Մեսրոպ Առաքելյան

Մեսրոպ Առաքելյանը ՀՀ աշխատանքի և սոցիալական հարցերի նախարարն է:

Տարեթիվ, ամսաթիվ, ծննդավայր
1985 թ. ապրիլի 23, ք. Երևան

Կրթություն
1991–2000թթ. - ավարտել է Երևանի Լ. Շանթի անվան թիվ 4 միջնակարգ դպրոցը` գերազանցության ատեստատ, մեդալ, էքստեռն կարգով
2000–2006թթ. - ավարտել է ԵՊՀ տնտեսագիտության ֆակուլտետը, մագիստրոսի կոչումով` ստանալով ֆինանսիստ-տնտեսագետի որակավորում
2006-2009թթ. - ավարտել է ԵՊՀ ասպիրանտուրան, տնտեսագիտության թեկնածու
2008թ. – ավարտել է «Բանկի ակտիվների և պասիվների կառավարում» դասընթացները` Ռուսաստանի Դաշնության ժողովրդական տնտեսության ակադեմիայում

Աշխատանքային գործունեություն
2004-2008թթ. – «ՎՏԲ-Հայաստան բանկ» ՓԲԸ Մյասնիկյան մասնաճյուղի կառավարիչի տեղակալ
2008-2010թթ. – «ՎՏԲ-Հայաստան բանկ» ՓԲԸ Սպանդարյան մասնաճյուղի կառավարիչ
2008-2013թթ. – «ՎՏԲ-Հայաստան բանկ» ՓԲԸ Փոքր բիզնեսի վարչության պետ
2013-2017թթ. – «Արդշինինվեստբանկ» ՓԲԸ Ռիսկերի կառավարման տնօրենի տեղակալ-վարկային ռիսկի կառավարման վարչության պետ
2017-2020թթ. – «Մոգո» ՈՒՎԿ Գլխավոր տնօրեն
2007թ. – մինչ այժմ – ԵՊՀ դասախոս
2018-2020թթ. - Վարչապետի խորհրդական` հասարակական հիմունքներով
2020թ. նոյեմբերի 20-ին նշանակվել է ՀՀ աշխատանքի և սոցիալական հարցերի նախարար

Կուսակցական պատկանելություն
«Առաքելություն» կուսակցության քաղաքական խորհրդի անդամ

Անձնական տվյալներ
Ամուսնացած է, ունի 2 դուստր:

Դիմելու ենք Սահմանադրական դատարան՝ «ՔՊ» կուսակցության գործունեությունը արգելելու համար․ Մեսրոպ Առաքելյան

22:05 - 29 փետրվարի, 2024

Իշխանությունները 2 տարվա ընթացքում չեն հասկացել մի պարզ բան՝ խաղաղության օրակարգի հաստատումը պայմանագիր ստորագրելով չի լինում. Մեսրոպ Առաքելյան |tert.am|

tert.am: Իշխանությունները 2 տարվա ընթացքում չեն հասկացել մի պարզ բան՝ խաղաղության օրակարգի հաստատումը պայմանագիր ստորագրելով չի լինում: Այս մասին այսօր «Ապրելու երկիր» կուսակցության համագումարի շրջանակում իր ելույթում ասաց կուսակցության համահիմնադիր Մեսրոպ Առաքելյանը: «Ունենք բազմաթիվ պայմանագրեր, որոնք մնացել են պատմության դասագրքի էջերում: Իսկ Արցախի վերաբերյալ վերջին փաստտաթուղթը խախտված է 132 օր: Եվ մեր հայրենակիցների մի մասը տոտալ շրջափակման մեջ է՝ ի հեճուկս «խաղաղության դարաշրջանի»: Խաղաղության հաստատման համար մենք ունենք 1 ճանապարհ՝ ունենալ հզոր անվտանգային համակարգ»,- նշեց Առաքելյանը: Նա ասաց, որ պատերազմից 2,5 տարի անց շարուակում են խոցելի մնալ ՀՀ սահմանները. «Եվ միայն մեր զինվորների նվիրյալ պայքարի շնորհիվ է, որ կորուստները սահմանափակված են այսքանով: Իսկ Տեղ համայնքում կատարվածը դուրս է ցանկացած տրամաբանությունից»: Տեսանյութը՝ tert.am-ում

