Ղրիմ

Ղրիմի թերակղզի կամ Ղրիմ արեւմտահայ աղբյուրներում՝ Խրիմ, թերակղզի Ուկրաինայի հարավում։ Թերակղզում է գտնվում Ղրիմի Ինքնավար Հանրապետությունը եւ Սեւաստոպոլ քաղաքը։ Տարածությունը 25,5 հազար կմ² է։ Արեւմուտքում եւ հարավում ողողվում է Սեւ, արեւելքում՝ Ազովի ծովերով։ Արեւելաեվրոպական հարթավայրին է միանում Պերեկոպի նեղ (մինչեւ 8 կմ) պարանոցով։ Ղրիմի արեւելքում գտնվում են Կերչ, արեւմուտքում՝ Թարխանկուտ թերակղզիները, հյուսիսարեւելյան ամբողջ ծովեզերքի երկայնքով ձգվում է Սիվաշը։

Զելենսկին Էրդողանին շնորհակալություն է հայտնել ՄԱԿ-ի ԳՎ ամբիոնից Ղրիմի «բռնակցման» մասին խոսքերի համար և նրան Ուկրաինա հրավիրել |tert.am|

Զելենսկին Էրդողանին շնորհակալություն է հայտնել ՄԱԿ-ի ԳՎ ամբիոնից Ղրիմի «բռնակցման» մասին խոսքերի համար և նրան Ուկրաինա հրավիրել |tert.am|

tert.am: Ուկրաինայի նախագահ Վլադիմիր Զելենսկին ԱՄՆ-ում Թուրքիայի նախագահ Ռեջեփ Թայիփ Էրդողանի հետ հանդիպմանը շնորհակալություն է հայտնել նրան Ղրիմի «բռնակցման» մասին խոսքերի համար, գրում է «ՌԻԱ Նովոստի»-ն՝ մանրամասնելով, որ այս մասին հայտնել է պետության ղեկավարի գրասենյակի մամուլի ծառայությունը: Էրդողանը, ելույթ ունենալով ՄԱԿ-ի Գլխավոր վեհաժողովում, ասել է, որ կարևոր է պահպանել Ուկրաինայի տարածքային ամբողջականությունը, ներառյալ «բռնակցված» Ղրիմի տարածքը: Էրդողանը նաև նշել է Ղրիմի թաթարների իրավունքների պաշտպանության համար ավելի մեծ ջանքեր գործադրելու անհրաժեշտությունը:«Ուկրաինայի ղեկավարը շնորհակալություն է հայտնել Թուրքիայի առաջնորդին` Ռուսաստանի Դաշնության կողմից Ղրիմի բռնակցումը չճանաչելու վերաբերյալ իր հաստատակամ դիրքորոշման համար ... Զելենսկին նշել է ուկրաինա-թուրքական հարաբերությունների ռազմավարական բնույթը և քաղաքական, առևտրատնտեսական, ռազմատեխնիկական և հումանիտար ոլորտներում երկկողմ համագործակցության տեմպերի ամրապնդման կարևորությունը», - հավելել է Ուկրաինայի նախագահի մամուլի ծառայությունը:

12:11 - 22 սեպտեմբերի, 2021

ՌԴ-ն ցավում է Ղրիմում ընտրությունների հարցով Թուրքիայի դիրքորոշման համար. Պեսկով |tert.am|

ՌԴ-ն ցավում է Ղրիմում ընտրությունների հարցով Թուրքիայի դիրքորոշման համար. Պեսկով |tert.am|

tert.am: Կրեմլն ափսոսանք է հայտնել՝ կապված Ղրիմում Պետդումայի ընտրությունների արդյունքերը չընդունելու մասին Թուրքիայի հայտարարության առնչությամբ և հույս է հայտնել, որ երկրի դիրքորոշումը թերակղզու հարցով կփոխվի:«Մենք չենք ընդունում նման հայտարարությունները և մենք բացեիբաց ասում ենք այդ մասին մեր թուրք գործընկերներին: Ղրիմի թեման այն հարցն է, որի շուրջ մեր դիրքորոշումները տրամագծորեն տարբերվում են: Ցավում ենք Թուրքիայի նման դիրքորոշման համար, սակայն հուսով ենք, որ ժամանակի հետ քաղաքական կամք կդրսևորվի, և Թուրքիան կփոխի իր դիրքորոշումը՝ տուրք տալով ճշմարտությանը և գործերի իրական դրությանը»,- ՏԱՍՍ գործակալության փոխանցմամբ՝ ասել է Կրեմլի ներկայացուցիչ Դմիտրի Պեսկովը:

14:35 - 21 սեպտեմբերի, 2021

Մոսկվան համապատասխան եզրակացություններ է անում, որոնք չեն նպաստում Թուրքիայի հետ երկկողմ հարաբերություններին. Զախարովա |factor.am|

Մոսկվան համապատասխան եզրակացություններ է անում, որոնք չեն նպաստում Թուրքիայի հետ երկկողմ հարաբերություններին. Զախարովա |factor.am|

factor.am: Մոսկվան ուշադրություն է դարձրել Ղրիմում ընտրությունները չճանաչելու մասին Թուրքիայի ԱԳՆ հայտարարությանը և համապատասխան եզրակացություններ է անում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՌԻԱ Նովոստին: Թուրքիայի ԱԳՆ-ն ավելի վաղ հայտնել էր, որ Ղրիմում Պետդումայի ընտրությունները, որոնք տեղի են ունեցել սեպտեմբերի 17-19-ը, Թուրքիայի համար իրավական ուժ չունեն, քանի որ Անկարան չի ճանաչում թերակղզու միացումը Ռուսաստանի Դաշնությանը:

13:22 - 21 սեպտեմբերի, 2021

Ռուսաստանը համաձայն չէ Ղրիմի հարցով Թուրքիայի դիրքորոշման հետ. Պեսկով |tert.am|

Ռուսաստանը համաձայն չէ Ղրիմի հարցով Թուրքիայի դիրքորոշման հետ. Պեսկով |tert.am|

tert.am: Ռուսաստանը կարծում է, որ Թուրքիայի դիրքորոշումը Ղրիմի հարցով բոլորովին սխալ է, Մոսկվան պատրաստ է հետագայում ևս բացատրել գործընկերներին իրադրությունը: ՏԱՍՍ գործակալության փոխանցմամբ՝ այս մասին հայտնել է ՌԴ նախագահի մամուլի քարտուղար Դմիտրի Պեսկովը:«Մենք չենք ընդունում մեր թուրք գործընկերների նման դիրքորոշումը, կարծում ենք, որ դա բոլորովին սխալ է: Եվ մենք պատրաստ ենք և լի ենք համբերությամբ հետագայում բացատրելու մեր թուրք գործընկերներին, ինչպես և այլ երկրներին, գործերի իրական դրությունը՝ կապված ռուսական այդ շրջանի հետ»,- ասել է Պեսկովը՝ մեկնաբանելով «Ղրիմի հարթակ» քննարկումներում թուրքական պատվիրակության ելույթը:

14:53 - 25 օգոստոսի, 2021

Թուրքիան երբեք չի ճանաչել և չի ճանաչի Ղրիմի բռնակցումը. Չավուշօղլու |tert.am|

Թուրքիան երբեք չի ճանաչել և չի ճանաչի Ղրիմի բռնակցումը. Չավուշօղլու |tert.am|

tert.am: Թուրքիան աջակցում է Ուկրաինայի սահմանների ամբողջականությանը, երբեք չի ճանաչել և չի ճանաչի Ղրիմի «բռնակցումը»: Ինչպես փոխանցում է «Անադոլու» գործակալությունը, այս մասին Կիևում անցկացվելիք «Ղրիմի հարթակ» համաժողովից առաջ լրագրողներին ասել է Թուրքիայի նախագահ Մևլյութ Չավուշօղլուն:Թուրքիայի ԱԳ նախարարն ընդգծել է, որ Թուրքիան մասնակցում է գագաթնաժողովին, որպեսզի ցույց տա աջակցությունն Ուկրաինայի տարածքային ամբողջականությանը և կարևորությունը, որն իրենք տալիս են ղրիմյան թաթարների իրավունքներին:«Մենք մշտապես կրկնում ենք, որ երբեք չենք ճանաչել և չենք ճանաչի Ղրիմի բռնակցումը»,- ընդգծել է Չավուշօղլուն:

17:21 - 23 օգոստոսի, 2021

Եվրամիությունը Ռուսաստանի դեմ ոլորտային տնտեսական պատժամիջոցները կերկարաձգի մինչև հունվարի 31-ը |azatutyun.am|

