Ջո Բայդեն

ԱՄՆ 46-րդ նախագահը՝ Դեմոկրատական կուսակցությունից։

Ծնվել է 1942 թվականի նոյեմբերի 20-ին, ԱՄՆ-ի Փենսիլվանիա նահանգում։ Ամերիկացի քաղաքական գործիչ է, 2009 թվականի հունվարի 20-ին դարձել է Միացյալ նահանգների փոխնախագահը։ Մինչ փոխնախագահ դառնալը՝ նա սենատոր է եղել Դելավեր նահանգից՝ 1973-2009 թվականներին։ Նա ԱՄՆ դեմոկրատական կուսակցությունից առաջադրվել է 2020 թվականի նախագահական ընտրություններում՝ ընդդեմ գործող նախագահ Դոնալդ Թրամփի եւ նոյեմբերի 7-ին` վերջնական արդյունքներով ընտրվել է ԱՄՆ-ի նախագահ։

Սովորել է Դելավերի համալսարանում՝ ստանալով իրավաբանի մասնագիտություն։ 1970 թվականին ընտրվել է Նյու Քասլի շրջանի խորհրդում եւ դարձել վեցերորդ ամենաերիտասարդ սենատորը ԱՄՆ-ի պատմության մեջ, երբ 1972 թվականի ԱՄՆ-ի սենատորների ընտրություններում հաղթեց Դելավերում։ Բայդենը երկար ժամանակ Սենատի արտաքին հարաբերությունների հանձնաժողովի անդամ է եղել, նաեւ հանձնաժողովի նախագահ։ Նա դեմ էր 1991 թվականի Իրաք-քուվեյթյան պատերազմին, սակայն կողմ էր ՆԱՏՕ-ի ընդարձակմանը՝ դեպի Արեւելյան Եվրոպա եւ նրա ներքաշմանը 1990-ականների Հարավսլավիայի պատերազմներին։ Նա կողմ էր 2002 թվականի Իրաքի պատերազմի բանաձեւին, բայց դեմ էր 2007 թվականին Իրաքի պատերազմում ԱՄՆ զորքերի ավելացմանը։ Բայդենը ղեկավարել է Սենատի դատական հանձնաժողովը՝ 1987 թվականից մինչեւ 1995 թվականը, զբաղվել թմրանյութերի քաղաքականությամբ, հանցագործությունների կանխարգելմամբ եւ քաղաքացիական ազատությունների խնդիրներով։

Բայդենը վերընտրվել է Սենատում վեց անգամ եւ հրաժարվել Սենատորի պաշտոնից 2008 թվականի նախագահական ընտրություններին մասնակցելու համար՝ որպես Բարաք Օբամայի փոխնախագահ։ Օբաման եւ Բայդենը վերընտրվել են 2012 թվականին։

Բայդենը ՀՀ-ում ԱՄՆ դեսպանի պաշտոնում մտադիր է առաջադրել Ուկրաինայում ԱՄՆ-ի դեսպանի նախկին պաշտոնակատարին |amerikayidzayn.com|

