Ադրբեջան

Ադրբեջանի Հանրապետությունը պետություն է Հարավային Կովկասում։ Սահմանակցում է Ռուսաստանի Դաշնությանը, Վրաստանի Հանրապետությանը, Իրանի Իսլամական Հանրապետությանը, Թուրքիայի Հանրապետությանը, Հայաստանի Հանրապետությանը, Արցախի Հանրապետությանը։ Տարածքը ըստ ՄԱԿ-ի 86,600 կմ․քառ, բնակչությունը, ըստ 2019 թվականի նախահաշվի 10,000,000 մարդ է։

Ներկայիս Ադրբեջանը բազմազգ և բազմակրոն պետություն է։ Բնակչության մեծամասնությունն ադրբեջանցիներն են (91 %), որոնք դավանում է շիա իսլամ։ Խոշոր ազգային փոքրամասնություններն են լեզգիները, ռուսները, թալիշները, ավարները, թաթարները և վրացիները։ Չնայած նրան, որ Ադրբեջանը համարվում է իսլամադավան պետություն, այնուամենայնիվ, երկրի բնակչության 53%-ն իրեն համարում է աշխարհիկ։

Ադրբեջանի վարչապետը հրաժարականի դիմում է ներկայացրել. հայտնի է նոր վարչապետի թեկնածուի անունը |tert.am|

Ադրբեջանի վարչապետը հրաժարականի դիմում է ներկայացրել. հայտնի է նոր վարչապետի թեկնածուի անունը |tert.am|

tert.am։ Ադրբեջանի վարչապետ Նովրուզ Մամեդովը հոկտեմբերի 8-ին հրաժարականի դիմում է ներկայացրել: Այս մասին տեղեկացնում է Minval.az-ը: Հաղորդվում է, որ Մամեդովի փոխարեն վարչապետ է նշանակվելու նախագահ Ալիևի տնտեսական հարցերով օգնական Ալի Ասադովը: Ադրբեջանի խորհրդարանի մամուլի ծառայությունը հայտնել է, որ խորհրդարանն այսօր քննարկելու է վարչապետի պաշտոնում Ալի Ասադովի նշանակման հարցը:

07:45 - 08 հոկտեմբերի, 2019

Հեյդար Ալիևը կողմ է եղել եռակողմ ձևաչափով բանակցություններին. Հայ դատի հանձնախմբի գաղտնազերծումը

Հեյդար Ալիևը կողմ է եղել եռակողմ ձևաչափով բանակցություններին. Հայ դատի հանձնախմբի գաղտնազերծումը

lragir.am։ Հայ դատի ԱՄՆ հանձնախումբը հրապարակել է Սպիտակ տան կոնֆիդենցիալ մի փաստաթուղթ, որը մանրամասներ է ներկայացնում 1997 թվականի օգոստոսի 1-ին Օվալաձև աշխատասենյակում այն ժամանակ ԱՄՆ նախագահ Բիլ Քլինթոնի և Ադրբեջանի նախագահ Հեյդար Ալիևի հանդիպմանը տեղի ունեցած խոսակցությունից: Հայ դատի հանձնախմբի կողմից «Թվիթեր»-ի միկրոբլոգում արված հրապարակման և գրառման մեջ հետաքրքիր մանրամասներ են բացահայտվում այն մասին, որ Ալիևը դեմ չի եղել Լեռնային Ղարաբաղի հիմնախնդրի կարգավորման շուրջ ԵԱՀԿ-ի հովանու ներքո բանակցություններում Արցախի՝ որպես երրորդ բանակցող կողմ ներգրավելուն: Ալիևը մասնավորապես ասել է. «Ուղղակի բանակցությունների համար Ադրբեջանը, Հայաստանը և Լեռնային Ղարաբաղը ներկայացված են Մինսկի խմբի գործընթացում: Մենք շարունակելու ենք սա…»: Բացի այդ, փաստաթղթում նախագահների խոսակցության սղագրության մեջ երևում է, թե ինչպես է Հեյդար Ալիևը նշում, որ Ադրբեջանն «ամենաշատը վստահում է Միացյալ Նահանգներին» ու իր համոզմամբ՝ ԼՂ խնդրում «ԱՄՆ-ը բոլորից կարևոր դերակատարում կարող է ունենալ»: Իր հերթին Բիլ Քլինթոնը նշել էր, որ Միացյալ Նահանգները շատ լրջորեն է մոտենում Մինսկի խմբում համանախագահությանը:

