Դոնալդ Թրամփ

ԱՄՆ 45-րդ նախագահ, Հանրապետական կուսակցության անդամ։

Ծնվել է 1946թ. հունիսի 14-ին։ 1968 թվականին ավարտել է Փենսիլվանիայի համալսարանի Ուորթոնի դպրոցի տնտեսագիտության բակալավրիատը։ 1971 թվականին ժառանգել է հորը պատկանող անշարժ գույքի և բնակարանային շինարարության ընկերությունը, կարճ ժամանակ անց այն վերանվանելով «The Trump Organization»։ 1996-2015 թվականներին հանդես է եկել «Միսս ԱՄՆ» գեղեցկության մրցույթի ժյուրիի կազմում՝ տվյալ ժամանակահատվածում հանդիսանալով նաև տվյալ նախագծի սեփականատերը։ Կամեո ձևաչափով նկարահանվել է բազմաթիվ հեռուստաշոուներում և գեղարվեստական ֆիլմերում։

2000 թվականին ուժերն է փորձել ԱՄՆ նախագահական ընտրություններում, սակայն մասնակցության հայտը ետ է վերցրել քվեարկության նախօրեին։ Լայնամասշտաբ ճանաչման է հասել նաև «NBC»-ի հեղինակային «Աշակերտը» ռեալիթի հեռուստաշոուից, որի ժամանակ մասնակիցները պայքարում էին Թրամփի մոտ աշխատանքի անցնելու համար (2004-2015)։ 2016 թվականին «Ֆորբս» պարբերականի կողմից ճանաչվել է աշխարհի 324-րդ և ԱՄՆ-ի՝ 156-րդ ամենահարուստ անձ։

2015 թվականի հունիսին Թրամփը հայտարարում է ԱՄՆ նախագահական ընտրություններում մասնակցության մասին՝ արագորեն դառնալով Հանրապետական կուսակցության առաջադիրը։ 2016 թվականի մայիսին մնացած հանրապետական թեկնածուների մասնակցության դադարեցումից հետո, Թրամփն ի վերջո պաշտոնապես դառնում է ընտրություններում գլխավոր հանրապետական թեկնածուն։

2016 թվականի նոյեմբերի 8-ին ընտրվել է ԱՄՆ 45-րդ նախագահ` հաղթելով դեմոկրատ Հիլարի Քլինթոնին։ Նախագահի լիազորությունները Թրամփը ստանձնեց 2017 թվականի հունվարի 20-ին։ 2020 թվականի ԱՄՆ նախագահական ընտրություններում պարտվում է Ջոզեֆ Բայդենին։

Ջորջիա նահանգում քվեաթերթիկների վերահաշվարկը վերահաստատել է Բայդենի հաղթանակը |hetq.am|

Ջորջիա նահանգում քվեաթերթիկների վերահաշվարկը վերահաստատել է Բայդենի հաղթանակը |hetq.am|

hetq.am: ԱՄՆ Ջորջիա նահանգում նախագահական ընտրությունների քվեաթերթիկների վերահաշվարկը վերահաստատել է Ջո Բայդենի հաղթանակն ամերիկյան այդ նահանգում։ Այդ մասին նոյեմբերի 20-ին հայտարարել է Ջորջիայի փոխնահանգապետ Բրեդ Ռաֆենսպերգերը։ Նահանգի բոլոր 159 շրջաններում քվեաթերթիկների վերահաշվարկի արդյունքում գործող նախագահ Դոնալդ Թրամփը ստացել է 2 462 857 ձայն, իսկ Ջո Բայդենը՝ 2 475 141 ձայն։ Այդպիսով տարբերությունը կազմել է 12 284։ Վերահաշվարկը շատ աննշան տարբերությամբ է կրճատել Ջո Բայդենի առավելությունը Դոնալդ Թրամփի նկատմամբ։ Ի սկզբանե այն կազմում էր 12 870։ Բրեդ Ռաֆենսպերգերը հայտարարել է, որ նահանգի պատմության մեջ առաջին անգամ ամբողջական աուդիտը հաստատել է հաղթողի անունը։ Շարունակությունը՝ hetq.am-ում։