amerikayidzayn.com: Ինչպես տեղեկացնում է Սպիտակ տունը, ԱՄՆ նախագահ Ջո Բայդենը հայտնել է ՀՀ-ում ԱՄՆ դեսպանի պաշտոնին Ուկրաինայում ԱՄՆ-ի դեսպանի նախկին պաշտոնակատար Քրիստինա Քվիենի (Kristina Kvien) թեկնածության առաջադրման մտադրության մասին: Ծնունդով Կալիֆոռնիայից Քրիստինա Քվիենն արհեստավարժ դիվանագետ է: Նա Ուկրաինա է ժամանել 2019 թվականի մայիսին և ստանձնել դեսպանի ժամանակավոր պաշտոնակատարի պաշտոնը Ջոզեֆ Փենինգտոնի հեռանալուց հետո: Երկրորդ անգամ Ուկրաինայում ԱՄՆ փոխդեսպան Քրիստինա Քվիենը դեսպանի գործառույթները որպես պաշտոնակատար ստանձնել է 2020 թ. հունվարից մինչև մայիսի վերջ: Դրանից առաջ 2016 թվականից մինչև 2019 թվականի ապրիլ նա զբաղեցրել է Փարիզում ԱՄՆ-ի փոխդեսպանի պաշտոնակատարի, դեսպանատան Տնտեսական հարցերով խորհրդականի պաշտոնները: Բացի այդ, իր դիվանագիտական գործունեության ընթացքում Քրիստինա Քվիենը տարբեր պաշտոններ է զբաղեցրել Թայլանդի, Մեծ Բրիտանիայի, Ռուսաստանի, ԵՄ-ի, Ֆիլիպինների ամերիկյան դիվանագիտական առաքելություններում:Վաշինգտոնում ԱՄՆ-ի պետքարտուղարությունում նա աշխատել է Եվրամիության խնդիրների և Սլովենիայի հետ երկկողմ հարաբերությունների ոլորտներում: Ավելի վաղ իր կարիերայի ընթացքում Քվիենը Վաշինգտոնում Ազգային անվտանգության խորհրդում հանդիսացել է ԵՄ, Ուկրաինայի և Բելառուսի հարցերով տնօրեն: Քրիստինա Քվիենը քաղաքագիտության բակալավրի աստիճան է ստացել Օքսիդենտալ (Occidental) քոլեջից, իսկ ռազմավարական հետազոտությունների մագիստրոսի աստիճանը՝ ԱՄՆ-ի բանակի և պատերազմի քոլեջից (U.S. Army War College): Հետևե՛ք մեզ նաև Telegram-ում

10:11 - 23 հունիսի, 2022

ԱՄՆ-ն պահանջում է մեծացնել նավթի վերամշակման ծավալները. Բայդեն |1lurer.am|

1lurer.am: ԱՄՆ-ն պահանջում է մեծացնել նավթի վերամշակման ծավալները: Այդ մասին հայտարարել է ԱՄՆ նախագահ Ջո Բայդենը: Նրա խոսքով՝ այն պատկերացումը, թե նավթագազային ընկերությունները նավթի ծավալներն ավելացնելու կարիք չունեն, չի համապատասխանում իրականությանը: «Պետք է ինչ-որ բան հորինել, որի շնորհիվ նրանք կկարողանան ավելացնել վերամշակման ծավալները, ընդ որում՝ չհրաժարվելով էներգիայի վերականգնվող աղբյուրներին անցնելուց»,- նշել է Սպիտակ տան ղեկավարը: Բայդենը կարծիք է հայտնել, որ Ուկրաինայի շուրջ ստեղծված իրավիճակը կվերածվի Ռուսաստանի և Արևմուտքի միջև տոկունության մրցակցության, և ԱՄՆ-ն ու Եվրոպան պետք է պատրաստ լինեն կրել Մոսկվայի դեմ պատժամիջոցների բացասական հետևանքները: Անդրադառնալով ԱՄՆ նախորդ վարչակազմի կողմից չինական մի շարք ապրանքների համար սահմանված մաքսատուրքերի վերացման հնարավորությանը՝ Բայդենը տեղեկացրել է, որ նախատեսում է հեռախոսազրույց ունենալ Չինաստանի նախագահ Սի Ծինփինի հետ:

11:23 - 22 հունիսի, 2022

Բայդենը Զելենսկիին ասել է Ուկրաինային 1 միլիարդ դոլարի ռազմական օգնություն հատկացնելու մասին |tert.am|

tert.am: ԱՄՆ նախագահ Ջո Բայդենը Վլադիմիր Զելենսկիին ասել է Կիևին 1 միլիարդ դոլարի ռազմական օգնության նոր փաթեթ հատկացնելու մասին։ Նա նշել է, որ Զելենսկու հետ հեռախոսով քննարկել է Ուկրաինայում Ռուսաստանի հատուկ գործողությունը։ Սպիտակ տան հաղորդմամբ Բայդենը վերահաստատել է․ «ԱՄՆ-ն աջակցում է Ուկրաինային, քանի որ երկիրը պաշտպանում է իր ժողովրդավարական համակարգը և պահպանում է իր ինքնիշխանությունն ու տարածքային ամբողջականությունը»։ «Այսօր ես նաև հայտարարում եմ հավելյալ 225 միլիոն դոլարի մարդասիրական օգնության մասին՝ Ուկրաինայում մարդկանց օգնելու համար, ներառյալ խմելու ջուր, առաջին անհրաժեշտության դեղեր և դեղամիջոցներ, սնունդ, ապաստան և կանխիկ գումար, որպեսզի ընտանիքները գնեն այն, ինչ իրենց պետք է», - ասել է Բայդենը:

21:58 - 15 հունիսի, 2022

ՌԴ նախագահի օգնականն ասել է, որ Պուտինի և Բայդենի հանդիպում դեռ չի սպասվում |armenpress.am|

armenpress.am: Ռուսաստանի Դաշնության նախագահի օգնական Յուրի Ուշակովը լրագրողներին հայտնել է, որ Վլադիմիր Պուտինի և ԱՄՆ նախագահ Ջո Բայդենի հանդիպումը մոտ ժամանակներս չի կայանա: Այս մասին հայտնում է ՏԱՍՍ-ը։ «Առայժմ նման հանդիպում նախատեսված չէ, որքան գիտեմ»,- ասել է նա։

19:27 - 14 հունիսի, 2022

Բայդենը երկարացրել է պատժամիջոցները Բելառուսի իշխանությունների նկատմամբ |armenpress.am|

armenpress.am: ԱՄՆ-ի նախագահ Ջո Բայդենը երկարացրել Է պատժամիջոցների ռեժիմը Բելառուսի իշխանությունների նկատմամբ: «Բելառուսի կառավարության առանձին անդամների եւ այլ անձանց գործողություններն ու քաղաքականությունը, ինչպես նաեւ բելառուսական ռեժիմի վնասակար գործունեությունն ու նախկինում արված չարաշահումները շարունակում են ոչ սովորական եւ չափազանց մեծ սպառնալիք ներկայացնել Միացյալ Նահանգների ազգային անվտանգության ու արտաքին քաղաքականության համար»,-ասվում Է Բայդենի կողմից ստորագրված հրամանագրի տեքստում, որը հրապարակում Է Սպիտակ տունը: «Ուստի ես որոշել եմ, որ անհրաժեշտ Է շարունակել արտակարգ դրությունը երկրում, որը Բելառուսի նկատմամբ հայտարարվել Է նախագահի 13405 հրամանագրով»,- հավելել Է ԱՄՆ-ի նախագահը: Բելառուսի դեմ ամերիկյան պատժամիջոցները սահմանվել են նախագահ Ջորջ Բուշ-կրտսերի կողմից 2006 թվականին: 2006 թվականի հունիսի 16-ին ԱՄՆ-ի Կոնգրեսին հղված ուղերձում Բուշը կարգադրել Է սառեցնել Բելառուսի նախագահ Ալեքսանդր Լուկաշենկոյի եւ բելառուսցի ինը այլ բարձրաստիճան պաշտոնյանների ֆինանսական հաշվիները, ինչպես նաեւ ԱՄՆ-ի քաղաքացիներին արգելել Է նրանց հետ որեւԷ գործարք կատարել: Պատժամիջոցների սահմանման համար պատճառ են դարձել Բելառուսում տեղի ունեցած նախագահական ընտրությունները, որոնք ԱՄՆ-ում եւ ԵՄ-ում ճանաչել են ոչ ժողովրդավարական: Ավելի ուշ, 2007-2008 թվականներին, Վաշինգտոնը տնտեսական բնույթի սահմանափակող միջոցներ Է մտցրել «Բելնեֆտեխիմ» կոնցեռնի նկատմամբ: 2015 թվականի հոկտեմբերին ԱՄՆ-ի ֆինանսների նախարարությունը դադարեցրել Է պատժամիջոցները «Բելնեֆտեխիմ» կոնցեռնի եւ նրա հետ կապված նավթաքիմիական ճյուղի ութ ձեռնարկությունների նկատմամբ: 2020 թվականի հունիսի 11-ին ԱՄՆ-ի նախագահ Դոնալդ Թրամփը եւս մեկ տարով երկարացրել Է պատժամիջոցների գործողությունը բելառուսի մի շարք պաշտոնյաների նկատմամբ: Համապատասխան փաստաթղթում ասվել Է, որ «Բելառուսի կառավարության որոշակի անդամների եւ այլ անձանց գործողություններն ու քաղաքականությունը շարունակում են ոչ սովորական եւ չափազանց մեծ սպառնալիք ստեղծել Միացյալ Նահանգների ազգային անվտանգության ու արտաքին քաղաքականության համար», տեղեկացնում Է «Ինտերֆաքս»-ը:

