Ինֆոթեգեր Մեր մասին
hy en ru
Նվիրաբերել

Ուկրաինա

Ուկրաինան  գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Վաշինգտոնը դուրս կգա Ուկրաինայի շուրջ բանակցություններից, եթե Մոսկվան և Կիևը մերժեն ԱՄՆ-ի պլանը. Վենս |armenpress.am|

Վաշինգտոնը դուրս կգա Ուկրաինայի շուրջ բանակցություններից, եթե Մոսկվան և Կիևը մերժեն ԱՄՆ-ի պլանը. Վենս |armenpress.am|

armenpress.am: Միացյալ Նահանգները մշակել է ռուս-ուկրաինական հակամարտության կարգավորման շատ կոնկրետ առաջարկ, և Վաշինգտոնը դուրս կգա բանակցային գործընթացից, եթե Մոսկվան ու Կիևը չհամաձայնեն իր առաջարկած պլանին։ Այս մասին լրագրողներին ասել է ԱՄՆ փոխնախագահ Ջեյ Դի Վենսը Թաջ Մահալ այցից հետո։ «Եկել է ժամանակը, որ նրանք կա՛մ համաձայնեն, կա՛մ ԱՄՆ-ն դուրս գա այդ գործընթացից», - նրա խոսքն է մեջբերում Bloomberg գործակալությունը։ ԱՄՆ փոխնախագահը նաև նշել է, որ կողմերը պետք է պատրաստ լինեն տարածքային զիջումների՝ համաձայնության հասնելու համար։ «Տարածքների փոխանակում պետք է տեղի ունենա», - ասել է Վենսը՝ նշելով, որ հակամարտության կարգավորումից հետո սահմանը կարող է չհամընկնել ընթացիկ ճակատային գծի հետ։  Վենսը նաև նշել է, որ ընդհանուր առմամբ լավատեսորեն է տրամադրված հակամարտության կարգավորման բանակցությունների առումով, ինչպես նաև ընդգծել է, որ, իր կարծիքով, մինչ օրս կողմերը բանակցությունները վարել են բարեխղճորեն։ Ապրիլի 20-ին ԱՄՆ նախագահ Դոնալդ Թրամփը հույս էր հայտնել, որ ռուս-ուկրաինական հակամարտության կարգավորման շուրջ համաձայնագիր ձեռք կբերվի առաջիկա շաբաթվա ընթացքում։ Ըստ The New York Post-ի՝ Թրամփի ծրագիրը կարող է ներառել կետ Կիևի վերահսկողության տակ գտնվող տարածքներում եվրոպական զորքերի տեղակայման մասին։ Բացի այդ, քննարկվում է «համատեղ հանձնաժողովի» ստեղծման հարցը, որի կազմի մեջ կլինեն Ռուսաստանի, Ուկրաինայի և ՆԱՏՕ-ի ոչ անդամ երրորդ երկրի ներկայացուցիչները՝ հրադադարի ռեժիմի հսկման համար։ Published by Armenpress, original at https://armenpress.am/hy/article/1217949
15:24 - 23 ապրիլի, 2025
Ուկրաինայի հարցով Լոնդոնում հանդիպումը չեղարկվել է |azatutyun.am|

