ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

Երկուշաբթի «России РБК», «Коммерсант» և «Ведомости» պարբերականները լույս կտեսնեն միևնույն շապիկով` ի պաշտպանություն լրագրող Իվան Գոլունովի |tert.am|

tert.am։ Երկուշաբթի օրը «России РБК», «Коммерсант» և «Ведомости» հայտնի պարբերականները լույս կտեսնեն միևնույն շապիկով` ի պաշտպանություն «Մեդուզա» պարբերականի հետաքննող լրագրող Իվան Գոլունովի, որի նկատմամբ կիրառվել է տնային կալանք` թմրամիջոցներ վաճառելու կասկածանքով: Այս մասին հայտնում է RIA Novosti-ն: Պարբերականների շապիկին գրված կլինի «Ես/Մենք Իվան Գոլունովն» ենք: Լրագրողը ձերբակալվել էր Մոսկվայում` հունիսի 6-ին: Հունիսի 8-ին շտապօգնություն էր ժամանել ոստիկանության բաժանմունք, որտեղ պահվում էր Գոլունովը։ Բժիշկը կողոսկրերի կոտրվածք և գլխուղեղի ցնցում էին ախտորոշել:

05:42 - 10 հունիսի, 2019

Ռուսաստանի իշխանությունները մեղադրանք են առաջադրել Իվան Գոլունովին |azatutyun.am|

azatutyun.am: Ռուսաստանի իշխանությունները մեղադրանք են առաջադրել երեկ ձերբակալված լրագրող, «Մեդուզա»-ի թղթակից Իվան Գոլունովին, ով հայտնի է բարձրաստիճան պաշտոնյաների և նրանց կարողությունների մասին հետաքննություններով:Ոստիկանությունը պնդում է, թե 36-ամյա լրագրողի պայուսակում և տանը խոշոր չափերի թմրամիջոցներ է հայտնաբերել։ Գոլունովը, մինչդեռ, կտրականապես հերքում է մեղադրանքները։ Ըստ պաշտպանի, վերջինս երեկ՝ ձերբակալությունից հետո, դաժան ծեծի է ենթարկվել քննչական մեկուսարանում, սակայն իրավապահները թույլ չեն տվել, որ բժիշկները նրան օգնություն տրամադրեն:Միջազգային իրավապաշտպան ու լրագրողական մի շարք կազմակերպություններ հայտարարել են՝ գործը շինծու է, և լրագորղը պատժվում է իր մասնագիտական գործունեության համար:Այսօր, մինչ դատարանը քննում էր նրա կալանքի հարցը, տասնյակ լրագրողներ դատարանի մոտ բողոքի ցույց են անցկացրել՝ «ես Իվան Գոլունովն եմ, ձերբակալեք ինձ» կարգախոսով:

11:48 - 08 հունիսի, 2019

Մոսկվայի ոստիկանությունը ձերբակալել է ի պաշտպանություն ձերբակալված լրագրող Իվան Գոլունովի պիկետ անող լրագրողներին |hetq.am|

hetq.am։ Մոսկվայի ոստիկանությունն այսօր ձերբակալել է ի պաշտպանություն «Մեդուզա» կայքի ձերբակալված լրագրող Իվան Գոլունովի իրականացվող անհատական պիկետի ակցիայի մասնակից լրագրողներին: Պիկետն իրականացվում էր Ռուսաստանի ներքին գործերի նախարարության շենքի առջեւ: «Մեդուզայի» տեղեկատվության համաձայն` ոստիկանները փաստաթղթերի ստուգման պատրվակով նրանց մտցնում են ոստիկանական մեքենա, ապա ձերբակալում: Ձերբակալվածների թվում են Պավել Կանիգինը, Անդրեյ Բորոզկոն, Ալեքսանդր Պոլիվանովը, Ալեքսանդր Գորաբչյովը, Գրիգորի Տումանովը, Վիկտորյա Միկիշան, Իլյա Ազարը, գրող Վիկտոր Շենդերովիչը եւ այլք: Իվան Գոլունովին ձերբակալել են հունիսի 6-ին: Նա մեղադրվում է խոշոր չափի թմրանյութեր իրացնելու մեջ: Լրագրողը չի ընդունում մեղադրանքը եւ հայտարարում է, որ թմրանյութը «գցել են» իր պայուսակի մեջ:Ոստիկանությունում Իվան Գոլունովին թույլ չեն տվել փաստաբան կանչել, ծեծել են եւ արգելել շտապօգնություն հրավիրել: Բացի այդ, ոստիկանությունը հրաժարվել է Իվան Գոլունովից կենսաբանական փորձանմուշներ վերցնել, ինչը կապացուցեր, որ նա չի դիպել թմրանյութի:

