ՀՀ Բնապահպանության եւ ընդերքի տեսչական մարմին

30 դեպքով հաշվարկվել է 40.239.550 ՀՀ դրամի չափով շրջակա միջավայրին հասցված վնաս. ԲԸՏՄ

10:25 - 02 հուլիսի, 2021

ԲԸՏՄ-ն հիշեցնում է խոզանները, խոտհարքերն ու անտառածածկ տարածքները հրդեհելու տուգանքների մասին

Բնապահպանության և ընդերքի տեսչական մարմինը հիշեցնում է խոզանները, բուսական մնացորդներով ու չորացած բուսականությամբ տարածքները, արոտավայրերի ու խոտհարքների բուսականությունը գյուղատնտեսական, անտառամերձ, անտառային ու բնության հատուկ պահպանվող տարածքների հողերում բուսածածկն այրելու դեպքում նախատեսված տուգանքի մասին: Վարչական իրավախախտումների վերաբերյալ օրենսգրքի 85.2. հոդվածի համաձայն՝ խոզանները, բուսական մնացորդներով ու չորացած բուսականությամբ տարածքները, արոտավայրերի ու խոտհարքների բուսականությունը գյուղատնտեսական, անտառամերձ հողերում այրելը` առաջացնում է տուգանքի նշանակում քաղաքացիների նկատմամբ` սահմանված նվազագույն աշխատավարձի հիսնապատիկի (50.000 ՀՀ դրամ) չափով, իսկ պաշտոնատար անձանց նկատմամբ` հարյուրհիսնապատիկի (150.000 ՀՀ դրամ) չափով: Խոզանները, բուսական մնացորդներով ու չորացած բուսականությամբ տարածքները, արոտավայրերի ու խոտհարքների բուսականությունը անտառային ու բնության հատուկ պահպանվող տարածքների հողերում այրելը` առաջացնում է տուգանքի նշանակում քաղաքացիների նկատմամբ` սահմանված նվազագույն աշխատավարձի հարյուրապատիկի (100.000 ՀՀ դրամ) չափով, իսկ պաշտոնատար անձանց նկատմամբ` երեքհարյուրապատիկի (300.000 ՀՀ դրամ) չափով:

12:45 - 30 հունիսի, 2021

Նիկոլ Փաշինյանի որոշումներով նոր նշանակումներ են կատարվել

Վարչապետի պաշտոնակատար Նիկոլ Փաշինյանի որոշումներով նոր նշանակումներ են կատարվել:Փաշինյանի որոշմամբ Վաղարշակ Ամիրխանյանը նշանակվել է Բնապահպանության և ընդերքի տեսչական մարմնի ղեկավարի տեղակալ։Փաշինյանի մեկ այլ որոշմամբ Հարություն Ղազանչյանը նշանակվել է Բնապահպանության և ընդերքի տեսչական մարմնի ղեկավարի տեղակալ։

19:22 - 25 մայիսի, 2021

Մասիսի աղբավայրի հրդեհի հետևանքներն ուսումնասիրելու և միջոցներ ձեռնարկելու նպատակով ՇՄ նախարարությունը գրություն է ուղարկել ԲԸՏՄ

