Երևանի քաղաքապետարան

Երևանի քաղաքապետարանը համայնքային ծառայություններ իրականացնող պետական մարմին, որի նպատակն ու խնդիրն ավագանու և քաղաքապետի լիազորությունների լիարժեք և արդյունավետ իրականացման, ինչպես նաև քաղաքացիական իրավահարաբերություններին ավագանու և քաղաքապետի մասնակցության ապահովումն է։ Երևանի քաղաքապետը և ավագանին քաղաքապետարանի միջոցով համակարգում Երևանի ենթակայության հիմնարկների, առևտրային և ոչ առևտրային կազմակերպությունների գործունեությունը, կազմակերպում հանրապետական գործադիր մարմինների և դրանց՝ Երևանի տարածքային ծառայությունների հետ հարաբերությունները։

Քաղաքապետարանը ստեղծվում, վերակազմակերպվում և նրա գործունեությունը դադարեցվում է ավագանու որոշմամբ։ 

Երեւանի քաղաքապետարանին առընթեր ստեղծվելու է «Շրջակա միջավայրի կանաչապատում եւ պահպանություն» ՀՈԱԿ-ը |news.am|

Երեւանի քաղաքապետարանին առընթեր ստեղծվելու է «Շրջակա միջավայրի կանաչապատում եւ պահպանություն» ՀՈԱԿ-ը |news.am|

news.am։ Երեւանի քաղաքապետարանին առընթեր ստեղծվելու է «Շրջակա միջավայրի կանաչապատում եւ պահպանություն» ՀՈԱԿ-ը: Համապատասխան որոշումն ընդունվել է դեկտեմբերի 16-ին Երեւանի ավագանու արտահերթ նիստում: ՀՈԱԿ ստեղծման համար նախատեսվում է հատկացնել 3 մլրդ 400 մլն դրամ: Երեւանի առաջին փոխքաղաքապետ Հրաչյա Սարգսյանի խոսքով՝ փողի մեծ մասը (2 մլրդ դրամից ավելի) հատկացվելու է աշխատակիցների աշխատավարձը 2,5 անգամ բարձրացնելուն, որոնք հիմա աշխատում են առանձին վարչական շրջաններում: «ՊՈԱԿ ստեղծումը թույլ կտա կուտակել կանաչապատման միջոցառումների համար քաղաքապետարանի հատկացրած միջոցները եւ կազմակերպել դրանց ավելի արդյունավետ կառավարում: Սա թույլ կտա ընդունել համալիր որոշումներ եւ կանաչապատման, խնամքի ու ոռոգման միասնական մոտեցումներ: Դրանից բացի, կազմակերպվելու է սովորական աղբից վտանգավոր թափոնների տեսակավորում, ինչը բնապահպանների տեսակետից անչափ կարեւոր է: ՀՈԱԿ-ն իր տրամադրության տակ կունենա տնկիների տնտեսություն եւ անհրաժեշտ տեխնոպարկ, որի ձեռքբերման համար կհայտարարվի մրցույթ»,- պարզաբանել է նա: Կազմակերպության ղեկավարն է դառնալու Արմեն Բեգոյանը, որը ներկայումս զբաղեցնում է Երեւանի քաղաքապետարանին առընթեր թափառող կենդանիներին վնասազերծելու կենտրոնի տնօրենի պաշտոնը: Երեւանի ավագանու «Լույս» խմբակցության ղեկավար Դավիթ Խաժակյանը վստահություն է հայտնել, որ մի քանի կազմակերպությունների առկայությունը կօգներ բարձրացնել աշխատանքների արդյունավետությունը եւ նվազեցնել ծառայությունների արժեքը: Երեւանի քաղաքապետ Հայկ Մարությանն իր հերթին պարզաբանել է, որ մրցույթին ոչ մի մասնավոր ընկերություն չի մասնակցել, ինչը վկայում է, որ մասնավոր հատվածն առայժմ պատրաստ չէ իր վրա աշխատանքների այդպիսի մեծ ծավալի պատասխանատվություն վերցնել: «Հաշվի առնելով, որ տեխնոպարկն անհրաժեշտ տեխնիկայով համալրելու անհրաժեշտություն կա, մենք ուրախ կլինենք մեր հայրենակիցների մասնակցությանը, այդ թվում՝ արտասահմանում բնակվող: ՀՈԱԿ  գործունեության արդյունքներն անչափ կարեւոր են, եւ դրանք տեսանելի կլինեն ինչպես մոտ ժամանակում, այնպես էլ երկարաժամկետ հեռանկարում»,- եզրափակել է նա:
09:30 - 16 դեկտեմբերի, 2019
Երևանի քաղաքապետարանի ամանորյա բյուջեն կազմում է 325,7 այլ ոչ թե 548 միլիոն դրամ