15:20 - 14 հունիսի, 2022

Սպիտակ տունը հաստատել է՝ Բայդենը կառաջադրվի 2024-ի նախագահական ընտրություններում |tert.am|

tert.am: Սպիտակ տան մամուլի քարտուղար Կարին Ժան Պիերը հերքել է մտահոգություններն առ այն, որ նախագահ Ջո Բայդենի տարիքը կամ դիմացկունությունը կարող են մարտահրավեր հանդիսանալ նրա վերընտրման համար՝ ասելով. «Օ՜, Աստված իմ, նա Միացյալ Նահանգների նախագահն է, գիտե՞ք՝ ես նույնիսկ չեմ հասցնում հետևել նրան»:«Մենք հենց նոր վերադարձանք Նյու Մեքսիկոյից, նոր վերադարձանք Կալիֆոռնիայից... պարզապես նայեք նրա աշխատանքին և տեսեք, թե... ինչպես է նա մատուցում ամերիկյան հանրությանը»,- շարունակել է կինը:Ժան Պիերը հերքել է New York Times-ի հոդվածը, որում ԱՄՆ նախկին ղեկավար Բարաք Օբամայի նախկին գլխավոր ստրատեգ և CNN-ի քաղաքական մեկնաբան Դեյվիդ Աքսելռոդը Բայդենի տարիքն անվանել է «գլխավոր խնդիր» վերընտրվելու համար: Սպիտակ տան մամուլի քարտուղարը այդ տեսակետը «կեղծիք է» որակել:Կարին Ժան Պիերը նաև հաստատել է, որ Բայդենը մտադիր է երկրորդ անգամ առաջադրվել 2024 թվականին։

09:52 - 14 հունիսի, 2022

Բայդենը հայտարարել է, որ Զելենսկին չէր ցանկանում լսել ռուսական հնարավոր ներխուժման մասին. Ուկրաինայից հակադարձում են |hetq.am|

hetq.am: ԱՄՆ նախագահ Ջո Բայդենը հայտարարել է, որ Միացյալ Նահանգները Ուկրաինայի իշխանություններին զգուշացնում էր ռուսական նախապատրաստվող ներխուժման մասին, սակայն նրանք ականջալուր չեղան դրանց։ Այդ մասին հայտնում է The Guardian-ը։ «Ես գիտեի, որ մենք տվյալներ ունենք, որոնք հաստատում են, որ (Պուտինը) սահմանից պատրաստվում է մտնել այդ երկիր։ Որևէ կասկած չկար»,- հայտարարել է ԱՄՆ նախագահը՝ հավելելով, որ «Զելենսկին չէր ուզում դա լսել»։ Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը թվիթերյան իր միկրոբլոգում այսպես է մեկնաբանել Բայդենի հայտարարությունը։ «Ուկրաինան պատերազմին պատրաստվում էր նախորդ տարվանից։ Նախատեսվող ներխուժման մասին տեղեկատվությունը փոխանցում էին ոչ միայն արևմտյան հետախուզությունը, այլև մեր: ԱՆհեթեթ է ինչ-որ բանում մեղադրել մի պետության, որն ավելի քան 100 օր լայնամասշտաբ պատերազմում արդյունավետորեն կռվում է առավել ռեսուրսներ ունեցող հակառակորդի դեմ, երբ գլխավոր երկրները չեն կարողացել կանգնեցնել ՌԴ միլիտարիստական ախորժակը՝ դրա մասին լավ իմանալով»,- գրել է Պոդոլյակը։ Առավել մանրամասն՝ hetq.am-ում

