16:18 - 21 հուլիսի, 2020
SpaceX ընկերության հրթիռը տիեզերական ուղեծիր է դուրս բերել հարավկորեական ռազմական կապի արբանյակը |azatutyun.am|
azatutyun.am: Իլոն Մասկի SpaceX ընկերության Falcon 9 հրթիռը տիեզերական ուղեծիր է դուրս բերել հարավկորեական զինված ուժերի կապի արբանյակը։ ANASIS-II կոչվող արբանյակը Սեուլի կողմից ստեղծված առաջին նմանատիպ արբանյակն է, որի մշակմանը նաև մասնակցել են Lockheed Martin և Airbus Group ընկերությունները։
SpaceX-ի համար սա հատուկ իրադարձություն էր։ Երկու տիեզերագնացների Crew dragon տիեզերանավը ուղեծիր դուրս բերելուց 51 օր անց նույն հրթիռը երկրորդ անգամ հաջողությամբ օգտագործվեց, որը ռեկորդային կարճ ժամկետ է հրթիռի վերականգնման և կրկին օգտագործելու համար։
Հարավկորեական արբանյակը ուղեծիր դուրս բերելուց հետո Falcon հրթիռի ստորին մասը հաջողությամբ վայրէջք է կատարել օվկիանոսի մակերևույթին գտնվող պլատֆորմի վրա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)