Կորոնավիրուսի շուրջ զարգացումներ, Հայաստան, 09.04․20 (թարմացվող)
23։26- Պարետի որոշմամբ վեց ժամով արգելվելու է հետևյալ տնտեսվարողներին պատկանող մասնաճյուղերի (սուպերմարկետների) գործունեության ծավալումը՝1) «ՍԻԹԻ» ՍՊԸ՝ ք. Երևան, Բագրատունյաց 5/3.2) «ԱՆԴՐԱՆԻԿ ՄԵԼԻՔՍԵԹՅԱՆ» ԱՁ՝ ք. Իջևան, Անկախության 67/Ա.3) «ՖՐԵՇ ՍՈՒՊԵՐՄԱՐԿԵՏ» ՍՊԸ` ք․ Իջևան Երևանյան 1.4) «ԳԵՂԵՑԻԿ ՋԻԼԱՎՅԱՆ» ԱՁ` ք. Ստեփանավան, Ստեփանավան-Լոռի Բերդ մայրուղու սկզբնամաս:3. Տնտեսավարող գործունեությունը արգելվում է տեղեկացման 23։01- Երևանի քաղաքապետարանը չինական Չոնգցին գործընկեր քաղաքից ստացել է բժշկական 50.000 դիմակ և 20.000 ձեռնոց: 10.000 դիմակ և 2000 ձեռնոց տրամադրվել է պարետատանը՝ հրատապ կարիքների համար:
Բժշկական պարագաների մնացած խմբաքանակը կբաժանվի քաղաքապետարանի ենթակայության բուժհաստատություններին: [Երեւանի քաղաքապետարան]22։55- Հակաճգնաժամային միջոցառումների շրջանակներում բաշխվել է 10 մլդ 700 մլն դրամի աջակցություն։ [Նիկոլ Փաշինյան]22։42- Ուկրաինայում կորոնավիրուսի է հաստատվել 1978 թվականին ծնված, ծագմամբ հայ Ուկրաինայի քաղաքացու մոտ, տեղեկացնում է UA-Report.info-ն, այս մասին հայտնել է Ուկրաինայի հայերի միության գործադիր տնօրեն Հովակիմ Հարությունյանը։«Հարությունյանը հաղորդել է, որ վարակված հայերի թիվը կարող է հասնել է 3-ի. խոսքը առաջին վարակվածի ընտանիքի անդամների մասին է»։ |armenpress.am|22։19- Տավուշում իրավիճակը հսկողության տակ է։ Այս պահին ունենք 6 վարակակիր, որոնք գտնվում են համապատասխան բժշկական հաստատություններում, լավ են զգում։ Նրանց մաղթենք բարեհաջող ապաքինում։ Այսօրվա դրությամբ բնամթերային օգնություն է տրամադրվել 2000-ից ավելի ընտանիքների և ևս 1200 երեխաների։ Սա ամենօրյա շարունակական գործընթաց է։ Շնորհակալություն բոլոր մասնակիցներին։Մեր դպրոցականներին բաժանել ենք 100-ից ավելի համակարգիչներ և պլանշետներ։ Առաջիկա օրերին կտրամադրվեն այդքան ևս։ [Տավուշի մարզպետ Հայկ Չոբանյան]21։47- Վրացական իշխանությունների հետ բանակցությունների արդյունքում այսօր հնարավոր դարձավ Թուրքիայում գտնվող ՀՀ 73 քաղաքացիների տեղափոխման համար Վրաստանի տարածքով միջանցքի տրամադրումը և նրանց՝ Հայաստան տեղափոխումը (2 ավտոբուսներով):
Վրաստանում ՀՀ դեսպանությունը համակարգել է Վրաստանի տարածքում ՀՀ քաղաքացիների դիմավորման և մինչև Բագրատաշենի անցակետ տեղափոխման աշխատանքները, նրանց տրամադրել է ուտելիք և առաջին անհրաժեշտության պարագաներ, ինչպես նաև ապահովել է Վրաստանի տարածքում ՀՀ քաղաքացիների երկանգամյա կանգառի ախտահանման աշխատանքները։ [Վրաստանում ՀՀ դեսպանություն]20:42- ՀԱՅԲԻԶՆԵՍԲԱՆԿ–ը միանում է ՀՀ կառավարության՝ կորոնավիրուսի տնտեսական հետևանքների չեզոքացման միջոցառումների