16:21 - 12 հունիսի, 2022

Զելենսկին անտեսեց նախազգուշացումներն այն մասին, որ Ռուսաստանը փետրվարին ներխուժելու է Ուկրաինա. Բայդեն |tert.am|

tert.am: ԱՄՆ նախագահ Ջո Բայդենն ասել է, որ Ուկրաինայի նախագահ Վլադիմիր Զելենսկին անտեսել է նախազգուշացումներն այն մասին, որ Ռուսաստանը փետրվարին ներխուժելու է Ուկրաինա, հայտնում է Bloomberg-ը։«Ես գիտեմ, որ շատերը կարծում էին, որ ես կարող եմ չափազանցնել, բայց ես գիտեի, և մենք հաստատելու տվյալներ ունեինք, որ Պուտինը պատրաստվում է անցնել սահմանը։ Կասկած չկար։ Եվ Զելենսկին չէր ուզում լսել դա, ինչպես շատ ուրիշներ»,- ասել է Բայդենը: Շարունակությունը՝ tert.am կայքում

10:19 - 11 հունիսի, 2022

ՌԴ-ում ԱՄՆ դեսպանը հնարավոր է համարել երկու երկրների դեսպանատների փակումը, սակայն նշել է, որ դա մեծ սխալ կլիներ

Մոսկվայում ԱՄՆ դեսպան Ջոն Սալիվանը չի բացառել այն բանի հավանականությունը, որ Ռուսաստանն ու Միացյալ Նահանգները կարող են փակել իրենց դեսպանատները միմյանց տարածքում։ Սակայն ընդգծել է, որ Վաշինգտոնը չէր ցանկանա նման քայլի դիմել։ «Կարող են, այդպիսի հավանականություն կա, - ասել է դիվանագետը ՏԱՍՍ-ին տված հարցազրույցում։ - Թեև ես կարծում եմ, որ դա մեծ սխալ կլիներ»։ Ընդ որում, նրա խոսքով, ամերիկյան վարչակազմում հազիվ թե մեկը գտնվի, որ կողմ լինի դեսպանատան փակմանը։ «Ես կարող եմ միայն մեկ պատճառ պատկերացնել, թե ինչու ԱՄՆ-ն կարող է ստիպված լինել փակել իր դեսպանատունը․ դա կարող է լինել այն դեպքում, եթե դրա աշխատանքը շարունակելն անվտանգ չլինի», - հավելել է Սալիվանը։ Դեսպանը նշել է, որ նախկինում ռուսական կողմը հայտարարել է երկրների միջև հարաբերությունների խզման վտանգի մասին։ Նրա խոսքով՝ այդ իրավիճակը կարող է նշանակել երկու երկրներում դիվանագիտական ներկայացուցչությունների փակում, սակայն հույս է հայտնել, որ նման սցենար չի իրականացվի։ «Վստահեցնում եմ ձեզ, որ դա ԱՄՆ-ից չի բխում։ Նախագահ Բայդենն ու ԱՄՆ կառավարությունն այդպիսի մտադրություն չունեն։ Եվ մենք այժմ քիչ բան կարող ենք ավելացնել այս թեմային։ Մենք երեք ամիս գտնվում ենք, ինչպես ինձ է թվում, ամբողջությամբ փոփոխված փոխհարաբերությունների իրավիճակում», - ասել է նա։ Մարտի 21-ին ՌԴ ԱԳՆ-ն հայտարարել էր, որ Ռուսաստանի նախագահ Վլադիմիր Պուտինի հասցեին ԱՄՆ նախագահ Ջո Բայդենի հայտարարությունները երկկողմ հարաբերությունները խզման եզրին են կանգնեցնում, և Մոսկվան վճռական և կոշտ պատասխան է տալու «Վաշինգտոնի թշնամական գործողություններին»։ Նորա Վանյան

15:22 - 06 հունիսի, 2022

Բայդենն ընդգծել է զենքի նկատմամբ վերահսկողության խստացման անհրաժեշտությունը |armenpress.am|