Երևանի քաղաքապետարանի ամանորյա բյուջեն կազմում է 325,7 այլ ոչ թե 548 միլիոն դրամ

Հերքում․ Երևանի քաղաքապետարանի ամանորյա բյուջեն կազմում է 325,7 մլն դրամ Օրերս կայքերից մեկը հրապարակում է արել, համաձայն որի` Երևանի քաղաքապետարանի Ամանորյա և Սուրբծննդյան տոների բյուջեն կազմելու է ոչ թե 325 մլն դրամ, այլ 548 մլն։ Այս կայքը օգտվել է այն հանգամանքից, որ դեկտեմբերի 6-ի ավագանու արտահերթ նիստի ժամանակ քաղաքապետի տեղակալը բանավոր խոսքում 271 մլն դրամի փոխարեն, որը տրամադրել է Երևանի քաղաքապետարանին ՀՀ կառավարությունը, սխալմամբ ասել է 277 մլն դրամ։ Նյութի հեղինակը, 271 մլն դրամին գումարել է 277 մլն դրամը և ստացված 548 մլն դրամը ներկայացրել է որպես այս տարվա ամանորյա ծախս։Այն ինչ, Երևանի քաղաքապետարանի կայքում հրապարակված է եղել ավագանու որոշման նախագիծը, որտեղ հստակ նշված 271 մլն 797 հազար 100 դրամ թիվը։Այս թվին անհրաժեշտ էր գումարել Երևանի քաղաքապետարանի 2019 թվականի բյուջեով արդեն իսկ նախատեսված 54 մլն դրամը և կստացվեր, որ 2020 թվականի ամանորյա ծախսերը կկազմեն 325 մլն 797 հազար 100 դրամ։Ի դեպ, կայքը իրական թվերը արդեն իսկ ստացած է եղել Երևանի քաղաքապետարանից՝ իրենց հարցմանը ի պատասխան։
13:57 - 08 դեկտեմբերի, 2019
Դա չպետք է դիտարկվի որպես կոռուպցիա. ԹԻ կարծիքը Երևանի քաղաքապետարանի կողմից աղբատար մեքենաների ձեռքբերման վերաբերյալ

Դա չպետք է դիտարկվի որպես կոռուպցիա. ԹԻ կարծիքը Երևանի քաղաքապետարանի կողմից աղբատար մեքենաների ձեռքբերման վերաբերյալ

«Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպությունը, արձագանքելով որոշ ձեռնարկատերերից Երևանի քաղաքապետարանի կողմից սանիտարական մաքրման ծառայության համայնքային կազմակերպության համար «Կամազ» մակնիշի մասնագիտացված բեռնատարները նվիրատվությամբ ստանալու վերաբերյալ մամուլում տարածված հրապարակումներին, կարծում է, որ առկա տեղեկատվության հիման վրա այն չպետք է դիտարկվի որպես կոռուպցիա, քանի որ Երևանի քաղաքապետարանի որևէ պաշտոնատար անձ նյութական օգուտ դրա արդյունքում չի ստացել։ Մասնավոր հատվածի կողմից հանրային կառույցին, մասնավորապես համայնքային մարմիններին նվիրատվություններն ու նվիրաբերությունները ընդունված պրակտիկա են և երբեմն խրախուսվում են որպես կորպորատիվ սոցիալական պատասխանատվության եղանակ: Այդուհանդերձ, հարկ է նկատել, որ այս գործընթացում չեն բացառվում կոռուպցիոն ռիսկերը, որոնք կարող են ներառել պարտադրանք՝ կատարելու նվիրաբերություններ, հնարավոր պայմանավորվածություններ՝ ընկերությանը արտոնություններ տրամադրելու կամ այդ առնչությամբ անօրինական որոշումներ ընդունելու առումով: Երևան քաղաքին աղբատար մեքենաների նվիրաբերության դրվագում նման ռիսկերի վերաբերյալ որևէ հրապարակային փաստ ներկա պահին ներկայացված չէ, թեև անշուշտ կասկած են հարուցում կատարված նվիրաբերությունների ժամանակահատվածը, որը համընկնում է օրինակ՝ փոխակապկցված անձանց շինթույլտվությունների ստացման ժամանակահատվածին: Հարկ ենք համարում նշել, որ կոռուպցիոն ռիսկեր ծնող հիմնական գործոնը Երևանի քաղաքապետարանի կառավարման ոչ բավարար թափանցիկ և հաշվետվողական գործելակերպն է, ինչը շտկելու ուղղությամբ անհրաժեշտ է ձեռնարկել շուտափույթ միջոցառումներ: Մասնավորապես, վերհանված խնդիրների համատեքստում անհրաժեշտ է. Երևանի քաղաքապետարանին և դրան կից համայնքային կազմակերպություններին տրամադրվող նվերներն անմիջապես գրանցել էլեկտրոնային հաշվառման հրապարակային գրանցամատյանում և հասանելի դարձնել հանրությանը: Բոլոր քաղաքաշինական փաստաթղթերը, այդ թվում՝ հողահատկացման որոշումները, ճարտարապետահատակագծային առաջադրանքները, քանդման և շինարարության թույլտվությունների ամբողջական տեղակատվությունը տեղադրել Երևանի քաղաքապետարանի կայքում: Երևան քաղաքի քաղաքաշինական գործընթացներում իրականացնել հանրային քննարկումներ, ինչպես սահմանված է ՀՀ քաղաքաշինության մասին օրենքով և ՀՀ կառավարության 1998 թվականի հոկտեմբերի 28-ի «Կենսագործունեության միջավայրի ծրագրվող փոփոխությունների մասին իրազեկման և հրապարակված քաղաքաշինական ծրագրերի ու նախագծերի քննարկմանը և որոշումների ընդունմանը հասարակայնության ներկայացուցիչների մասնակցության կարգը սահմանելու մասին» N660 որոշմամբ: Միաժամանակ նախաձեռնել այս գործընթացների ներառականությանն ու առավել վաղ փուլում հանրային ներգրավման գործիքակազմի հզորացմանը միտված լրացուցիչ քայլեր։Վերացնել ՀՀ կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N912-Ն որոշումը, որը նախորդ կոռումպացված ռեժիմի կողմից հատուկ ստեղծվել է կոռուպցիոն գործարքները խթանելու նպատակով:
12:28 - 03 դեկտեմբերի, 2019
Քաղաքապետարանին աղբատարներ նվիրողները պաշտոնյաներին կապակցված ընկերություններն են (լրացվող) |hetq.am|

