինվածների թիվն ավելացել Է 1255-ով՝ մինչեւ 51 հազար 553: Մյուս երկրներից կորոնավիրուսով վարակման բերովի դեպքերի ընդհանուր թվաքանակը Չինաստանում հասել Է 878-ի: Նոր կորոնավիրուսի հարուցած հիվանդության բռնկումն արձանագրվել Է 2019 թվականի դեկտեմբերի վերջին Ուհանում: Առողջապահության համաշխարհային կազմակերպությունն այն ճանաչել Է համավարակ: ՉԺՀ-ի սահմաններից դուրս ամենից շատ վարակվածներ կան Իտալիայում, Հարավային Կորեայում եւ Իրանում: Ախտահարման դեպքեր են հայտնաբերվել ավելի քան 100 երկրում, հաղորդել Է ՏԱՍՍ-ը:

11:19 - 13 մարտի, 2020

ԱՄՆ-ում կորոնավիրուսով վարակման դեպքերի թիվը գերազանցել Է 1640-ը, մահացել Է 41 մարդ |armenpress.am|

armenpress.am: ԱՄՆ-ում նոր կորոնավիրուսով վարակման դեպքերի թիվը հասել Է 1645-ի, մահացել Է 41 մարդ: Այդ մասին մարտի 12-ին հայտնել Է CNN հեռուստաընկերությունը՝ վկայակոչելով Միացյալ Նահանգների Հիվանդությունների վերահսկողության եւ կանխարգելման դաշնային կենտրոնների տվյալները: Հեռուստաընկերությունն ավելի վաղ տեղեկացրել Էր կորոնավիրուսով 1459 վարակվածի եւ 39 մահացածի մասին: Այժմ, ինչպես հայտնում Է CNN-ը, կորոնավիրուս Է հայտնաբերվել 70 հայրենադարձված ամերիկացիների եւ 47 նահանգների ու Կոլումբիա մայրաքաղաքային օկրուգի 1575 բնակիչների մոտ: Մահվան դեպքերը հասել են 41-ի, հաղորդել Է ՏԱՍՍ-ը:

10:42 - 13 մարտի, 2020

Չինաստանը կասկածում է, որ ԱՄՆ-ի բանակն է համաճարակը բերել Վուհան |civilnet.am|

civilnet.am: Չինաստանի ԱԳՆ խոսնակ Լիջիան Ժաոն հայտարարել է, թե հնարավոր է, որ ամերիկյան բանակն է կորոնավիրուսի վարակը տարել Վուհան։ Չինաստանի ԱԳՆ խոսնակը Թվիթերում հետևյալ գրառումն է արել․ «Երբ է ԱՄՆ-ում հայտնվել առաջին հիվանդը։ Քանի՞ մարդ է վարակված։ Ի՞նչ են հիվանդանոցների անունները։ Հնարավոր է, որ հենց ԱՄՆ-ի բանակն է համաճարակը բերել Վուհան։ Եղե՛ք թափանցիկ: Հրապարակե՛ք ձեր տվյալները: ԱՄՆ-ը պարտավոր է մեզ բացատրություն տալ»: 2/2 CDC was caught on the spot. When did patient zero begin in US? How many people are infected? What are the names of the hospitals? It might be US army who brought the epidemic to Wuhan. Be transparent! Make public your data! US owe us an explanation! pic.twitter.com/vYNZRFPWo3 — Lijian Zhao 赵立坚 (@zlj517) March 12, 2020

10:36 - 13 մարտի, 2020

Վերջին երկու շաբաթներին ռիսկային երկրներից Գեղարքունիքի մարզ են ժամանել 21 համաքաղաքացիներ