11:45 - 05 հոկտեմբերի, 2019

Պաշտոնական Բաքուն շարունակում է պնդել՝ Ղարաբաղի ժողովուրդ հասկացություն գոյություն չունի |azatutyun.am|

Պաշտոնական Բաքուն շարունակում է պնդել՝ Ղարաբաղի ժողովուրդ հասկացություն գոյություն չունի |azatutyun.am|

azatutyun.am։ Պաշտոնական Բաքուն շարունակում է պնդել, թե Ղարաբաղի ժողովուրդ հասկացություն գոյություն չունի։ «Այդ մասին հիշատակում չկա հակամարտության կարգավորման մասին միջազգային որևէ փաստաթղթում», - այսօր հայտարարել է Ադրբեջանի արտգործնախարարության խոսնակ Լելյա Աբդուլաևան: «Մինսկի խմբի համանախագահների համատեղ հայտարարություններում, ինչպես նաև հակամարտության կողմերի միջև համապատասխան պայմանավորվածություններում հստակ նշվում է բնակչություններին խաղաղության նախապատրաստելու մասին», - պնդել է Ադրբեջանի արտաքին քաղաքական գերատեսչությունը: Ավելի վաղ՝ նախօրեին էլ Ադրբեջանի նախագահն էր պնդել նույն դիրքորոշումը՝ հակադարձելով վարչապետ Փաշինյանի հայտարարությանը, թե Ղարաբաղյան խնդրի կարգավորումը պետք է ընդունելի լինի։ Ելույթին ի պատասխան Հայաստանի արտգործնախարարության խոսնակը երեկ հայտարարել էր. «Ստիպված ենք արձանագրել, որ Ադրբեջանի նախագահի խոսքում որևէ նոր բան չկար: Ադրբեջանի որդեգրած առավելապաշտական դիրքորոշումը, որը մշտական և հիմնական վտանգ է հանդիսանում խաղաղ գործընթացի համար, շարունակում է անփոփոխ մնալ՝ չնայած կողմերի միջև ձեռք բերված վերջին պայմանավորվածություններին, որոնք ենթադրում էին ժողովուրդներին խաղաղության նախապատրաստում»։

10:47 - 05 հոկտեմբերի, 2019

Ադրբեջանի նախագահը ժամանել է Սոչի |azatutyun.am|

Ադրբեջանի նախագահը ժամանել է Սոչի |azatutyun.am|

azatutyun.am: Ադրբեջանի նախագահ Իլհամ Ալիևը ժամանել է Սոչի՝ մասնակցելու «Վալդայ» ակումբի աշխատանքներին: Ըստ Ադրբեջանի նախագահի աշխատակազմի մամուլի ծառայության՝ Ալիևն առանձին հանդիպում կունենա Ռուսաստանի նախագահ Վլադիմիր Պուտինի հետ: 2004 թվականից անցկացվող ռուսաստանյան «Վալդայ» համաժողովին այս տարի մասնակցում են նաև Ղազախստանի, Ֆիլիպինների առաջնորդները, Հորդանանի թագավորը:

08:36 - 03 հոկտեմբերի, 2019

Բաքուն արձագանքում է ՄԱԿ-ում Փաշինյանի ելույթին |azatutyun.am|

Բաքուն արձագանքում է ՄԱԿ-ում Փաշինյանի ելույթին |azatutyun.am|

azatutyun.am։ Պաշտոնական Բաքուն արձագանքել է ՄԱԿ-ի Գլխավոր ասամբլեայի 74-րդ նստաշրջանում Հայաստանի վարչապետ Նիկոլ Փաշինյանի հայտարարություններին` ղարաբաղյան հակամարտության կարգավորման վերաբերյալ:Ադրբեջանի նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը, մասնավորապես, հակադարձել է Հայաստանի վարչապետի պնդումներին, որ Լեռնային Ղարաբաղի հակամարտությունը տարածքային պահանջների մասին վեճ չէ: «Հայաստանի ղեկավարությունը հայտարարում է, թե հակամարտությունը պետք է կարգավորվի Հայաստանի, Լեռնային Ղարաբաղի և Ադրբեջանի համար ընդունելի ձևաչափով: Հակամարտության կողմերը, սակայն, Հայաստանն ու Ադրբեջանն են: Ադրբեջանի Լեռնային Ղարաբաղի շրջանում կա հայկական և ադրբեջանական համայնք, ղարաբաղյան հակամարտությունը չունի կարգավորման այլ մոդել, քան՝ Ադրբեջանի տարածքային ամբողջականության շրջանակներում»,- հայտարարել է Ադրբեջանի նախագահի աշխատակազմի բարձրաստիճան պաշտոնյան:Իր ելույթում անդրադառնալով ղարաբաղյան հիմնախնդրին՝ վարչապետ Փաշինյանը մասնավորապես հայտարարել է. «Ադրբեջանի կառավարությունը Լեռնային Ղարաբաղի հակամարտությունը ներկայացնում է որպես Հայաստանի և Ադրբեջանի միջև տարածքային վեճ: Մենք բնավ համաձայն չենք հակամարտության այդպիսի մեկնաբանության հետ: Դա վեճ չէ Հայաստանի և Ադրբեջանի միջև: Այս վեճը տարածքային պահանջների մասին չէ: Խոսքը մարդկանց մասին է, տղամարդկանց, կանանց և իրենց հայրենիքում ապրելու նրանց իրավունքի մասին, այնպես, ինչպես ապրել են իրենց նախնիները դարերի ընթացքում: Ցավոք, Ադրբեջանի իշխանությունները չեն ցանկանում խոսել այդ մարդկանց հետ և բանակցել նրանց հետ, քանի որ նրանք ցանկանում են ունենալ տարածքներ, բայց ոչ ժողովուրդ: Ավելի ճիշտ` տարածքներ, առանց ժողովրդի»:

08:48 - 27 սեպտեմբերի, 2019

Բաքուն հաստատել է կորուստն իր ԶՈւ շարքերում |panarmenian.net|

Բաքուն հաստատել է կորուստն իր ԶՈւ շարքերում |panarmenian.net|

panarmenian.net: Բաքուն հաստատել է կորուստն իր զինված ուժերում:Սեպտեմբերի 22-ին՝ ժամը 16:15-ի սահմաններում, արցախա-ադրբեջանական հակամարտ զորքերի շփման գծի հարավ-արևելյան հատվածում տեղակայված մարտական դիրքերից մեկի ուղղությամբ հակառակորդը ձեռնարկել է դիվերսիոն ներթափանցման փորձ: Ադրբեջանցիները, չեզոք գոտում թողնելով մեկ դի, հետ են շպրտվել ելման դիրքերը:Ըստ ադրբեջանական Interfax.az-ի, ձախողված դիվերսիայի ընթացքում սպանվել է ադրբեջանցի զինծառայող Ռամին Աբդուլռահմանովը: Ըստ ադրբեջանական լրատվամիջոցի, Աբդուլռահմանովն «ուղղակի մոլորվել էր և հայտնվել միջդիրքային գոտում»:«Աբդուլռահմանովի դին անվտանգ տարհանելու համար դիմում է ուղարկվել Կարմիր խաչի միջազգային կոմիտեի Բաքվի բաժանամունքին»,-ասվում է Ադրբեջանի ՊՆ հաղորդագրության մեջ:

08:55 - 23 սեպտեմբերի, 2019

Ադրբեջանն ավելացրել է գազի արտահանումը Վրաստան |armenpress.am|

Ադրբեջանն ավելացրել է գազի արտահանումը Վրաստան |armenpress.am|

armenpress.am։ Այս տարվա հունվար-օգոստոս ամիսներին Վրաստանը Ադրբեջանից ներմուծել է մոտ 182 մլն 765 հազար դոլարի բնական գազ:Այս մասին հայտնում են ադրբեջանական ԶԼՄ-ները:Տարեկան կտրվածքով Ադրբեջանից Վրաստանին մատակարարվող բնական գազի ծավալները ավելացել են 74 հազար 600,8 խմ-ով կամ 7,15 տոկոսով:

12:59 - 19 սեպտեմբերի, 2019

Բաքուն պատրաստ է փոխանակել Կարեն Ղազարյանին և Արայիկ Ղազարյանին Գուլիևի և Ասկերովի հետ. հայտարարություն |aysor.am|

Բաքուն պատրաստ է փոխանակել Կարեն Ղազարյանին և Արայիկ Ղազարյանին Գուլիևի և Ասկերովի հետ. հայտարարություն |aysor.am|

aysor.am։ Բաքուն պատրաստ է փոխանակել Ադրբեջանում գտնվող ՀՀ քաղաքացիներ Կարեն Ղազարյանին և Արայիկ Ղազարյանին՝ ԼՂՀ-ում դատապարտված ադրբեջանցիների հետ:«Մենք պատրաստ ենք փոխանակել Կարեն Ղազարյանին և Արայիկ Ղազարյանին Դիլհամ Ասկերովի և Շահբազ Գուլիևի հետ», - այս մասին հաղորդագրություն է տարածել Ադրբեջանի ռազմագերիների, պատանդների և անհայտ կորածների հարցերով պետական հանձնաժողովը:Վերջինս նշել է, որ փոխանակման պատրաստակամության վերաբերյալ դիմումը համապատասխան միջազգային կառույցներին ուղարկվել է սեպտեմբերի 11-ին:Հիշեցնենք, որ ՀՀ քաղաքացի Կարեն Ղազարյանը Ադրբեջանում դատապարտվել է 20 տարվա ազատազրկման: Վերջինս հայտնվել էր Ադրբեջանի սահմանին 2018 թվականի հուլիսին՝ չպարզված պայմաններում, մինչդեռ Ադրբեջանում նրան դիվերսանտ են համարում: Օգոստոսի 12-ին, ժամը 12:00-ի սահմաններում Արցախի ՊԲ հարավարևելյան ուղղությամբ տեղակայված զորամասից, դեռևս չպարզված հանգամանքներում, զինծառայող 2000 թվականին ծնված Արայիկ Ղազարյանը լքել է մարտական դիրքերը: Ադրբեջանը հայտարարել է, որ զինծառայողը գտնվում է նրանց մոտ: Խախտելով միջազգային իրավունքի նորմերը՝ Ադրբեջանը հրապարակել է զինծառայողի լուսանկարը:Հիշեցնենք, որ Ադրբեջանի քաղաքացիներ Գուլիևն ու Ասկերովը 2014 թվականի ԼՂՀ ընդհանուր իրավասության դատարանի կողմից դատապարտվել են 22 տարվա ազատազրկման և ցմահ դատապարտման՝ դեռահասի սպանության, ԼՂՀ սահմանի ապօրինի հատման, զենքի պահման և լռտեսության, ինչպես նաև հայոց բանակի սպայի սպանության համար:

06:23 - 19 սեպտեմբերի, 2019

Ադրբեջանում հերթական խոշոր զորավարժությունն է մեկնարկել |azatutyun.am|

Ադրբեջանում հերթական խոշոր զորավարժությունն է մեկնարկել |azatutyun.am|

azatutyun.am։ Ադրբեջանում մեկնարկել է հերթական խոշոր զորավարժությունը՝ 10 հազար զինծառայողի մասնակցությամբ:Քառօրյա զորավարժություններում ներգրավված են 100 միավորից ավելի զրահատեխնիկա, 120 միավոր հրթիռահրետանային միջոց, շուրջ երկու տասնյակ ուղղաթիռներ և օդանավեր, ինչպես նաև անօդաչու թռչող սարքեր:Ըստ պաշտոնական հաղորդագրության՝ զորավարժությունների ընթացքում նախատեսվում է մշակել լեռնային տեղանքում հակահարձակողական գործողության կազմակերպում` «հակառակորդին ջախջախելու» նպատակով:

08:27 - 17 սեպտեմբերի, 2019

Ադրբեջանը չի նախատեսում որևէ ձևաչափով մասնակցել ՀԱՊԿ աշխատանքին. Ադրբեջանի նախագահի աշխատակազմ |aysor.am|

Ադրբեջանը չի նախատեսում որևէ ձևաչափով մասնակցել ՀԱՊԿ աշխատանքին. Ադրբեջանի նախագահի աշխատակազմ |aysor.am|

aysor.am: Բաքուն չի դիտարկում ՀԱՊԿ-ում մասնակցություն ունենալ որպես դիտորդ, ասել է Ադրբեջանի նախագահի աշխատակազմի արտաքին քաղաքականության հարցերով վարչության պետ Հիքմեթ Հաջիևը:«Այս պահին Ադրբեջանը որևէ ձևաչափով չի դիտարկում մասնակցությունը ՀԱՊԿ-ին, ներառյալ` դիտորդի կարգավիճակով: Հայաստանում դա այնքան ֆոբիա է դարձել, որ Երևանում հարցը քննարկման են դնում՝ առանց Ադրբեջանի կողմից պաշտոնական որևէ ուղերձի», - ասել է Հաջիևը RealTV- ին տված հարցազրույցում: Միևնույն ժամանակ, նա հայտարարել է, որ Ադրբեջանը սերտ բարեկամական և գործընկերային հարաբերություններ ունի ՀԱՊԿ անդամ բոլոր երկրների հետ, ներառյալ ռազմական և ռազմատեխնիկական ոլորտում, բացառությամբ Հայաստանի, և նաև սերտորեն հետևում է ՀԱՊԿ գործունեությանը և կազմակերպության կողմից քննարկվող հարցերին: Ավելի վաղ Երևանում, պատասխանելով լրագրողների հարցերին, Ռուսաստանի փոխվարչապետ Յուրի Բորիսովը հայտարարել էր, որ Մոսկվան դեմ չէ, որ Ադրբեջանը ՀԱՊԿ-ում դիտորդի կարգավիճակ ստանա: ՀԱՊԿ գլխավոր քարտուղարի ժամանակավոր պաշտոնակատար Վալերի Սեմերիկովը լրագրողներին ասել էր, որ ՀԱՊԿ-ի դռները ոչ մեկի համար փակ չեն, բայց որոշումները կայացվում են կոնսենսուսով:Միևնույն ժամանակ, ՀՀ արտաքին գործերի նախարարության մամուլի քարտուղար Աննա Նաղդալյանը հայտարարել էր, որ կա ՀԱՊԿ կանոնադրություն, որը հստակ սահմանում է գործընկերոջ և դիտորդի համար հատուկ պահանջներ:

10:38 - 16 սեպտեմբերի, 2019

Ադրբեջանը որոշել է չեղարկել Թուրքիայի քաղաքացիների համար վիզային ռեժիմը |shantnews.am|

Ադրբեջանը որոշել է չեղարկել Թուրքիայի քաղաքացիների համար վիզային ռեժիմը |shantnews.am|

shantnews.am։ Վաղվանից Ադրբեջանը որոշել է չեղարկել Թուրքիայի քաղաքացիների համար վիզային ռեժիմը: Որոշումն ուժի մեջ է մտնելու սեպտեմբերի 1-ից: Այս մասին տեղեկացնում է Report-ը: Ըստ այդմ՝ վիզայի անհրաժեշտությունը վերացվում է այն քաղաքացիների համար, որոնք ունեն Թուրքիայի Հանրապետության արտասահմանյան անձնագիր և ցանկանում են Ադրբեջանում մնալ 30 օր:Թուրքիայի կառավարության որոշմամբ՝ Ադրբեջանի քաղաքացիները, որոնք կայցելեն երկիր 30 օր ժամկետով, կազատվեն վիզա ստանալու անհրաժեշտությունից:

08:43 - 31 օգոստոսի, 2019

Բաքվում նոր զորավարժություն` Ադրբեջանի, Վրաստանի և Թուրքիայի մասնակցությամբ |ermenihaber.am|

Բաքվում նոր զորավարժություն` Ադրբեջանի, Վրաստանի և Թուրքիայի մասնակցությամբ |ermenihaber.am|

ermenihaber.am: Ադրբեջանի պաշտպանության նախարարությունը հայտարարել է Բաքվում Վրաստանի, Թուրքիայի և Ադրբեջանի մասնակցությամբ կայանալիք «Eternity-2019» համատեղ հրամանատարաշտաբային զորավարժությունների մասին:Ըստ Ադրբեջանի ՊՆ-ի` զորավարժություններն անցկացվելու են Ադրբեջանի ԶՈՒ զորախաղերի կենտրոնում և դաշտային պայմաններում: Համակարգչային աջակցությամբ ուղեկցվող զորավարժությունները կմեկնարկեն սեպտեմբերի 2-ին և կշարունակվեն մինչև սեպտեմբերի 6-ը:Նշվում է, որ վերոհիշյալ երկրների զինված ստորաբաժանումները և համապատասխան պետական կառույցների ներկայացուցիչները տարածաշրջանային տնտեսական նախագծերի պաշտպանությանն ուղղված հանձնառություններ են ստանձնելու:

10:23 - 27 օգոստոսի, 2019

Բաքուն «Azersky» արբանյակով ուսումնասիրել է բնական ռեսուրսների օգտագործումը ԼՂ տարածքում |azatutyun.am|

Բաքուն «Azersky» արբանյակով ուսումնասիրել է բնական ռեսուրսների օգտագործումը ԼՂ տարածքում |azatutyun.am|

azatutyun.am: Պաշտոնական Բաքուն «Azersky» արբանյակի միջոցով ուսումնասիրություն է իրականացրել Լեռնային Ղարաբաղում և հարակից շրջաններում բնական ռեսուրսների օգտագործման և նոր ենթակառուցվածքների ստեղծման վերաբերյալ ու հայտարարել, թե Բաքուն մտադիր է «հասցված վնասի փոխհատուցում պահանջել Հայաստանից»։ Ադրբեջանի դիվանագիտական գերատեսչությունը պնդում է, որ Շուշիին մոտ գտնվող «Իսաբուլաղ» տարածքից հատվել է 0,46 հա անտառ։ Բացի այդ, արբանյակային լուսանկարների վերլուծության արդյունքում ադրբեջանական կողմը պարզել է, որ «Քելբաջարի շրջանում ապօրինաբար շահագործվում են ոսկու հանքավայրեր, իսկ Թերթերի շրջանի «Դեմիրլի» հանքավայրում երկրաբանախուզական աշխատանքներ են տարվում և հայտնաբերվել են նոր ենթակառուցվածքների տարրեր (ճանապարհ, շինություն, տեխնիկա-սարքավորումներ)։ «Ինտերֆաքս»-ի փոխանցմամբ, պաշտոնական Բաքուն պնդել է, որ «վնասը կհաշվվի միջազգային մեխանիզմների միջոցով» և «ապօրինի գործողությունների պատճառով Հայաստանը իրավական պատասխանատվության կենթարկվի»։

11:46 - 10 օգոստոսի, 2019

Ադրբեջանում շարունակում են փնտրել անհետացած МиГ-29 ռազմական ինքնաթիռը |armenpress.am|

