factor.am: Դատավոր Արուսյակ Ալեքսանյանի նկատմամբ ընտրված կալանավորում խափանման միջոցը փոխվել է տնային կալանքով։ Այս տեղեկությունը հաստատեց Հակակոռուպցիոն դատարանի խոսնակ Մերի Գևորգյանը։ Տնային կալանքը համակցված է այլ խափանման միջոցի հետ, թե ոչ, այս պահին մեզ հայտնի չէ։

Հիշեցնենք, որ Արուսյակ Ալեքսանյանը մեղադրվում է պաշտոնեական լիազորությունները չարաշահելու, ապօրինի դատական ակտ կայացնելու մեջ։

Ըստ մեղադրանքի՝ նա քննել է եղբոր հետ մտերիմ հարաբերություններ ունեցող անձի խափանման միջոցի հարցն ու նրան ազատ արձակել։ Ալեքսանյանը մեղադրանքը չի ընդունում․ նա կալանքի տակ էր 2022 թվականի հոկտեմբերից։