Մասիս քաղաքի բնակիչներից մեկը Ֆեյսբուք սոցիալական ցանցում ահազանգել է Մասիս քաղաքի աղբավայրի հրդեհման հետևանքով քաղաքի և հարակից գյուղերի՝ ծխի մեջ հայտնվելու, ինչպես նաև ճանապարհամերձ հատվածում շինաղբ թափելու վերաբերյալ։ Շրջակա միջավայրի նախարարությունը համապատասխան գրություն է ուղարկել ՀՀ Բնապահպանության և ընդերքի տեսչական մարմին՝ տարածքում շրջայց իրականացնելու, դեպքի հանգամանքները մանրամասն ուսումնասիրելու և համապատասխան միջոցներ ձեռնարկելու համար։ «Հիշեցնենք, որ Աղբահանության և սանիտարական մաքրման մասին ՀՀ օրենքն արգելվում է աղբը պահել և թափել դրա համար չսահմանված կամ չնախատեսված վայրերում: Ցանկացած տեսակի աղբը, այդ թվում և շինաղբը, պետք է թափել միայն դրա համար նախատեսված օրինական աղբավայրերում։ Հարգելի՛ քաղաքացիներ, աղբի փոխադրման իրականացումը պետք է կազմակերպվի` նվազագույնի հասցնելով շրջակա միջավայրի աղտոտումը: Եվս մեկ անգամ հորդորում ենք նման դեպքերում անհապաղ ահազանգել ՀՀ բնապահպանության և ընդերքի տեսչական մարմին կամ դիմել Շրջակա միջավայրի նախարարություն։ Մաքուր պահենք մեր շրջակա միջավայրն ու չաղտոտենք բնությունը»,- ասված է ՇՄՆ տարածած հաղորդագրության մեջ։

15:15 - 23 մայիսի, 2021

Հովհաննես Մարտիրոսյանը նշանակվել է Բնապահպանության և ընդերքի տեսչական մարմնի ղեկավար

Վարչապետ Նիկոլ Փաշինյանը ապրիլի 22-ին որոշում է ստորագրել Բնապահպանության և ընդերքի տեսչական մարմնի ղեկավարի նշանակման մասին: Որոշման մեջ ասվում է. «Ղեկավարվելով «Տեսչական մարմինների մասին» Հայաստանի Հանրապետության օրենքի 8-րդ հոդվածի 1-ին մասով՝ Հովհաննես Մարտիրոսյանին նշանակել Բնապահպանության և ընդերքի տեսչական մարմնի ղեկավար»։

10:10 - 23 ապրիլի, 2021

Հաշվարկվել է բուսական աշխարհին պատճառված 1.375.205 ՀՀ դրամ վնաս

2021 թվականի ապրիլի 17-ին «Բնապահպանի տուն» քաղաքացիական նախաձեռնության ֆեյսբուքյան էջում «Դիլիջան» ազգային պարկի տարածքում կատարված ծառահատումների վերաբերյալ տեղադրված լուսանկարների հիման վրա շրջակա միջավայրի նախարարությունը համապատասխան գրություն էր ուղարկել Բնապահպանության և ընդերքի տեսչական մարմին։ Տեսչական մարմնի տարածքային բաժնի աշխատակիցները տեղում կատարել են տարածքի ուսումնասիրություն, որի արդյունքում արձանագրվել է 46 տարբեր ծառերի հատված կոճղ։ Հաշվարկվել է բուսական աշխարհին պատճառված վնաս, որը կազմել է 1.375.205 ՀՀ դրամ։ Համապատասխան նյութերը ուղարկվել են ՀՀ դատախազություն՝ հետագա ընթացքն ապահովելու համար։ ՀՀ բոլոր քաղաքացիներին հորդորում ենք նման դեպքերում անհապաղ ահազանգել ՀՀ ոստիկանություն, Բնապահպանության և ընդերքի տեսչական մարմին կամ դիմել շրջակա միջավայրի նախարարություն։

16:48 - 21 ապրիլի, 2021

Գնել Հասրաթյանն ազատվել է Բնապահպանության և ընդերքի տեսչական մարմնի ղեկավարի պաշտոնից

Վարչապետ Նիկոլ Փաշինյանը ապրիլի 13-ին որոշում է ստորագրել Գնել Հասրաթյանին աշխատանքից ազատելու մասին: Որոշման մեջ ասվում է. «Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 3-րդ մասով և «Տեսչական մարմինների մասին» Հայաստանի Հանրապետության օրենքի 8-րդ հոդվածի 1-ին մասով՝ Գնել Հասրաթյանին ազատել Բնապահպանության և ընդերքի տեսչական մարմնի ղեկավարի պաշտոնից»։