14:46 - 07 հունիսի, 2019

Պուտինն ու Փաշինյանը ԼՂ խնդիրը մանրամասն չեն քննարկել․ Պեսկով |panarmenian.net|

panarmenian.net։ ՀՀ վարչապետ Նիկոլ Փաշինյանն ու ՌԴ նախագահ Վլադիմիր Պուտինը հունիսի 6-ի հանդիպմանը ղարաբաղյան հակամարտության կարգավորման հարցը չեն քննարկել: Այդ մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը:«Ղարաբաղյան հակամարտությունը մանրամասն չի քննարկվել: Երեկ տեղի է ունեցել շատ հանգամանալից խոսակցություն երկկողմ հարաբերությունների, առևտրատնտեսական համագործակցության տարբեր ասպեկտների շուրջ»,-ասել է նա Պետերբուրգի միջազգային տնտեսական համաժողովի շրջանակում լրագրողներին, հայտնում է ՌԻԱ Նովոստին:

08:36 - 07 հունիսի, 2019

ՄԱԿ-ում հաշվել են, թե որքան զրահամեքենա է Մոսկվան անցյալ տարի վաճառել Բաքվին |tert.am|

tert.am: Միավորված ազգերի կազմակերպության աշխատակիցները սովորական սպառազինման գրանցամատյանի (UNROCA) տվյալներից հաշվել են զենքի քանակությունը, որը Ռուսաստանը 2018 թվականին մատակարարել է աշխարհի տարբեր երկրների: Ինչպես հաղորդում է «Ինտերֆաքս-ռազմական նորությունների գործակալությունը», 2018-ին Ռուսաստանը 264 շարժական զենիթահրթիռային համակարգ է մատակարարել Բահրեյնին, 40 հետևակի մարտական մեքենա՝ Ադրբեջանին, 64 տանկ և երկու մարտական զրահապատ մեքենա՝ Վիետնամին, ինչպես նաև 10 կործանիչ և 72 կառավարվող հրթիռ՝ Չինաստանին: Նշվում է, որ Ռուսաստանը նաև 1250 կառավարվող հրթիռ և դրանց արձակման համար նախատեսված սարքավորում, 80 շարժական զենիթահրթիռային համակարգ է մատակարարել Հնդկաստանին: Տվյալները մեջբերվում են Ռուսաստանի 2018-ի պաշտոնական զեկույցից:

18:00 - 04 հունիսի, 2019

Եռօրյա աշխատանքային այցով Հայաստանում է ՌԴ գլխավոր դատական պրիստավ Դմիտրի Արիստովի գլխավորած պատվիրակությունը

