Միացյալ Թագավորություն

Պետական կարգը՝ միապետություն
Մայրաքաղաքը՝ Լոնդոն
Տարածքը՝ 244 հզ. կմ
Բնակչությունը՝ 59,8 մլն
Պետական լեզուն՝ անգլերեն
Դրամական միավորը՝ ֆունտ ստեռլինգ

Միացյալ Թագավորությունն ունի մասամբ կարգավորվող շուկայական տնտեսություն։ Ըստ շուկայական փոխարժեքների՝ Միացյալ Թագավորությունը համարվում է աշխարհում 8-րդ և Եվրոպայում 2-րդ (Գերմանիայից հետո) ամենամեծ տնտեսություն ունեցող պետությունը։ Թագուհու գանձապետարանը, որը գլխավորում է կանցլերը, պատասխանատու է բրիտանական կառավարության կողմից հասարակական ֆինանսական և տնտեսական քաղաքականության մշակման և կիրառման համար։

Անգլիայի բանկը կամ Միացյալ Թագավորության կենտրոնական բանկը պատասխանատու է ազգային արտարժույթի՝ ֆունտ ստերլինգի թողարկման համար։ Տուրիզմը համարվում է բրիտանական տնտեսության ամենակարևոր մասը, և 2004թ․ 27 մլն զբոսաշրջիկներով պետությունը զբաղեցնում է 6-րդ տեղը համաշխարհային տուրիզմի շարքերում, իսկ Լոնդոնը համարվում է զբոսաշրջիկների կողմից ամենաշատ այցելվող քաղաքը աշխարհում։

COVID-19. աշխարհում վարակվածների թիվը հասել է 1 միլիոն 605 հազար 277-ի |armenpress.am|

COVID-19. աշխարհում վարակվածների թիվը հասել է 1 միլիոն 605 հազար 277-ի |armenpress.am|

armenpress.am: Աշխարհում նոր տիպի կորոնավիրուսային վարակով՝ COVID-19-ով վարակվածների թիվը հասել է 1 միլիոն 605 հազար 277-ի: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 95 հազարը: Ապաքինվել է ավելի քան 356 հազար մարդ: Վիրուսից վարակվածների թվով առաջին տեղում հայտնված ԱՄՆ-ում 468 հազար 895 հաստատված դեպք կա: Այստեղ մահացածների թիվը 16 հազար 697 է: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը կազմում է 153 հազար 222: Մահացության ցուցանիշը 15 հազար 447 է:  Իտալիան վարակվածների թվով երրորդն է: Այստեղ հաստատված դեպքերի ընդհանուր թիվը 143 հազար 626 է: Վարակից մահացել է 18 հազար 279 մարդ. այս ցուցանիշով Իտալիան աշխարհում առաջինն է։ Կորոնավիրուսից վարակվածության ցուցանիշով հաջորդը Գերմանիան է. եվրոպական այդ երկրում գրանցվել է 118 հազար 235 հաստատված դեպք, մահացել է 2 հազար 607 մարդ: Վարակվածության ցուցանիշով Գերմանիային հաջոդում է Ֆրանսիան, որտեղ 117 հազար 749 հաստատված դեպք կա, մահացել է 12 հազար 210 մարդ: Վարակի ծագման երկիր Չինաստանն առանձնանում է 81 հազար 907 ընդհանուր, 42 նոր դեպքով։ Չինաստանում մահացել է 3 հազար 336 մարդ։ Իրանում հաստատված դեպքերի ընդհանուր թիվը կազմում է 66 հազար 220: Երկրում վարակի բռնկումից ի վեր կորոնավիրուսի հետևանքով մահացել է 4 հազար 110 մարդ: Մեծ Բրիտանիայում հաստատված դեպքերի թիվը 65 հազար 77 է, Թուրքիայում՝ 42 հազար 282 է, Բելգիայում՝ 24 հազար 983 է, Շվեյցարիայում՝ 24 հազար 51 է: Վրաստանում կորոնավիրուսով վարակվածության հաստատված 218 դեպք կա, Ռուսաստանում` 10 հազար 131: ՌԴ-ում մահացել է 76 մարդ: Արաբական երկրներից Միացյալ Էմիրություններում վարակվածների թիվը կազմում է 2 հազար 990, այստեղ գրանցվել է մահացության 14 դեպք: Կատարում կորոնավիրուսով վարակվել է 2 հազար 376 մարդ: Վարակից մահվան 6 դեպք է արձանագրվել: Արաբական վերը նշված երկրների համեմատ մահացության ցուցանիշը բարձր է Եգիպտոսում, այստեղ 118 մարդ է մահացել, սակայն ցածր է վարակվածության թիվը: Հաստատված ընդհանուր դեպքերի թիվը կազմում է 1699: Իրաքում վարակվածների թիվը 1232 է, մահացության ցուցանիշը 69 է: Քուվեյթում գրանցվել է մահացության 1 դեպք, վարակվածության՝ 910:  Առաջին դեպքն է արձանագրվել Եմենում՝ ԱՄԷ-ից մեկնած օտարերկրացու մոտ։  Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 210-ը:
09:58 - 10 ապրիլի, 2020
Մեծ Բրիտանիայում կորոնավիրուսից մահացության ցուցանիշը մոտեցել է 8000-ի. CNN |tert.am|

