azatutyun.am: Ուկրաինայի արևելքում զոհվել է France-Presse գործակալության լրագրող Արման Սոլդինը։
Գործակալությունը պարզաբանել է, որ Սոլդինը մահացել է Դոնեցկի մարզի Չասիվ Յար քաղաքի մոտ՝ հրթիռակոծության հետևանքով։ Նրա հետ այնտեղ են գտնվել ևս չորս լրագրողներ, նրանք չեն տուժել։
Արման Սոլդենը 32 տարեկան էր, ծնունդով Բոսնիայից էր:
Սոլդինի վերջին թվիթերյան գրառումները մայիսի 8 էին: Նա պատմում էր Բախմուտում վիրավորված ուկրաինացի զինվորների և դաշտային հոսպիտալի աշխատանքի մասին։
Ֆրանսիայի նախագահ Էմանյուել Մակրոնը ցավակցություն է հայտնել՝ Թվիթերում գրելով. - «France-Presse գործակալության լրագրող, մեր հայրենակից Արման Սոլդինը սպանվել է Ուկրաինայում: Արիաբար, հակամարտության առաջին իսկ ժամերից նա եղել է ճակատում՝ փաստեր արձանագրելու համար: Մեզ տեղեկացնելու համար: Կիսում ենք նրա հարազատների և բոլոր գործընկերների ցավը»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)