Ռուսաստանի Դաշնության դատական պրիստավների դաշնային ծառայության տնօրեն-Ռուսաստանի Դաշնության գլխավոր դատական պրիստավ Դմիտրի Արիստովը և դաշնային ծառայության պատվիրակությունը հունիսի 3-5-ը Հայաստանի Հանրապետությունում է:Ինչպես հայտնեցին ՀՀ հարկադիր կատարման ծառայությունից, այցի նպատակն է տեղում ծանոթանալ և քննարկել երկուստեք հետաքրքրություն ներկայացնող հարցեր: Հարկադիր կատարումն ապահովող ծառայությունում այսօր տեղի է ունեցել աշխատանքային հանդիպում ռուս գործընկերների հետ: Ողջունելով գործընկերներին՝ ՀՀ գլխավոր հարկադիր կատարող, արդարադատության գնդապետ Հակոբ Հակոբյանն իր խոսում նշել է. «Մենք բարձր ենք գնահատում երկու երկրների գործընկեր կառույցների միջև կառուցողական հարաբերութունները և հույս հայտնում առավել ջերմ ու բազմակողմանի գործակցության»: Ռուսաստանի Դաշնության դատական պրիստավների դաշնային ծառայության տնօրեն – Ռուսաստանի Դաշնության գլխավոր դատական պրիստավ Դմիտրի Արիստովը, շնորհակալություն հայտնելով հրավերի համար, նշել է. «Մենք ուրախ ենք գտնվել Հարկադիր կատարումն ապահովող ծառայությունում: Այստեղ հայ գործընկերների հետ առավել առարկայական քննարկումների, գործնական շփումների ու փորձի փոխանակման լայն հնարավորություն է ընձեռնված: Վստահ ենք, որ մեր երկու գործընկեր կառույցների միջև ձևավորված ջերմ գործակցությունը առավել կխորացնենք»:Աշխատանքային քննարկման ընթացքում ներկայացվել են Հայաստանի Հանրապետությունում պարտապանի գույքի իրացման մեխանիզմները, մասնավորապես՝ Հարկադիր կատարման ծառայությունում ներդրված հարկադիր էլեկտրոնային աճուրդի կազմակերպման և իրականացման գործընթացը: Քննարկվել են նաև հարկադիր կատարման ոլորտին առնչվող մի շարք այլ ընդհանուր հարցեր ու հիմնախնդիրներ: Աշխատանքային քննարկումից հետո հյուրերը շրջել են Ծառայության տեսչական, վերլուծական և աճուրդի կազմակերպման բաժնում, քաղաքացիների արագ սպասարկման գրասենյակում, եղել են նաև Ծառայության թանգարանում, որտեղ Դմիտրի Արիստովը գրառում է կատարել հուշամատյանում: Աշխատանքային քննարկումները կշարունակվեն նաև վաղը:

13:41 - 03 հունիսի, 2019

ԵՄ պատժամիջոցներին ի պատասխան՝ Ռուսաստանն ընդլայնել է իր «սև ցուցակը» |24news.am|

24news.am: «Gazeta.ru»-ն գրում է, որ Ռուսաստանի ԱԳՆ-ն տեղեկացրել է, որ Մոսկվան ընդլայնում է Եվրամիության ներկայացուցիչների «սև ցուցակը», այն է՝ այսուհետ ավելի քիչ անձինք մուտք կգործեն Ռուսաստանի տարածք: «Ռուսական ցանկում ընդգրկված անձանց թիվը հավասարեցվել է Եվրամիության ցանկի հետ»,- հղում անելով ՌԴ ԱԳՆ-ին՝ գրել է «Gazeta.ru»-ն: «Սև ցուցակի» պատճառն այն էր, որ Եվրամիությունը պատժամիջոցներ էր սահմանել Ռուսաստանի 8 քաղաքացու նկատմամբ Կերչի նեղուցում տեղի ունեցած միջադեպի պատճառով: Ռուսական արտաքին քաղաքականության գերատեսչությունը խոստացել էր պատասխանել Եմ պատժամիջոցներին։

18:19 - 31 մայիսի, 2019

Ղարաբաղյան հակամարտության կարգավորումը Ռուսաստանի արտաքին քաղաքականության համար առաջնահերթություն է. Զախարովա |aysor.am|