Մեծ Բրիտանիայում կորոնավիրուսից մահացության ցուցանիշը մոտեցել է 8000-ի. CNN |tert.am|

tert.am: Նոր տեսակի Covid-19 կորոնավիրուսից մահացած մարդկանց թիվը Միացյալ Թագավորության հիվանդանոցներում հասել է 7978-ի: CNN-ի փոխանցմամբ՝ այս մասին հայտնել է Մեծ Բրիտանիայի արտաքին գործերի նախարար Դոմինիկ Ռաաբը: Նրա խոսքով՝ մեկ օրում կորոնավիրուսով պայմանավորված հիվանդությունից մահվան 881 դեպք է գրանցվել: Կորոնավարակակիրներ թիվը հասել է 65 077-ի, վարակման մեկօրյա ցուցանիշը կազմել է 4304 դեպք: Ռաաբը նշել է, որ չի խոսել վարչապետ Բորիս Ջոնսոնի հետ՝ իր պարտականությունները ստանձնելուց հետո: «Կարծում եմ՝ կարևոր է, որ գտնվելով ինտենսիվ խնամքի տակ՝ նա հնարավորություն ունենա կենտրոնանալու իր ապաքինման վրա: Մենք կառավարությունում կարգավորում ենք ամեն ինչ»,- ասել է նախարարը: Հիշեցնենք, որ Ջոնսոնը հիվանդանոց է տեղափոխվել կիրակի, նա երկուշաբթի օրվանից գտնվում է վերակենդանացման բաժանմունքում: Այսօր ավելի վաղ նրա խոսնակը հայտնել էր, որ վարչապետի վիճակը բարելավվում է, և նա լավ տրամադրություն ունի:
23:15 - 09 ապրիլի, 2020
Բորիս Ջոնսոնը տեղափոխվել է ինտենսիվ թերապիայի բաժանմունք (BBC) |aysor.am|