Քաղաքապետարանին աղբատարներ նվիրողները պաշտոնյաներին կապակցված ընկերություններն են (լրացվող) |hetq.am|

hetq.am։ Երևանի քաղաքապետարանն հրապարակել է համայնքին աղբատար ավտոմեքենաներ նվիրած ընկերությունների անունները։ Դրանք բոլորը փոխկապակցված են նախկին և ներկա պաշտոնյաների հետ։ Ավելին, այդ ընկերություններից երկուսին քաղաքապետարանն ամիսներ առաջ հասցեներ է տրամադրել։ ԱԱԾ քննչական դեպարտամենտի պետի կնոջ ընկերությունը պատրաստվում է բնակելի համալիր կառուցել քաղաքապետարանի տված հասցեում «Ն եւ Ս քոնսթրաքշն» ՍՊԸ-ն քաղաքապետարանին նվիրել է 10 հատ ԳԱԶ մակնիշի և 4 հատ ԿամԱԶ մակնիշի աղբատարեր։ «Ն եւ Ս քոնսթրաքշն» ՍՊԸ-ն նորաստեղծ ընկերություն է, հիմնադրվել է 2019թ-ի հունվարի 11-ին։ Ընկերության բաժնետերերից է Արմինե Եղիազարյանը (12․5 %), ով ԱԱԾ քննչական դեպարտամենտի պետ Արթուր Աղաջանյանի կինն է։ Ընկերության 50 %-ի բաժնետերը Աիդա Հովհաննիսյանն է, իսկ Մարինա Թադևոսյանը, Նարեկ Ասատրյանը և Սամվել Մանիջոյանը տիրապետում են 12․5-ական տոկոս բաժնետոմսերին։ Այս ընկերությունը պատրաստվում է բազմաֆունկցիոնալ բնակելի համալիր կառուցել Դավթաշեն վարչական շրջանի Եղվարդի խճուղի հ.22 և Անաստաս Միկոյան հ. 64 հասցեներում։ Այդ հասցեները ընկերության հողամասին տրամադրվել է Երևանի քաղաքապետ Հայկ Մարությանի 2019թ-ի մարտի 22-ի որոշմամբ։ Ուղիղ մեկ շաբաթից՝ դեկտեմբերի 6-ին, տեղի կունենա հանրային քննարկում՝ ընկերության կողմից կառուցապատման աշխատանքների՝ շրջակա միջավայրի վրա ազդեցության նախնական գնահատման հայտի վերաբերյալ։ «Ն եւ Ս քոնսթրաքշն» ՍՊԸ-ի կանոնադրական կապիտալը 10 հազար դրամ է։ Զինծառայողների ապահովագրության հիմնադրամի պարտադիր վճարների համակարգում այս ընկերության վերաբերյալ տվյալներ չկան, հետևաբար հանրության համար գաղտնիք է մնում դրա աշխատակիցների քանակը կամ արդյոք ունի՞ աշխատակիցներ, թե՞ ոչ։ Միևնույն ժամանակ, Պետական եկամուտների կոմիտեի տվյալներով, «Ն եւ Ս քոնսթրաքշն» ընկերությունն այս տարվա հունվար-մարտ ամիսների 1000 խոշոր հարկ վճարողներից 104-րդն է եղել՝ վճարելով 364 միլիոն դրամ հարկ։ Արմինե Եզիազարյանին է պատկանում ընկերության 12,5 տոկոս բաժնեմասը։ 2018-ի հոկտեմբերի 27-ից նա հանդիսանում է նաև «Արտ Օյլ» ՍՊԸ-ի 100 տոկոս բաժնետերը։ Նախարարի նախկին տեղակալի հարկային պարտավորություններ ունեցած ընկերությունը Մեկ «Կամազ» մակնիշի աղբատար ավտոմեքենա էլ Երևան համայնքին նվիրել է «Էյչ բի Էմ գրուպ» ընկերությունը։ Այս ընկերության 33 տոկոսի սեփականատերը տրանսպորտի և կապի նախարարի առաջին տեղակալ (2000-2013) Հրանտ Բեգլարյանն է, 0․02 տոկոսի բաժնետերը նրա դուստրը՝ Աննա Բեգլարյանը, իսկ 33-ական տոկոս բաժնեմասերը պատկանում են Հրաչյա Մինասյանին և Հրանտ Հախնազարյանին։ Շարունակությունը՝ hetq.am-ում
06:15 - 29 նոյեմբերի, 2019
Քաղաքապետարանի մամուլի քարտուղարը հրապարակել է նվիրատուների ցանկը