armenpress.am: ԱՄՆ-ի նախագահ Ջո Բայդենը հայտարարել է, որ ԱՄՆ-ի Սահմանադրության Երկրորդ ուղղումը, որը երաշխավորում է հրազեն ունենալու իրավունքը, ինքնաբավություն չէ, եւ անհրաժեշտ է խստացնել դրա վերահսկողությունը: «Երկրորդ ուղղումն, ինչպես եւ բոլոր մյուս իրավունքները, ինքնաբավություն չէ»,- ասել է Միացյալ Նահանգների ղեկավարը՝ հունիսի 2-ի երեկոյան հանդես գալով Սպիտակ տնից համաքաղաքացիներին հղած հեռուստաուղերձով՝ վերջին ժամանակներս երկրում տեղի ունեցած զանգվածային հրաձգության դեպքերի առնչությամբ: Վկայակոչելով ԱՄՆ-ի Գերագույն դատարանի նախկին դատավորներից մեկի կարծիքը՝ նախագահն ընդգծել է որ Երկրորդ ուղղումով երաշխավորվող իրավունքներն «անսահման չեն եւ երբեք այդպիսիք չեն եղել»: «Միշտ գոյություն են ունեցել այն բանի սահմանափակումներ, թե ինչ զենք կարելի է ունենալ Ամերիկայում: Օրինիակ՝ գնդացիրները դաշնային մակարդակով են կարգավորվում գրեթե 90 տարվա ընթացքում, բայց սա նախկինի պես ազատ երկիր է»,- նշել է Բայդենը: Նրա խոսքով՝ զենքի նկատմամբ վերահսկողության օրենսդրությունը խստացնելու կոչը չի նշանակում, թե «ինչ-որ մեկը կզրկվի իր իրավունքներից»: «Խոսքն այն մասին է, որ պաշտպանենք երեխաներին, պաշտպանենք ընտանիքները, պաշտպանենք ամբողջ հանրակցություններ: Խոսքը վերաբերում է դպրոց, մթերային խանութ, եկեղեցի գնալու եւ ըստ որում վիրավորված կամ սպանված չլինելու՝ մեր ազատությանը»,- հայտարարել է Սպիտակ տան ղեկավարը: «Մենք պետք է արգելենք գրոհային զենքը եւ մեծ տարողության պահեստատուփերը: Իսկ եթե մենք չենք կարողանում արգելել գրոհային զենքը, ապա մենք պետք է բարձրացնենք տարիքը, որի դեպքում այն կարելի է գնել՝ 18 տարեկանից մինչեւ 21 տարեկան»,- հավելել է Բայդենը: Նա նաեւ կոչ է արել խստացնելու հրազեն պահելու կանոնները, ընդունելու օրենքներ, որոնք թույլ տան քաղաքացուն ժամանակավորապես զրկել զենք ունենալու իրավունքից, եթե դատարանը նրան ճանաչում է վտանգավոր շրջապատողների համար: Նախագահը նաեւ հայտարարել է այն օ՛րենքների փոփոխության անհրաժեշտւթյան մասին, որոնք ըստ էության զենք արտադրողներին պաշտպանում են նրանց դեմ դատական հայցեր հարուցելուց, հաղորդել է ՏԱՍՍ-ը:

12:46 - 03 հունիսի, 2022

Ռուսաստանը չի պատրաստվում նավթ վաճառել՝ ի վնաս իրեն․ Պեսկովը մեկնաբանել է Բայդենի հայտարարությունը

Ռուսաստանը նավթ չի վաճառելու՝ ի վնաս իրեն, եթե ինչ-որ տեղ պահանջարկը նվազում է, մի ուրիշ վայրում այն աճում է, «Ինտերֆաքսի» փոխանցմամբ՝ ասել է ՌԴ նախագահի մամուլի քարտուղար Դմիտրի Պեսկովը։ Լրագրողները նրան խնդրել էին մեկնաբանել ԱՄՆ նախագահ Ջո Բայդենի խոսքերը, որը հնարավոր էր համարել, որ Եվրոպան կարող է շարունակել Ռուսաստանից գազ գնել, բայց ավելի ցածր գնով։ Լրագրողները Պեսկովից հետաքրքրվել էին նաև, թե արդյոք Կրեմլը նավթահումքի գների կրիտիկական նվազման ռիսկեր է տեսնում՝ արտաքին ճնշման պատճառով։ «Դա տնտեսության հարց է, բանն այն է, որ լոգիստիկ խնդիրները շարունվում են, ինչը բերում է համաշխարհային էներգետիկ շուկայի ապակայունացման։ Այդ պատճառով էլ, ամեն դեպքում, ամեն ինչ կարգավորում է շուկան՝ չնայած նույնիսկ այն արհեստական դժվարություններին, որոնք առաջացնում են պատժամիջոցները», - ասել է Պեսկովը։ «Սակայն, բնականաբար, Ռուսաստանը ոչինչ չի վաճառելու՝ ի վնաս իրեն։ Ամեն դեպքում, երբ ինչ-որ տեղ պահանջարկը կրճատվում է, մեկ այլ տեղ ավելանում է, տեղի է ունենում հոսքերի վերաուղղում, առավել բարենպաստ պայմանների որոնում», - հավելել է նա Նորա Վանյան

