21:58 - 13 մարտի, 2025
Թրամփը գնահատել է Ուկրաինայում հրադադարի վերաբերյալ Պուտինի հայտարարությունը |news.am|
news.am: ԱՄՆ նախագահ Դոնալդ Թրամփը Սպիտակ տանը ՆԱՏՕ-ի գլխավոր քարտուղար Մարկ Ռյուտեի հետ հանդիպմանը գնահատել է Ուկրաինայում հրադադարի մասին Պուտինի հայտարարությունը, հայտնում է Reuters-ը։
Թրամփը հայտարարել է, որ Պուտինը «շատ խոստումնալից հայտարարություն է արել, թեև այն ամբողջական չէր»:
Նա նշել է, որ պատրաստ է խոսել ՌԴ նախագահի հետ՝ հանուն հրադադարի հաստատման։
«Հուսով եմ, որ Ռուսաստանը ճիշտ կվարվի»,-հայտարարել է ԱՄՆ նախագահը։
Ռուսաստանի նախագահ Վլադիմիր Պուտինն այսօր՝ մարտի 13-ին, իր բելառուս գործընկեր Ալեքսանդր Լուկաշենկոյի հետ բանակցություններից հետո անցկացված մամուլի ասուլիսում հայտարարել է, որ Ռուսաստանը համաձայն է ռազմական գործողությունները դադարեցնելու առաջարկին, սակայն դա պետք է հանգեցնի երկարաժամկետ խաղաղության։
«Մենք համաձայն ենք ռազմական գործողությունները դադարեցնելու առաջարկներին, բայց ելնում ենք նրանից, որ այդ դադարեցումը պետք է լինի այնպիսին, որ հանգեցնի երկարաժամկետ խաղաղության և վերացնի այս ճգնաժամի սկզբնական պատճառները»,- շեշտել է Պուտինը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)