21:51 - 21 նոյեմբերի, 2020

Թրամփը կմասնակցի G20-ի գագաթնաժողովին․ ԱՄՆ վարչակազմը հաստատում է
|tert.am|

Թրամփը կմասնակցի G20-ի գագաթնաժողովին․ ԱՄՆ վարչակազմը հաստատում է |tert.am|

tert.am: ԱՄՆ գործող նախագահ Դոնալդ Թրամփը կմասնակցի «Մեծ քսանյակ»-ի գագաթնաժողովին (G20), որը տեղի կունենա նոյեմբերի 21-22-ին՝ առցանց ձևաչափով: Այս մասին ՏԱՍՍ-ի թղթակցին հայտնել Է ԱՄՆ վարչակազմի բարձրաստիճան ներկայացուցիչը։«Նախագահ Թրամփը կմասնակցի G20-ի վաղվա առցանց գագաթնաժողովին»,- Թրամփի՝ G20-ին մասնակցության վերաբերյալ հարցին պատասխանել է նա։Նշվում է նաև, որ Սպիտակ տան կողմից ուրբաթ հրապարակված նախագահի աշխատանքային գրաֆիկի համաձայն՝ շաբաթ և կիրակի օրերին Թրամփը մասնակցելու է մամուլի համար փակ ձևաչափով գագաթնաժողովների: Շարունակությունը՝ tert.am-ում։

09:49 - 21 նոյեմբերի, 2020

Բայդեն Թրամփին կոչ է արել սահուն կերպով փոխանցել իշխանությունը |factor.am|

Բայդեն Թրամփին կոչ է արել սահուն կերպով փոխանցել իշխանությունը |factor.am|

factor.am: Դեմոկրատ Ջոզեֆ Բայդենը, որը հայտարարել է ԱՄՆ նախագահ ընտրվելու մասին, կոչ է արել հանրապետական Դոնալդ Թրամփի վարչակազմին՝ համագործակցել իր անցումային թիմի հետ, նախ և առաջ՝ համաճարակի դեմ պայքարում։ Այս մասին գրում է ՏԱՍՍ-ը՝ հավելելով, որ հանրապետականները շփոթված են, իսկ մի քանի նահանգներում քվեարկության արդյունքները կասկածի տակ դնելու փորձերը ձախողվում են։ Բայդենը նաև հայտարարել է, թե ով է լինելու Սպիտակ տան ապագա ղեկավարի տեղակալը։ Ակնկալվում է, որ Բայդենի վարչակազմի ձևավորման ժամանակ այս կարևոր պաշտոնը կստանա նրա նախընտրական քարոզարշավի ղեկավար Ջեն Օ՛Մելլի Դիլոնը։ Երկուշաբթի Դելավեր նահանգի Վիլմինգթոն քաղաքում հրավիրված ասուլիսում Բայդենը բարձրաձայնել է երկու հիմնական խնդիր՝ իշխանության փոխանցում և կորոնավիրուսի պատվաստանյութի տարածում:Նրա խոսքով՝ որքան շուտ իր անցումային թիմի անդամները հասանելիություն ունենան կորոնավիրուսի պատվաստանյութը տարածելու՝ վարչակազմի ծրագրին, այնքան ավելի սահուն կլինի իշխանության փոխանցումը:

15:22 - 17 նոյեմբերի, 2020

Վաշինգտոնի ոստիկանությունը ձերբակալել է նվազագույնը 20 մարդու Թրամփի կողմնակիցների և նրան դեմ հանդես եկողների միջև բախման ընթացքում |armenpress.am|