Բորիս Ջոնսոնը տեղափոխվել է ինտենսիվ թերապիայի բաժանմունք (BBC) |aysor.am|

aysor.am: Մեծ Բրիտանիայի վարչապետ Բորիս Ջոնսոնը տեղափոխվել է հիվանդանոցի ինտենսիվ թերապիայի բաժանմունք՝ կորոնավիրուսի պատճառով: Այս մասին հայտնում է BBC-ի ռուսական ծառայությունը Հաղորդվում է, որ վերջին ժամերի ընթացքում վարչապետի առողջական վիճակը վատթարացել է, որից հետո բժիշկները որոշել են նրան տեղափոխել արհեստական շնչառության սարքին ավելի մոտ: Նրա խնդրանքով իրեն վարչապետի պաշտոնում կփոխարինի Արտաքին գործերի նախարար Դոմինիկ Ռաաբը: Կիրակի  55-ամյա Ջոնսոնը տեղափոխել են Սուրբ Թոմայի հիվանդանոց`կորոնավիրուսով վարակի ծանր ախտանիշներով: Անցած գիշերը հիվանդասենյակում անցկացրած Բորիս Ջոնսոնն ընդամենը մի քանի ժամ առաջ էր հայտնել, որ ոգով թարմ է և շարունակում է ղեկավարել կառավարության աշխատանքը:   Twitter-ի իր միկրոբլոգում 55-ամյա Ջոնսոնը գրել էր, որ կապի մեջ է իր թիմի հետ՝ շարունակելով համատեղ աշխատանքը վիրուսի դեմ պայքարում և հոգալով այն բանի համար, որ բոլորն անվտանգ լինեն:   Նա նաև շնորհակալություն էր հայտնել առողջապահության ազգային համակարգի աշխատակիցներին, որոնք  հոգ են տարել իրեն և այլ հիվանդների, նրանց փայլուն աշխատանքի համար:    «Դուք ամենալավն եք, ինչ կա Մեծ Բրիտանիայում», - գրել է նա:
00:11 - 07 ապրիլի, 2020
Մեծ Բրիտանիայի թագուհի ելույթ է ունեցել կորոնավիրուսի համավարկի ու դրա շուրջ ստեղծված իրավիճակի մասին

Մեծ Բրիտանիայի թագուհի ելույթ է ունեցել կորոնավիրուսի համավարկի ու դրա շուրջ ստեղծված իրավիճակի մասին

Երեկ երեկոյան Մեծ Բրիտանիայի թագուհի Եղիզսաբեթ Երկրորդը հանդես եկավ հեռուստաելույթով, որը կապված էր կորոնավիրուսի համավարկի ու դրա շուրջ ստեղծված իրավիճակի հետ։ Իր ելույթում թագուհին երախտագիտության խոսքեր ուղղեց Ազգային առողջապահության ծառայության բոլոր աշխատակիցներին՝ նշելով․ «Ձեր աշխատած յուրաքանչյուր ժամ մոտեցնում է մեր վերադարձը նորմալ կյանքին»։  Թագուհին նաև շնորհակալություն հայտնեց այն մարդկանց, որոնք վիրուսի տարածումը սահմանափակելու նպատակով մնում են տանը․ «Մենք միասին ենք պայքարում հիվանդության դեմ, ու ես երաշխավորում եմ, որ եթե մենք պահպանենք միասնությունը և վճռականությունը, մենք սա կհաղթահարենք։ Ու թեև դեռ շատ բան կա հաղթահարելու, մենք պետք է սփոփվենք, որ լավ օրերը դեռ վերադառնալու են, մենք նորից կլինենք մեր ընկերների հետ, մենք նորից կլինենք մեր ընտանիքների հետ, մենք նորից կհանդիպենք», - ասել է Եղիսաբեթ թագուհին։ Նշենք նաև, որ 1952թ փետրվարի 2-ին գահը ժառանգելուց հետո՝ անցած 68 տարվա ընթացքում, սա թագուհու 5-րդ ուղերձն է, մինչ այդ հա հանդես էր եկել  • 1991թ․ Իրաքում ցամաքային գործողությունները սկսելիս,• 1997թ․ արքայադուստր Դիանայի մահվան կապակցությամբ• 2002թ․ թագուհու մոր՝ Եղիսաբեթի, մահվան կապակցությամբ,• 2012թ․ Եղիսաբեթի գահակալության ադամանդյա  տարեդարձի կապակցությամբ։ Աղբյուրը՝ cnn.com: Թարգմանությունը՝ Լիլիթ Հարությունյանի
09:27 - 06 ապրիլի, 2020
ՄԱԿ-ի Գլխավոր վեհաժողովում արգելափակել են Ռուսաստանի` կորոնավիրուսի ֆոնին պատժամիջոցները չեղարկելու մասին բանաձևը |tert.am|