Երկրի մակարդակով կորոնավիրուսային վարակի բերովի դեպքերով պայմանավորված Գեղարքունիքի մարզում արտակարգ իրավիճակների արձագանքման նպատակով ստեղծվել է աշխատանքային թիմ, որի առաջին նիստը տեղի ունեցավ 2020 թվականի մարտի 12-ին, Գեղարքունիքի մարզպետարանում՝ աշխատանքային թիմի անդամների մասնակցությամբ: Հանդիպումը վարեց Գեղարքունիքի մարզպետ, աշխատանքային թիմի ղեկավար Գնել Սանոսյանը: Մարզում կորոնավիրուսով պայմանավորված դեպքերի հետ կապված իրավիճակը ներկայացրեց ՀՀ ԱՆ հիվանդությունների վերահսկման և կանխարգելման ազգային կենտրոնի Գեղարքունիքի մասնաճյուղի աշխատակից Ժաննա Մակարյանը: Նա նշեց, որ վերջին երկու շաբաթների ընթացքում ռիսկային երկրներից մարզ են ժամանել 21 համաքաղաքացիներ, որոնցից այս պահի դրությամբ հսկողության տակ են գտնվում 4-ը: Մնացած քաղաքացիները միանգամայն առողջ վիճակում են: Հրահանգված է կրթական և նախակրթական հաստատություններն ապահովել մշտական ջրով և ախտահանիչ նյութերով, բուժաշխատակիցների միջոցով ապահովված է ամենօրյա հերթապահություն և վերահսկողություն: Ինչպես նշեց թիմի անդամ, մարզպետարանի քարտուղարության ընդհանուր բաժնի պետ Սիմոն Մանուկյանը, մարզում առանձնացված են այն չորս հյուրանոցային համալիրները, որտեղ, անհրաժեշտության դեպքում, կմեկուսացվեն և բուժում կստանան հայտնաբերված հիվանդները: Աշխատանքային թիմի մյուս անդամների առաջարկությամբ՝ նպատակահարմար գտնվեց չեղարկել նախoրոք հայտարարված մասսայական բնույթի միջոցառումները և նվազագույնի հասցնել մարդկային կուտակումները և շփումները: «Մենք առաջին հերթին պետք է ի հայտ բերենք ռիսկային բոլոր վտանգները և հստակեցնենք մեր գործողությունների պլանը: Առաջին հերթին հարկավոր է այնպես անել, որ մարդկանց մոտ խուճապային տրամադրություններ չստեղծվեն: Հարկավոր է աշխատանքային ժամերից դուրս պահպանել հերթապահության ռեժիմը առաջնային առողջության պահպանման օղակում և հայտնաբերված դեպքերի մասով ձեռնարկել համապատասխան միջոցներ: Այն դպրոցներում, որտեղ բուժքույրերի կարիք է զգացվում, հարկավոր է բացը լրացնել բուժամբուլատորիաների մասնագետների հաշվին»,- նշեց Գնել Սանոսյանը, տեղեկացնում են մարզպետարանից:

10:34 - 13 մարտի, 2020

Կորոնավիրուսի ֆոնին ԱՄՆ ֆոնդային բորսաները գերազանցել են 1987թ. ի վեր խոշորագույն անկման ռեկորդը. Financial Times |tert.am|

tert.am: ԱՄՆ ֆոնդային շուկան փակվել է վերջին 33 տարվա ընթացքում անկման խոշորագույն ցուցանիշով: Dow Jones ցուցիչը նվազել է գրեթե 10%-ով:Financial Times-ի տվյալներով՝ մարտի 12-ի երեկոյի դրությամբ Dow Jones, S&P 500, Nasdaq և Russell 2000 ֆոնդային ցուցիչներն արձանագրել են 9-12% անկում:Լրատվամիջոցների փոխանցմամբ՝ սա 1987թ. ի վեր անկման խոշորագույն ցուցանիշն է:Լոնդոնի FTSE-100 ֆոնդային բորսայի ցուցիչը նվազել է 10,87%-ով, ինչը ևս վերջին 33 տարվա համար ռեկորդ է: Փորձագետները ստեղծված իրավիճակը կապել են կորոնավիրուսի՝ համաշխարհային տնտեսության վրա ազդեցությամբ:Հայտնի է, որ եվրոպական բորսաները 5-6% անկում են արձանագրել ԱՄՆ նախագահ Դոնալդ Թրամփի՝ Եվրոպայից դեպի ԱՄՆ մուտքի երեսնօրյա արգելքի մասին հայտարարության ֆոնին: Այս հայտարարության հետևանքով 5%-ով նվազել է նավթի գինը:

10:20 - 13 մարտի, 2020

Քրեակատարողական հիմնարկներում հակահամաճարակային իրավիճակը լիովին վերահսկելի է. ԱՆ

10:16 - 13 մարտի, 2020

Իրանում կորոնավիրուսից ևս 75 մարդ է մահացել. վարակվածների թիվն անցնում է 10 հազարը |armtimes.com|

armtimes.com: Իրանի Իսլամական Հանրապետության առողջապահության նախարարության հանրային կապերի և տեղեկատվության կենտրոնի ղեկավար Ք. Ջահանփուրի տեղեկացմամբ՝ վերջին 24 ժամում արձանագրվել է նոր կորոնավիրուսով վարակման 1,075 դեպք, որից 75-ը՝ մահվան ելքով: Ընդհանուր առմամբ վարակվել է 10,075 մարդ, որից 429-ը մահացել է: Ապաքինվել է 3,276 հիվանդ: Մարտի 12-ին ԻԻՀ արտգործնախարար Մոհամմադ Ջավադ Զարիֆն արժույթի միջազգային հիմնադրամին կոչ է արել աջակցել Իրանին կորոնավիրուսի դեմ պայքարում: Վարակի տարածումը կանխարգելելու համար պաշտոնյաները շարունակում են քաղաքացիներին հորդորել տնից դուրս գալ միայն խիստ անհրաժեշտության դեպքում: Իրանցիներին նաև կոչ են արել զերծ մնալ Նովրուզի օրերին միմյանց այցելելուց, հայտնում է RegionMonitor-ը: Սակայն մարտի 12-ին ԻԻՀ առողջապահության նախարարը դժգոհել է, որ, չնայած հորդորներին, հասարակությունը շարունակում է այնքան էլ լուրջ չվերաբերվել կորոնավիրուսին: Ըստ նրա՝ իրանցիները շարունակում են ճամփորդել, քաղաքներում դեռ եռուզեռ է, առևտրի կենտրոններում՝ նախկինի նման մարդաշատ, փողոցներում՝ խցանում: Միաժամանակ, ըստ Թեհրանի քաղաքապետարանի, քաղաքում երթևեկությունը նվազել է 50 տոկոսով: Կորոնավիրուսի պատճառով այս շաբաթ ևս բոլոր նահանգներում չեղարկվել են ուրբաթօրյա աղոթքները: Ավելի վաղ հայտնի էր դարձել, որ չեղարկվել է նաև հոգևոր առաջնորդի նովրուզյան ելույթը:

09:42 - 13 մարտի, 2020

Կորոնավիրուսի պանդեմիայի ֆոնին Ավստրալիայի վարչապետն ասել է, որ մարդիկ կարող են զբաղվել իրենց առօրյա գործերով, ինչպես միշտ

Աշխարհում կորոնավիրուսի պանդեմիայի ֆոնին Ավստրալիայի վարչապետ Սքոտ Մորիսոնն ասել է, որ մարդիկ կարող են զբաղվել իրենց առօրյա գործերով, ինչպես միշտ։ Բայց, ամեն դեպքում, երկուշաբթի օրվանից սկսած, խորհուրդ է տրվում խուսափել մասսայական միջոցառումներից, որտեղ հավաքված կլինի 500 ու ավելի մարդ՝ բացի դպրոցներ ու համալսարաններ այցելելուց, նաև զերծ մնալ անհարկի ճանապարհորդություններից։ Միաժամանակ Նոր Հարավային Ուելսի վարչապետ Գլեդիս Բերեջիկլյանը հայտարարել է․ «Դպրոցներ այցելելն անվտանգ է։ Երբ կդառնա վտանգավոր, մենք կփակենք այդ կոնկրետ դպրոցներն ու կաշխատենք դպրոցների աշխատակիցների հետ, որպեսզի դպրոցները վերաբացվեն պատշաճ ժամանակ»։ Աղբյուրը՝ theguardian.com Լիլիթ Հարությունյան