Քաղաքապետարանի մամուլի քարտուղարը հրապարակել է նվիրատուների ցանկը

Երևանի քաղաքապետարանի մամուլի քարտուղար Հակոբ Կարապետյանը ֆեյսբուքյան իր էջում գրում է․ «Ինչպես արդեն տեղեկացրել ենք, մի շարք տնտեսվարող կազմակերպություններ եւ անհատներ, քաղաքային տնտեսության զարգացմանն օժանդակելու նպատակով նվիրատվություններ են արել քաղաքին: Տեղեկացրել ենք նաեւ, որ քաղաքապետը մտադիր է տարեմուտից առաջ ամփոփել այս նվիրատվությունները եւ շնորհակալագրեր ու պատվոգրեր հանձնել սոցիալական բարձր պատասխանատըվություն դրսեւորած անհատներին ու կազմակերպություններին: Հասկանալի է, որ պարգեւատրվածների անունները հանրության սեփականությունն էին դառնալու: Այնուհանդերձ, հաշվի առնելով վերջին օրերին մամուլի հետաքրքրությունը հարցի շուրջ, եւ ձգտելով կասեցնել տարատեսակ շահարկումների հոսքը, հրապարակում ենք այն անհատների ու կազմակերպությունների անունները, որոնց հետ այս պահի դրությամբ առկա են գույքի նվիրաբերման պայմանագրեր: Ընդգծում եմ, մի շարք այլ կազմակերպությունների կողմից գույքի (տեխնիկա, բնակմակերես եւ այլն) նվիրաբերման գործընթացը այս պահին դեռ չի ավարտվել: Մնացած անունները կհրապարակվեն պայմանագրերի ստորագրումից հետո: Եվս մեկ անգամ նշենք, որ Երեւանի քաղաքային իշխանությունը որդեգրել է բիզնեսի սոցիալական պատասխանատվության ինստիտուտի խթանման սկզբունքը, ինչը միջազգայնորեն տարածված պրակտիկա է: Երեւանի քաղաքապետ Հայկ Մարությանը հրավիրում է Հայաստանում կամ արտերկրում բիզնես ծավալող բոլոր հայրենակիցներին՝ մասնակցել Երեւանի զարգացմանը: Եվ այսպես, այս պահի դրությամբ նվիրատու կազմակերպություններն են. 1. Սարգիս Խուրշուդյան, Հայրապետ Հովհաննիսյան -Mercedes Benz Sprinter Chassis 516 Ֆուրգոն 2 հատ2. «Ն և Ս Քոնսթրաքշն ՍՊԸ, աղբատար MK-1541-14 (ԳԱԶ) - 10 հատ, աղբատար KO 427-72 ԿամԱԶ- 53605-773950-48 - 2 հատ, KO440B1-01 ԿամԱԶ-65115-3081-50 – 2 հատ,3. Հայաստանի Հանրապետությունում Չինաստանի Ժողովրդական Հանրապետության դեսպանություն, աղբատար ԿամԱԶ 65115-773962-50, 1 հատ,4. «Ալեքս ընդ հոլդինգ» ՍՊԸ, բազմաֆունկցիոնալ ԿամԱԶ 43253-3010-69 – 3 հատ,5. «Էյչ բի Էմ գրուպ» ՍՊԸ ԿամԱԶ 65115-773962-50, 1 հատ»:
11:12 - 28 նոյեմբերի, 2019
6 եւ ավելի երթեւեկելի գիծ ունեցող փողոցներում հետիոտնային անցումների կարգավորումը կվերանայվի. Հակոբ Կարապետյան