ՄԱԿ-ի Գլխավոր վեհաժողովում արգելափակել են Ռուսաստանի` կորոնավիրուսի ֆոնին պատժամիջոցները չեղարկելու մասին բանաձևը |tert.am|

tert.am: ԱՄՆ-ն, Եվրամիությունը, Մեծ Բրիտանիան, Ուկրաինան և Վրաստանը ՄԱԿ-ի Գլխավոր վեհաժողովում արգելափակել են Ռուսաստանի առաջարկած բանաձևի ընդունումը: Բանաձևն առաջարկում էր չեղարկել միակողմանի պատժամիջոցները, որոնք խանգարում են պայքարել կորոնավիրուսի դեմ, գրում է «ՌԻԱ Նովոստի» գործակալությունը` հղում անելով ՄԱԿ-ում Ռուսաստանի մշտական ներկայացուցչությանը:Ավելի վաղ Ռուսաստանը Գլխավոր վեհաժողովին առաջարկել էր հռչակագիր ընդունել կորոնավիրուսի դեմ համատեղ պայքարի մասին: Փաստաթուղթն ընդունում էր Առողջապահության համաշխարհային կազմակերպության առաջատար դերը համավարակի դեմ պայքարում: Տեքստի համաձայն՝ պետությունները համաձայնում են համագործակցել միմյանց և ԱՀԿ-ի հետ, այդ թվում` կորոնավիրուսի դեմ պայքարի և բուժման մեթոդների ստեղծման հարցում: Բացի այդ, փաստաթուղթը կոչ էր անում օգնություն ցուցաբերել համաճարակից ամենաշատը տուժած երկրներին, հատկապես զարգացող երկրներին, հրաժարվել շուկայական պատերազմներից և միակողմանի պատժամիջոցներից: ՄԱԿ-ի անդամ ևս 28 երկիր դարձել էր այս հռչակագրի համահեղինակ:«Ինչպես հայտնի է, մեր ներկայացրած փաստաթղթի կոնսենսուսային ընդունումը չի ստացվել: Դրան խանգարել են Ուկրաինան, Վրաստանը, Մեծ Բրիտանիան, ԱՄՆ-ն և Եվրամիությունը: Ցավում ենք, որ պատժամիջոցային քաղաքականությանը մի շարք սատարող երկրներ պատրաստ չէին արձագանքել ՄԱԿ-ի գլխավոր քարտուղարի կոչին և հրաժարվել իրենց քաղաքական մոտեցումներից ու շահերից: Սրա հետևանքով նոր համավարակին համաշխարհային ուժեղ հարված տալը շատ ավելի դժվար կլինի: Ահռելի քանակությամբ մարդիկ կարող են տուժել, մանավանդ զարգացող երկրներում»,-ասված է Ռուսաստանի մշտական ներկայացուցչության մեկնաբանությունում:Մեկնաբանությունում ասված է նաև, որ Մոսկվան կցանկանար գրավոր տեսքով տեսնել և լսել իր հռչակագրի արգելափակման տրամաբանությունն ու հիմնավորումները ԱՄՆ-ի, ԵՄ-ի և Մեծ Բրիտանիայի կողմից:
12:45 - 03 ապրիլի, 2020
Աշխարհում նոր տիպի կորոնավիրուսային վարակով՝ COVID-19-ով հիվանդների թիվը մոտենում է 860 հազարի |armenpress.am|