Եվրամիությունը Ռուսաստանի դեմ ոլորտային տնտեսական պատժամիջոցները կերկարաձգի մինչև հունվարի 31-ը |azatutyun.am|

azatutyun.am: Եվրամիության 27 երկրների արտգործնախարարները այսօր Բրյուսելում կայանալիք նիստում պաշտոնական որոշում կկայացնեն Ռուսաստանի դեմ ոլորտային տնտեսական պատժամիջոցները մինչև հունվարի 31-ը երկարաձգելու մասին, ՏԱՍՍ-ին հայտնել են եվրոպական արտաքին քաղաքական ծառայությունից: «Արտաքին գործերի նախարարների մակարդակով ԵՄ խորհուրդը երկուշաբթի օրը որոշում կկայացնի Ռուսաստանի դեմ սահմանված ոլորտային պատժամիջոցները երկարացնելու մասին, որոնք սահմանվել էին Ուկրաինայում ստեղծված իրավիճակի կապակցությամբ վեց ամսով: Որոշումը կկայացվի առանց քննարկման», - ասել է աղբյուրը: Սահմանափակումները երկարաձգելու որոշումը հաստատվել է հունիսի 24-ին Բրյուսելում կայացած գագաթնաժողովում: Եվրամիության տնտեսական պատժամիջոցները երկարաձգվում են տարեկան երկու անգամ` հուլիսին և հունվարին: 2014 թվականին Եվրամիությունը պատժամիջոցներ կիրառեց Ռուսաստանի դեմ` կապված Ղրիմի հետ: Պատժամիջոցները բազմիցս ընդլայնվել և երկարաձգվել են: Կասեցվեցին բանակցությունները առանց վիզայի ռեժիմի և համագործակցության մասին նոր հիմնական համաձայնագրի հետ կապված, Ռուսաստանի մի շարք պաշտոնյաների համար Միության երկրներ մուտքի արգելք մտցվեց, նրանց ակտիվները սառեցվեցին: Հայտարարվեց նաև առևտրի, ֆինանսական և ռազմական սահմանափակումների մասին: Ի պատասխան՝ Ռուսաստանը արգելք սահմանեց Եվրամիությունից մի շարք պարենային ապրանքների ներմուծման վրա:

11:53 - 12 հուլիսի, 2021

ԵԽԽՎ-ն ընդունած բանաձևով կոչ է արել Ռուսաստանին Ղրիմում չկիրառել ռուսական օրենսդրությունը |tert.am|

ԵԽԽՎ-ն ընդունած բանաձևով կոչ է արել Ռուսաստանին Ղրիմում չկիրառել ռուսական օրենսդրությունը |tert.am|

tert.am: Եվրոպայի խորհրդի խորհրդարանական վեհաժողովը (ԵԽԽՎ) կոչ է արել Ռուսաստանի Ղրիմում չկիրառել ռուսական օրենսդրությունը, հաղորդում է ТАСС-ը: Խոսքը Իսլանդիայի ներկայացուիչ Սունն Էվարսդոտտիր՝ Ղրիմի թաթարների կարգավիճակի և դրության մասին ներկայացված զեկուցման հիման վրա ընդունված զեկույցի մասին է: Այդ զեկույցում ԵԽԽՎ-ն կրկնել է իր կողմից «Ղրիմի անեքսիան չճանաչելու» մասին դիրքորոշումը՝ կոչ անելով Ղրիմում կիրառել ռուսական օրենսդրությունը, այդ թվում՝ ահաբեկչության և ծայրահեղականության ոլորտներում, իսկ փոխարենն առաջարկվում է կիրառել Ուկրաինայի օրենսդրությամբ այս պահին առաջարկվող կարգավորումները:

09:16 - 24 հունիսի, 2021

Ռուսաստանը Ղրիմի հարցով նախազգուշացում է արել Թուրքիային |ermenihaber.am|

Ռուսաստանը Ղրիմի հարցով նախազգուշացում է արել Թուրքիային |ermenihaber.am|

ermenihaber.am: Ռուսաստանի արտգործնախարար Սերգեյ Լավրովը «Аргументы и факты» թերթին տված հարցազրույցում Թուրքիային ուղղված նախազգուշական հայտարարություն է արել: Լավրովը հայտնել է, որ Ղրիմի հետ կապված ուկրաինական նախաձեռնությունների խրախուսումը հավասարազոր է Ռուսաստանի ամբողջականության դեմ կատարվող ոտնձգության: «Եթե խոսենք ուկրաինական գործերի մասին, ապա բոլոր մակարդակներում մենք խստիվ հորդորում ենք մեր թուրք գործընկերներին ուշադիր վերլուծել իրավիճակը և դադարեցնել Կիևի ռազմատենչ տրամադրությունների սնուցումը: Մենք շատ հստակ ենք, որ Ղրիմում ուկրաինական ագրեսիվ նախաձեռնությունները խրախուսելը հավասարազոր է ոտնձգության Ռուսաստանի տարածքային ամբողջականությանը», - ասել է Լավրովը: Լավրովը նաև նշել է, որ այս կապակցությամբ Ռուսաստանն ակնկալում է, որ Թուրքիայի գիծը «կշտկվի՝ հաշվի առնելով Մոսկվայի օրինական մտահոգությունները»։ Հիշեցնենք, որ ապրիլի 10-ին Թուրքիայի նախագահ Ռեջեփ Թայիփ Էրդողանը Ստամբուլում Ուկրաինայի նախագահ Վլադիմիր Զելենսկու հետ բանակցություններում վերահաստատել էր Անկարայի պաշտոնական այն դիրքորոշումը, որ Թուրքիան չի ճանաչում Ղրիմի անեքսիան։

19:58 - 24 մայիսի, 2021

Ուկրաինան ամեն ինչ անում է Ղրիմը վերադարձնելու համար. Զելենսկի |tert.am|

Ուկրաինան ամեն ինչ անում է Ղրիմը վերադարձնելու համար. Զելենսկի |tert.am|

tert.am: Ուկրաինայի նախագահ Վլադիմիր Զելենսկին հայտարարել է, որ երկիրն ամեն ինչ անում է Ղրիմը Կիևի վերահսկողության տակ վերադարձնելու համար:Հայրենական մեծ պատերազմի տարիներին Ղրիմի ժողովուրդների տեղահանության զոհերի հիշատակի օրը նշվում է մայիսի 18-ին: Այս օրը թերակղզում անցկացվում են հիշատակի միջոցառումներ:«77 տարի առաջ Ղրիմի ամբողջ թաթարական բնակչությունն արտաքսվեց Ղրիմից: Դրա պատճառով նրանք կորցրել են մարդկանց 50% -ը: 7 տարի առաջ Ղրիմը բռնազավթվել է Ռուսաստանի կողմից: Ուկրաինան ամեն ինչ անում է թերակղզին վերադարձնելու համար: Այդ պատճառով ենք մենք գործարկել Ղրիմի պլատֆորմը», - գրել է Զելենսկին իր թվիթերյան օգտահաշվում:

13:16 - 18 մայիսի, 2021

Ուկրաինական բանակը պետք է ցանկացած պահի պատրաստ լինի հետ մղել հարձակումը․ Վլադիմիր Զելենսկի |azatutyun.am|

Ուկրաինական բանակը պետք է ցանկացած պահի պատրաստ լինի հետ մղել հարձակումը․ Վլադիմիր Զելենսկի |azatutyun.am|

azatutyun.am: Ուկրաինական բանակը պետք է ցանկացած պահի պատրաստ լինի հետ մղել հարձակումը։ Նախօրեին՝ Ղրիմի թերակղզուն սահմանակից շրջաններ այցի ժամանակ, նման հայտարարությամբ է հանդես եկել Ուկրաինայի նախագահ Վլադիմիր Զելենսկին։ Այցի ընթացքում նա շփվել է Խերսոնի մարզում՝ Ղրիմի վարչական սահմանի երկայնքով տեղակայված ուկրաինական ստորաբաժանումների զինծառայողների հետ։ «Առաջնագծում գտնվող ստորաբաժանումների, ինչպես նաև պահեստազորի զինծառայողների կարողությունների ստուգումը շատ կարևոր է։ Խոսքը նաև զորքերի տեխնիկական կարողությունների և զինվորականների հոգեվիճակի մասին է։ Թեև [ռուսական] զորքերը սկսել են հետ քաշվել, այնուհանդերձ, մեր ստորաբաժանումները պետք է պատրաստ լինեն ցանկացած պահի վերադառնալ սահմանների պաշտպանությանը», - հայտարարում էր Զելենսկին։ Ուկրաինայի նախագահի այցը երկրի հարավային շրջաններ մեկնարկել է ռուսական զորքերի՝ Ուկրաինայի սահմանից հետքաշմանը զուգահեռ։