6 եւ ավելի երթեւեկելի գիծ ունեցող փողոցներում հետիոտնային անցումների կարգավորումը կվերանայվի. Հակոբ Կարապետյան

Քաղաքի բոլոր այն փողոցներում, որոնք 6 եւ ավելի երթեւեկելի գիծ ունեն, հետիոտնային անցումների կարգավորումը կվերանայվի: Այս մասին տեղեկացնում է քաղաքապետի մամուլի քարտուղար Հակոբ Կարապետյանը: Երեւանի քաղաքապետ Հայկ Մարությանն այսօր Ավագանու հետ հարցուպատասխանի ժամանակ հայտարարեց, որ երթեւեկության անվտանգության բարձրացման նկատառումներով, հանձնարարել է գույքագրել բոլոր խնդրահարույց հետիոտնային անցումները: Քաղաքապետը նշեց, որ պետք է բացառել 6 եւ ավելի երթեւեկելի գոտի ունեցող փողոցների վրա չկարգավորվող հետիոտնային անցումների գոյությունը: Այդ հատվածներում կամ կտեղադրվի ձեռքով կարգավորվող լուսացույց, կամ կկառուցվեն վերգետնյա կամ ստորգետնյա անցումներ: Քաղաքապետարանը այս հարցում սերտորեն համագործակցում է ոստիկանության ՃՈ ծառայության հետ: Հայկ Մարությանը նշեց նաեւ, որ երթեւեկության հետ կապված այս եւ այլ կարգի խնդիրները, այդ թվում՝ խցանումները, զգալիորեն կապված են տրանսպորտային համակարգի անբավարար վիճակի հետ: Նրա խոսքով, քաղաքի ֆունկցիոնալության հետ առնչվող մի շարք հարցեր համակարգային լուծում կստանան տրանսպորտի ռեֆորմին զուգահեռ, որը կիրականացվի հնարավորինս արագ: Հարցի վերաբերյալ քաղաքապետի առաջին տեղակալ Հրաչյա Սարգսյանը տեղեկացրել է, որ մինչեւ տարեվերջ վերջնականապես պարզ կլինի տրանսպորտային ռեֆորմի իրականացման ֆինանսական աղբյուրների հարցը եւ մոտակա ժամանակներս քաղաքապետարանը հանրությանը կներկայացնի տրանսպոտի հարցով առկա լուծումներն ու ժամկետները: Փոխքաղաքապետ Սարգսյանը հայտնեց նաեւ, որ օրերս հանդիպում է ունեցել ուղեւորափոխադրող մասնավոր կազմակերպությունների հետ, որի ընթացքում բարձրացվել է գործող համակարգում ուղեւորների սպասարկման մակարդակը հնարավորինս բավարար վիճակում պահելու հարցը:
05:07 - 27 նոյեմբերի, 2019
Այս օրերին 10 վարչական շրջանների 20 բազմաբնակարաններում վերելակները փոխարինվում են. Հ. Կարապետյան

Այս օրերին 10 վարչական շրջանների 20 բազմաբնակարաններում վերելակները փոխարինվում են. Հ. Կարապետյան

