hetq.am: Տնտեսական համագործակցության և զարգացման կազմակերպությունն ակնկալում է, որ 2021 թվականին համաշխարհային տնտեսությունը կաճի 5,6 %-ով։ Այդ տվյալները ներառված են ՏՀԶԿ նոր կանխատեսման մեջ, որը հրապարակվել է երեքշաբթի օրը՝ մարտի 9-ին։ Ցուցանիշը 1,4 %-ով ավելին է, քան նախորդ կանխատեսման մեջ։ Փաստաթղթի մեջ նշվում է, որ 2022 թվականին համաշխարհային ՀՆԱ-ն կավելանա 4 %-ով։ 

ՏՀԶԿ փորձագետները նշել են, որ համաշխարհային տնտեսության հեռանկարները զգալիորեն բարելավվել են COVID-19-ի դեմ բնակչության պատվաստման արդյունավետ արշավների և որոշ երկրներում ֆինանսական աջակցության լրացուցիչ միջոցների հատկացման շնորհիվ։ Նրանք ակնկալում են, որ նախաճգնաժամային մակարդակին հնարավոր կլինի հասնել արդեն 2021 թվականի կեսերին։