16:06 - 30 մարտի, 2023
Հայաստանի կառավարությունը հավանություն է տվել Չեխիայի հետ ռազմատեխնիկական համագործակցության համաձայնագրին |armenpress.am|
armenpress.am: Հայաստանի կառավարությունը հավանություն է տվել 2019 թվականին Հայաստանի և Չեխիայի միջև ստորագրված ռազմատեխնիկական համագործակցության մասին համաձայնագրին։ Հարցն ընդգրկված էր Հայաստանի կառավարության՝ մարտի 30-ի նիստի օրակարգում։
Համաձայնագիրը նախատեսում է համագործակցություն ռազմական կրթության, պաշտպանական արդյունաբերության, ռազմական պատմության և թանգարանագիտության ոլորտներում, ինչպես նաև արտերկրում խաղաղապահ առաքելություններին մասնակցությունը:
Համաձայնագիրը կուղարկվի Սահմանադրական դատարան՝ Սահմանադրությանը համաձայնագրի համապատասխանությունը որոշելու նպատակով։
Եթե Սահմանադրական դատարանը որոշի, որ համաձայնագիրը համապատասխանում է Հայաստանի Սահմանադրությանը, այն կներկայացվի Ազգային ժողովի քննարկմանն ու վավերացմանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)