Ուկրաինայի հարցով Լոնդոնում հանդիպումը չեղարկվել է |azatutyun.am|

azatutyun.am: Ուկրաինական պատերազմը դադարեցնելու օրակարգով այսօր Լոնդոնում Միացյալ Նահանգների, Մեծ Բրիտանիայի և Ֆրանսիայի արտգործնախարարների միջև նախատեսված հանդիպումը չեղարկվել է: Հայտարարությունը տարածվել է բանակցությունների մեկնարկից բառացիորեն մի քանի ժամ առաջ՝ Ուկրաինայի արտգործնախարարի ժամանումից հետո, ով ևս պետք է մասնակցեր հանդիպմանը։ Կողմերը միաժամանակ հայտարարել են, որ քննարկումները կշարունակվեն ավելի ցածր մակարդակով: «Մենք դա դիտարկում ենք որպես ուկրաինացիների վրա ճնշման հավելյալ փորձ»,- «Ազատությանն» ասել է եվրոպացի դիվանագետներից մեկը՝ անանունության պայմանով, հավելելով՝ դրանով Վաշինգտոնն ակնարկում է՝ «կա՛մ համաձայնում եք մեր առաջարկին, կա՛մ մենք դուրս ենք գալիս բանակցություններից»։Ըստ ամերիկյան Axios-ի՝ Վաշինգտոնը օրեր առաջ Փարիզում կայացած հանդիպմանը կարգավորման ծրագիր է ներկայացրել, որով հրադադարի շրջանակում Ուկրաինան պետք է Ռուսաստանի մաս ճանաչի գրավված տարածքները, այդ թվում՝ Ղրիմը: Առավել մանրամասն՝ այստեղ
14:53 - 23 ապրիլի, 2025
Մոսկվան պատրաստ է քննարկել Ուկրաինայի նախագահի առաջարկը. Պեսկով |azatutyun.am|

Մոսկվան պատրաստ է քննարկել Ուկրաինայի նախագահի առաջարկը. Պեսկով |azatutyun.am|

azatutyun.am: Մոսկվան պատրաստ է քննարկել Ուկրաինայի նախագահ Վլադիմիր Զելենսկու առաջարկը՝ միմյանց քաղաքացիական ենթակառուցվածքների վրա հարձակումները դադարեցնելու վերաբերյալ, այս մասին հայտարարել է Կրեմլի խոսնակը։ Դմիտրի Պեսկովը միաժամանակ նշել է, որ Ռուսաստանի և Ուկրաինայի միջև բանակցությունների կոնկրետ ծրագրեր այս պահին չկան։ Բանակցելու պատրաստակամության մասին Կիևից և Մոսկվայի հայտարարությունները հնչում են ԱՄՆ իշխանությունների նախազգուշացման ֆոնին։ Նախագահ Թրամփն անցյալ շաբաթ սպառնաց հրաժարվել միջնորդական ջանքերից, եթե կողմերը շարունակեն ձգձգել քայլերը չորրորդ տարին ընթացող պատերազմը դադարեցնելու ուղղությամբ։ «Ուկրաինան պահպանում է իր առաջարկը՝ չհարվածել առնվազն քաղաքացիական թիրախներին։ Եվ մենք սպասում ենք Մոսկվայից հստակ պատասխանի», - երեկ հայտարարել է նախագահ Զելենսկին։
15:16 - 22 ապրիլի, 2025
Ուկրաինան կողմ է քաղաքացիական օբյեկտների վրա հարձակումները դադարեցնելու առաջարկին. Զելենսկի |azatutyun.am|

Ուկրաինան կողմ է քաղաքացիական օբյեկտների վրա հարձակումները դադարեցնելու առաջարկին. Զելենսկի |azatutyun.am|