Աշխարհում նոր տիպի կորոնավիրուսային վարակով՝ COVID-19-ով հիվանդների թիվը մոտենում է 860 հազարի |armenpress.am|

<diarmenpress.am: v dir="auto">Աշխարհում նոր տիպի կորոնավիրուսային վարակով՝ COVID-19-ով հիվանդների թիվը մոտենում է 860 հազարի: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 42 հազարը: Ապաքինվածների թիվը կազմում է 178 հազար 335: Վարակվածների 95 տոկոսի մոտ հիվանդությունն ընթանում թեթև, 5 տոկոսի մոտ՝ ծանր: Վիրուսից վարակվածների թվով առաջին տեղում հայտնված ԱՄՆ-ում 188 հազար 592 հաստատված դեպք կա: Այստեղ մահացածների թիվն անցել է 4 հազարը: Վարակվածության ցուցանիշով երկրորդ տեղում Իտալիան է, այստեղ հաստատված դեպքերի թիվը 105 հազար 792-ն է: Իտալիան աշխարհում առաջինն է մահացածների թվով: Կորոնավիրուսից այստեղ մահացել է 12 հազար 428 մարդ: Շրջանցելով Չինաստանին՝ վարակվածների թվով երրորդ տեղում է հայտնվել Իսպանիան: Այստեղ հաստատված դեպքերի թիվը 95 հազար 923 է: Մահացածների ընդհանուր թիվը 8 հազար 464 է: Վարակվածների թվով չորրորդ տեղում հայտնված Չինաստանում հաստատված դեպքերի թիվը 81 հազար 554 է: Այստեղ հաստատված նոր դեպքերի թիվը 36 է: Ապաքինվել է 76 հազար 238 մարդ:  Կորոնավիրուսից վարակվածության ցուցանիշով Չինաստանին հաջորդում է Գերմանիան: Այստեղ հաստատված դեպքերի ընդհանուր թիվը 71 հազար 808 է: Մահացել է 775 մարդ: Գերմանիային հաջորդում է Ֆրանսիան, որտեղ հաստատված դեպքերի թիվը 52 հազար 128 է: Մահերի թիվը 3 հազար 500-ից ավելին է: Իրանում հաստատված դեպքերի ընդհանուր թիվը 44 հազար 605 է: Մահացածների ընդհանուր թիվը 2 հազար 898 է:  Մեծ Բրիտանիայում վարակվածների ընդհանուր թիվը 25 հազար 150 է, Շվեյցարիայում՝ 16 հազար 605 է: Վրաստանում կորոնավիրուսով վարակվածության հաստատված 110 դեպք կա, Ռուսաստանում` 2 հազար 337, Թուրքիայում՝ 13 հազար 531: Մեկ օրում 100-ից ավելի նոր դեպքեր են գրանցվել Իսրայելում, Պակիստանում, Մեքսիկայում, Հնդկաստանում, Թայլանդում, Հարավային Կորեայում և այլն:  Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվը հասել է 200-ի:
10:57 - 01 ապրիլի, 2020
Բորիս Ջոնսոնը հայտարարել է Մեծ Բրիտանիայի պատմության մեջ ամենազանգվածային սահմանափակումների մասին

Բորիս Ջոնսոնը հայտարարել է Մեծ Բրիտանիայի պատմության մեջ ամենազանգվածային սահմանափակումների մասին