Արդեն գործնականում սկսել է երեւանյան վերելակների փոխարինման գործընթացը: Այս օրերին տասը վարչական շրջանների 20 բազմաբնակարաններում վերելակները փոխարինվում են: Այս մասին ֆեյսբուքի իր էջում գրել է Երեւանի քաղաքապետարանի մամուլի քարտուղար Հակոբ Կարապետյանը՝ շարունակելով. «Վերելակների տեխնիկական բնութագրերում ընդգծված է դրանց ներառականության սկզբունքը. վերելակները կահավորված են տեսողության խնդիրներով մարդկանց հարմար ընթեռնելի սեղմակներով, ձայնային ազդանշանային համակարգով, իսկ սեղմակների վահանակները տեղադրված են համապատասխան բարձրության վրա, որպեսզի սայլակով մարդիկ կարողանան օգտվել դրանցից: Երեւանի վերելակների 70 տոկոսը 40 տարեկան եւ ավելի հին է: Փոխարինման ենթակա շուրջ 3500 վերելակ կա: Ներկայումս քաղաքապետարանը փորձնական ծրագիր է իրականացնում: Հիմնական ֆոնդը փոխարինվելու է փոխառու միջոցներով»:
04:56 - 25 նոյեմբերի, 2019
Երևանի ավագանու՝ 2020-ի բյուջեի նախագիծը վերջին 5 տարիների կտրվածքով նախատեսում է ամենամեծ պակասուրդը՝ 9 մլրդ դրամ. Դավիթ Խաժակյան

Երևանի ավագանու՝ 2020-ի բյուջեի նախագիծը վերջին 5 տարիների կտրվածքով նախատեսում է ամենամեծ պակասուրդը՝ 9 մլրդ դրամ. Դավիթ Խաժակյան

Երևանի ավագանու «Լույս» խմբակցության ղեկավար Դավիթ Խաժակյանն իր ֆեյսբուքյան էջում գրառում է կատարել, որտեղ, մասնավորապես, նշում է, որ Երևանի քաղաքապետարանի նախագծած՝ 2020 թվականի բյուջեն հետադիմական և անարդյունավետ է: Գրառումն ամբողջությամբ ներկայացնում ենք ստորև. «Որպեսզի պատկերացնեք, թե ինչքան հետադիմական և անարդյունավետ բյուջե է նախագծել Երևանի քաղաքապետարանը 2020 թվականի համար ներկայացնում եմ երկու թիվ․ 1․ Ներկայացված նախագիծը վերջին 5 տարիների կտրվածքով նախատեսում է ամենամեծ դեֆիցիտը (պակասուրդը), որը կազմել է շուրջ 9 միլիարդ դրամ։ Թե հատկապես ինչու է սա վատ առաջիկայում մանրամասն կներկայացնեմ։ 2․ Աշխատավարձային ֆոնդը աննախադեպ ուռճացվել է՝ հասնելով սեփական եկամուտների շուրջ 40%-ին։ Սա նշանակում է, որ մենք մոտեցել ենք այն ցուցանիշին, երբ հավաքագրված գումարի գրեթե կեսը ծախսվում է ադմինիստրացիայի ծախսերի վրա, իսկ մյուս կեսը քաղաքի խնդիրների։ 40%-ը անընդունելի մեծ ցուցանիշ է։ Մնացածը հաջորդիվ»։  
06:48 - 16 նոյեմբերի, 2019
Երևանի 2020թ. բյուջեի ու զարգացման ծրագրի նախագծերը դրված են հանրային քննարկման