azatutyun.am: Ուկրաինան կողմ է քաղաքացիական օբյեկտների վրա հարձակումները դադարեցնելու առաջարկին, 21-ի իր գիշերային տեսաուղերձում ասել է նախագահ Վլադիմիր Զելենսկին: Զելենսկին հայտարարել է, որ սպասում է Ռուսաստանի հստակ պատասխանին։ «Ուկրաինան հավատարիմ է իր առաջարկին՝ չհարվածել քաղաքացիական ենթակառուցվածքներին: Եվ մենք հստակ պատասխան ենք ակնկալում Մոսկվայից», - ասել է Զելենսկին։ «Մենք պատրաստ ենք ցանկացած խոսակցության, թե ինչպես դա ապահովել»։ Ռուսաստանի նախագահ Վլադիմիր Պուտինն ավելի վաղ՝ ապրիլի 21-ին, պատերազմի սկզբից ի վեր առաջին անգամ առաջարկել էր Ուկրաինայի հետ երկկողմ բանակցություններ սկսել։ Զելենսկին ուղղակիորեն չի արձագանքել Պուտինի առաջարկին, սակայն ասել է, որ Ուկրաինան «պատրաստ է ցանկացած խոսակցության» հրադադարի շուրջ, որը կդադարեցնի հարվածները խաղաղ բնակչության վրա։ «Կա ակնհայտ, ամենապարզ և ամենահուսալի ճանապարհը՝ դադարեցնել հրթիռային և հեռահար անօդաչու սարքերի հարձակումները», - ասել է Զելենսկին։ «Միայն դա ավտոմատ կերպով կապահովի բոլոր քաղաքացիական ենթակառուցվածքների անվտանգությունը»:
10:32 - 22 ապրիլի, 2025
Հրադադարից հետո ռազմական գործողությունները վերսկսվել են. Պուտին |azatutyun.am|

Հրադադարից հետո ռազմական գործողությունները վերսկսվել են. Պուտին |azatutyun.am|

azatutyun.am: Զատկական հրադադարից հետո ռազմական գործողությունները ուկրաինական ուժերի հետ վերսկսվել են, Ռուսաստանի պետական հեռուստատեսությանը տված հարցազրույցում այսօր հայտարարել է նախագահ Վլադիմիր Պուտինը։ Ռուսաստանի ղեկավարի խոսքով՝ Մոսկվայի նախաձեռնությամբ հայտարարված հրադադարի ընթացքում մարտական գործողությունների ինտենսիվությունը նվազել է, սակայն ուկրաինական կողմը կրակն ամբողջությամբ չի դադարեցրել։ «Ուկրաինական կողմից հրադադարի 4900 խախտում է եղել։ Դրանց թվում են անօդաչու թռչող սարքերի վեց հարձակում և հարվածի 90 դեպք, ինչպես նաև 1400 հրետակոծություն»,- նշել է Պուտինը։Լուսանկարը՝ Լուսանկարը՝ Ռոման Պիլիպեյ/ AFP։
19:26 - 21 ապրիլի, 2025
Ուկրաինական կողմը հայտնում է՝ ՌԴ-ն գրոհել է երկիրը կամիկաձե դրոններով և հրթիռներով Զատկի հրադադարից հետո |news.am|

Ուկրաինական կողմը հայտնում է՝ ՌԴ-ն գրոհել է երկիրը կամիկաձե դրոններով և հրթիռներով Զատկի հրադադարից հետո |news.am|