15:51 - 22 ապրիլի, 2023

Արցախում դադարեցվել է գազամատակարարումը. Մեսրոպ Առաքելյան

Արցախի պետնախարարի խորհրդական Մեսրոպ Առաքելյանը ֆեյսբուքյան կր էջում գրել է. «Արցախում դադարեցվել է գազամատակարարումը։ Ադրբեջանը շարունակում է Արցախի հայաթափմանն ուղղված գործողությունները»։ «Արցախգազ» ՓԲ ընկերությունը հայտնում է, որ Արցախի հանրապետությունում գազամատակարարումը դադարեցվել է ժամը 13։00-ի դրությամբ: Արցախի տեղեկատվական շտաբի հաղորդմամբ՝ «Ադրբեջանը կրկին արգելափակել է Հայաստանից Արցախը սնուցող միակ գազատար խողովակը՝ Արցախի բնակչությանը զրկելով բնական գազի օգտագործման հնարավորությունից»։ 2022թ․ դեկտեմբերի 12-ից Ադրբեջանը փակել է Արցախը ՀՀ-ին կապող Լաչինի միջանցքը, ինչի հետևանքով շրջափակման մեջ է Արցախի 120 000 բնակիչ, այդ թվում՝ 30 000 երեխա։ 1100 քաղաքացիական անձ, այդ թվում՝ 270 անչափահաս, չի կարողանում ՀՀ-ից վերադառնալ Արցախ։ Շրջափակման պատճառով ՀՀ-ից ամեն օր 400 տոննա սննդամթերք ու դեղորայք հնարավոր չի լինում հասցնել Արցախ․ առկա է սննդի, դեղորայքի պակաս: 13 երեխա նորածնային և վերակենդանացման բաժանմունքներում է, 9 բուժառու՝ վերակենդանացման բաժանմունքում․ 5-ը ծայրահեղ ծանր վիճակում են։ Այս օրերի ընթացքում շտապ բուժօգնության կարիք ունեցող 28 հայ և 4 օտարերկրացի է միայն Կարմիր խաչի միջնորդությամբ տեղափոխվել ՀՀ, իսկ Արցախում հիվանդներից մեկը մահացել է: Հունվարի 10-ից վթարի պատճառով Արցախում էլեկտրամատակարարումը կատարվում է հովհարային անջատումների չորսժամյա գրաֆիկով։ Այսօրվանից Արցախում սկսվում է սննդամթերքի կտրոնների տրամադրումը։ Արցախը շրջափակման մեջ է։

13:20 - 17 հունվարի, 2023

Մեսրոպ Առաքելյանը կստանձնի Ռուբեն Վարդանյանի խորհրդականի պաշտոնը

ՀՀ աշխատանքի և սոցիալական հարցերի նախկին նախարար Մեսրոպ Առաքելյանը հայտնել է, որ ստանձնելու է Արցախի նորանշանակ պետական նախարար Ռուբեն Վարդանյանի խորհրդականի պաշտոնը։ Նրա գրառումը՝ ստորև․ «Արցախյան պատերազմից հետո յուրաքանչյուր առիթ օգտագործել եմ Արցախի առջև ծառացած մարտահրավերների լուծման հարցում իմ բաժին պատասխանատվությունը ստանձնելու։ Ցավոք, պատերազմից երկու տարի անց էլ Արցախը շարունակում է ունենալ մեծ նվիրման կարիք՝ պատմական այս ծանր ժամանակաշրջանը հաղթահարելու համար։ Ի աջակցություն Արցախի պետք է ապրել Արցախում, աշխատել Արցախում, գնալ Արցախ, աշխատել Արցախի համար... Ռուբեն Վարդանյանի առաջարկով ժամանակավորապես տեղափոխվել եմ Արցախ՝ ավելի մեծ պատասխանատվություն ստանձնելու հանուն Արցախի։ Իմ գործունեության հիմնական հատվածն անցնելու է Արցախում՝ որպես պետական նախարարի խորհրդական։ Վստահ եմ՝ մեզ հաջողվելու է ամրապնդել Արցախի հայկականությունը, արցախցու՝ իր հողում ապրելու հավերժականությունը։ Այլևս ոչ մեկ, ոչ մի տեղ չպետք է կասկածի տակ դնի այս ճշմարտությունները։ Արցախը կա և մնալու է հայկական»,-գրել է նա։

11:27 - 05 նոյեմբերի, 2022

Մենք ստեղծում ենք նոր քաղաքական ուժ. Մեսրոպ Առաքելյան

10:05 - 26 մայիսի, 2021

Արցախի նախագահը ՀՀ նախկին սոցապ նախարար Մեսրոպ Առաքելյանին պարգևատրել է «Մխիթար Գոշ» մեդալով