15:22 - 02 հունիսի, 2022

ՆԱՏՕ-ն Ռուսաստանի կողմից Ուկրաինային զենք մատակարարելու ԱՄՆ որոշմանը պատասխան քայլեր չի կանխատեսում |news.am|

news.am: ՆԱՏՕ-ն Ռուսաստանի որեւէ պատասխան չի կանխատեսում Ուկրաինային ժամանակակից զենք մատակարարելու ԱՄՆ որոշմանը, CNN-ին ասել է գլխավոր քարտուղար Յենս Ստոլտենբերգը։ «Ոչ, ես դա չեմ կանխատեսում, քանի որ այն, ինչ անում են ՆԱՏՕ-ի դաշնակիցները եւ դաշինքն ինքը՝ աջակցություն է Ուկրաինային ինքնապաշտպանության իրավունքի հաստատման հարցում, եւ այդ իրավունքն ամրագրված է ՄԱԿ-ի պայմանագրով», - ասել է Ստոլտենբերգը։ ԱՄՆ նախագահ Ջո Բայդենն ավելի վաղ հայտարարել էր, որ ԱՄՆ-ն Ուկրաինային «ավելի առաջադեմ հրթիռային համակարգեր եւ զինամթերք» է տրամադրում: Նրա խոսքով՝ սպառազինության նոր խմբաքանակը «թույլ կտա նրանց առավել ճշգրիտ խոցել առանցքային թիրախները մարտադաշտում»։

10:43 - 02 հունիսի, 2022

Բայդենը հայտնել է՝ ինչ նպատակ է հետապնդում ԱՄՆ-ն ուկրաինական հակամարտությունում |tert.am|

tert.am: ԱՄՆ նախագահ Ջո Բայդենը The New York Times-ում հրապարակված իր հոդվածում հայտարարել է, որ ուկրաինական հակամարտությունում Վաշինգտոնի նպատակն այն է, որ Ուկրաինան լինի դեմոկրատական, անկախ և իրեն նոր հարձակումներից պաշտպանելու ունակ երկիր, փոխանցում է ՏԱՍՍ գործակալությունը։ Նրա խոսքով՝ «ազատ աշխարհը» և այլ պետությունները Միացյալ Նահանգների գլխավորությամբ «կանգնել են Ուկրաինայի կողքին՝ ցուցաբերելով աննախադեպ ռազմական, հումանիտար և ֆինանսական աջակցություն»։ ԱՄՆ նախագահն ընդգծել է, որ ցանկանում է նշել այն նպատակները, որոնք հետապնդում է ԱՄՆ-ն «այդ ջանքերի շրջանակում»։

09:27 - 01 հունիսի, 2022

G7-ի բոլոր երկրները հավանություն են տվել հաջորդ գագաթնաժողովը Հիրոսիմայում անցկացնելու գաղափարին |armenpress.am|