news.am: Ապրիլի 21-ի գիշերը՝ Զատկի զինադադարի ավարտից անմիջապես հետո, Ռուսաստանը կամիկաձե անօդաչու թռչող սարքերով և հրթիռներով գրոհել է Ուկրաինան: Այ մասին հայտնել է Ուկրաինայի ՌՕՈՒ-ն։ Տագնապ է հայտարարվել Չեռնիգովի, Սումիի, Խարկովի, Զապորոժիեի և Դնեպրոպետրովսկի մարզերում։ Ուկրաինական բանակը նաև զգուշացրել է ռուսական ավիացիայի կողմից ռումբերի արձակման և Սումիի և Խարկովի մարզերի թիրախներին հրթիռային հարվածների սպառնալիքի մասին։ Նիկոլաևը հրթիռակոծվել է։ Քաղաքապետ Ալեքսանդր Սենկևիչի խոսքով՝ ոչ ոք չի տուժել, և ավերածություններ չկան։ Պայթյուններ են տեղի ունեցել նաև Չերկասիում, Խերսոնում և Օդեսայի մարզում։ ՌԴ նախագահ Վլադիմիր Պուտինը միակողմանի կարգով հայտարարել է Զատկի առիթով հրադադարի մասին, որը պետք է գործեր ապրիլի 19-ին՝ Մոսկվայի ժամանակով ժամը 18:00-ից մինչև ապրիլի 21-ի կեսգիշեր։ Ուկրաինայի նախագահ Վլադիմիր Զելենսկին համաձայնել է աջակցել հրադադարին։ Ավելի ուշ նա նշել է, որ Ռուսաստանը հրադադարը խախտել է գրեթե երեք հազար անգամ բոլոր հիմնական ուղղություններում, սակայն քաղաքացիական օբյեկտների վրա գրոհներ չեն եղել։ «Սա լռության ձևաչափն է, որը ձեռք է բերվել, և որն ամենահեշտն է շարունակել: Ուկրաինան առաջարկում է առնվազն 30 օր երկարաձգման հնարավորությամբ զերծ մնալ հեռահար անօդաչու թռչող սարքերի և հրթիռների հարվածներից քաղաքացիական ենթակառուցվածքներին»,- ասել է Զելենսկին։ Միաժամանակ նա ընդգծել է, որ հրադադարի ավարտից հետո Ուկրաինան սիմետրիկ կպատասխանի Ռուսաստանի գործողություններին։ «Մեր հարվածները կծառայեն որպես պաշտպանություն ռուսական հարձակումներից։ Գործողությունները միշտ խոսքերից ավելի պերճախոս են», - նշել է Ուկրաինայի նախագահը։
10:51 - 21 ապրիլի, 2025
Թրամփը հույս է հայտնել, որ Ուկրաինան և Ռուսաստանը «այս շաբաթ» համաձայնության կգան |azatutyun.am|

Թրամփը հույս է հայտնել, որ Ուկրաինան և Ռուսաստանը «այս շաբաթ» համաձայնության կգան |azatutyun.am|

azatutyun.am: ԱՄՆ նախագահ Դոնալդ Թրամփը ապրիլի 20-ի ուշ երեկոյան հայտարարել է՝ «հուսով եմ, Ուկրաինան և Ռուսաստանը այս շաբաթ գործարք կկնքեն»։ «Այնուհետև երկուսն էլ կսկսեն մեծ բիզնես անել Ամերիկայի Միացյալ Նահանգների հետ, որը ծաղկում է, և հարստություն կստեղծեն», - Truth սոցիալական ցանցում գրել է Թրամփն՝ առանց մանրամասների: Կրեմլը նախօրեին հայտարարել էր, թե Ռուսաստանի նախագահը որոշել է չերկարաձգել Սուրբ Հարության տոնի առթիվ Ուկրաինայում հայտարարված հրադադարը, որը սկսվել էր ապրիլի 19-ի երեկոյան և պետք է ավարտվեր երեկ կեսգիշերին։ «Նախագահ Պուտինը Զատկական զինադադարը շարունակելու որևէ հրահանգ չի տվել», - ասել էր նրա խոսնակ Դմիտրի Պեսկովը։  
09:32 - 21 ապրիլի, 2025
Պուտինը Զատկի հրադադար է հայտարարել |tert.am|

Պուտինը Զատկի հրադադար է հայտարարել |tert.am|

tert.am: ՌԴ նախագահ Վլադիմիր Պուտինը Զատկի հրադադար է հայտարարել։ Զատկի հրադադարը կսկսի գործել այսօր՝ ժամը 18։00-ից և կտևի մինչև ապրիլի 21-ը՝ Մոսկվայի ժամանակով ժամը 00:00-ն։ Նա կարգադրել է Զատկի զինադադարի շրջանում դադարեցնել բոլոր ռազմական գործողությունները «Ենթադրում ենք, որ ուկրաինական կողմը կհետևի մեր օրինակին: Միևնույն ժամանակ՝ մեր զորքերը պետք է պատրաստ լինեն հետ մղելու զինադադարի հնարավոր խախտումները, հակառակորդի ցանկացած սադրիչ գործողություն»,- նշված է Կրեմլի տարածած հաղորդագրության մեջ։Լուսանկարը՝ Ilya Pitalev/Sputnik/AFP via Getty Images։
18:10 - 19 ապրիլի, 2025
ԱՄՆ-ը դուրս կգա բանակցություններից, եթե առաջընթաց չլինի. Թրամփ |azatutyun.am|