10:27 - 14 ապրիլի, 2021

«Խոսրովի անտառ» պետական արգելոցի» տնօրենը վարազի ապօրինի որսի չի մասնակցել

Տարածված տեղեկատվությունը, թե «Խոսրովի անտառ» պետական արգելոց» ՊՈԱԿ-ի պահպանության գծով փոխտնօրեն Արտակ Մխիթարյանը մասնակցություն է ունեցել Սյունիքում վարազի ապօրինի որսի դեպքին, չի համապատասխանում իրականությանը: Այս մասին տեղեկացնում է «Խոսրովի անտառ» պետական արգելոց» ՊՈԱԿ-ի ֆեյսբուքյան էջը: «Նշված ժամանակահատվածում արգելոցի փոխտնօրեն Արտակ Մխիթարյանը գտնվել է աշխատանքի վայրում՝ կատարելով իր աշխատանքային պարտականությունները»,- ասված է գրառման մեջ: Հիշեցնենք, որ օրերս Բնապահպանության և ընդերքի տեսչական մարմինը հայտնել էր Սյունիքում տեղի ունեցած հնարավոր ապօրինի որսի մասին։ EcoNews.am բնապահպանական տեղեկատվական կայքի տեղեկությունների համաձայն՝ Սյունիքում վարազի ապօրինի որսի մասնակիցներ էին հանդիսացել նույն Բնապահպանության և ընդերքի տեսչական մարմնի Արարատի տարածքային բաժնի պետ Արմեն Բավոյանը, «Խոսրովի անտառ» պետական արգելոցի պահպանության գծով փոխտնօրեն Արտակ Մխիթարյանը, ինչպես նաև՝ «Մաքս ֆիշ» ՍՊԸ ղեկավարը։

19:14 - 09 մարտի, 2021

Բնապահպանության և ընդերքի տեսչական մարմինը հորդորում է պահպանել կենդանական և բուսական աշխարհը