Երևանի 2020թ. բյուջեի ու զարգացման ծրագրի նախագծերը դրված են հանրային քննարկման

Հանրային քննարկման են ներկայացվել Երևանի զարգացման հնգամյա և 2020թ. ծրագրերի, բյուջեի և տեղական տուրքերի ու վճարների դրույքաչափերի, նաև արտոնությունների մասին ավագանու որոշման նախագծերը: Որոշումը միաձայն ընդունվել է Երևանի քաղաքապետին կից Երևանի քաղաքային համայնքի զարգացման հնգամյա ծրագրի և տարեկան բյուջեի կառավարման խորհրդի անդամների քվեարկությամբ: Հանդիպման ընթացքում նիստը վարող փոխքաղաքապետ Հայկ Սարգսյանը պատասխանել է խորհրդի անդամների հարցերին: Նրանք ներկայացրել են նաև իրենց դիտարկումներն ու հանդես եկել մի շարք առաջարկներով: Ծանոթանալ նախագծերին և դրանց վերաբերյալ իրենց առաջարկներն ու դիտողությունները քաղաքացիները կարող են ներկայացնել մինչև նոյեմբերի 26-ը՝ www.yerevan.am, www.e-draft.am կայքերով կամ ուղարկել նամակ՝ էլեկտրոնային փոստով ([email protected] , [email protected] , [email protected] ), ինչպես նաև գրավոր ներկայացնել քաղաքապետարան: Նոյեմբերի 27-ին՝ ժամը 11.00-ին Երևանի քաղաքապետարանում (Արգիշտիի փողոցի հ. 1 հասցե) տեղի կունենան հանրային բաց լսումներ: Մասնակցելու համար անհրաժեշտ է մինչև 2019թ. նոյեմբերի 25-ը ներառյալ ներկայացնել դիմում:
09:52 - 15 նոյեմբերի, 2019
Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Երևանի քաղաքապետի տեղակալներ Հայկ Սարգսյանը, Տիգրան Վիրաբյանն ու Սերգեյ Հարությունյանը մանրամասնում են քաղաքի 2020 թվականի բյուջեի նախագիծն ու ծրագրային հիմնական ուղղությունները: Այդ մասին տեղեկացնում է Երևանի քաղաքապետարանի պաշտոնական կայքէջը: Հաջորդ տարի բյուջեն զգալի աճ է գրանցելու. 2019թ. 83 մլրդ 200 միլիոնի մուտքերի փոխարեն նախատեսված է 107 մլրդ դրամի մուտք: Ընդ որում, նկատելիորեն աճում է քաղաքի սեփական եկամուտների կշիռը: 2020-ի ծախսային մասը կլինի 116 մլրդ դրամ` 2019-ի շուրջ 91 մլրդի փոխարեն:Խոշոր ծրագրերից է կանաչապատման նոր մոդելի ներդրումը: Այդ նպատակին բյուջեից նախատեսվում է հատկացնել 3,6 մլրդ դրամ: Հաջորդ տարի քաղաքապետարանը նախատեսում է ավելացնել միջոցները՝ լուծելու 4-րդ կարգի վթարային մի շարք շենքերի բնակիչների վերաբնակեցման խնդիրը: Բակերի բարեկարգման համար առաջարկվում է բյուջեից հատկացնել 1.5 մլրդ դրամ: 2020 թվականին նախատեսված է բարձրացնել արվեստի ու երաժշտական դպրոցների, նաև մարզադպրոցների աշխատակիցների աշխատավարձը: Միջոցներ են հատկացվելու նաև մանկապարտեզներում ավելի շատ երեխաներ ընդունելու հնարավորություն ստեղծելու համար: Առողջապահության ոլորտում քաղաքապետարանը մի քանի խոշոր ծրագիր ունի: Պոլիկլինիկաները կվերանորոգվեն և կհամալրվեն ուլտրաձայնային, ակնաբուժական հետազոտությունների համար անհրաժշտ սարքավոումներով:Բյուջեի նախագիծը կներկայացվի հանրային քննարկման, իսկ արդեն դեկտեմբերին՝ ավագանու խմբակցությունների քննարկմանը:
04:50 - 12 նոյեմբերի, 2019
Ասֆալտապատման ծավալները  կավելանան. միայն 696 մլն դրամի մայթեր ենք կառուցելու. Երևանի քաղաքապետի տեղակալ Հայկ Սարգսյան |news.am|

Ասֆալտապատման ծավալները կավելանան. միայն 696 մլն դրամի մայթեր ենք կառուցելու. Երևանի քաղաքապետի տեղակալ Հայկ Սարգսյան |news.am|

news.am: 2020 թվականի Երեւանի բյուջեն այս տարվա բյուջեի նկատմամբ առանձնակի մեծ աճով է առանձնանում: Այս մասին քաղաքապետարանի ֆեյսբուքյան էջի տեսանյութում նշել է Երեւանի քաղաքապետի տեղակալ Հայկ Սարգսյանը: Նրա խոսքով, 2019-ի 83 մլրդ 200 մլն դրամի մուտքերի փոխարեն 2020-ին պլանավորել են 107 մլրդ դրամի մուտք: «Սեփական եկամուտների կշիռը ընդհանուր համայնքի մուտքերում գնալով աճում է, ինչը բավական մեծ մակրոտնտեսական ցուցանիշ է: Մեր ծախսերը հաջորդ տարի կկազմեն շուրջ 116 մլրդ դրամ, որը 2019-ի համեմատ 25 մլրդ դրամով ավելի է»,-ասել է փոխքաղաքապետը: Անդրադառնալով ծրագրերին, նա ընդգծել է, որ կան մի քանի խոշոր ծրագրեր, որոնցից է կանաչապատման նոր մոդելի ներդրումը, որի ֆինանսավորումը կլինի 3,6 մլրդ դրամ. «Բավական մեծ տարածքների զրոյից ոռոգման ցանցեր կկառուցվեն: Պլանավորում ենք նաեւ մեկնարկել բավական լայնածավալ սոցիալական բնակարանաշինության ծրագիր՝ վթարայինների վերաբնակեցման միջոցով: Բակերի բարեկարգում հոդվածով 1,5 մլրդ դրամ ենք նախատեսել: Ասֆալտապատման ծավալները եւս կավելանան. միայն 696 մլն դրամի մայթեր ենք կառուցելու»,-ասաց նա՝ հավելելով, որ հիմնական ծախսային ուղղություններից է հաշմանդամություն ունեցող անձանց համար քաղաքն ավելի մատչելի դարձնելու ուղղությունը: Փոխքաղաքապետը խոսել է նաեւ մետրոպոլիտենի վերազինման մասին, նշելով, որ 20 տարի անց այն կվերազինվի նոր շարժասանդուղքով, նոր շարժակազմերով եւ վերանորոգված, անվտանգ տեխնիկական միջոցներով:
12:10 - 11 նոյեմբերի, 2019
Երևանի գլխավոր ճարտարապետ Արթուր Մեսչյանը հանդիպել է Ֆուչիկի 1/3 նորակառույց շենքի բնակիչների հետ

