Ուզբեկստանի խորհրդարանի օրենսդիր (ստորին) պալատը երկուշաբթի օրը կայացած նիստում կողմ է քվեարկել երկրի Սահմանադրության մեջ Ղարակալպակստանի Հանրապետության ինքնիշխանության վերաբերյալ դրույթների պահպանմանը։ Այս մասին հայտնում է РИА Новости-ն։
Հիշեցնենք, որ Ուզբեկստանի կազմի մեջ մտնող Ղարակալպակստանի Ինքնավար Հանրապետությունում բողոքի ակցիաներ էին տեղի ունեցել։ Պատճառն Ուզբեկստանի սահմանդրության մեջ փոփոխությունների առաջարկությունն էր, որով վերացվելու էր Ղարակալպակստանի ինքնիշխան կարգավիճակը և երկրի կազմից դուրս գալու նրա իրավունքը։
Ղարակալպակստանի իշխանությունները որպես զանգվածային բողոքի ցույցերի առաջացման պատճառ անվանել էին «հանրապետությունում իրականացվող բարեփոխումների սխալ մեկնաբանություն» և հայտնել պետական մարմինների գրավման փորձի մասին։ Հուլիսի 1-ի երեկոյան երկրի ՆԳՆ-ն հայտնել էր, որ Նուկուսում իրավակարգը վերականգնվել է, իսկ «քաղաքացիների հետ աշխատանքներ են իրականացվում օրենսդրության խախտման անթույլատրելիության բացատրման ուղղությամբ»։
Լուսանկարը՝ РИА Новости
comment.count (0)