ԱՄՆ-ը դուրս կգա բանակցություններից, եթե առաջընթաց չլինի. Թրամփ |azatutyun.am|

azatutyun.am: ԱՄՆ-ը դուրս կգա ռուս - ուկրաինական պատերազմը ավարտելու բանակցություններից, եթե առաջընթացի հստակ նշաններ չլինեն, հայտարարել է ԱՄՆ նախագահը:«Մենք ուզում ենք, որ դա արագ տեղի ունենա», - Սպիտակ տանը լրագրողներին ասել է Դոնալդ Թրամփը.- «Բայց ինչ-ինչ պատճառներով կողմերը դա շատ են բարդացնում: Իսկ մենք պարզապես ասելու ենք՝ «դուք հիմարներ եք, դուք սարսափելի մարդիկ եք», ու մենք ուղղակի մի կողմ կքաշվենք: Բայց հույս ունեմ, որ ստիպված չենք լինի դա անել»: Բայց ԱՄՆ նախագահը հրաժարվել է լրագրողներին ասել, թե կոնկրետ որքան է մտադիր սպասել: Դոնալդ Թրամփի այս հայտարարությունից ժամեր առաջ էլ ԱՄՆ պետքարտուղար Մարկո Ռուբիոն էր ասել, որ եթե կողմերը առաջիկա օրերին առաջընթաց ցույց չտան, Վաշինգտոնը պարզապես կդադարեցնի իր միջնորդությունը: «Չենք պատրաստվում այս գործը շաբաթներով ու ամիսներով շարունակել: Մենք պետք է հիմա շատ արագ որոշենք, և ես խոսում եմ մի քանի օրվա մասին, առաջիկա մի քանի շաբաթում հրադադարը հնարավո՞ր է, թե՞ ոչ: Եթե այո, մենք կշարունակենք ջանքերը: Եթե ոչ, ապա մենք այլ առաջնահերթություններ ունենք», - հայտարարարել էր ԱՄՆ-ի գլխավոր դիվանագետը Փարիզում եվրոպացի ու ուկրաինացի առաջնորդների հետ հանդիպումից հետո: Լուսանկարը՝ Kevin Dietsch / Getty Images
10:14 - 19 ապրիլի, 2025
Զելենսկին պատժամիջոցներ է սահմանել չինական ընկերությունների նկատմամբ |factor.am|