շրջանակներում իրականացվող՝ ֆինանսական միջոցների ժամանակավոր հասանելիության նպատակով տրամադրվող օժանդակության ծրագրերին: Ծրագրերի պայմաններին և չափանիշներին կարող ենք ծանոթանալ հետևյալ հղումով` gov.am (https://www.gov.am/am/covid19):Ծրագրերի պահանջներին բավարարող տնտեսվարողները դիմում կարող են ուղարկել [email protected] էլեկտրոնային հասցեին կամ դիմել Բանկի մոտակա մասնաճյուղ։20:15- Արցախում կորոնավիրուսի դեպքով հաստատված երրորդ քաղաքացին, որը ՀՀ քաղաքացի է, տեղափոխվել է Հայաստանի Հանրապետություն: Վերջինս Արցախի որևէ բնակավայրում կանգ չի առել, շփման շրջանակը հիմնականում ՀՀ-ից է, իսկ անցակետում նրա հետ առնչված բուժաշխատողները եղել են պաշտպանիչ պարագաներով: Նրա ինքնամեկուսացումն իրականացվել է բուժաշխատողների կողմից, որոնք եղել են համապատասխան պաշտպանիչ արտահագուստով: Քաղաքացին եղել է առանձին՝ ինքնամեկուսացման համար նախատեսված վայրում և ապահովված եղել անհրաժեշտ պարենամթերքով և հիգիենայի պարագաներով: [Արցախի տեղեկատվական շտաբ]20:10- Առողջապահության նախարարությունից տեղեկացնում են, որ թեստավորված երկու քաղաքացիների առողջական վիճակը նորմալ է, վարակին բնորոշ ախտանիշներ չունեն: Այս պահին առողջապահական բուժհաստատություններում (Քաշաթաղի բուժմիավորում) մեկուսացված 4 քաղաքացիներ կան՝ կորոնավիրուսի հաստատված դեպքով քաղաքացին՝ առաջին վարակակրի հարսը, նրա երկու երեխաները, ամուսնու հայրը: Նրանց առողջական վիճակը գնահատվում է նորմալ, վարակին բնորոշ ախտանիշներ չունեն: [Արցախի տեղեկատվական շտաբ]20:07- Արցախի Հանրապետության աշխատանքի, սոցիալական հարցերի և վերաբնակեցման նախարարությունը Միրիկ համայնքին արդեն տրամադրել է 15 օրվա պարենամթերք, իսկ մյուս համայնքներին կհատկացվի առաջիկա օրերին: [Արցախի տեղեկատվական շտաբ]20:05- Քաշաթաղի ինքնամեկուսացված Միրիկ, Մոշաթաղ, Ծիծեռնավանք համայնքները առաջիկայում կապահովվեն անհրաժեշտ պարենամթերքով: [Արցախի տեղեկատվական շտաբ]19:50- ՀՀ աշխատանք եւ սոցիալական հարցերի նախարարության թեժ գիծ ապրիլի 7-ից 9-ը գրանցվել է աննախադեպ մեծքանակ զանգ՝ 12 հազար 233: Այս զանգերը նախարարությունը ստացել է թեժ գծի նոր՝ 011 300 114 համարին:Մի քանի օրում ձեւավորել այսպիսի համակարգ՝ լավ մարտահրավեր էր. 12,233 զանգերից 94.9% սպասարկվել է։ [ՀՀ աշխատանք եւ սոցիալական հարցերի փոխնախարար Գեմաֆին Գասպարյան]19:00- Մեր դեպքերի կրկնապատկման ցիկլը մոտենում է 10 օրին: Եթե այս տեմպը պահպանվի, ապա մենք ապրիլի 19-ին կունենանք մոտ 1.800 դեպք, իսկ ապրիլի 29-ին` 3600 դեպք: Դրականը այն է, որ վերջին 5 օրերի աճի տեմպը ավելի դանդաղ է քան հավաքական վերցրած վերջին 10 օրերինը: Բացասականը այն է, որ այս փոքրիկ և հարաբերական «ձեռքբերումը» կարող է հօդս ցնդել, եթե մենք «թուլանանք» և կրկին վերադառնանք մեր առօրյա կյանքին` չպահպանելով հիվանդության տարածումը կանխող կանոնները: [Արսեն Թորոսյան]