Բնապահպանության և ընդերքի տեսչական մարմինը հորդորում է զերծ մնալ անօրինական գործողություններից, պահպանել կենդանական և բուսական աշխարհը: Բնապահպանական իրավախախտումների հետևանքով կենդանական աշխարհին պատճառված վնասի հատուցման սակագներն են` Հայաստանի Հանրապետության Կարմիր գրքում գրանցված թռչնատեսակների որսի և (կամ) ոչնչացման դեպքում` յուրաքանչյուր միավորի (անկախ տարիքից) համար:Թռչուններ Վարդագույն հավալուսն 100 000 դրամ Գանգրափետուր հավալուսն 200 000 դրամ Մեծ ձկնկուլ 75 000 դրամ Մեծ սպիտակ տառեխ 20 000 դրամ Փոքր ձկնկուլ 75 000 դրամ Տարգալկտուց 200 000 դրամ Քաջահավ 75 000 դրամ Սովորական ֆլամինգո 200 000 դրամ Մոխրագույն սագ 100 000 դրամ Թշշան կարապ 200 000 դրամ Կանչող կարապ 200 000 դրամ Խայտաբղետ բադ 25 000 դրամ Մոխրագույն բադ 25 000 դրամ Լայնաքիթ բադ 25 000 դրամ Մարմարյա մրտիմ 100 000 դրամ Տուրպան 25 000 դրամ Սպիտակագլուխ բադ կամ սավկա 100 000 դրամ Կարմրախածի սագ 100 000 դրամ Սովորական ջրարծիվ 100 000 դրամ Սովորական կարմիր ցին 100 000 դրամ Սովորական դաշտային մկնաբազե 50 000 դրամ Տափաստանային մկնաճուռակ 250 000 դրամ Մարգագետնային մկնաբազե 50 000 դրամ Եվրոպական տյուվիկ 50 000 դրամ Եվրոպական օձակեր 75 000 դրամ Տափաստանային արծիվ 75 000 դրամ Սովորական բլրային արծիվ 75 000 դրամ Հարավեվրոպական բերկուտ 150 000 դրամ Սովորական սպիտակապոչ արծիվ 250 000 դրամ Նախասիական մորուքավոր արծիվ 250 000 դրամ Գիշանգղ 400 000 դրամ Սև անգղ 400 000 դրամ Սպիտակագլուխ անգղ 250 000 դրամ Սովորական բալոբան 250 000 դրամ Միջերկրածովային բազե 250 000 դրամ Կովկասյան սապսան 250 000 դրամ Սովորական աղավնաբազե 50 000 դրամ Սովորական մանրաբազե 50 000 դրամ Կովկասյան մարեհավ 50 000 դրամ Կասպիական հնդկահավ 125 000 դրամ Մոխրագույն կռունկ 300 000 դրամ Ճախրուկ 20 000 դրամ Կտցար ոտնացուպիկ 25 000 դրամ Բզակտուց 25 000 դրամ Կտցար կաչաղակ 25 000 դրամ Հայկական արծաթափայլ որոր 25 000 դրամ Կովկասյան թավոտն բվիկ 25 000 դրամ Պարսկական կանաչ մեղվակեր 25 000 դրամ Արևմտյան սև փայտփոր 25 000 դրամ Արևելյան կարմրագլուխ շամփրուկ 25 000 դրամ Եվրոպական ալպիական ճայ 30 000 դրամ Եվրոպական սև ագռավ 25 000 դրամ Եվրոպական ճուռականման շահրիկ 25 000 դրամ Երգող շահրիկ 25 000 դրամ Հաստակտուց քարադր 20 000 դրամ Եևավիզ քարաթռչնիկ 15 000 դրամ Ասիական շիկապոչ քարաթռչնիկ 20 000 դրամ Խայտաբղետ ժայռային կեռնեխ 15 000 դրամ Կապույտ ժայռային կեռնեխ 15 000 դրամ Իրանական կապտափող 15 000 դրամ Իրանական սովորական ճոճհավ 15 000 դրամ Սոխականման ճռիկահավ 20 000 դրամ Հնդկական եղեգնաթռչնակ 20 000 դրամ Սպիտակափող սոխակ 15 000 դրամ Միջերկրածովային երաշտահավ 15 000 դրամ Հայկական մեծ ժայռասիտեղ 25 000 դրամ Կարմրաթև պատասող 25 000 դրամ Ալպիական սերինոս 15 000 դրամ Կարճամատ ճնճղուկ 15 000 դրամ Նախասիական անապատային խածկտիկ 15 000 դրամ Ժայռային վարսակուկ 15 000 դրամ Կարմրակտուց վարսակուկ 15 000 դրամ։

22:30 - 18 փետրվարի, 2021

Բնապահպանության և ընդերքի տեսչական մարմինն արձանագրել է իրավախախտման 20 դեպք

12:52 - 15 փետրվարի, 2021

Շրջակա միջավայրին հասցվել է մոտ 14 մլն դրամի վնաս

Բնապահպանության և ընդերքի տեսչական մարմնի կողմից հունվարի 25-29-ն ընկած ժամանակահատվածում իրականացված ստուգումների, շրջայցերի, վարչական վարույթի գործերի քննության ընթացքում արձանագրված 13 դեպքով հաշվարկվել է 13.986.250 ՀՀ դրամի չափով շրջակա միջավայրին հասցված վնաս: Նախկինում արձանագրված 6 դեպքով հաշվարկվել է 217.000 ՀՀ դրամի չափով շրջակա միջավայրին հասցված վնաս, նշանակվել է 450.000 ՀՀ դրամի չափով վարչական տուգանք: Մասնավորապես` Բուսական աշխարհի պահպանության ոլորտ Արձանագրված 13 դեպքով հաշվարկվել է 13.986.250 ՀՀ դրամի չափով շրջակա միջավայրին հասցված վնաս: Նախկինում արձանագրված 4 դեպքով հաշվարկվել է 42.000 ՀՀ դրամի չափով շրջակա միջավայրին հասցված վնաս, նշանակվել է 300.000 ՀՀ դրամի չափով վարչական տուգանք: Կենդանական աշխարհի պահպանության ոլորտ Նախկինում արձանագրված 2 դեպքով հաշվարկվել է 175.000 ՀՀ դրամի չափով շրջակա միջավայրին հասցված վնաս, նշանակվել է 150.000 ՀՀ դրամի չափով վարչական տուգանք: Նշվածն ժամանակահատվածում ՀՀ պետական բյուջե մուտքագրվել է 250.000 ՀՀ դրամ:ՀՀ ԱՆ ՀԿԱԾ է ուղարկվել 1 գործ (108.500 ՀՀ դրամի չափով վարչական տուգանք)։