13:18 - 28 ապրիլի, 2021

Մինսկի կողմից Ղրիմի չճանաչումը չի խոչընդոտում մեր կապերը․ Պեսկով |azatutyun.am|

Մինսկի կողմից Ղրիմի չճանաչումը չի խոչընդոտում մեր կապերը․ Պեսկով |azatutyun.am|

azatutyun.am: Ռուսաստանի նախագահ Վլադիմիր Պուտինի խոսնակ Դմիտրի Պեսկովն ասել է, թե պաշտոնական Մինսկի կողմից Ղրիմը Ռուսաստանի մաս չճանաչելու հանգամանքը չի խոչընդոտում ռուս-բելառուսական հարաբերությունները: «Դա Բելառուսի ինքնիշխան իրավունքն է, դա բնավ չի բարդացնում մեր երկխոսությունը», - հայտարարել է Պուտինի խոսնակը, նշելով, որ «երկու երկրների միջև հաստատվել են բազմապրոֆիլային հարաբերություններ, որոնք զարգանում են Միութենական պետության և ինտեգրման գործընթացների շրջանակներում»: Պեսկովը նշել է նաև, որ Ռուսաստանի և Բելառուսի նախագահներ Վլադիմիր Պուտինի և Ալեքսանդր Լուկաշենկոյի հանդիպումներում Ղրիմի թեման չի արծարծվում:

16:33 - 23 ապրիլի, 2021

Ղրիմում զանգվածային զորավարժություններ են սկսվել |tert.am|

Ղրիմում զանգվածային զորավարժություններ են սկսվել |tert.am|

tert.am: Ռուսաստանի պաշտպանության նախարար Սերգեյ Շոյգուն մարտական պատրաստվածության անակնկալ ստուգման շրջանակում ժամանել է Ղրիմ՝ ստուգելու ռազմածովային և ցամաքային զորքերի պատրաստությունը զորավարժություններին: Այս մասին տեղեկացնում է «Կոմերսանտ» պարբերականը` հղում տալով ՌԴ պաշտպանության նախարարության մամուլի հաղորդագրությանը:Գերատեսչության ղեկավարՆ ուղղաթիռով թռչել է այն շրջանների վրայով, որտեղ տեղակայված են զորքերն ու ռազմական տեխնիկան, ինչպես նաև լսել է զորավարժությունների ընթացքում զորքերի առաջիկա գործողությունների մասին զեկույցը:«Օպուկ» զորավարժարանը, որտեղ այսօր վարժանքներ են ընթանում, գտնվում է Թեոդոսիայից 60, իսկ Կերչից 40 կմ հեռավորության վրա: Զորավարժությունները սկսվել են Մոսկվայի ժամանակով մոտավորապես 12:05-ին (Երևանի ժամանակով 13:05):

14:36 - 22 ապրիլի, 2021

Ռուսաստանը Ղրիմ է տեղափոխել Հյուսիսային Կովկասի ռազմական կազմավորումները
|tert.am|

Ռուսաստանը Ղրիմ է տեղափոխել Հյուսիսային Կովկասի ռազմական կազմավորումները |tert.am|

tert.am: Ռուսաստանի Հարավային ռազմական օկրուգի 58-րդ համաբանակային բանակի կազմավորումները Հյուսիսային Կովկասից տեղափոխվել են Ղրիմ՝ Օփուկի կրակադաշտում ուսումնական կրակ իրականացնելու համար: Այս մասին «Կոմերսանտ»-ին տեղեկացրել են օկրուգի մամուլի ծառայությունից: Զորավարժությունների ընթացքում խնդիր է դրվել ստուգել «Ֆագոտ» և «Խրիզանտեմա» հակատանկային կառավարվող համալիրների օպերատորների գործնական հմտությունները։