Երեկ Մեծ Բրիտանիայի վարչապետ Բորիս Ջոնսոնը դիմել է իր ժողովրդին՝ հայտարարելով երկրի պատմության մեջ ամենազանգվածային սահմանափակումների մասին։ Իր ելույթը Բորիս Ջոնսոնը սկսել է հատևյալ խոսքերով․ «Որևէ երկրի վարչապետ չէր ուզենա նման միջոցներ հրահանգել, սակայն ներկա պայմաններում չկա դյուրին որոշում»։  Այսպիսով, երկրում փակվում են բոլոր կրոնական հայստատությունները՝ եկեղեցիները, մզկիթները, սինագոգները, բոլոր ոչ մթերային խանութները, սահմանափակվում է ելուտումուտը տնից՝ բացառությամբ աշխատանքի, գնումների և օրական մեկ անգամ մարզումների գնալուց։ Այգիների մի մասը բաց է մնալու։ Արգելվում են  2 հոգուց ավել հանրային կուտակումները; Ոստիկանությանը տրվել է լիազորություն տուգանել ռեժիմի խախտողներին։ Աղբյուրը՝ telegraph.co.uk: Թարգմանությունը՝ Լիլիթ Հարությունյանի
11:09 - 24 մարտի, 2020
Կորոնավիրուսից ապաքինվել է ավելի քան 88 հազար մարդ |armenpress.am|

Կորոնավիրուսից ապաքինվել է ավելի քան 88 հազար մարդ |armenpress.am|

armenpress.am: Աշխարհում նոր տիպի կորոնավիրուսով՝COVID-2019-ով վարակվածների թիվն անցել է 246 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցնում է 10 հազարը: Մարտի 20-ին նկատելիորեն աճ է նկատվում ապաքինվածների թվում՝ անցնելով 88 հազարը. մարտի 19-ի առավոտյան այդ թիվը 85 հազար էր: Վիճակագրություն Վիրուսից վարակվածների թվով շարունակում է առաջին տեղում մնալ Չինաստանը, որտեղից էլ սկսել է բռնկումը։ Այստեղ վարակվածների թիվը 80 հազար 967 է, թեպետ, նոր դեպքերի նվազում է նկատվում: Վարակվածների մեծ թվով երկրորդ տեղում Իտալիան է, այնտեղ կորոնավիրուսով վարակվել է 41 հազար 35 մարդ։ Իտալիան եվրոպական այն երկիրն է, որտեղ բարձր է վիրուսից մահացության ցուցանիշը՝ կազմելով 3 հազար 405: Վարակվածների մեծ թվով երրորդ տեղում է Իրանը. կորոնավիրուսի հաստատված 18 հազար 407 դեպք կա, մահացածները 1284-ն են: Կորոնավիրուսի վարակվածության մեծ թիվ է գրանցվել նաև Իսպանիայում՝18 հազար 077, Գերմանիայում՝ 15 հազար 320, ԱՄՆ- ում՝ 14 հազար 366, Ֆրանսիայում՝ 10 հազար 995, Հարավային Կորեայում՝ 8 հազար 652, Շվեյցարիայում՝ 4 հազար 222, Մեծ Բրիտանիայում՝ 3 հազար 269: Վարակի տարածման երկրների ու տարաքների թիվն ավելանում է: Առողջապահության համաշխարհային կազմակերպությունն այսօր խոսում է 180-ից ավելի երկների ու տարածքների մասին: Կորոնավիրուսի վարկման դեպքեր հաստատվել են Նիգերիայում, Սոմալիում, Չադում, Գամբիայում և այլն: Հայաստանում մարտի 20-ի դրությամբ արձանագրվել