Զելենսկին պատժամիջոցներ է սահմանել չինական ընկերությունների նկատմամբ |factor.am|

factor.am: Ուկրաինան պատժամիջոցներ է սահմանել չինական երեք ընկերությունների նկատմամբ։ Սա տեղի է ունենում այն բանից հետո, երբ Կիևը սկսեց հայտարարել, որ չինական զենք է մատակարարվում Ռուսաստանին, փոխանցում է ՌԲԿ Ուկրաինան։ Զելենսկիի հրամանագրի համաձայն՝ պատժամիջոցներ են սահմանվել հետևյալ ընկերությունների նկատմամբ. Beijing Aviation And Aerospace Xianghui Technology Co. Ltd. – այս ընկերությունը արտահանում և ներմուծում է աերոտիեզերական տեխնոլոգիաներին առնչվող արտադրանք: Ընկերությունը Ռուսաստանին մատակարարում է ածխածնային մանրաթել (անհրաժեշտ է ինքնաթիռների, անօդաչու թռչող սարքերի և հրթիռների ստեղծման համար, այն նաև օգտագործվում է զրահատեխնիկայի և սարքավորումների մասերի, փոքր զենքի արտադրության մեջ) և էլեկտրոնային բաղադրիչներ։ Zhongfu Shenying Carbon Fiber Xining Co. Ltd. – Չինաստանի առաջատար բարձր արդյունավետությամբ ածխածնային մանրաթել արտադրողներից մեկը։ Rui Jin Machinery Co. Ltd. – տարբեր փաթեթավորման մեքենաների չինական արտադրող։ Ըստ հրամանագրի՝ ԱԳՆ-ին հանձնարարվել է քննարկել նմանատիպ պատժամիջոցներ կիրառելու հնարավորությունը Եվրամիության, ԱՄՆ-ի և այլ երկրների իրավասու մարմինների հետ։ Շարունակությունը՝ սկզբնաղբյուր կայքում։
22:37 - 18 ապրիլի, 2025
Լրագրողները պարզել են Ուկրաինայում զոհված 103 հազար ռուս զինվորների անուններ |factor.am|

Լրագրողները պարզել են Ուկրաինայում զոհված 103 հազար ռուս զինվորների անուններ |factor.am|

factor.am: BBC-ի ռուսական ծառայության և Mediazona-ի լրագրողները, կամավորների թիմի հետ համատեղ, բաց աղբյուրների հիման վրա պարզել են Ուկրաինայի դեմ պատերազմում զոհված 103,275 ռուս զինծառայողների անունները։ Հնարավոր խաղաղ կարգավորման շուրջ բանակցությունների ֆոնին ուսումնասիրության հեղինակները նշել են, որ ռազմաճակատում կորուստները չեն նվազել ավելի քան երկու ամիս, ընդհակառակը, աճել են։ Մեկնարկային կետը ԱՄՆ նախագահ Դոնալդ Թրամփի Մերձավոր Արևելքի հարցերով հատուկ ներկայացուցիչ Սթիվ Ուիթկոֆի՝ փետրվարի 11-ին Մոսկվա կատարած այցն էր։ Նշվում է, որ այս ընթացքում ռուս զինծառայողների մասին ավելի շատ մահախոսականներ են հրապարակվել, քան մարտական ​​գործողությունների նախորդ երեք ամիսների ընթացքում։ Մասնավորապես, այս տարվա փետրվարին օրական միջինում հրապարակվել է 234 մահախոսական, ինչը մեկուկես անգամ ավելին է, քան 2024 թվականի միջին ցուցանիշները։ Հետազոտողները նշում են, որ հաղորդագրությունների ընդհանուր թիվը չի հավասարվում տվյալ ժամանակահատվածում մահերի թվին։Շարունակությունը՝ սկզբնաղբյուր կայքում։
21:07 - 18 ապրիլի, 2025
Ուկրաինան ու ՌԴ-ն զոհվածների մարմիններ են փոխանակել |factor.am|

Ուկրաինան ու ՌԴ-ն զոհվածների մարմիններ են փոխանակել |factor.am|

factor.am: Ուկրաինա է վերադարձվել 909 զոհված զինվորի մարմին, հայտնել է Ռազմագերիների հետ վերաբերմունքի հարցերի համակարգման շտաբը։ Նշվում է, որ զինծառայողների մարմինները հետևյալ ուղղություններից են՝ Կուրախովսկոյե, Պոկրովսկոյե, Բախմուտսկոյե, Ուգլեդարսկոյե, Լուգանսկի, Զապորոժիեի, Սումի, Խարկովսկոյե, ինչպես նաև Ռուսաստանի տարածքում գտնվող դիահերձարաններից։ Ուկրաինայի զինված ուժերի ստորաբաժանումները կտեղափոխեն նշանակված վայրեր՝ դիերն իրավապահ մարմիններին փոխանցելու և դատաբժշկական փորձաքննություններ անցկացնելու համար՝ մահացածների ինքնությունը պարզելու համար։ Ռուսական աղբյուրների փոխանցմամբ էլ՝ Ուկրաինայի իշխանությունները Ռուսաստանին են հանձնել 41 զոհված ռուս զինվորների մարմիններ։  Այս թիվը РБК-ին տված հարցազրույցում հայտնել է Ռուսաստանի Պետդումայի պատգամավոր և ռազմական գործողությունների խորհրդարանական համակարգման խմբի ներկայացուցիչ Շամսաիլ Սարալիևը։
17:51 - 18 ապրիլի, 2025
ԱՄՆ-ը կհրաժարվի ՌԴ-ի և Ուկրաինայի միջև խաղաղ համաձայնագրի ջանքերից, եթե մոտ օրերս առաջընթաց չգրանցվի․ Ռուբիո |azatutyun.am|