Արցախի Հանրապետության նախագահ Արայիկ Հարությունյանը մայիսի 11-ին ընդունել է ՀՀ աշխատանքի և սոցիալական հարցերի նախկին նախարար Մեսրոպ Առաքելյանին։ Այս մասին հայտնում է Արցախի նախագահի աշխատակազմը: Երկրի ղեկավարը շնորհակալություն է հայտնել Մեսրոպ Առաքելյանին հետպատերազմյան ծանր շրջանում արցախցիների կողքին լինելու համար՝ բարձր գնահատելով ՀՀ նախկին պաշտոնյայի և նրա ղեկավարած կառույցի կողմից իրականացված մեծածավալ աշխատանքը՝ ուղղված Արցախը սոցիալական աղետից դուրս բերելուն և դրա հետևանքները հաղթահարելուն։ Նախագահը Մեսրոպ Առաքելյանին է փոխանցել «Մխիթար Գոշ» մեդալը, որը նրան տրվել է արցախցիների սոցիալական հիմնախնդիրների լուծման գործում ունեցած նշանակալի ավանդի համար:

20:35 - 11 մայիսի, 2021

Ենթադրում եմ, որ Սյունիքի ակցիաներն ուղղորդվել են ինչ-որ շրջանակների կողմից, բայց անուններ չեմ կարող հնչեցնել, քանի որ չգիտեմ․ Լիլիթ Մակունց |tert.am|

tert.am: Սյունիքի մարզում տեղի ունեցածը, եթե ոմանք մեկնաբանում են որպես քաղաքական ակցիաներ, ես համարում եմ, որ դրանք ակցիաներ էին՝ ուղեկցված խուլիգանական դրսևորումներով։Այս մասին լրագրողների հետ ճեպազրույցի ժամանակ ասաց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով Սյունիքում Նիկոլ Փաշինյանի դեմ տեղի ունեցած բողոքի ակցիաներին։ «Ես ենթադրում եմ, որ այդ ակցիաներն ուղղորդվել են ինչ-որ շրջանակների կողմից, բայց անուններ չեմ կարող հնչեցնել, քանի որ չգիտեմ։ Ինձ մոտ կողքից այդպիսի տպավորություն է»,– ասաց նա։ Լիլիթ Մակունցը նշեց, որ համաձայն չէ այն կարծիքի հետ, որ այս երեք տարիների ընթացքում հենց իշխանություններն են բաժանարար գծեր տարել հասարակության մեջ։ Անդրադառնալով տարածված այն տեղեկություններին, որ Մեսրոպ Առաքելյանը աշխատանքից ազատվելու դիմում է գրել, որպեսզի նրա ղեկավարած «Առաքելություն» կուսակցությունը «Քաղաքացիական պայմանագիր» կուսակցության հետ դաշինքով կարողանա մասնակցել ընտրություններին, Մակունցը նշեց, որ կուսակցության վարչությունը դեռ որոշում չի կայացրել՝ դաշինքով է մասնակցելու, թե ոչ։ Հարցին՝ ինչպես կմեկնաբանի առաջին նախագահի այն հայտարարությանը, որ Նիկոլ Փաշինյանն «արշավել» է Սյունիքի և առանց թույլտվության մտել Շուռնուխի բնակիչներից մեկի բնակարան, Մակունցը պատասխանեց․ «Առանց թույլտվության կարծում եմ՝ հնարավոր չէր մտնել նրանց տուն և առաջին նախագահի հայտարարությունը չի համապատասխանում իրականությանը»։ Առավել մանրամասն՝ tert.am-ում

16:31 - 23 ապրիլի, 2021

ՀՀ նախագահն ստորագրել է Մեսրոպ Առաքելյանին աշխատանքի և սոցիալական հարցերի նախարարի պաշտոնից ազատելու մասին հրամանագիրը

ՀՀ նախագահ Արմեն Սարգսյանն ստորագրել է Մեսրոպ Առաքելյանին աշխատանքի և սոցիալական հարցերի նախարարի պաշտոնից ազատելու մասին հրամանագիրը։ «Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.Մեսրոպ Առաքելյանին ազատել աշխատանքի և սոցիալական հարցերի նախարարի պաշտոնից»,– ասվում է հրամանագրում:

15:57 - 23 ապրիլի, 2021

Աշխատանքի և սոցիալական հարցերի նախարար Մեսրոպ Առաքելյանը աշխատանքից ազատման դիմում է գրել

