12:52 - 06 սեպտեմբերի, 2024
Ադրբեջանի ՊՆ ղեկավարն ու ցամաքային զորքերի հրամանատարը ստուգել են ՀՀ-ի հետ սահմանի ստորաբաժանումների մարտական պատրաստվածությունը |factor.am|
factor.am: Ադրբեջանի պաշտպանության նախարար Զաքիր Հասանովը և պաշտպանության փոխնախարար, ցամաքային զորքերի հրամանատար, գեներալ-լեյտենանտ Հիքմեթ Միրզոևն այցելել են Հայաստանի հետ սահմանի ուղղությամբ տեղակայված զորամաս, ստուգել ստորաբաժանումների մարտական պատրաստությունը։
Ադրբեջանի ՊՆ-ի հաղորդմամբ՝ նախարարին զեկուցվել է, որ զորամասերում բարձր մակարդակով կազմակերպվել է շուրջօրյա մարտական հերթապահություն և ամենօրյա ռեժիմի կանոններով իրականացվում է շարունակական ծառայություն։
Հանդիպելով մարտական հերթապահություն իրականացնող անձնակազմին՝ Հասանովը բարձր է գնահատել զինծառայողների մարտական և հոգեբանական պատրաստվածությունը։ Նա նաև ծառայողական ու մարտական գործունեության ավելի լավ կազմակերպման և զգոնության բարձրացման հանձնարարականներ է տվել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)