14:31 - 26 հունիսի, 2020
Ալվինա Գյուլումյանը ներկայացել է ՍԴ. հայտարարում է, որ շարունակում է պաշտոնավարել |armenpress.am|
armenpress.am: Ազգային ժողովի կողմից ընդունված Սահմանադրության փոփոխություններով՝ Սահմանադրական դատարանի անդամի պաշտոնավարումը դադարեցված Ալվինա Գյուլումյանը ներկայացել է ՍԴ և հայտարարում է, որ շարունակելու է պաշտոնավարել: Գյուլումյանը լրագրողների հետ զրույցում նշեց, որ հարցը կարգավորվում է որոշակիորեն սահմանված կարգով:
«Ոչ ոք դեռ չի արձանագրել, որ իմ լիազորությունները դադարեցված են: Սահմանադրական նորմն ընդունվել է, բայց գոյություն ունի Սահմանադրական դատարանի մասին օրենք, որով կարգավորվում է ՍԴ գործունեություն: Երբ որևէ մեկի լիազորությունները դադարում են, այդ մասին դատարանի նիստի արձանագրային որոշում է ընդունվում: Առայժմ այդպիսի փաստաթուղթ չկա»,- ասաց Գյուլումյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)