13:35 - 17 ապրիլի, 2023
Հաստատվել է Արդյունաբերության զարգացման հինգ գերակա ոլորտների հայեցակարգը. որոնք են դրանք
Կառավարությունը հաստատել է «Արդյունաբերության զարգացման հինգ գերակա ոլորտների հայեցակարգը»: Հայեցակարգի նպատակն է սահմանել առաջիկա 5 տարիներին արդյունաբերության զարգացման գերակա ոլորտները և նախանշել զարգացման ռազմավարական ուղղությունները։
Էկոնոմիկայի նախարարությունից հայտնում են, որ գերակա ոլորտների զարգացման ռազմավարական ուղղությունների հանրագումարը արդյունաբերության ճյուղի համար պետք է ապահովի՝
- արդյունաբերական արտադրանքի մրցունակության բարելավում,
- արդյունաբերության արտադրողականության բարձրացում.
- արդյունաբերական արտադրանքի արտահանման դիվերսիֆիկացում՝ և՛ ապրանքների, և՛ արտահանման ուղղությունների.
- տեղական արդյունաբերական արտադրանքի՝ ներքին շուկայում տեսակարար կշռի ավելացում։
Հայեցակարգով նախատեսված գերակա ոլորտներն են՝
- սննդի արդյունաբերություն.
- ոսկերչություն և ադամանդագործություն.
- ծանր արդյունաբերություն (մետալուրգիա, քիմիա).
- սարքաշինություն (սարքեր, մեքենաներ, արևային տեխնոլոգիաներ).
- դեղագործական արդյունաբերություն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)