ԱՄՆ-ը կհրաժարվի ՌԴ-ի և Ուկրաինայի միջև խաղաղ համաձայնագրի ջանքերից, եթե մոտ օրերս առաջընթաց չգրանցվի․ Ռուբիո |azatutyun.am|

azatutyun.am: ԱՄՆ-ը կհրաժարվի ռուս-ուկրաինական խաղաղ համաձայնագրի կնքման ջանքերից, եթե մոտ օրերս այդ հարցով առաջընթաց չգրանցվի, ըստ Reuters-ի, հայտարարել է ԱՄՆ պետքարտուղար Մարկո Ռուբիոն։ «Մենք չենք պատրաստվում շաբաթներ և ամսիներ շարունակ ջանքեր գործադրել։ Պետք է շատ արագ որոշենք, ես խոսում եմ մի քանի օրվա մասին՝ առաջիկա մի քանի շաբաթվա ընթացքում դա հնարավո՞ր է, թե՞ ոչ։ Եթե՝ այո՛, ապա, մենք կանք, իսկ եթե՝ ո՛չ, մենք ունենք այլ առաջնահերթություններ և՛ս որոնց վրա նույնպես պետք է կենտրոնանանք», - Փարիզում Եվրոպայի և Ուկրաինայի առաջնորդների հետ հանդիպումից հետո հայտարարել է ԱՄՆ պետքարտուղարը։ Ընդգծելով, որ ԱՄՆ նախագահ Դոնալդ Թրամփը շահագրգռված է գործարքով՝ Ռուբիոն միևնույն ժամանակ շեշտել է՝ Վաշինգտոնը պատրաստ է առաջ շարժվել, եթե առաջընթացի անհապաղ նշաններ լինեն: Թրամփն իր նախընտրական քարոզարշավի ժամանակ խոստացել էր ավարտել ուկրաինական պատերազմն իր պաշտոնավարման առաջին 24 ժամվա ընթացքում։ Պաշտոնը ստանձնելուց հետո նա նշեց, որ գործարքը կարող է կնքվել այս տարվա ապրիլին կամ մայիսին, քանի որ խոչընդոտները շատ են:
13:25 - 18 ապրիլի, 2025
ՆԱՏՕ-ի գլխավոր քարտուղարն այցելել է Օդեսա |armenpress.am|

ՆԱՏՕ-ի գլխավոր քարտուղարն այցելել է Օդեսա |armenpress.am|

armenpress.am: ՆԱՏՕ-ի գլխավոր քարտուղար Մարկ Ռյուտեն այցելել է Օդեսա, որտեղ խոստացել է շարունակել աջակցություն ցուցաբերել Ուկրաինային։ Այդ մասին Հյուսիսատլանտյան դաշինքի ղեկավարը հայտնել է սոցցանցի X հարթակում։  «Ես Վոլոդիմիր Զելենսկու հետ այցելել եմ Օդեսա։ ՆԱՏՕ-ի աջակցությունն անսասան է։ Դաշինքը կշարունակի օգնել Ուկրաինային»,- գրել է Ռյուտեն։
19:52 - 15 ապրիլի, 2025
Զելենսկին պաշտոնից հեռացրել է Սումիի ռազմական վարչակազմի ղեկավարին ռուսական հարձակումից հետո |factor.am|