18:45- Արցախում կորոնավիրուսով ախտորոշված անձանցից մեկը ՀՀ քաղաքացի է՝ Արմավիրի մարզից։ 18:20- 2020 թվականի մարտ ամսին որոշ ապրանքների, մասնավորապես կարագի, շաքարավազի գներն ավելի ցածր են եղել նախորդ երկու տարիների նույն ժամանակահատվածի համեմատ: Հացի և ալյուրի գծով հիմնականում ունենք փոքր գնային բարձրացումներ կամ գները պահպանվել են նույն մակարդակի վրա:Միաժամանակ, ըստ ՀՀ ԿԲ-ի՝ ԱՄՆ դոլարի միջին փոխարժեքը 2018, 2019 և 2020 թվականների մարտ ամսին կազմել է համապատասխանաբար 480 , 487 և 489 դրամ: [ՀՀ տնտեսական մրցակցության պաշտպանության պետական հանձնաժողով]17։45- Դեսպանությունը շարունակ ջանքեր է գործադրում հնարավոր աջակցություն ցուցաբերելու այն ՀՀ քաղաքացիներին, ովքեր արտագնա աշխատանքի նպատակով ժամանել էին Ռուսաստան և ստեղծված իրավիճակի հետևանքով կորցրել աշխատանքն ու հայտնվել դժվար կացության մեջ։ Շինարարական ոլորտում աշխատանքի կարիք ունեցող անհատները, խմբերը կարող են իրենց տվյալներն ուղարկել հետևյալ էլ․ հասցեին՝ [email protected]։ [ՌԴ-ում ՀՀ դեսպանություն]
17։41- Հեռավար կրության մեջ մենք ունենք մեկ բաց, դա ներառական կրթության առումով է։ Ուսուցիչները դժվարություն ունեն ներառված երեխաների և ներառական դասի ապահովման առումով։ Ներառված աշակերտներից շատերն ունեն սարքավորումներին միանալու, խոսքի դժվարություն։ Այս առումով դուրս են մնում կրթական գործընթացից։ [Իմ քայլը» խմբակցության պատգամավոր Սոֆիա Հովսեփյան] |armenpress.am|
17։33- ԱՀ առողջապահության նախարարությունից տեղեկացնում են, որ այսօր թեստավորված երեք քաղաքացիներից երկուսի թեստավորման արդյունքը եղել է դրական: Նրանցից մեկն ապրիլի 7-ին հաստատված վարակակրի հարսն է, ով ապրիլի 2-ից արդեն ինքնամեկուսացվել էր: Երկրորդը ՀՀ-ից Արցախ մուտք գործած ՀՀ քաղաքացի է, որի անհատական քարտի լրացման ժամանակ պարզվել է, որ եկել է ռիսկային բնակավայրից: Այդ քաղաքացին ևս, մինչ թեստավորումը գտնվել է ինքնամեկուսացման մեջ, և առաջիկայում նրան տեղափոխելու են ՀՀ: [Արցախի տեղեկատվական շտաբ]
17։06- Շիրակում արձանագրվել կորոնավիրուսով հիվանդի ապաքինման 1 դեպք: Նա դուրս է գրվել Գյումրիի ինֆեկցիոն հիվանդանոցից: Այս մասին լրագրողներին տեղեկացրեց Շիրակի մարզպետ Տիգրան Պետրոսյանը՝ նշելով, որ այս օրերի ընթացքում ապաքինվել է ևս 2 վարակակիր, որոնք Գյումրու ինֆեկցիոն հիվանդանոց էին տեղափոխվել այլ տարածքներից: Մարզում, ըստ վերջին տվյալների, արձանագրվել է կորոնավիրուսով վարակման 13 դեպք: Այս ընթացքում գրանցվել է նաև մահվան 1 դեպք: |armenpress.am|