21:38 - 16 ապրիլի, 2021

ՌԴ դեսպանները կանչվել են Մեծ Բրիտանիայի և Լեհաստանի ԱԳՆ-ներ

|armenpress.am|

ՌԴ դեսպանները կանչվել են Մեծ Բրիտանիայի և Լեհաստանի ԱԳՆ-ներ |armenpress.am|

armenpress.am: Մեծ Բրիտանիայի արտաքին գործերի նախարարությունը Լոնդոնում Ռուսաստանի դեսպան Անդրեյ Կելինին «Ռուսաստանի թշնամական վարքագծի» հետ կապված կանչել է ԱԳՆ: Այդ մասին ասված է ՄԲ ԱԳՆ-ի կողմից «Ռիա-նովոստի»-ին տրամադրված հայտարարության մեջ: «Մեծ Բրիտանիայի ԱԳՆ-ն ՌԴ դեսպանին Ռուսաստանի թշնամական վարքագծի հետ կապված, այդ թվում կիբերհարձակումների, ժողովրդավարական գհործընթացներին ներգրավվածության, ուկրաինական սահմանին ռազմական ներկայության ուժեղացման ու Ղրիմի անօրինական բռնազավթման հետ կապված խոր մտահոգությամբ կանչել է ԱԳՆ»,- ասված է հայտարարության մեջ: Գործնականում միաժամանակ հայտնի է դարձել, որ Վարշավայում ՌԴ դեսպան Սերգեյ Անդրեեվին կանչել են Լեհաստանի ԱԳՆ: Դիվանագիտական աղբյուրների տեղեկությունների համաձայն, «կանչը կապված է ԱՄՆ-ի կողմից Ռուսաստանի նկատմամբ պատժամիջոցների կիրառման հետ»: Եվս մեկ պատճառ կարող է լինել Ուկրաինայի հարավային սահմանին իրավիճակը:

22:55 - 15 ապրիլի, 2021

Էրդողանին հրավիրել են Ղրիմ
|tert.am|

Էրդողանին հրավիրել են Ղրիմ |tert.am|

tert.am: Ղրիմի խորհրդարանի Ժողովրդական դիվանագիտության և ազգամիջյան հարաբերությունների կոմիտեի ղեկավար Յուրի Գեմպելը հայտարարել է, որ Թուրքիայի նախագահ Ռեջեփ Թայիփ Էրդողանի՝ Ղրիմի հարցում դիրքորոշումը միայն ափսոսանք է առաջացնում և նրան հրավիրել է Ղրիմ։ «Էրդողանը, եթե իսկապես իմաստուն և խիզախ քաղաքական գործիչ է, կարող է գալ Ղրիմ։ Ղրիմը բաց է, Ռուսաստանը ձգտում է բաց երկխոսություն վարել բոլոր պետությունների հետ՝ բարիդրացիական հարաբերություններ կառուցելով։ Բայց, ցավոք, Էրդողանի կողմից առայժմ լսում ենք միայն անհեռատես և վիրավորական հայտարարություններ»,- «ՌԻԱ Նովոստի»- ին ասել է Գեմպելը։ Նրա խոսքով՝ Ղրիմը փաստացի և իրավաբանորեն Ռուսաստանի անբաժանելի մասն է, և դրա հետ Թուրքիան պետք է ոչ միայն հաշվի նստի, այլև ճանաչի այդ փաստը։ «Թուրքական տարածաշրջանի համար ժամանակն է տնտեսական հարաբերություններ կառուցել ռուսական Ղրիմի հետ»,- հավելել է նա։

12:55 - 11 ապրիլի, 2021

Էրդողանը Զելենսկիի հետ հանդիպմանը վերահաստատել է Թուրքիայի դիրքորոշումը «Ղրիմի բռնակցումը» չճանաչելու հարցում |tert.am|

Էրդողանը Զելենսկիի հետ հանդիպմանը վերահաստատել է Թուրքիայի դիրքորոշումը «Ղրիմի բռնակցումը» չճանաչելու հարցում |tert.am|

tert.am: Ուկրաինացի պաշտոնակցի հետ Ստամբուլում կայացած բանակցությունների ավարտին Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան և Ուկրաինան պայմանավորվել են շարունակել ռազմավարական համագործակցությունը:Ինչպես փոխանցում է ՏԱՍՍ գործակալությունը, Էրդողանը հայտարարել է, որ բանակցություններում վերահաստատել է Թուրքիայի սկզբունքային որոշումը «Ղրիմի բռնակցումը» չճանաչելու վերաբերյալ:Էրդողանը հայտարարել է, որ աջակցում է «Ղրիմի հարթակին»:

21:59 - 10 ապրիլի, 2021