aysor.am։ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Ղարաբաղյան հակամարտության կարգավորումը Ռուսաստանի արտաքին քաղաքականության համար առաջնահերթություն է, հայտնում է РИА Новости-ն: «Ղարաբաղյան հակամարտության կարգավորումը առաջնային է Ռուսաստանի արտաքին քաղաքականության համար: Սա այն պատմությունն է, որում Ռուսաստանը խաղում է կարգավորման խթանողի դերը և, կարծում եմ, առավելագույն արդյունավետությամբ է դա անում: Ինչ-որ բան ստացվում է, ինչ-որ բան չի ստացվում: Ամեն դեպքում, Ղարաբաղյան հակամարտության կարգավորումը Ռուսաստանի արտաքին քաղաքականության առաջնային թեմաներից մեկն է», - ասել է Զախարովան՝ ադրբեջանական CBC հեռուստաալիքին տված հարցազրույցում:Նրա խոսքով՝ Մոսկվան, իհարկե, հասկանում է, որ «կարգավորման մեջ առաջնային դերակատարում պետք է ունենան երկու պետությունները՝ Հայաստանն ու Ադրբեջանը»:

10:45 - 31 մայիսի, 2019

Պուտինը Սիմֆերոպոլի օդանավակայանին շնորհեց Հովհաննես Այվազովսկու անունը |armenpress.am|

armenpress.am։ Ռուսաստանի նախագահ Վլադիմիր Պուտինը Սիմֆերոպոլի օդանավակայանին շնորհել Է աշխարհահռչակ ծովանկարիչ Հովհաննես Այվազովսկու անունը: Համապատասխան հրամանագիրը հարպարակված Է իրավական տեղեկատվության պաշտոնական ինտերնետ-պորտալում:«Որոշում եմ Հայրենիքի հանդեպ առանձնահատուկ վաստակ ունեցող անձանց անունները շնորհել հետեւյալ օդանավակայաններին՝… Սիմֆերոպոլի միջազգային օդանավակայանին՝ Հ.Կ. Այվազովսկու անունը»,-ասված Է փաստաթղթում: Համապատասխան հրամանագիրն ուժի մեջ Է մտնում դրա ստորագրման օրվանից՝ մայիսի 31-ից, հաղորդել Է ՌԻԱ Նովոստին:

10:05 - 31 մայիսի, 2019

Կրեմլը հայտնել է Թուրքիային C-400 համալիրների՝ ժամկետից շուտ մատակարարման մասին

armtimes.com։ Թուրքիային C-400 համալիրների մատակարարումները նախատեսված ժամկետից շուտ են ընթանում` թուրքական կողմի խնդրանքով:Այդ մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը: «Ամեն ինչ ըստ ծրագրվածի է: Որևէ ուշացում չկա, ամեն բան նորմալ է»,- հավելել է նա:

11:01 - 29 մայիսի, 2019

ՌԴ ՊՆ խորհրդականը մեկնաբանել է ԱՄՆ-ի զեկույցն ու Հայաստանին խորհուրդ տվել «զգոն լինել» |tert.am|

tert.am: Ռուսաստանի Դաշնության պաշտպանության նախարարի խորհրդական Անդրեյ Իլնիցկին «Զվեզդա» հեռուստաալիքի եթերում մեկնաբանել է ամերիկյան Rand Сorporation հետախուզական վերալուծական կենտրոնի վերջին զեկույցը, որում խոսվում է Ռուսաստանի հետ դիմակայության միջոցների մասին: Զեկույցում նշվում է, որ Միացյալ Նահանգները պետք է ընդլայնի իր կապերը Հարավային Կովկասի պետությունների հետ: «Նրանք (ամերիկացիները), ըստ էության, խաղալու են Կովկասում: Նրանք ընդունում են, որ Ռուսաստանի դիրքերը շատ ամուր են Հյուսիսային Կովկասում, իսկ հարավում կարելի է խաղալ առկա հակասությունների վրա (նկատի ունի հայ-ադրբեջանական հարաբերությունները): Նրանք ասում են, որ Ադրբեջանն անդառնալիորեն շարժվելու է Արևմուտքի ուղղությամբ: Նաև հիշեցնեմ՝ որտեղ է գտնվում աշխարհում ԱՄՆ-ի գրեթե ամենամեծ դեսպանատունը՝ Հայաստանում: Շատ առումներով դա պատահական չէ: Իհարկե, այնտեղ դիտարկվում է ոչ միայն Հայաստանը, այլև ամբողջ տարածաշրջանը: Ամեն դեպքում և՛ մեր հայ, և՛ ադրբեջանցի ընկերները պետք է զգոն լինեն. թշնամին չի ննջում»,-ասել է խորհրդականը:

09:45 - 29 մայիսի, 2019

Մոսկվայի դատարանը ուժի մեջ թողեց ուկրաինացի նավաստիների կալանավորման որոշումը |azatutyun.am|

azatutyun.am: Մոսկվայի քաղաքային դատարանը ուժի մեջ է թողել ավելի վաղ կայացված որոշումը, ըստ որի՝ անցած տարի գերեվարված ուկրաինացի 24 նավաստիները պետք է առնվազն մինչև հուլիս մնան անազատության մեջ:Համբուրգում տեղակայված Ծովային հարցերով ՄԱԿ-ի հատուկ դատարանը, մինչդեռ, երկու օր առաջ որոշում էր կայացրել, որ ուկրաինացի նավաստիները պետք է անհապաղ ազատ արձակվեն:Ապրիլին Մոսկվայի Լեֆորտովո շրջանի դատարանը որոշել էր մինչև հուլիս երկարաձգել նավաստիների կալանքը՝ պատճառաբանելով, որ հետագա քննության անհրաժեշտություն կա:Նավաստիներից բացի, անցած տարվա նոյեմբերին Ռուսաստանը կալանել է ուկրաինական երեք նավ:Այս հարցը շարունակում է սուր հակասության պատճառ հանդիսանալ, մի կողմից, Ուկրաինայի և Արևմուտքի, մյուս կողմից՝ Ռուսաստանի միջև:

08:20 - 28 մայիսի, 2019

ՌԴ քաղաքացիություն չունեցողները տաքսի չեն կարողանա վարել |panarmenian.net|

panarmenian.net։ Տաքսոմոտորային փոխադրումների ոլորտում աշխատող օտարերկրյա ընկերությունները չեն կարողանա աշխատել Ռուսաստանի տարածքում՝ համապատասխան փոփոխությունները կատարվել են տաքսիների ագրեգատորների մասին օրինագծի երկրորդ ընթերցումից առաջ: Այդ մասին հայտարարել է ՌԴ Պետդումայի տրանսպորտի և շինարարության կոմիտեի ղեկավար Եվգենի Մոսկվիչևը, գրում է ՌԻԱ Նովոստին:Ըստ նրա, ՌԴ քաղաքացիություն չունեցող անձինք չեն կարողանա տաքսու վարորդ աշխատռել:«Մենք նաև վերջնականապես կամրագրենք օրենքում, որ տաքսիների օտարերկրյա վարորդներ չենք ունենալու: ՌԴ քաղաքացիություն չունեցող մարդն իրավունք չի ունենա որպես տաքսու վարորդ աշխատել ՌԴ տարածքում»,-ասել է նա:Տաքսու վարորդներին նաև կարգելեն ուղևորատար օգտագործման 7 տարին հատած ավտոմեքենաների օգտագործումը:Ըստ Պետդումայի ներկայացուցչի, օրենքն ուժի մեջ կմտնի 2019-ին:

12:24 - 27 մայիսի, 2019

Ռուսական ևս երկու քաղաքներում դադարեցրել են եկեղեցիների կառուցումը |azatutyun.am|