Աշխատանքի եւ սոցիալական հարցերի նախարար Մեսրոպ Առաքելյանը ֆեյսբուքյան իր էջում գրում է. «Սիրելի՛ հայրենակիցներ, Այսօրվանից դադարեցնում եմ պաշտոնավարումս որպես Աշխատանքի և սոցիալական հարցերի նախարար։ Հետպատերազմյան իրավիճակում այս պատասխանատվությունն ստանձնել եմ բացառապես մեկ նպատակով՝ մեր ժողովրդի ուսերից օր առաջ թոթափելու սոցիալական այն արհավիրքը, որին բախվեցինք թշնամու կողմից Արցախի դեմ սանձազերծված պատերազմի հետևանքով։ Այսօր կարող ենք արձանագրել, որ Արցախը հաղթահարել է սոցիալական ճգնաժամը և թևակոխել է զարգացման ծրագրերի և բնակարանաշինության փուլ, ինչի կապակցությամբ հայտնում եմ իմ գոհունակությունը և սոցիալական առաջնային մարտահրավերները համարում բավարար չափով հաղթահարված։ Միևնույն ժամանակ, պատերազմի ընթացքում վիրավորում ստացած մեր եղբայրների առաջնային սոցիալական խնդիրների լուծումը և պրոթեզավորման գործընթացը դրված են բավարար հիմքերի վրա՝ վերջնական արդյունքի հասնելու համար։ Շնորհակալ եմ Հայաստանի և Արցախի իմ գործընկերներին՝ համագործակցության համար։ Խաղաղություն մեր միասնական հայրենիքին»։

12:51 - 23 ապրիլի, 2021

Հայաստանի և Արցախի Սոցապ նախարարությունների միջև համագործակցության հուշագիր է ստորագրվել

Հայաստանի Հանրապետությունն Արցախի Հանրապետության սոցիալական անվտանգության երաշխավորն է. ապրիլի 17-ին Հայաստանի Հանրապետության Աշխատանքի և սոցիալական հարցերի նախարարության և Արցախի Հանրապետության Աշխատանքի, սոցիալական և միգրացիայի հարցերի նախարարության միջև ստորագրվել է համագործակցության հուշագիր։ Այս մասին հայտնում է ՀՀ Աշխատանքի և սոցիալական հարցերի նախարարությունը: Կարևորելով հետպատերազմյան վիճակում սոցիալական ոլորտում Հայաստանի և Արցախի համագործակցության ամրապնդումը, արցախցիների սոցիալական երաշխիքների համակարգված ապահովումը՝ ստորագրված հուշագրով սահմանվում են այդ նպատակներին հասնելու արդյունավետ քայլերը, երկու գերատեսչությունների համատեղ գործողությունները։

11:37 - 18 ապրիլի, 2021

ՀՀ-ն Արցախի սոցիալական անվտանգության երաշխավորն է. Հայաստանի և Արցախի Սոցապ նախարարությունների միջև ստորագրվել է համագործակցության հուշագիր

21:40 - 17 ապրիլի, 2021

Կառավարությունը հավելյալ 7 միլիարդ դրամ կհատկացնի արցախցիների աջակցության ծրագրի համար |1lurer.am|

1lurer.am: Կառավարության այսօրվա նիստը մեկնարկեց «Հայաստանի Հանրապետության 2021 թվականի պետական բյուջեի մասին» Հայաստանի Հանրապետության օրենքում վերաբաշխում և Հայաստանի Հանրապետության կառավարության 2020 թվականի դեկտեմբերի 30-ի N 2215-Ն որոշման մեջ փոփոխություններ կատարելու մասին հարցի քննարկմամբ: ՀՀ աշխատանքի և սոցիալական հարցերի նախարար Մեսրոպ Առաքելյանը նշեց, որ նախագծով առաջարկվում է Կառավարության պահուստային ֆոնդից նախարարությանը հատկացնել 7 միլիարդ 548 հազար դրամ, որի նպատակը լինելու է ԱՀ քաղաքացիների 4-ամսյա ծրագրի ապրիլ ամսվա ֆինանսավորումն ապահովելը: «Կառավարության որոշման համաձայն՝ 2021 թվականի մարտ, ապրիլ, մայիս, հունիս ամիսների ընթացքում ԱՀ յուրաքանչյուր քաղաքացու տրվելու է 68 հազար դրամ աջակցություն՝ բացառությամբ 18-68 տարեկան տղամարդկանց»,- ասաց նախարարը՝ հավելելով, որ նույն ծրագրով նախորդ ամիս Արցախում աջակցություն է ստացել 101 հազարից ավելի քաղաքացի: Առաքելյանի խոսքով՝ մինչև հիմա արցախցիներին տրված աջակցությունը կազմում է մոտ 33 միլիարդ դրամ: Կառավարության արդեն հաստատած ծրագրերով կա ևս 22 միլիարդ դրամի հատկացման որոշում, այսինքն՝ ընդհանուր առմամբ տրամադրված և հաստատված հատկացումների ծավալը կազմելու է 55 միլիարդ դրամ:

11:22 - 15 ապրիլի, 2021

Բացառվում է, որ Նորքի տուն-ինտերնատում բնակվող ծերերը տեղափոխվեն այլ վայր. սոցապնախարար |1lurer.am|

1lurer.am: Պատերազմից հետո հաշմանդամության կարգ ստանալու նպատակով բժշկասոցիալական փորձաքննությունն անցկացվում է քաղաքացու տանը կամ այն բժշկական կենտրոնում, որտեղ բուժվում է անձը, որևէ այլ կենտրոն այցելելու անհրաժեշտություն չկա: Այդ մասին ԱԺ-ում լրագրողների հետ զրույցում ասաց ՀՀ աշխատանքի և սոցիալական հարցերի նախարար Մեսրոպ Առաքելյանը: «Պատերազմի հետևանքով հաշմանդամություն ստացած անձանց բժշկասոցիալական փորձաքննության գործընթացը գրեթե ավարտված է»,- նշեց նախարարը: Անդրադառնալով շրջանառվող լուրերին, թե վարկային կազմակերպությունները և բանկերը պահանջում են պատերազմի մասնակիցների ընտանիքներից կատարել վարկային պարտավորությունները՝ Առաքելյանն ասաց, որ բանկերի և վարկային կազմակերպությունների կողմից արդեն ներվել է 3 մլրդ դրամի վարկային պարտավորություն: «Չի բացառվում, որ թերացումներ կլինեն, որոնց հիմքում նաև տեղեկության ոչ պատշաճ փոխանցումն է: Գլոբալ խնդիրներ այդ առումով չկան»,- ընդգծեց նախարարը: Խոսելով Նորքի տուն-ինտերնատի շուրջ ստեղծված իրավիճակի մասին՝ Մեսրոպ Առաքելյանը վստահեցրեց, որ բարձրացված աղմուկը տեղին չէր: Նրա խոսքով՝ բացառվում է, որ այնտեղ բնակվող ծերերը տեղափոխվեն այլ վայր, կամ որևէ խնամքի կենտրոն վաճառվի կամ այլ նպատակով օգտագործվի:

13:40 - 07 ապրիլի, 2021

Այսօրվանից գործարկվել է Միասնական սոցիալական ծառայությունը․ մեկնարկն ազդարարվել է Դիլիջանի տարածքային կենտրոնից

Այսուհետ քաղաքացիները մեկ պատուհանի սկզբունքով կարող են օգտվել սոցիալական ապահովության ծառայության, զբաղվածության, բժշկասոցիալական փորձաքննության և սոցիալական աջակցության ոլորտներին առնչվող ծառայություններից․ ապրիլի 1-ից գործում է աշխատանքի և սոցիալական հարցերի նախարարության միասնական սոցիալական ծառայությունը։ Նոր կառույցի գործունեության մեկնարկը տրվել է Տավուշից. ՄՍԾ Դիլիջանի տարածքային կենտրոնում նախարար Մեսրոպ Առաքելյանն ազդարարել է համակարգի գործարկման մասին՝ նշելով, որ այն առավել հասցեական ու համակարգված կդարձնի ոլորտի աշխատանքները և կբարելավի սոցիալական ծառայությունների որակը․ «Տարածքային միավորումից զատ, մենք կարևորում ենք նաև սոցիալական տարբեր խնդիրներ ունեցող անձանց միասնական կարիքների գնահատումն ու առավել հասցեական ծառայությունների մատուցումը։ Այս գործընթացը միանշանակ նպաստելու է սոցիալական աշխատանքի բարելավմանն ու արդյունավետության բարձրացմանը։ Սա ընդամենը բարեփոխման մեկնարկն է, քանի որ այս ուղղությամբ աշխատանքներն ահռելի են և շարունակական»,- նշել է նախարարը։ Մեսրոպ Առաքելյանի խոսքով՝ ՄՍԾ 49 տարածքային կենտրոններում քաղաքացիներն սպառիչ ու ամբողջական տեղեկատվություն կստանան իրենց հուզող հարցերի մասին, կսպասարկվեն մեկ պատուհանի սկզբունքով՝ խնայելով ժամանակ և խուսափելով տարբեր կառույցներ այցերից։ ՄՍԾ ներդրումը հնարավորություն կտա բարձրացնել սոցիալական ծառայությունների որակը և ապահովել ընտանիքի կարիքներին համապատասխան բազմաբնույթ ու միասնական սոցիալական ծառայությունների փաթեթի տրամադրումը։