Վաշինգտոնի ոստիկանությունը ձերբակալել է նվազագույնը 20 մարդու Թրամփի կողմնակիցների և նրան դեմ հանդես եկողների միջև բախման ընթացքում |armenpress.am|

armenpress.am: Վաշինգտոնի ոստիկանությունը ձերբակալել է նվազագույնը 20 մարդու ԱՄՆ նախագահ Դոնալդ Թրամփի կողմնակիցների և նրան դեմ հանդես եկողների միջև տեղի ունեցած բախման ընթացքում: Այս մասին հայտնում է Washington Post-ը: Բախումների ընթացքում մեկ անձ դանակի հարվածից ստացած վնասվածքներով տեղափոխվել է հիվանդանոց, տուժել են նաև երկու ոստիկաններ: Ոստիկանների վնասվածքների աստիճանի մասին տեղեկատվություն չկա: Նշվում է, որ ցուցարարներից ոմանք զինված են եղել փայտերով, ձերբակալվածներից 4-ի մոտ հայտնաբերվել է հրազեն:

14:12 - 15 նոյեմբերի, 2020

«Ընտրությունները դեռ չեն ավարտվել». Թրամփը չի ընդունել իր պարտությունը |tert.am|

«Ընտրությունները դեռ չեն ավարտվել». Թրամփը չի ընդունել իր պարտությունը |tert.am|

tert.am: ԱՄՆ գործող նախագահ Դոնալդ Թրամփը չի ընդունել իր պարտությունն այն բանից հետո, երբ ամերիկյան մի շարք առաջատար լրատվամիջոցներ հայտարարել են դեմոկրատ թեկնածու Ջո Բայդենի հաղթանակի մասին: «Մենք բոլորս գիտենք, թե ինչու է Ջո Բայդենը շտապում իրեն հաղթող ճանաչել, թե ինչու են նրա դաշնակից-ԶԼՄ-ները փորձում օգնել նրան. նրանք չեն ուզում, որ ճշմարտությունը բացահայտվի: Պարզապես փաստն այն է, որ ընտրությունները դեռ չեն ավարտվել: Ջո Բայդենը պաշտոնապես չի հաստատվել որպես հաղթող որևէ նահանգում»,- ТАСС գործակալության փոխանցմամբ՝ այս մասին ասվում է Թրամփի շտաբի տարածած հայտարարության մեջ: Թրամփն ընդգծել է, որ երկուշաբթի օրվանից իր շտաբը կսկսի դատարանում պաշտպանել իր դիրքորոշումը:

22:33 - 07 նոյեմբերի, 2020

ԱՄՆ 46-րդ նախագահ է ընտրվել դեմոկրատ Ջո Բայդենը |1lurer.am|

ԱՄՆ 46-րդ նախագահ է ընտրվել դեմոկրատ Ջո Բայդենը |1lurer.am|

1lurer.am: Միացյալ Նահանգների նախագահի ընտրություններում հաղթել է դեմոկրատական կուսակցության թեկնածու Ջո Բայդենը՝ դառնալով երկրի 46-րդ նախագահը: Այս մասին հայտնում է Associated Press գործակալությունը: Դեմոկրատ թեկնածու Ջո Բայդենը ստացել է 284 ընտրիչի քվե, մինչդեռ հաղթելու համար անհրաժեշտ էր 270 ձայն:

21:24 - 07 նոյեմբերի, 2020

Հարյուր հազարավոր քվեներ ապօրինաբար չեն դիտարկվել, ինչը կփոխի ընտրությունների արդյունքները մի շարք նահանգներում․ Թրամփ |tert.am|

Հարյուր հազարավոր քվեներ ապօրինաբար չեն դիտարկվել, ինչը կփոխի ընտրությունների արդյունքները մի շարք նահանգներում․ Թրամփ |tert.am|

tert.am: ԱՄՆ նախագահ և ընտրությունների հանրապետական թեկնածու Դոնալդ Թրամփը հայտնել է, որ հարյուր հազարավոր ձայներ չեն հաշվարկվել, ինչպես նաև տասնյակ հազարավորները ուշ են ներկայացվել ընտրատեղամաս:«Տասնյակ հազարավոր ձայներ ապօրինաբար են ստացվել երեքշաբթի 20:00-ից հետո (ընտրությունների օրը)՝ հեշտությամբ և լիովին փոխելով արդյունքները Փենսիլվանիայում և որոշ այլ նահանգներում»,- հայտարարել է Թրամփը:Վերջինս հավելել է, որ հարյուր հազարավոր քվեներ ապօրինաբար չեն դիտարկվել: «Սա նույնպես կփոխի ընտրությունների արդյունքները մի շարք նահանգներում, այդ թվում՝ Փենսիլվանիայում, որտեղ զգալի զանգված անհետացել է առանց դիտարկվելու որևէ մեկի կողմից: Վատ բաներ են տեղի ունեցել այդ ժամերի ընթացքում, երբ օրինական թափանցիկությունը չարամտորեն և դաժանորեն արգելափակված է եղել»,- հավելել է ԱՄՆ նախագահը: Առավել մանրամասն՝ tert.am-ում

18:59 - 07 նոյեմբերի, 2020

Բայդենը Թրամփից առաջ է անցել Ջորջիայում |azatutyun.am|

Բայդենը Թրամփից առաջ է անցել Ջորջիայում |azatutyun.am|

azatutyun.am: ԱՄՆ նախկին փոխնախագահ, նախագահության թեկնածու Ջո Բայդենն առաջ է անցել Դոնալդ Թրամփից Ջորջիայում, ինչը վճռորոշ ազդեցություն ունի ընտրությունների ելքի վրա․ առանց այս նահանգի 16 ընտրիչների աջակցության գործող նախագահը չի կարող վերընտրվել։ Ձայների հաշվակը պաշտոնապես դեռ չի ավարտվել, սակայն մի շարք լրատվամիջոցներ հաղորդում են՝ Բայդենը մրցակցից առաջ է 917 ձայնով։ Եթե այս տվյալները հաստատվեն, 77-ամյա թեկնածուն կդառնա Ջորջիայում հաղթած առաջին դեմոկրատը Բիլ Քլինթոնից հետո, ով այս նահանգում հաջողության էր հասել 1992 թվականի նախագահական ընտրություններում։ Նախնական արդյունքների համաձայն, Բայդենը ձայների չնչին առավելությամբ գերազանցում է Թրամփին նաև Նևադայում և Արիզոնայում։ Չսպասելով վերջնական արդյունքներին՝ գործող նախագահը ժամեր առաջ հայտարարեց, թե դեմոկրատները փորձում են խլել իր հաղթանակը, առանց որևէ փաստական ապացույց ներկայացնելու:

14:54 - 06 նոյեմբերի, 2020

ԱՄՆ ընտրություններին հետևող ԵԱՀԿ միջազգային դիտորդները հայտարարություն են տարածել
|shantnews.am|

ԱՄՆ ընտրություններին հետևող ԵԱՀԿ միջազգային դիտորդները հայտարարություն են տարածել |shantnews.am|

shantnews.am: ԱՄՆ ընտրությունները բավական մրցակցային էին, սակայն դրանք խամրել են իրավական անորոշության և հանրային վստահությունը խաթարելու աննախադեպ փորձերի պատճառով։ Այս մասին հայտարարություն են տարածել ԱՄՆ ընտրություններին հետևող ԵԱՀԿ միջազգային դիտորդները։ Ըստ նրանց՝ քվեարկությունը եղել է մրցակցային և լավ կազմակերպված՝ չնայած կորոնավիրուսի համավարակին։ Սակայն, միևնույն ժամանակ, ընտրարշավին բնորոշ է եղել խոր արմատավորված քաղաքական բևեռացում, որը հաճախ խանգարել է բանավեճերին և ներառել է խարդախությունների անհիմն մեղադրանքներ։ «Գործող նախագահի կողմից համակարգված թերությունների մասին անհիմն մեղադրանքները, այդ թվում՝ ընտրությունների գիշերը, վնասում են հանրային վստահությունը ժողովրդավարական ինստիտուտների նկատմամբ»,- ասել է դիտորդական առաքելության համակարգող և ղեկավար Մայքլ Ջորջ Լինկը: Ըստ դիտորդների՝ ԱՄՆ ընտրությունների ընդհանուր ծախսերը կազմել են 14 միլիարդ դոլար։ ԱՄՆ համընդհանուր ընտրությունների միջազգային դիտորդական առաքելության կազմում եղել է 102 դիտորդ 39 երկրից։ Մինչ այժմ հաշվարկված տվյալների համաձայն՝ դեմոկրատների թեկնածու Ջո Բայդենը հավակնում է ընտրիչների 264 ձայնի, իսկ գործող նախագահ Դոնալդ Թրամփը՝ 214 ձայնի, մինչդեռ հաղթանակ տանելու համար թեկնածուի օգտին պետք է քվեարկի 270 ընտրիչ։

14:46 - 05 նոյեմբերի, 2020

Քվեների հաշվարկը ԱՄՆ-ում ուղեկցվում է Թրամփի կողմնակիցների բողոքի ակցիաներով |azatutyun.am|

Քվեների հաշվարկը ԱՄՆ-ում ուղեկցվում է Թրամփի կողմնակիցների բողոքի ակցիաներով |azatutyun.am|

azatutyun.am: Քվեների հաշվարկը Միացյալ Նահանգներում ուղեկցվում է բողոքի ակցիաներով։ ԱՄՆ մի շարք քաղաքներում ընտրական կենտրոնների մոտ են հավաքվել գործող նախագահ Դոնալդ Թրամփի կողմնակիցները։ Միչիգան նահանգի Դեթրոյթ քաղաքում շուրջ 30 հանրապետական ակտիվիստներ փորձել են մուտք գործել ընտրական կենտրոնի շենք՝ պահանջելով դադարեցնել քվեների հաշվարկը։ Այդ պահին այդտեղ ընթանում էր փոստով և վաղաժամ տրված ավելի քան 170 հազար ձայների հաշվարկը։ CNN հեռուստաընկերության և Edison Research հետազոտական կենտրոնի տվյալներով՝ ստացած քվեների քանակով Միչիգանում առջևում է դեմոկրատ թեկնածու Ջոզեֆ Բայդենը։ Արիզոնայի խոշորագույն քաղաքում՝ Ֆինիքսում ևս հարյուրից ավելի մարդիկ են հավաքվել տեղական ընտրական կենտրոնի առջև՝ պահանջելով դադարեցնել քվեների հաշվարկը։ Այս նահանգում նույնպես քվեների աննշան տարբերությամբ առջևում է Բայդենը։ Քվեարկության արդյունքների ամփոփման շուրջ իրավիճակը սրվեց, երբ Թրամփը սկզբում իրեն ընտրությունների հաղթող հռչակեց, ապա Twitter-ում գրեց, թե փորձ է կատարվում «գողանալ» իր հաղթանակը։ Չնայած այս հայտարարություններին՝ նախագահական ընտրությունների ընթացքում արձանագրված որևէ էական խախտման մասին հայտնի չէ։

13:18 - 05 նոյեմբերի, 2020

ԱՄՆ-ում ամփոփվում են նախագահի ընտրությունների արդյունքները |1lurer.am|

ԱՄՆ-ում ամփոփվում են նախագահի ընտրությունների արդյունքները |1lurer.am|

1lurer.am: Միացյալ Նահանգներում երկրի գերագույն պաշտոնի համար թեժ պայքարը շարունակվում է: ԱՄՆ նախագահի ընտրությունների նախնական արդյունքների համաձայն՝ դեմոկրատ թեկնածու Ջո Բայդենի օգտին քվեարկել է 264 ընտրիչ, մինչդեռ հանրապետական Դոնալդ Թրամփը հավաքել է 214 ընտրիչի ձայն: Ի դեպ, երկու թեկնածուներին անհրաժեշտ է հաղթահարել 270-ի շեմը: Միաժամանակ Ջո Բայդենի թեկնածությանը հավանություն է տվել 72 075 757 քաղաքացի, որը կազմում է 50.4 տոկոս, իսկ հանրապետական թեկնածուի օգտին քվեարկել է 68 600 187 ամերիկացի, որը կազմում է 48 տոկոս: Կոնգրեսում իրավիճակը հետևյալն է՝ Սենատում դեմոկրատներն ունեն 46 մանդատ, հանրապետականները՝ 48: Մինչդեռ Ներկայացուցիչների պալատում առաջատար են դեմոկրատները՝ 204, հանրապետականները՝ 190:

11:47 - 05 նոյեմբերի, 2020

Դոնալդ Թրամփը կասկածի տակ է դրել ԱՄՆ-ի նախագահական ընտրությունների քվեաթերթիկների հաշվարկը |armenpress.am|

Դոնալդ Թրամփը կասկածի տակ է դրել ԱՄՆ-ի նախագահական ընտրությունների քվեաթերթիկների հաշվարկը |armenpress.am|

armenpress.am: Նախագահ Դոնալդ Թրամփը կասկածի տակ է դրել ԱՄՆ-ի նախագահական ընտրությունների քվեաթերթիկների հաշվարկը: Թրամփը «Ֆեսյբուք»-ի իր էջում գրել է, որ նախորդ գիշեր առաջատար է եղել գրեթե բոլոր առանցքային նահանգներում, որտեղ վերահսկում էին և կառավարում էին Դեմոկրատները, սակայն հաշվարկելու ժամանակ այդ քվեաթերթիկները սկսել են կախարդական կերպով անհետանալ: «Շատ տարօրինակ է, և «սոցիոլոգները» դա հասկացել են միանգամայն և պատմականորեն սխալ»,- գրել է Թրամփը: Ավելի վաղ Դեմոկրատական կուսակցությունից ԱՄՆ նախագահի թեկնածու Ջո Բայդենի շտաբում հայտարարել էին ընտրություններում նրա հաղթանակի մասին: «Մենք հաղթում ենք ընտրություններում, մենք հաղթել ենք ընտրություններում։ Եվ մենք կպաշտպանենք այդ ընտրությունները»,- առցանց մամուլի ասուլիսի ժամանակ այս մասին հայտարարել էր շտաբի խորհրդական Բոբ Բաուերը:

22:26 - 04 նոյեմբերի, 2020

ԱՄՆ-ը Եվրոպայի կողքին է ծայրահեղ իսլամիստական ահաբեկչության դեմ պայքարում. Թրամփ |armenpress.am|

ԱՄՆ-ը Եվրոպայի կողքին է ծայրահեղ իսլամիստական ահաբեկչության դեմ պայքարում. Թրամփ |armenpress.am|

armenpress.am: ԱՄՆ նախագահ Դոնալդ Թրամփն անդրադարձել է Վիեննայում նոյեմբերի 2-ին տեղի ունեցած ահաբեկչությանը` ընդգծելով ԱՄՆ-ի պատրաստակամությունը ծայրահեղ իսլամիստների դեմ պայքարում: «Մեր աղոթքները Վիեննայի ժողովրդի հետ են նողկալի ահաբեկչական գործողություններից հետո: Այս հրեշավոր հարձակումներն` ընդդեմ անմեղ մարդկանց, պետք է դադարեցվեն: ԱՄՆ-ը կանգնած է Ավստրիայի, Ֆրանսիայի և ամբողջ Եվրոպայի կողքին ահաբեկչության, ներառյալ ծայրահեղ իսլամիստական ահաբեկչության դեմ պայքարում»,-«Թվիթեր»-ում նշել է ԱՄՆ-ի նախագահը:

09:47 - 03 նոյեմբերի, 2020

Թրամփը հիասթափված է ԼՂ-ում հրադադարի ռեժիմի խախտումից

|armenpress.am|

Թրամփը հիասթափված է ԼՂ-ում հրադադարի ռեժիմի խախտումից |armenpress.am|

armenpress.am: ԱՄՆ նախագահ Դոնալդ Թրամփը հայտարարել է, որ հիասթափված է Լեռնային Ղարաբաղի հակամարտության գոտում հրադադարի մասին Հայաստանի և Ադրբեջանի միջև պայմանավորվածությունների չկատարումից: Դոնալդ Թրամփն այս մասին ասել է լրագրողների հետ զրույցում՝ անդրադառնալով ԼՂ հակամարտության գոտում հրադադարի չպահպանման մասին հարցին: Դոնալդ Թրամփն ընդգծել է, որ հակամարտությունը շարունակվում է շատ երկար տարիներ և հավելել. «Ահա, թե ինչ է տեղի ունենում, երբ կան երկրներ, որոնք այդ ամենի մեջ են երկար ժամանակ: Այո, դա հիասթափեցնող է»: ԱՄՆ նախագահը հույս է հայտնել, որ ԼՂ հակամարտության գոտում իրավիճակը կկարգավորվի:

22:36 - 27 հոկտեմբերի, 2020

Թրամփը հայտարարել է, որ Հայաստանի և Ադրբեջանի միջև հրադադարի ռեժիմը պահպանվում է |tert.am|

Թրամփը հայտարարել է, որ Հայաստանի և Ադրբեջանի միջև հրադադարի ռեժիմը պահպանվում է |tert.am|

tert.am: ԱՄՆ նախագահ Դոնալդ Թրամփը հայտարարել է, որ հոկտեմբերի 25-ին Վաշինգտոնի միջնորդությամբ Հայաստանի և Ադրբեջանի միջև ձեռք բերված հրադադարի պամանավորվածությունը պահպանվում է: Ինչպես տեղեկացնում է Սպիտակ տան պաշտոնական կայքը, այս մասին ամերիկացի ղեկավարը հայտարարել է երկուշաբթի լրագրողների հետ զրույցում: «Այն պահպանվում է: Հրադադարի ռեժիմը պահպանվում է»,- ասել է Սպիտակ տան ղեկավարը՝ պատասխանելով համապատասխան հարցին:

21:48 - 26 հոկտեմբերի, 2020

Կրեմլում մեկնաբանել են Թրամփի՝ ԼՂ-ում հրադադարի մասին հայտարարությունը |tert.am|

Կրեմլում մեկնաբանել են Թրամփի՝ ԼՂ-ում հրադադարի մասին հայտարարությունը |tert.am|

tert.am: ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը, մեկնաբանելով Լեռնային Ղարաբաղում հրադադարի մասին ԱՄՆ-ի հայտարարությունը, հայտարարել է, որ այդ հակամարտությունը չպետք է մրցակցության վայր լինի, գրում է ria.ru-ն։ «Սուր փուլում գտնվող ղարաբաղյան ճգնաժամի կարգավորման գործընթացը չպետք է և չի կարող ինչ-որ մրցակցության վայր լինել»,- պատասխանել Է Պեսկովը այն հարցին, թե ինչպես են Կրեմլում վերաբերվում հրադադարի մասին ԱՄՆ-ում ձեռք բերված պայմանավորվածությանը։«Բնականաբար, Ռուսաստանը, որպես խմբի (ԵԱՀԿ ՄԽ) համանախագահ, պատրաստ է ողջունել ցանկացած քայլ, որը կօգնի դադարեցնել պատերազմը»,- ասել է Պեսկովը։Ավելի վաղ ԱՄՆ նախագահ Դոնալդ Թրամփը շնորհավորել էր Հայաստանի և Ադրբեջանի ղեկավարներին հումանիտար հրադադարի շուրջ պայմանավորվածություն ձեռք բերելու առթիվ:«Շնորհավորում եմ Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին, որոնք պայմանավորվել են հավատարիմ մնալ հրադադարի ռեժիմին: Շատ կյանքեր կփրկվեն: Հպարտ եմ իմ թիմով` գործն ավարտին հասցնելու համար»,- նշել էր ԱՄՆ նախագահը:

15:36 - 26 հոկտեմբերի, 2020