13:54 - 08 սեպտեմբերի, 2022
Խորհրդարան չվերադառնալու վերաբերյալ «Պատիվ ունեմ»–ի որոշումը ուժի մեջ է, «Հայաստան» խմբակցությունը հանդես կգա հայտարարությամբ |tert.am|
tert.am: Սեպտեմբերի 12-15-ը կմեկնարկի ԱԺ 8-րդ գումարման աշնանային նստաշրջանը։ Tert.am-ը զրույցել է ընդդիմադիր խմբակցությունների պատգամավորների հետ՝ պարզելու արդյոք ունե՞ն որոշում ԱԺ նիստերին ներկայանալու հետ կապված, թե՞ ոչ։
«Խորհրդարան չգնալու՝ «Պատիվ ունեմ» խմբակցության՝ դեռ մայիս ամսին կայացրած որոշումը շարունակում է մնալ ուժի մեջ»,- փոխանցեց «Պատիվ ունեմ» խմբակցության պատգամավոր Տիգրան Աբրահամյանը։
Ինչ վերաբերում է «Հայաստան» խմբակցությանը, ապա պատգամավոր Վահե Հակոբյանը փոխանցեց, որ այդ հարցով վաղը խմբակցությունը հանդես կգա հայտարարությամբ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)