Չեռնոգորիայի Բուդվա քաղաքում ընթացող բռնցքամարտի Եվրոպայի երիտասարդական առաջնությունում Հայաստանի հավաքականը նվաճել է երկու ոսկե մեդալ:
Տղաների մրցաշարում 51 կգ քաշային Հենրիկ Սահակյանը եզրափակչում հաղթել է Ռուսաստանի ներկայացուցիչ Ռուսլան Պիրովին և հռչակվել Եվրոպայի չեմպիոն:
Իսկ Հենրիկ Ճղրիկյանը 86 կգ քաշային կարգում հաղթանակ է տարել չեխ Դավիդ Պոլակի նկատմամբ՝ հռչակվելով չեմպիոն։
60 կգ քաշային Էլիդա Քոչարյանը և 57 կգ քաշային Մանվել Պետրոսյանը նվաճել են արծաթե մեդալ, 60 կգ քաշային Էրիկ Իսրայելյանն արժանացել է բրոնզե մեդալի։
Այսպիսով՝ Հայաստանի հավաքականն առաջնությունն ավարտում է 2 ոսկե, 2 արծաթե և մեկ բրոնզե մեդալով։
comment.count (0)