20:56 - 01 ապրիլի, 2021

Պրոթեզավորման կարիք ունեցող զինվորների համար գործընթացն առաջիկայում ավելի արագ կիրականացվի |armenpress.am|

armenpress.am: Արցախյան 44-օրյա պատերազմի հետևանքով վերջույթները կորցրած զինվորների պրոթեզավորումն առաջիկայում ավելի արագ կիրականացվի։ Այս մասին ասաց ՀՀ աշխատանքի և սոցիալական հարցերի նախարար Մեսրոպ Առաքելյանը։ «Կառավարության որոշման համաձայն՝ պրոթեզավորման կարիք ունեցող բոլոր քաղաքացիների համար իրականացրել ենք կարիքների համալիր գնահատում։ Ընդհանուր առմամբ, ՀՀ-ում Արցախյան 44-օրյա պատերազմից վերջույթները կորցրած անձինք 120-ն են։ Մենք արդեն սկսել ենք պրոթեզավորման բուն գործընթացը, մասնավորապես, աշխատելով պրոթեզարանների հետ։ Հիմնականում համագործակցում ենք արևմտյան, եվրոպական և ամերիկյան ընկերությունների հետ, և արդեն սկսում ենք իրականացնել դետալների ձեռք բերումը»,- նշեց Առաքելյանը և հույս հայտնեց, որ առաջիկա ամիսներին վերջույթները կորցրած բոլոր անձինք նոր և հիմնական պրոթեզներ կստանան։ Պրոթեզավորման սկիզբը դրվել է մարտի 24-ին, երբ Հայրենիքի պաշտպանի վերականգնողական կենտրոնում ստորին վերջույթների ամպուտացիաներ ունեցող և պրոթեզավորում անցած 8 զինվոր առաջին անգամ քայլեց պրոթեզներով։

19:17 - 01 ապրիլի, 2021

Նախարարները, փոխնախարարները չեն օգտվում սոցփաթեթից, դրանով մարզասրահներ հաճախել կարող են պետական հիմնարկների աշխատակիցները. Մեսրոպ Առաքելյան |tert.am|

tert.am: Կառավարության այսօրվա նիստում ընդունվել է Աշխատանքի և սոցիալական հարցերի նախարարության հեղինակած նախագիծը, ըստ որի Սոցփաթեթի շահառու պետական պաշտոն և պետական ծառայության պաշտոն զբաղեցնող անձանց տրամադրվող սոցփաթեթի ծառայությունների շրջանակի կընդլայնվի։ Պետական պաշտոն և պետական ծառայության պաշտոն զբաղեցնող անձանց և նրանց ընտանիքի անմիջական անդամները հնարավորություն կունենան սոցփաթեթի միջոցով այցելել լողավազաններ, մարզասրահներ։ Աշխատանքի և սոցիալական հարցերի նախարար Մեսրոպ Առաքելյանը պարզաբանեց, որ նախագծով սոցփաթեթի շրջանակներում ընդլայնվում է մատուցվող ծառայությունների ցանկը, որից օգտվում են 150 հազար քազաքացիներ՝ բացառությամբ պետական բարձրաստիճան պաշտոնաններից: «Նախարարները, փոխնախարարները չեն օգտվում, սակայն մնացած աշխատակիցները օգտվում են, այդ թվում՝ դպրոցի, հիմնարկների աշխատակիցները: Մինչև հիմա կար հնարավորություն՝ օգտվել հանգստի ծառայությունից, վարկի մարումից և ուսման վարձի վճարումից, հիմա մենք տվել ենք հնարավորություն՝ օգտվելու նաև մարզասրահների ծառայություններից, հաշվի առնելով, որ պետական համակարգում ներգրավված 150 հազար քաղաքացիների մեջ ներառված են տարբեր սոցիալական խմբերի և տարբեր տարիքի անձիք»,- պարզաբանեց նա:

17:26 - 01 ապրիլի, 2021