է կորոնավիրուսով վարակվելու  14 նոր  դեպք: ՀՀ առողջապահության նախարարության հիվանդությունների վերահսկման և կանխարգելման ազգային կենտրոնը տեղեկացնում է, որ Հայաստանում մարտի 20-ի՝ ժամը 10:00-ի դրությամբ կորոնավիրուսի հաստատված դեպքերի ընդհանուր քանակը 136 է, ապաքինվածների թիվը՝ 1: Ղազախստանում ևս վարակվածության նոր դեպքեր են գրանցվել Ղազախստանում արձանագրվել է կորոնավիրուսով վարակման ևս 5 նոր դեպք: Այս մասին տեղեկացնում է երկրի Առողջապահության նախարարության պաշտոնական կայքը: Ղազախստանում կորոնավիրուսի հաստատված դեպքերի թիվը 49 է, որից 22-ն արձանագրվել է Ալմաթի, 25-ը՝ Նուր-Սուլթան, իսկ 2-ը՝ Կարագանդա քաղաքներում: Հնդկաստանում կորոնավիրուսով վարակված անձանցից 20-ն արդեն բուժվել է Հնդկաստանում կորոնավիրուս է հայտնաբերվել ևս 22 հոգու մոտ, այսպիսով վարակվածների ընդհանուր թիվը հասել է 219-ի: Այդ երկրի Առողջապահության նախարարության պաշտոնական կայքը տեղեկացնում է, որ կորոնավիրուսով վարակված Հնդկաստանի քաղաքացիների թիվն այս պահին 163 է, երկրում գտնվող վարակված օտարերկրացիներինը՝ 32, վարակից բուժվածները 20 հոգի են, իսկ վիրուսի հետևանքով մահացել է 4 անձ: Միացյալ Թագավորություն Միացյալ Թագավորությունում կորոնավիրուսի հաստատված դեպքերի թիվը հասել է 3 269-ի:  Իրականացվել է կորոնավիրուսի 64 621 թեստավորում, 61352-ն ունեցել է բացասական պատասխան: Կորոնավիրուսից մահացածների թիվը 144 է: Կանադա Կանադայում մարտի 19-ի ժամը 18:30-ի (տեղական ժամանակով) դրությամբ կորոնավիրուսի հաստատված դեպքերի թիվը 846 է: Ամենաշատ դեպքերն արձանագրվել են Բրիտանական Կոլումբիա նահանգում` 271, այնուհետև Օնտարիոյում` 258, Ալբերտայում` 146 և այլն: G7-ի առաջնորդների հանդիպումը ԱՄՆ-ում չի կայանա. պատճառը կորոնավիրուսն է ԱՄՆ նախագահ Դոնալդ Թրամփը կչեղարկի հունիսին նախատեսված Մեծ յոթնյակի՝ G7-ի առաջնորդների հանդիպումը ԱՄՆ-ում: Պատճառը կորոնավիրուսի տարածմամբ պայմանավորված առկա իրավիճակն է: Այս մասին տեղեկացնում է Սպիտակ տան ներկայացուցիչ Ջադ Դիրը: «Նման որոշման նպատակն այն է, որ յուրաքանչյուր երկիր կենտրոնանա իր ունեցած ողջ ռեսուրսի վրա՝ պատասխան տալու կորոնավիրուսի տարածմամբ պայմանավորած առողջապահության ոլորտում առկա մարտահրավերներին»,-պարզաբանել է նա: Նշվում է, որ շփումը կլինի տեսակապի միջոցով, ընդ որում, ոչ միայն հունիսին, այլև ապրիլին և մայիսին:
12:56 - 20 մարտի, 2020
Մեծ Բրիտանիան 330 միլիարդ ֆունտ ստերլինգ կտրամադրի կորոնավիրուսից տուժած բիզնեսին |hetq.am|