Ադրբեջանում շարունակում են փնտրել անհետացած МиГ-29 ռազմական ինքնաթիռը |armenpress.am|

armenpress.am։ Ադրբեջանի ռազմաօդային ուժերին պատկանող, կործանված МиГ-29-ի փնտրտուքները շարունակվում են: Այս մասին «ՌԻԱ Նովոստի»-ին հայտնել են Ադրբեջանի պաշտպանության նախարարությունից: Ռազմական գերատեսչությունից հուլիսի 25-ին հայտնել էին, որ ռազմական ինքնաթիռը ուսումնական թռիչքի ժամանակ կորել է ռադարների էկրանից, ամենայն հավանականությամբ այն ընկել է Կասպից ծովը: Ընթանում են օդաչուի որոնողական աշխատանքները:

10:46 - 27 հուլիսի, 2019

Ադրբեջանում հնարավոր են արտահերթ խորհրդարանական ընտրություններ |Հայաստանի Հանրապետություն|

Ադրբեջանում հնարավոր են արտահերթ խորհրդարանական ընտրություններ |Հայաստանի Հանրապետություն|

«Հայաստանի Հանրապետություն» օրաթերթը գրում է․ «Ադրբեջանում խորհրդարանական ընտրությունները նախատեսված են 2020 թ նոյեմբերին, սակայն 2018 թվականի ամռանից նախանշվում են գործընթացներ, որոնք կարող են հանգեցնել արտահերթ խորհրդարանական ընտրությունների արդեն այս տարվա աշնանը։ Ներկայումս Ադրբեջանի ներքաղաքական դաշտում հավակնություններ ունեցող քաղաքական ուժերից են ազգայնականներն են՝ «Ադրբեջանի ժողովրդական ճակատ» կուսակցության առաջնորդ Ալի Քերիմլիի գլխավորությամբ, նաեւ ընդդիմադիր քաղաքական գործիչ Իլգար Մամեդովը, որն ազատ արձակվելով շուրջ հինգ տարի բանտարկությունից հետո, հարցազրույցներից մեկում հայտարարել էր, որ ակտիվորեն պատրաստվում են առաջիկա խորհրդարանական ընտրություններին՝ շեշտելով, որ իշխանության փոփոխությունը պետք է սկսվի հենց խորհրդարանից։ Հետաքրքիր գործընթացներ են տեղի ունենում նաեւ իշխանության ներսում։ Այստեղ կան միմյանց հետ աշխատող, միեւնույն ժամանակ հակակշռող, երբեմն նաեւ իրար դեմ պայքարող երկու կլաններ՝ նախիջեւանյանը՝ նախագահի աշխատակազմի ղեկավար, «Նոր Ադրբեջան» կուսակցության ներկայացուցիչ Ռամիզ Մեհդիեւի եւ Փաշաեւների ընտանիքը՝ Ադրբեջանի փոխնախագահ Մեհրիբան Ալիեւայի գլխավորությամբ։ Ադրբեջանի ներկայիս իշխանության համար շարունակում են վտանգ ներկայացնել իսլամական ուժերը։

05:55 - 23 հուլիսի, 2019

Ադրբեջանցի սահմանապահ է վիրավորվել |azatutyun.am|

Ադրբեջանցի սահմանապահ է վիրավորվել |azatutyun.am|

azatutyun.am: Պաշտոնական Բաքուն հայտարարում է, որ հայկական զինուժի կրակոցների հետևանքով վիրավորվել է ադրբեջանցի սահմանապահ Ջեյհուն Բայրամովը: Ադրբեջանի դիվանագիտական գերատեսչության խոսնակ Լեյլա Աբդուլաևայի խոսքով, միջադեպը տեղի է ունեցել նախօրեին՝ հայ-ադրբեջանական սահմանին: Աբդուլաևան նշել է, որ կրակոցները տեղի են ունեցել Հայաստանի վարչապետ Նիկոլ Փաշինյանի՝ ղարաբաղյան հակամարտության հանգուցալուծման անհրաժեշտության մասին հայտարարությունից ժամեր անց: Պաշտոնական Երևանն առայժմ չի արձագանքել Ադրբեջանի պնդումներին:

09:43 - 19 հուլիսի, 2019