17։02- Հաշվի առնելով ստեղծված իրավիճակը և նպատակ ունենալով մեղմելու մեր հաճախորդների համար կորոնավիրուսի պատճառով ստեղծված հետևանքները, Յունիբանկը կերկարաձգի վարկերի մարման ազատ գրաֆիկի ժամկետը մինչև 2020թ.-ի մայիսի 31-ը:
16։45- Հայաստանում արտակարգ դրության հաստատումից հետո մենք անցանք համընդհանուր հեռավար ուսուցման։ Հնարավորինս արագ քայլեր ձեռնարկվեցին կառավարության կողմից, որ հանրակրթության ոլորտում աշակերտների ուսուցումը հեռավար կարգով հնարավորինս արագ ապահովվի։ Բայց ես ոչ այնքան միանշանակ եմ օգտագործում «հեռավար կրթություն» տերմինը, որովհետև հեռավար կրթությունը նախ և առաջ համակարգային լուծումների մասին է։ Մեր խնդիրն է` հեռավար կրթությունն ինստիտուցիոնալացնել։ [ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյան] |armenpress.am|
16։33- Երևանում Գերմանիայի դեսպանությունը վերապլանավորելու է Փոքր դրամաշնորհային ծրագրերի համար նախատեսված բյուջեի մի մասը՝ այն ուղղելով կորոնավիրուսի դեմ պայքարին։ Ապրիլին կարող են ներկայացվել համապատասխան հայտեր (օր․՝ հիվանդանոցների կողմից դիմակների, ախտահանման միջոցների և դեղամիջոցների ձեռքբերման համար)։ [Երևանում Գերմանիայի դեսպանություն]
15։54- Հայաստանի կողմից ձեռնարկվում են բոլոր հնարավոր միջոցները՝ մեր քաղաքացիների վերադարձը Հայաստան ապահովելու ուղղությամբ, և առաջնահերութություն է հատկապես տրվում համավարակի լայն տարածում ստացած երկրներում դժվար կացության մեջ հայտնված մեր քաղաքացիների տեղափոխմանը: Որոշում կայացվեց տեղափոխել Թուրքիայում գտնվող և Հայաստան վերադառնալու ցանկություն հայտնած մեր քաղաքացիներին: ԱԳՆ հետ կապ են հաստատել Թուրքիայում գտնվող մոտ հարյուր ՀՀ քաղաքացիներ: ԱԳՆ ջանքերով և ֆինանսավորմամբ իրականացվում է Հայաստան վերադառնալու ցանկություն հայտնած յոթ տասնյակ ՀՀ քաղաքացիների տեղափոխումը Վրաստանի տարածքով։ [ԱԳՆ խոսնակ Աննա Նաղդալյան] |armenpress.am|
15։10- ԿԳՄՍ նախարար Արայիկ Հարությունյանի նախաձեռնությամբ և Գիտության կոմիտեի նախագահ Սարգիս Հայոցյանի մասնակցությամբ տեղի է ունեցել տեսակոնֆերանս Հայաստանի գիտական կազմակերպությունների տնօրենների հետ: Հանդիպմանը քննարկվել են արտակարգ իրավիճակի պայմաններում ստեղծված խնդիրների հաղթահարման աջակցության վերաբերյալ վերջիններիս առաջարկները: Ներկայացվել են առաջարկություններ ինքնամեկուսացմանն ռեժիմին առնչվող հասարակագիտական հետազոտությունների իրականացման վերաբերյալ ինչպես իրադրության սոցիալ-հոգեբանական, այնպես էլ հեռավար կրթության և կառավարման մոդելների մասով: [ԿԳՄՍՆ]