09:40 - 13 մարտի, 2020

Նորվեգիայի թագավորական ընտանիքին կարանտին են տեղափոխել |aysor.am|

aysor.am: Նորվեգական թագավորական ընտանիքին, ինչպես նաև Նորվեգիայի արտաքին գործերի նախարար Ինե Էրիկսեն Սերեյդին և արդյունաբերության նախարար Իսելին Նյուբեին, կարանտին են տեղափոխել, հայտնում են NRK հեռուստառադիոընկերությունը: Նշվում է, որ դա տեղի է ունեցել պաշտոնյաների և արքայական անձանց արտասահմանյան ուղևորությունից վերադառնալուց հետո: «Թագավորական զույգը, ինչպես նաև պետական խորհրդի մի քանի անդամներ կարանտինացվել են», - հայտնել է հեռուստառադիոընկերությունը: Առողջապահության համաշխարհային կազմակերպությունը նոր կորոնավիրուսով վարակի բռնկումը պանդեմիա է հատարարել: Աշխարհի ավելի քան 100 երկրներում 120 հազար մարդ արդեն վարակված կորոնավիրուսով:

09:17 - 13 մարտի, 2020

Կորոնավիրուսի տարածումը՝ մարտի 13-ի դրությամբ

Մարտի 13-ի դրությամբ աշխարհում գրացվել է կորոնավիրուսով վարակման 128․343 դեպք, կորոնավիրուսի վարակից բուժվելու 68․324 դեպք, մահվան 4․720 դեպք Հիվանդությունը գրանցված երկրների քանակը 116 է։ Աղբյուրը՝ gisanddata.maps.arcgis.com Լիլիթ Հարությունյան

09:15 - 13 մարտի, 2020

Ինչպես պայքարել նոր կորոնավիրուսային հիվանդության դեմ

Առողջապահության նախարար Արսեն Թորոսյանը տեսանյութ է հրապարակել, որտեղ ներկայացվում է, թե ինչպես պայքարել նոր կորոնավիրուսային հիվանդության դեմ։

09:01 - 13 մարտի, 2020

Թորոսյանը ներկայացրել է Կորոնավիրուսի վերաբերյալ պաշտոնական տեղեկատվության համար հատուկ էջը

ՀՀ առողջապահության նախարարությունը Նոր կորոնավիրուսային վարակի վերաբերյալ պաշտոնական, հավաստի և թարմ տեղեկատվության համար հատուկ էջ է ստեղծել։ Այս մասին հայտնել և էջին հետևել է հորդորել նախարար Արսեն Թորոսյանը։

22:15 - 12 մարտի, 2020

Կորոնավիրուսով վարակված երեխայի դեպք Հայաստանում չկա․ ԱՆ-ն հերքում է

Պաշտոնապես տեղեկացնում ենք, որ կորոնավիրուսով վարակված երեխայի դեպք Հայաստանում չկա: Այս մասին հայտնել է ՀՀ առողջապահության նախարարության մամուլի քարտուղար Ալինա Նիկողոսյանը՝ անդրադառնալով մամուլում տարածված լուրերին, թե Նոր կորոնավիրուսով 15-ամյա երեխա է վարակվել:

21:59 - 12 մարտի, 2020

Ման․ Սիթի-Ռեալ և Յուվենթուս-Լիոն հանդիպումները հետաձգվել են |armsport.am|

armsport.am: Ֆուտբոլի Չեմպիոնների լիգայի 1/8-րդ եզրափակիչի «Մանչեսթեր Սիթի» – «Ռեալ Մադրիդ» և «Յուվենթուս» – «Լիոն» հանդիպումները հետաձգվել են։ ՈՒԵՖԱ-ի պաշտոնական կայքը տեղեկացնում է, որ հանդիպումները հետաձգվել են Մադրիդի «Ռեալում» և Թուրինի «Յուվենթուսում» հայտարարված կարանտինի պատճառով։ Իտալական ակումբի ֆուտբոլիստներից Դանիելե Ռուգանիի մոտ երեկ կորոնավիրուսի թեստը դրական պատասխան է տվել։ Մադրիդի «Ռեալում» էլ կարանտին է բասկետբոլի թիմի խաղացողներից մեկի մոտ կորոնավիրուսի հայտնաբերումից հետո։ Հանդիպումները նախատեսված էին մարտի 17-ին։

21:35 - 12 մարտի, 2020