Earlyone ընկերության նոր լուծման շնորհիվ բուժառուներն այսուհետ կարող են նախապես ժամ ամրագրել բժշկի այցելելու համար, իսկ բժշկական անձնակազմը՝ կառավարել գրաֆիկն ու ծանրաբեռնվածությունը։

Հավատարիմ մնալով իր առաքելությանը՝ Earlyone-ը շարունակում է բարելավել իր գործիքակազմը՝ հնարավորինս սահուն դարձնելու ծառայություն ստանալու գործընթացը։

Հատուկ մշակված ալգորիթմի և բջջային հավելվածի շնորհիվ այժմ բուժառուները կարող են նախապես ժամ ամրագրել բժիշկի այցելելու համար, իսկ բժշկական անձնակազմը՝ կառավարել գրաֆիկն ու ծանրաբեռնվածությունը։ 

«Երկար ուսումնասիրություններից և հերթի տեսակների վերլուծությունից հետո մեր թիմը ստեղծել է լուծում, որ բուժառուին թույլ է տալիս նախապես գրանցվել որևէ ծառայության համար օնլայն կամ օֆֆլայն (զանգով) և սպասարկվել իր իսկ նախընտրած ժամին։ Մեր համակարգը միավորում է բոլոր տեսակի հոսքերը և ավտոմատ կերպով կառավարում հերթերը, դրանով իսկ հեշտացնում բուժօգնություն ստանալու գործընթացը»,- ասում է Earlyone ընկերության հիմնադիր տնօրեն Գևորգ Սաֆարյանը։

Միանալով համակարգին՝ բուժհաստատությունները ստանում են հետևյալ ֆունկցիոնալը՝

• բուժառուի սպասելաժամանակի կրճատում,
• բժիշկների ծանրաբեռնվածության հավասարաչափ բաշխում և պարապուրդների կրճատում,
• նախնական գրանցում չունեցող բուժառուների հոսքերի հավասար բաշխում,
• բուժառուների առաջնահերթության սահմանում։

Գրանցում կատարելու համար անհրաժեշտ է ներբեռնել Earlyone անվճար հավելվածը, մուտք գործել «Առողջություն» բաժին, ընտրել համապատասխան կազմակերպությունը, մասնաճյուղը, ծառայությունը, այնուհետև օրն ու ժամը և հերթագրվել նախապես։

«Բուժառուների մեծ հոսքը կառավարելու հարցում մեզ օգնեց Earlyone համակարգը, որի շնորհիվ կարողացանք գրագետ համակարգել հերթերը, ինչպես նաև կրճատել բուժհիվանդների և այցելուների սպասելաժամանակը»,- նշում է «Աջափնյակ» բժշկական կենտրոնի տնօրեն Գրիգորի Մանուկյանը։

Բջջային հավելվածի շնորհիվ այսօր 150,000-ից ավելի օգտատեր հնարավորություն ունի բացարձակապես անվճար ամրագրում կատարելու մի շարք բժշկական կենտրոններում և սպասարկվելու իր նախընտրած ժամին։