15։04- Վրաստանի վարչապետ Գիորգի Գախարիան այսօր ասել է, որ իր երկրի քաղաքացիների հետ միասին ԱՄՆ-ից տարհանվելու է Հայաստանի 35 քաղաքացի: Խոսքը 35 անչափահասների մասին է։ Գիորգի Գախարիան նշել է, որ Վրաստանի 79 քաղաքացի, որոնք դպրոցականներ են, տարհանվելու են հատուկ չվերթով, որը կիրականացվի ապրիլի 10-ին՝ Դոհայով: |mediamax.am|
15։02- Կորոնավիրուսի տարածման կանխարգելիչ միջոցառումներին զուգահեռ Էջմիածնի քաղաքապետարանն իրականացնում է նաեւ սոցիալական մի շարք նախաձեռնություններ՝ ստեղծված իրավիճակում դժվար կացության մեջ հայտնված ընտանիքներին հատկացնելով առաջնային անհրաժեշտության սննդի պարենի փաթեթներ: Արդեն իսկ աջակցություն է ցուցաբերվել 120 ընտանիքի: Քաղաքապետարանը սոցիալական մի շարք նախաձեռնություններ է իրականացրել նաեւ բարերարների եւ տարբեր կազմակերպությունների հետ համատեղ: Այդ համագործակցությունների շնորհիվ արդեն իսկ սննդօգնություն է հատկացվել սոցիալապես անապահով 399 ընտանիքի: [Էջմիածնի քաղաքապետարան]
14։54- «Արմաթ» ինժեներական լաբորատորիաների տեխնիկական համայնքի ներկայացուցիչները Կոտայքի մարզպետարանին են հանձնել մեր մարզի դպրոցների «Արմաթ» լաբորատորիաներում պատրաստված պաշտպանիչ դիմավահաններ՝ մարզի բուժհաստատություններին տրամադրելու նպատակով: Դիմավահանները ստացել են 3D եռաչափ տպիչի միջոցով՝ օրգանական նյութերից ստացված պլաստմասսայի և անօրգանական պլաստիկատի կիրառմամբ: Շուրջ 120 պաշտպանիչ դիմավահանները մարզպետարանի կողմից կտրամադրվեն առողջության առաջնային օղակի աշխատակիցներին։ [Կոտայքի մարզպետ Ռոմանոս Պետրոսյան]
14։47- Արցախի Հանրապետության նախագահ Բակո Սահակյանը հանձնարարել է նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովին՝ միջոցներ ձեռնարկել սահմանային հսկողությունը անցակետերում ուժեղացնելու և սահմանված կարգը լիարժեք իրագործելու ուղղությամբ: Առաջիկայում առողջապահության նախարարությունը նաև ուղեցույց կհրապարակի ՀՀ-ից Արցախ մուտք գործող խմբերի՝ հանրապետությունում շարժերի ժամանակ սահմանված պահանջների պահպանման և վարքուկանոնի մասին: [Արցախ տեղեկատվական շտաբ]
11։28- Կառավարությունը Հաստատեց կորոնավիրուսի տնտեսական հետևանքների չեզոքացման տասներորդ միջոցառումը։ Միջոցառման նպատակն է միանվագ դրամաշնորհի տրամադրման միջոցով օժանդակել կորոնավիրուսի տարածման հետևանքով ՀՀ միկրոձեռնարկատիրության սուբյեկտ հանդիսացող առանձին տնտեսավարողներին:
11։20- Հաշվի առնելով կորոնավիրուսի համաճարակից ստեղծված իրավիճակը՝ Լոս Անջելեսի միացյալ մարմինը, Միացյալ հայ երիտասարդները եւ Հայոց ցեղասպանության հանձնախումբը որոշեցին չեղարկել Ապրիլ 24-ի ոգեկոչմանն առնչվող բոլոր միջոցառումները: |armtimes.com|