azatutyun.am։ Եկատերինբուրգում ուղղափառ եկեղեցի կառուցելու շուրջ սկանդալային զարգացումներից հետո երկու քաղաքներում՝ Չելյաբինսկում և Կրասնոյարսկում հրաժարվել են հանրային վայրում եկեղեցիներ կառուցելու մտադրությունից:Չելյաբինսկի քաղաքապետ Վլադիմիր Ելիստրատովն ասել է, որ Հարավուրալյան պետական համալսարանին հարող այգում եկեղեցի կառուցելու ծրագիրը սառեցվել է:«Պետք է հաշվի առնել Եկատերինբուրգի պատմությունը, եկեղեցի չի կառոուցվի, քանի դեռ չգիտենք բնակիչների կարծիքները»,- ասել է քաղաքապետը:Կրասնոյարսկի քաղաքապետ Սերգեյ Երյոմինն էլ է կասեցրել ուղղափառ եկեղեցու կառուցումը քաղաքային այգում:Եկատերինբուրգում հանրային այգում եկեղեցի կառուցելու նախաձեռնությունը բողոքի ակցիաների առիթ է դարձել:Քաղաքի իշխանությունները և Ռուսաց Ուղղափառ եկեղեցին ցանկանում էին Սուրբ Կատերինայի եկեղեցին կառուցել Եկատերինբուրգի հիմնադրման 300-ամյակի կապակցությամբ:Հանրային բողոքներից հետո եկեղեցու կառուցումն անորոշ ժամանակով սառեցվել է, սակայն այդ շինարարական ծրագրի ղեկավար Ալեքսանդր Անդրեևը հույս է հայտնել, որ եկեղեցին վաղ թե ուշ կկառուցվի:Սվերդլովսկի շրջանի նահանգապետ Եվգենի Կույվաշևն այսօր ասել է, որ եկեղեցու կառուցման հարցով վերջնական որոշումը կընդունվի Եկատերինբուրգում հանրհային հարցում անցկացնելուց հետո:

13:02 - 21 մայիսի, 2019

Ղրիմի պատկանելիության հարց գոյություն չունի. Պեսկովի պատասխանը Զելենսկիին |armtimes.com|

armtimes.com: Ղրիմի պատկանելության հարց գոյություն չունի և չի կարող ունենալ, դա Ռուսաստանի շրջաններից մեկն է: Այդ մասին հայտարարել է ՌԴ նախագահի մամուլի խոսնակ Դմիտրի Պեկովը` մեկանանելով Ուկրաինայի նոր նախագահ Վլադիմիր Զելենսկիի` ավելի վաղ արված հայտարարոթյունը: Նշվում է, որ Զելենսկին առաջնահերթ խնդիր է համարել Դոնբասում կրակի դադարեցումը և Ղրիմի վերադարձը:

11:43 - 20 մայիսի, 2019

Կրեմլը մեկնաբանել է Պուտինի և Թրամփի նոր հանդիպման հավանականությունը |tert.am|

tert.am։ Ռուսաստանի և ԱՄՆ նախագահներ Վլադիրմիր Պուտինի և Դոնալդ Թրամփի նոր հանդիպման անցկացման նախաձեռնությունը պետք է ամերիկյան կողմից լինի: Lenta.ru-ի փոխանցմամբ՝ այս մասին հայտարարել է ՌԴ նախագահի մամլո քարտուղար Դմիտրի Պեսկովը: Նա հիշեցրել է, որ Արգենտինայում 24 ժամվա ընթացքում չեղարկվել է երկու առաջնորդների՝ արդեն համաձայնեցված հանդիպումը: «Այս առումով, իհարկե, նախաձեռնությունը նոր հանդիպման համար պետք է ամերիկյան կողմից լինի», -պարզաբանել է Կրեմլի ներկայացուցիչը: Պեսկովի խոսքով՝ ռուսական կողմը տեղյակ է Պուտինի հետ հանդիպելու Թրամփի ցանկության մասին, սակայն ԱՄՆ պետքարտուղար Մայք Պոմպեոն Մոսկվա կատարած այցելության ժամանակ հստակ առաջարկներ չի արել Օսակայում անցկացվելիք G20-ի գագաթնաժողովի ժամանակ հանդիպում կազմակերպելու մասին: Միևնույն ժամանակ Պեսկովը հույս է հայտնել, որ հանդիպումը կկայանա: Նա նշել է, որ այն կարող է տեղի ունենալ «ոտքի վրա» կամ լիարժեք ձևաչափով:

13:03 - 19 մայիսի, 2019