Երևանի գլխավոր ճարտարապետ Արթուր Մեսչյանը հանդիպել է Ֆուչիկի 1/3 նորակառույց շենքի բնակիչների հետ

Երևանի գլխավոր ճարտարապետ Արթուր Մեսչյանը հանդիպել է Ֆուչիկի 1/3 նորակառույց շենքի բնակիչների հետ, որոնք դժգոհ են հարևանությամբ բազմաֆունկցիոնալ բնակարանային համալիրի կառուցման հեռանկարից: Հանդիպմանը ներկա էին նաև ՀՀ քաղաքաշինության կոմիտեի նախագահ Վահագն Վերմիշյանը, ինչպես նաև կառուցապատող ընկերության ներկայացուցիչներ: 2019թ. մարտ ամսին Երևանի քաղաքապետարանը Ֆուչիկի 1/1 և 1/2 հասցեների համար տրամադրել է նախագծման թույտվություն, որի հիման վրա մշակվել է նախագիծ: Կառույցը գնահատվել է բարձր ռիսկայնության օբյեկտ, հետևաբար սահմանված կարգով այն ենթարկվել է նաև պետական համալիր փորձաքննության: Մինչ այդ կառուցապատողն այս տարվա հոկտեմբերին ստացել է միայն հիմքերի կառուցման շինթույլտվություն: Նոր կառուցվող բազմաբնակարան շենքի հարևանությամբ ապրող բնակիչները նշում են, որ նախագիծը մի շարք խախտումներ ունի՝ կառուցապատման խտության և հարևան շենքի լուսավորության տեսանկյունից։ Նախագիծը ինսոլացիոն՝ արևահարման ռեժիմի հաշվարկման է ենթարկվել կառուցապատողի հարևանությամբ՝ Ֆուչիկի 1/3 նորակառույց շենքում ապրող բնակիչների կողմից: Երկու հաշվարկների արդյունքները տարբերվում են իրարից: Լսելով բնակիչների ու կառուցապատող ընկերության ներկայացուցիչների դիտարկումները՝ Արթուր Մեսչյանն առաջարկեց պատվիրել անկախ փորձաքննություն և իրականացնել նոր ինսոլացիոն ռեժիմի հաշվարկ: «Եթե անկախ մասնագետի կողմից արված ինսոլացիոն հաշվարկով պարզվի, որ իսկապես կա խնդիր, ապա մի քանի հարկ կառուցապատողը պետք է զիջի, և մենք հարկայնությունը կիջեցնենք՝ պահպանելով ճարտարապետական տեսքը: Եթե ինսոլացիոն հաշվարկը և այդ տարածքի ծրագրային շարունակությունը, որը նախատեսված է ողջ թաղամասի զարգացման համար, ինձ համոզի, որ մենք խնդիր չունենք, ես այս նախագծին ընթացք եմ տալու: Բոլորս պետք է խաղանք այնպիսի խաղի կանոններով, որ բոլորը շահեն»,- նշել է Երևանի գլխավոր ճարտարապետը: Երևանի գլխավոր ճարտարապետը կառուցապատողին ներկայացրեց երկու հստակ պահանջ. նախ՝ նոր կառուցվող բազմաբնակարան շենքի հարևանությամբ շուրջ 3000 քմ տարածքի վրա ձևավորվող հանգստի գոտին պարտադիր պետք է հասանելի լինի նաև Ֆուչիկի 1/3 շենքում ապրող բնակիչներին, և երկրորդ՝ կառուցապատողը պարտավորվեց նորակառույց համալիրի տարածքում ստեղծել նաև մանկապարտեզ, ինչը ոչ միայն հարմար կլինի շենքի բնակիչների համար, այլև իր հերթին կթեթևացնի Երևանի մանկապարտեզներում առկա հերթերի խնդիրը:
13:25 - 30 հոկտեմբերի, 2019