ՏԿԵՆ - infocom.am

ՏԿԵՆ

Տարածքային կառավարման և ենթակառուցվածքների նախարարությունը գործադիր իշխանության հանրապետական մարմին, որը մշակում և իրականացնում է Հայաստանի Հանրապետության կառավարության քաղաքականությունը տարածքային կառավարման և զարգացման բնագավառում։

ՏԿԵ նախարարն է Սուրեն Պապիկյանը, տեղակալներն են Լիլիա Շուշանյանը, Հակոբ Վարդանյանը, Արմեն Սիմոնյանը, Վաչե Տերտերյանը, Կարեն Իսախանյանը։

Կոտայքի մարզից 26 սուբվենցիոն ծրագրային հայտեր հավանության են արժանացել

Կոտայքի մարզի համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերի իրականացման համար Կոտայքի մարզպետարանը ՀՀ ՏԿԵՆ հայտերի գնահատման միջգերատեսչական հանձնաժողովի քննարկմանն էր ներկայացրել շուրջ 70 ծրագրային հայտեր ՀՀ պետական բյուջեից սուբվենցիաների միջոցով համաֆինանսավորվելու նպատակով: Մարզպետարանը տեղեկացնում է, որ ՏԿԵՆ ծրագրային հայտերի գնահատման միջգերատեսչական հանձնաժողովի նիստերի ընթացքում քննարկվել և արդեն հավանության են արժանացել այդ հայտերից 26-ը։Հաստատված ծրագրերով կհիմնանորոգվեն ու կբարեկարգվեն ճանապարհներ, փողոցներ, մայթեր, կանցկացվեն արտաքին լուսավորության համակարգեր, կկառուցվեն խմելու ջրի նոր ջրագծեր, կվերանորոգվեն մանկապարտեզներ, բուժ.հաստատություններ, կգազիֆիկացվեն համայնքներ ու թաղամասեր և այլն:Արդեն իսկ հաստատված ծրագրային հայտերն են. Բալահովիտ համայնք- ճանապարհների բարեկարգում Գետարգել համայնք – նոր թաղամասի գազիֆիկացում Բյուրեղավան համայնք -«Ա. Պետրոսյանի անվան Բյուրեղավանի քաղաքային պոլիկլինիկա» ՓԲԸ-ի թվային հետազոտության սենյակի կառուցում և սանհանգույցների վերանորոգում Չարենցավան համայնք – կենտրոնական բանուկ փողոցների, մայթերի և թաղամասերի ասֆալտապատ մակերեսների հիմնանորոգում Կամարիս համայնք – համայնքի 1-ին փողոցի արտաքին լուսավորության ցանցի վերականգնում Կամարիս համայնք – համայնքի 2-րդ փողոցի խմելու ջրի ջրագծի կառուցում Կամարիս համայնք – ոռոգման ջրի խորքային հորի հորատում Սոլակ համայնք – ներհամայնքային ճանապարհների ասֆալտապատում Եղվարդ համայնք – Զովունիի խմելու ջրի ջրագծի կառուցում Եղվարդ համայնք – Եղվարդի թիվ 2 մսուր-մանկապարտեզի վերանորոգում Նոր Երզնկա համայնք – ներհամայնքային ճանապարհների ասֆալտապատում Նոր Երզնկա – համայնքի նոր թաղամասի գազիֆիկացում Գեղաշեն համայնք – խմելու ջրի ջրագծի կառուցում Քասախ համայնք – Սգո սրահի վերանորոգում Քասախ համայնք – բուժամբուլատորիայի շենքի մի հատվածի վերանորոգում և հարակից տարածքի բարեկարգում Քասախ համայնք – համայնքային ճանապարհների ասֆալտապատում Քասախ համայնք – Տեղեկատվական տեխնոլոգիաների կենտրոնի վերակառուցում Քասախ համայնք –համայնքի գազիֆիկացում Քասախ համայնք – խմելու ջրի ջրագծի կառուցում Ակունք համայնք– Հատիսի խմելու ջրի մայր ջրատարի հիմնանորոգում Առինջ համայնք – ճանապարհների բարեկարգում Քանաքեռավան համայնք – գիշերային լուսավորության անցկացում Արզնի համայնք – Գետաշեն թաղամասի ճանապարհների ասֆալտապատում Պտղնի համայնք – ներհամայնքային ճանապարհների բարեկարգում Գետամեջ համայնք – ներհամայնքային ճանապարհների հիմնանորոգում Մեղրաձոր համայնք – Աղավնաձոր գյուղի մանկապարտեզի շենքի կապիտալ նորոգում: Նշենք, որ ՀՀ ՏԿԵՆ ծրագրային հայտերի գնահատման միջգերատեսչական հանձնաժողովի առաջիկա նիստերի ընթացքում կքննարկվեն նաև Կոտայքի մարզից ներկայացված մյուս ծրագրային հայտերը:

08:45 - 17 հունիսի, 2019