11։14- ԱՀ առողջապահության նախարարությունից տեղեկացնում են, որ կորոնավիրուսով վարակված քաղաքացու առողջական վիճակը, բժիշկների գնահատմամբ, կայուն է: Միրիկ և մերձակա համայնքներից ջերմություն կամ վարակին բնորոշ ախտանիշներ ունեցող քաղաքացիներ չկան. տեղում շուրջօրյա հերթապահություն իրականացնող բուժանձնակազմը որևէ բողոք չի ստացել: Այս պահի դրությամբ երեք քաղաքացուց վերցվել է փորձանմուշ և ուղարկվել թեստավորման: Նրանցից մեկը կորոնավիրուսով վարակված հիվանդի ընտանիքի անդամ է, իսկ երկուսը առողջապահական բուժհաստատություններ դիմած քաղաքացիներ են։ [Արցախի տեղեկատվական շտաբ]
11։05- Ապրիլի 8-ի դրությամբ հաստատվել է կորոնոավիրուսային հիվանդության 28 նոր դեպք: Հաստատված դեպքերի ընդհանուր թիվը այս պահին կազմում է` 921: Վիճակագրությունից դուրս էին մնացել հաստատված 12 դեպք,որոնք արձանագրվել են վերջին 40 օրվա ընթացքում, երբ վիճակագրությունը չէր վարվում էլեկտրոնային համակարգի միջոցով: Այս պահին համակարգը ավտոմատացված է և վիճակագրական տվյալները մարդկային գործոնով պայմանավորված չեն: Նախարարության սկզբունքը մնում է նույնը` լինել բաց և թափանցիկ, ինչի համար էլ ներկայացնում ենք հետևյալ պարզաբանումը: Ապրիլի 9-ի դրությամբ ունենք նաև մահվան նոր դեպք: 80-ամյա պացիենտն ունեցել է կորոնավիրուսային հիվանդություն, ծանր աստիճանի թոքաբորբ՝ բարդացած թոքերի ռեսպիրատոր դիստրես համախտանիշով։ Տղամարդն ունեցել է ուղեկցող խրոնիկ հիվանդություններ, այդ թվում՝զարկերակային հիպերտենզիա, կախեքսիա, ծերունական սկլերոզ։ [ԱՆ խոսնակ Ալինա Նիկողոսյան]
11։00- Թարմացվել է 09.04.2020թ․ ժամը 11։00-ինՀաստատված դեպքերի ընդհանուր քանակը - 921Բուժվածներ - 138Փաստացի բուժվողներ - 773Բացասական թեստեր - 4902Մահվան ելքեր - 10 [ԱՆ]
10։11- Նոր կորոնավիրուսով վարակի հնարավոր դեպքերին Արցախի առողջապահության ոլորտը սկսել է պատրաստվել ամիսներ առաջ: Ստեփանակերտում և շրջկենտրոններում նախատեսված են բուժհիմնարկներ, որտեղ վարակակիրների մեկուսացման և հետագա բուժման համար ստեղծված են համապատասխան պայմաններ: [Արցախի տեղեկատվական շտաբ]
10։05- Երևանի քաղաքապետի հանձնարարությամբ, ՀՀ Պարետի ցուցումի համաձայն համայնքային շուրջ 70 ավտոբուսներ ամեն օր անվճար տեղափոխում են ավելի քան 1800 բուժաշխատող: [Երևանի քաղաքապետարան]
09։27- ՌԴ «Դոմոդեդովո» օդանավակայանում գտնվող քաղաքացիները, որոնց հետ ավելի վաղ հանդիպել է ՀՀ ԱԻՆ ներկայացուցիչ Արտակ Ղազարյանը, իրենց նախաձեռնությամբ կազմել են դեպի Հայաստան թռիչքի սպասող քաղաքացիների ցուցակ։ Հերթական չվերթի կազմակերպման դեպքում դեսպանատունն այդ ցուցակը կփոխանցի համապատասխան ավիաընկերությանը։ Համապատասխան թույլտվության ստացման դեպքում, այդ քաղաքացիներին առաջնահերթ կտրվեն ավիատոմսեր։ [ՌԴ-ում ՀՀ դեսպանություն] |shantnews.am|
Նորություններ կորոնավիրուսի մասին, աշխարհ, 09․04․20
Կորոնավիրուսի շուրջ զարգացումներ, Հայաստան, 08.04․20
01:04 - 10 ապրիլի, 2020