armenpress.am: «Մեծ յոթնյակի» (G7) բոլոր երկրները հավանություն են տալիս հաջորդ գագաթնաժողովը Ճապոնիայի Հիրոսիմայում անցկացնելու գաղափարին: Մայիսի 23-ին այդ մասին լրագրողներին հայտնել է Ճապոնիայի նախարարների կաբինետի գլխավոր քարտուղար Հիրոկաձու Մացունոն: «Մենք նախապես ստացել ենք G7-ի բոլոր երկրների հավանությունը»,- նշել է նա: Ավելի վաղ եկող տարի «յոթնյակի» գագաթնաժողովը Հիրոսիմայում անցկացնելու մտադրության մասին հայտարարել է Ճապոնիայի վարչապետ Ֆումիո Կիսիդան: Նա ընդգծել է, որ առաջիկա գագաթնաժողովի կարեւոր թեմա կդառնա միջուկային զենքի կիրառման սպառնալիքների անթյուլատրելիությունը: «Չկա ավելի հարմար վայր նման քննարկման համար, քան Հիրոսիման»,- հայտարարել է վարչապետը ԱՄՆ-ի նախագահ Ջո Բայդենի հետ կայացած համատեղ մամուլի ասուլիսում, որը նույնպես հավանություն է տվել Կիսիդայի ընտրությանը: Հիրոսիմայի եւ Նագասակիի ատոմային ռմբակոծումներն իրականացվել են ԱՄՆ-ի զինված ուժերի կողմից Երկրորդ համաշխարհային պատերազմի ամենավերջում: Դրանց պաշտոնական նպատակն է հարապարակվել Ճապոնիայի կայսրության կապիտուլացման արագացումը: Այդ գրոհները դարձել են մարդկության պատմության մեջ միջուկային զենքի մարտական կիրառման միակ օրինակը: Միացյալ Նահանգնեը մինչեւ հիմա չի ընդունում իր բարոյական պատասխանատվությունը ատոմային ռմբակոծումների համար՝ դրանք արդարացնելով ռազմական անհրաժեշտությամբ: 2016 թվականին Հիրոսիմայում տեղի է ունեցել G7-ի ԱԳՆ ղեկավարների հանդիպումը: Նույն տարում քաղաք է ժամանել Բարաք Օբաման՝ դառնալով ԱՄՆ-ի առաջին գործող նախագահը, որն այցելել է Հիրոսիմա: Այնտեղ նա, մասնավորապես, եղել է Խաղաղության թանգարանում եւ հանդիպել ատոմային ռմբակոծումը տեսած ճապոնացիների հետ, հաղորդել է ՏԱՍՍ-ը:

15:26 - 23 մայիսի, 2022

Չինաստանի ռազմական ներխուժման դեպքում ԱՄՆ զինված ուժերը կպաշտպանեն Թայվանը․ Ջո Բայդեն |factor.am|

factor.am: ԱՄՆ նախագահ Ջո Բայդենը հայտարարել է, որ ԱՄՆ-ը ռազմական միջամտության կդիմի Թայվանը պաշտպանելու համար, եթե այն ենթարկվի Չինաստանի հարձակման, փոխանցում է The Guardian-ը։ Ելույթ ունենալով Տոկիոյում՝ Ճապոնիա կատարած այցի երկրորդ օրը, Բայդենն ասել է, որ ԱՄՆ-ի պատասխանատվությունը՝ պաշտպանելու ինքնավար կղզին, որը Չինաստանը համարում է անջատողական նահանգ, է՛լ «ավելի ուժեղացել է» Ուկրաինա ռուսական ներխուժումից հետո։ Պարբերականը նշում է, որ սա վերջին տասնամյակների ընթացքում ԱՄՆ-ի կողմից Թայվանին աջակցող ամենահզոր հայտարարություններից մեկն է։ «Իրավիճակը հետևյալն է՝ մենք համաձայնել ենք «Մեկ Չինաստանի» քաղաքականությանը, մենք հավատարիմ ենք դրան, և բոլոր պայմանավորվածությունները ձեռք են բերվել հենց այդ քաղաքականության շրջանակում։ Բայց այն գաղափարը, որ Թայվանը հնարավոր է ուժով գրավել, ուղղակի տեղին չի լինի», – հայտարարել է ԱՄՆ նախագահը։

14:21 - 23 մայիսի, 2022

Ճապոնիայի վարչապետը Բայդենին առաջարկել է G7-ի հաջորդ գագաթնաժողովն անցկացնել Հիրոսիմայում |tert.am|

tert.am: Ճապոնիայի վարչապետ Ֆումիո Կիսիդան ԱՄՆ նախագահ Ջո Բայդենին առաջարկել է G7-ի հաջորդ գագաթնաժողովն անցկացնել 1945 թվականին ԱՄՆ-ի ատոմային ռմբակոծությունից տուժած Հիրոսիմայում, գրում է ՏԱՍՍ գործակալությունը՝ Kyodo-ին հղումով։ Նշվում է, որ ԱՄՆ նախագահն իր աջակցությունն է հայտնել ճապոնական կառավարության ղեկավարի առաջարկին։

09:34 - 23 մայիսի, 2022