armtimes.com: «Սուրբ Գրիգոր Լուսավորիչ» ԲԿ-ի բժիշկները ժամանակ առ ժամանակ անցել են ընթացիկ վերապատրաստման կուրսեր եւ պատրաստ են ընդունելու COVID-19-ով վարակված անձանց։ Այս մասին տեղեկացրեց ԲԿ-ի մամուլի խոսնակ Ծովինար Խաչատրյանը։
Նրա խոսքով՝ հիվանդանոցում գործում է համաճարակաբանական ծառայություն։ Այն ժամանակվանից, երբ Հայաստանում այս վիրուսի տեսանկյունից իրավիճակը լարվել է, մասնագետները պարբերաբար անցել են վերապատրաստումներ։ Առաջիկայում, եթե կլինի անհրաժեշտություն, կարող են դրանք կրկին անցկացվել։
Խաչատրյանը հավելեց նաեւ, որ մարտ ամսից իրենց ԲԿ-ն «Նորք» ինֆեկցիոն կլինիկական հիվանդանոց է գործուղել բժիշկների, բուժքույրերի, կրտսեր բուժանձնակազմի աշխատակիցների եւ շտապօգնության մեքենայի վարորդների:
comment.count (0)