Մեծ Բրիտանիան 330 միլիարդ ֆունտ ստերլինգ կտրամադրի կորոնավիրուսից տուժած բիզնեսին |hetq.am|

hetq.am: Բրիտանական կառավարությունը որոշել է 330 միլիարդ ֆունտ ստերլինգ տրամադրել բիզնեսին աջակցելու նպատակով, որոնք տուժել են կորոնավիրուսի համաճարակից։ Այդ մասին հայտնում է BBC-ն՝ հղում անելով երկրի ֆինանսների նախարար Ռիշի Սունաքին։ Տրամադրվող գումարը կազմում է Միացյալ Թագավորության ՀՆԱ-ի 15 %-ը և երկրի բյուջեի շուրջ ⅓-ը։  Սունաքի խոսքերով՝ այդպիսի մասշտաբների օգնությունն անհիմն կլիներ մի քանի շաբաթ առաջ։ «Կորոնավիրուսն արտակարգ իրավիճակ է և՛ հանրային առողջության և՛ տնտեսության համար, կառավարությունը կաջակցի ցանկացած բիզնեսի, թե՛ մեծ, և թե՛ փոքր»,- հայտարարել է նախարարը։  Եթե այդ գումարը չհերիքի, Ռիշի Սունաքի խոսքերով, կառավարությունը կարող է հավելյալ ֆինանսական օգնություն տրամադրել։ «Ցանկացած ձեռնարկատեր, որին անհրաժեշտ կլինի վճարել վարձակալության, աշխատավարձերի վճարման և այլ ծախսերի համար, կարող է լավ պայմաններով ստանալ վարկ»,- հայտնել է նախարարը։ Մասնավորապես, կառավարությունը նախատեսում է աջակցել ավիաընկերություններին և օդանավակայաններին, որոնք առավել շատ են տուժել տարբեր երկրներում հայտարարված կարանտինի և սահմանների փակման պատճառով։ Կորոնավիրուսից էականորեն տուժել են նաև փաբերը, ակումբները և թատրոնները։ Նրանց կառավարությունը կտրամադրի մեկանգամյա դրամաշնորհներ, մինչև 25 000 ֆունտ ստերլինգ արժեքով, որպեսզի նրանք կարողանան դուրս գալ դժվարին ժամանակներից և չտուժել։ Մյուս փոքր բիզնեսները կարող են ակնկալել մինչև 10 000 եվրո արժողությամբ մեկանգամյա դրամաշնորհներ։ Բացի այդ, ենթադրվում է, որ բիզնեսը ժամանակավորապես կազատվի համայնքային հարկերից։ Կառավարությունը թույլատրել է նաև երեք ամիս չվճարել տուն ձեռքբերելու նպատակով հիփոթեքային վարկեր վերցրած քաղաքացիներին։ Ավելին՝ hetq.am-ում
14:30 - 18 մարտի, 2020
ԵՄ-ն եւ Մեծ Բրիտանիան սկսել են Brexit-ի բանակցությունների երկրորդ փուլը |news.am|

ԵՄ-ն եւ Մեծ Բրիտանիան սկսել են Brexit-ի բանակցությունների երկրորդ փուլը |news.am|

news.am: Եվրամիությունը եւ Մեծ Բրիտանիան սկսել են Միացյալ Թագավորության` ԵՄ-ից դուրս գալու (Brexit) վերաբերյալ բանակցությունների երկրորդ փուլը, որը նվիրված է ապագա առեւտրային հարաբերություններին: Այս մասին հինգշաբթի բրիտանացի իր գործընկեր Դեյվիդ Ֆրոստի հետ առաջին հանդիպումից հետո հայտարարել է Brexit-ի հարցերով ԵՄ գլխավոր բանակցող Միշել Բարնիերը, փոխանցում է ՏԱՍՍ-ը: «Մենք անցկացրել ենք այս բանակցությունների առաջին փուլը, որոնք շատ հագեցած կլինեն եւ ուղղված կլինեն ԵՄ-ի եւ Մեծ Բրիտանիայի միջեւ սերտ համագործակցության նոր, իրավական հիմունքներով վերակառուցմանը»,- ասել է նա: Բրիտանական իշխանությունները մտադիր են ազատ առեւտրի համաձայնագրի հասնել ԵՄ-ի հետ, ինչպիսին գործում է ԵՄ-ի եւ Կանադայի միջեւ: Նման պայմանավորվածությունը թույլ կտա գրեթե ամբողջովին առանց մաքսատուրքերի առեւտուր իրականացնել, սակայն մի շարք մաքսային ստուգումներ է սահմանում ապրանքների համար եւ չի տարածվում Մեծ Բրիտանիայի համար կարեւոր ծառայությունների շուկայի վրա:
20:35 - 05 մարտի, 2020