13:49 - 30 մայիսի, 2020
Երևան քաղաքի դատարանը վերադարձրել է Ալեն Սիմոնյանի հայցադիմումը |pastinfo.am|
pastinfo.am: Երևանի ընդհանուր իրավասության դատարանը՝ դատավոր Էդուարդ Ամալյանի նախագահությամբ, վերադարձրել է ԱԺ փոխնախագահ Ալեն Սիմոնյանի հայցադիմումն ընդդեմ քաղաքագետ, «Այլընտրանք» ՀԿ համանախագահ Գարեգին Պետրոսյանի։
Ալեն Սիմոնյանը մայիսի 12-ին հայց էր ներկայացրել ընդդեմ Գարեգին Պետրոսյանի՝ պահանջելով վերականգնել իր պատիվն ու արժանապատվությունը։
Նույն օրն այն մակագրվել է Երևանի ընդհանուր իրավասության դատարանի դատավոր Էդ. Ամալյանին։ Մայիսի 20-ին դատարանը որոշում է կայացրել ներկայացված հայցադիմումը վերադարձնելու մասին՝ նշելով, որ այն ընդդատյա չէ Երեւանի ընդհանուր իրավասության դատարանին։
Խնդիրն այն է, որ ԱԺ փոխնախագահի կողմից ներկայացված հայցադիմումում պատասխանողի հասցեն նշված է Սյունիքի մարզում, հետևաբար՝ հայցն ընդդատյա է Սյունիքի մարզի ընդհանուր իրավասության դատարանին։
Պետրոսյանն ապրիլի 19-ին ֆեյսբուքյան գրառում էր կատարել, որում նշել էր, թե Ալեն Սիմոնյանի վարքագիծը հիշեցնում է սակավամիտ ու ծեծ ուտել ցանկացող մարդու անեկդոտը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)