10:27 - 07 փետրվարի, 2021

Շրջակա միջավայրին արձանագրված 35 դեպքով հասցվել է ավելի քան 5 մլն դրամի վնաս. ԲԸՏՄ

13:31 - 02 փետրվարի, 2021

Արձանագրված 6 դեպքով հաշվարկվել է ավելի քան 7 մլն դրամի չափով վնաս՝ հասցված շրջակա միջավայրին

ՀՀ բնապահպանության և ընդերքի տեսչական մարմինը հաշվետվություն է ներկայացրել 2020 թվականի դեկտեմբերի 28-ից 30-ն ընկած ժամանակահատվածում կատարված աշխատանքների վերաբերյալ։ Բնապահպանության և ընդերքի տեսչական մարմնի կողմից իրականացված ստուգումների, շրջայցերի, վարչական վարույթի գործերի քննության ընթացքում արձանագրված 6 դեպքով հաշվարկվել է 7.084.050 ՀՀ դրամի չափով շրջակա միջավայրին հասցված վնաս։Նախկինում արձանագրված 3 դեպքով նշանակվել է 600.000 ՀՀ դրամի չափով վարչական տուգանք։Մասնավորապես` Բուսական աշխարհի պահպանության ոլորտ Արձանագրված 6 դեպքով հաշվարկվել է 7.084.050 ՀՀ դրամի չափով շրջակա միջավայրին հասցված վնաս։Նախկինում արձանագրված 1 դեպքով նշանակվել է 100.000 ՀՀ դրամի չափով վարչական տուգանք։ Մթնոլորտային օդի և ջրերի պահպանության, թափոնների տեղաբաշխման, հողերի օգտագործման և պահպանման ոլորտ Նախկինում իրականացված 2 ստուգման արդյունքում նշանակվել է 500.000 ՀՀ դրամի չափով վարչական տուգանք։ ՀՀ ԱՆ ՀԿԱԾ է ուղարկվել 4 գործ (771.200 ՀՀ դրամի չափով վարչական տուգանք)։ Նշված ժամանակահատվածում ՀՀ պետական բյուջե մուտքագրվել է 479.900 ՀՀ դրամ:

10:15 - 19 հունվարի, 2021

Քննարկվել են «սիգի» ապօրինի որսի, ապօրինի ծառահատումների դեմ խստացված վերահսկողական աշխատանքներն ու ընթացիկ այլ հարցեր

Բնապահպանության և ընդերքի տեսչական մարմնի ղեկավար Գնել Հասրաթյանն աշխատանքային խորհրդակցություն է անցկացրել Տեսչական մարմնի կառուցվածքային և տարածքային ստորաբաժանումների ղեկավարների հետ։ Քննարկվել են «սիգ» ձկնատեսակի ապօրինի որսի, ապօրինի ծառահատումների, փայտանյութի տեղափոխման կանխարգելման միջոցառումների շրջանակներում իրականացվող խստացված վերահսկողական աշխատանքներն ու այլ ընթացիկ հարցեր։ Տրվել են հանձնարարականներ։

10:22 - 18 հունվարի, 2021

Արձանագրված 21 դեպքով հաշվարկվել է 19 մլն ՀՀ դրամի չափով շրջակա միջավայրին հասցված վնաս

11:32 - 12 հունվարի, 2021

Շրջակա միջավայրին հասցվել է 16 միլիոն դրամի վնաս

11:29 - 23 դեկտեմբերի, 2020