Զելենսկին պաշտոնից հեռացրել է Սումիի ռազմական վարչակազմի ղեկավարին ռուսական հարձակումից հետո |factor.am|

factor.am: Ուկրաինայի նախագահ Վլադիմիր Զելենսկին պաշտոնից ազատել է Սումիի շրջանի ռազմական վարչակազմի ղեկավար Վլադիմիր Արտյուխին։ Այս մասին հաղորդում է «Суспiльне»-ն։ Գերագույն Ռադայում կառավարության ներկայացուցիչ Տարաս Մելնիչուկը հայտարարել է, որ Ուկրաինայի նախարարների կաբինետը համաձայնություն է տվել Արտյուխի պաշտոնանկությանը։ Կառավարությունը նաև հաստատել է Օլեգ Գրիգորովի նշանակումը այդ պաշտոնում։ Հիշեցնենք, որ ապրիլի 13-ի առավոտյան ռուսական զորքերը Սումիի կենտրոնին հարվածել էին երկու «Իսկանդեր-Մ» հրթիռներով։ Վերջին տվյալների համաձայն՝ զոհվել է 35 մարդ, այդ թվում՝ 2 երեխա։ Հաջորդ օրը Արտյուխը հայտարարել էր, որ հրթիռային հարվածի օրը քաղաքում նախատեսված էր ուկրաինացի զինվորների պարգևատրման արարողություն։ ՌԴ ՊՆ-ն էլ հայտարարել էր, որ հարվածի թիրախը եղել է Ուկրաինայի զինված ուժերի «Սևերսկի» օպերատիվ-մարտավարական խմբի հրամանատարական շտաբի հանդիպման վայրը։
18:41 - 15 ապրիլի, 2025
Ըստ ՌԴ ՊՆ-ի՝ Ուկրաինան գիշերը 115 ԱԹՍ-ով գրոհել է ՌԴ տարածքը. թիրախում եղել է Բելգորոդը |tert.am|

Ըստ ՌԴ ՊՆ-ի՝ Ուկրաինան գիշերը 115 ԱԹՍ-ով գրոհել է ՌԴ տարածքը. թիրախում եղել է Բելգորոդը |tert.am|

tert.am: Գիշերվա ընթացքում ՌԴ հակաօդային պաշտպանության համակարգերը Կուրսկի մարզի օդային տարածքում ոչնչացրել են 109 ուկրաինական անօդաչու թռչող սարքեր, հայտնում է ՌԴ պաշտպանության նախարարությունը։ Գերատեսչության փոխանցմամբ, ևս երեք անօդաչու թռչող սարք է խոցվել Վորոնեժի մարզի , և մեկական անօդաչու թռչող սարք՝ Մոսկվայի, Բրյանսկի և Օրյոլի մարզերի  օդային տարածքում։ Գիշերը Կուրսկում աշխատել է հակաօդային պաշտպանության համակարգ, և տեղի բնակիչները հայտնել են երկնքում առնվազն երկու տասնյակ պայթյունների մասին: Բնակելի շենքերի վրա անօդաչու թռչող սարքի հարձակման հետևանքով 85-ամյա մի կին է զոհվել, ևս ինը մարդ վիրավորվել է, այդ թվում՝ բեկորային վնասվածքներ և այրվածքներ։ Վորոնեժի նահանգապետ Ալեքսանդր Գուսևը հայտնել է, որ զոհեր և ավերածություններ չկան։ Բրյանսկում նույնպես զոհեր չկան։ Մյուս մարզերի իշխանությունները դեռ չեն մեկնաբանել գիշերային հարձակումները:
09:47 - 15 ապրիլի, 2025