armenpress.am: v class="w-full prose dark:prose-invert prose-base prose-slate prose-a:text-blue-600 prose-blockquote:relative prose-blockquote:my-14 prose-blockquote:border-0 prose-blockquote:pl-6 prose-blockquote:font-heading prose-blockquote:text-lg prose-blockquote:italic prose-figcaption:text-sm prose-figcaption:text-slate-400 prose-strong:leading-[unset] mt-7">

Հայաստանի օլիմպիական հավաքականի անդամ, 67 կգ քաշային կարգում հանդես եկող ըմբիշ Սլավիկ Գալստյանը երկրորդ հաղթանակը տոնեց 33-րդ ամառային Օլիմպիական խաղերում:

«Արմենպրես»-ի թղթակցի հաղորդմամբ` Փարիզի «Champ-de-Mars Arena»-ում կայացած հունահռոմեական ոճի ըմբշամարտի 67 կգ քաշային կարգի 1/4 եզրափակչում Գալստյանը մրցեց Ֆրանսիան ներկայացնող Մամադասա Սիլայի հետ:

 Հայ ըմբիշը հաղթեց 3:2 հաշվով և դուրս եկավ կիսաեզրափակիչ:

Գալստյանը կիսաեզրափակչի գոտեմարտը կանցկացնի օգոստոսի 7-ին։ Երեկոյան գոտեմարտերը կմեկնարկեն Երևանի ժամանակով ժամը 20։15-ից սկսած։ 

Ավելի վաղ 67 կգ քաշային կարգի 1/8 եզրափակչի առաջին գոտեմարտում Սլավիկ Գալստյանի մրցակիցն Էկվադորից Անդրես Մոնտանոն էր: Գալստյանը գերազանցել էր մրցակցին 3:2 հաշվով: