Հայաստան

Կորոնավիրուսի շուրջ զարգացումներ, Հայաստան, 20․05․20 (թարմացվող)

19:40- Ժամանակն է՝ մտածենք կորոնավիրուսի դեմ մեր պայքարի և գործողությունների մեջ որոշակի սրբագրումներ անելու մասին: Մեր հաշվարկները ցույց են տալիս՝ եթե ոչինչ ընթացքի մեջ չփոխենք, մայիսի վերջին կունենանք մոտ 10 հազար հիվանդ, իսկ հունիսի կեսերին արդեն՝ 20 հազար: Ինչը նշանակում է, որ պետք է ձեռնարկենք ոչ այնքան այլ միջոցներ, այլ նորից պետք է վերանայենք մեր կիրառած միջոցառումները և հատկապես դրանց կիրառման որակն ու ծավալը։ [Նիկոլ Փաշինյան] |armenpress.am|19:16- Առաջիկա 7-10 օրվա ընթացքում նախատեսվում է Դամասկոս-Երևան չվերթը։ Հայաստան գալ ցանկացող ՀՀ քաղաքացիները պետք է նախապես գրանցվեն Սիրիայում ՀՀ դեսպանությունում։ Գրանցվելու և հավելյալ տեղեկատվություն ստանալու համար խնդրում ենք զանգահարել` +963 954 666 699։ [Սիրիայում ՀՀ դեսպանություն]17։07- ԱՆ քրեակատարողական 12 հիմնարկներում գտնվող դատապարտյալներից և կալանավորված անձանցից ոչ ոքի մոտ նոր տեսակի կորոնավիրուս չի հայտնաբերվել։ ՔԿՀ-ներից՝ «Վարդաշեն»-ում՝ ութ, «Հրազդան»-ում՝ երեք, իսկ «Նուբարաշեն»-ի մեկ աշխատակցի մոտ կորոնավիրուսի թեստի պատասխանը դրական է ստացվել։ Նրանցից ինն այս պահին ապաքինվել է և դուրս գրվել հիվանդանոցից։ |forrights.am| 16։29- Վերջին երկու օրերին ԵՊՀ Արհեստակցական կազմակերպությունն ահազանգեր է ստանում, որ ԵՊՀ մասնաշենքերում և աշխատասենյակներում աշխատանքները կազմակերպվում են ՀՀ պարետի N 63 որոշման հավելված 4-ի մի շարք պահանջների խախտմամբ: Առողջ և անվտանգ աշխատանքային պայմաններ ունենալը ԵՊՀ յուրաքանչյուր աշխատողի սահմանադրական իրավունքն է, և դրա ապահովման պարտականությունն ամբողջ ծավալով կրում է գործատուն։ [ԵՊՀ Արհեստակցական կազմակերպություն] 16։02- Գեղարքունիքի մարզում հաստատվել է կորոնավիրուսային հիվանդության 6 նոր դեպք, ապաքինվել է ևս 4 մարդ: Մարզում ունենք կորոնավիրուսային հիվանդության հաստատված 290 դեպք, որից առողջացել են 119 քաղաքացի, արձանագրված մահերի թիվը 3 է: [Գեղարքունիքի մարզպետարան] 15։52- Շինարարական ձեռնոց եւ բժշկական դիմակ արտադրող «Տավուշ տեքստիլ»-ի արտադրամասերից մեկում հաստատվել է կորոնավիրուսի 7 դեպք, հարակից 2 արտադրամաս փակվել է։ Աշխատակիցները թեստավորվում են։ Ինքնամեկուսացված են նաև վարակակիրների ընտանիքի անդամները։ Վարակի աղբյուրը պարզված է։ Այս պահին շատ անհանգստանալու կարիք չկա։ Տավուշի մարզում այս պահին կա 31 վարակակիր։ [Տավուշի մարզպետ Հայկ Չոբանյան] 15։47- Վերջին օրերին հանրային արձագանք է ստացել դպրոցներում դասագրքերի հանձնման հարցը։ Խնդիրը գտնվում է ուսումնական հաստատության տնօրենի գործառույթների տիրույթում: ԿԳՄՍ նախարարությունը կոչ է անում տնօրեններին դասագրքերի հանձնման գործընթացը կազմակերպել` խստորեն պահպանելով անվտանգության կանոնները`տարածքի ախտահանում, սոցիալական հեռավորության պահպանում, մարդկային կուտակումների բացառում: Ավարտական դասարաններում գրքերի հանձնման գործընթացը կարող է կազմակերպվել ատեստատներն ստանալու օրերին, իսկ մնացած դասարաններում` ըստ դպրոցի տնօրենության հայեցողության։ [ԿԳՄՍՆ] 15։20- Կորոնավիրուսի տնտեսական հետևանքների չեզոքացման 10-րդ միջոցառման շրջանակում ՊԵԿ հաշվետվությունների ներկայացման էլեկտրոնային համակարգի միջոցով ուղարկվող դիմումների (այդ թվում` ճշտված) ներկայացման վերջնաժամկետը մայիսի 20-ն է: ՊԵԿ-ը հորդորում է հարկ վճարողներին, որոնք ստացել են ծանուցում` 10-րդ միջոցառման շահառու լինելու վերաբերյալ, միանվագ դրամաշնորհ ստանալու համար դիմումները ներկայացնել այսօր։ 14։33- Երևանի N49 մանկապարտեզն այսօր չի բացվել։ Աշխատողներից մեկի ջերմությունը բարձր է եղել: Դա արձանագրելուց հետո որոշվում է կայացվել թեստավորել ողջ անձնակազմին՝ կորոնավիրուսի վարակի առկայությունը հաստատելու կամ հերքելու համար: Թեստերի պատասխանները դեռ չկան։ |armtimes.com| 14։16- Մայիսի 20-ի դրությամբ Գյումրու ինֆեկցիոն հիվանդանոցում կորոնավիրուսով 68 հիվանդ է բուժում ստանում, նրանցից 33-ը Շիրակի մարզի բնակիչ է։ Հիվանդանոցից մինչ օրս դուրս է գրվել 114 պացիենտ։ 27 հիվանդներ բուժվում են մայրաքաղաքում: Շիրակի մարզում այս պահին տնային ինքնամեկուսացման ցուցում ունի 221 քաղաքացի։ Հիվանդության անախտանիշ ընթաքով 62 պացիենտներ տեղափոխվել են հյուրանոցներ, նրանցից 48-ը Շիրակի մարզի բնակիչներ են։ Արձանագրվել է մահվան 7 դեպք։ [Շիրակի մարզպետարան] 14։12- ԱԻՆ-ը շարունակում է ամենօրյա վարակազերծման գործընթացը հանրապետության բոլոր մարզերում և Երևանում: Ամենօրյա վարակազերծումներ են իրականացվում պոլիկլինիկաներում, բժշկական կենտրոններում, ծննդատներում, դեղատներում, բանկերում, վարկային կազմակերպություններում, շուկաներում, առևտրի կենտրոններում, սուպերմարկետներում և հանրային նշանակության այլ վայրերում։ Առավել մարդաշատ վայրերում վարակազերծում իրականացվում է մի քանի անգամ։ [ԱԻն] 14։00- Քաղաքացիական և քաղաքական իրավունքների մասին միջազգային դաշնագրով և Մարդու իրավունքների եվրոպական կոնվենցիայով ստանձնած պարտավորությունների համաձայն՝ ԱՀ ԱԳՆ-ն ծանուցագրեր է ուղարկել համապատասխանաբար ՄԱԿ-ի Գլխավոր քարտուղարին և ԵԽ Գլխավոր քարտուղարին։ Ծանուցագրերում նշվում է, որ Արցախի Հանրապետության ողջ տարածքում արտակարգ իրավիճակ է մտցվել 2020 թ․ ապրիլի 12-ին 30 օր ժամկետով և երկարաձգվել մինչև հունիսի 11-ը: [ԱՀ ԱԳՆ] 13։16- Համավարակի հնարավոր ռիսկերը չեզոքացնելու նպատակով այսօր ԱԺ շենքում իրականացվել է արտահերթ ախտահանում, որի անհրաժեշտությունն առաջացել էր նաև նախորդ օրը տեղի ունեցած բազմաթիվ միջոցառումների և աշխատանքային քննարկումների հանգամանքով։ [ԱԺ աշխատակզմի ղեկավար Տիգրան Գալստյան] 13։12- Այսօր Տավուշի մարզի Նոյեմբերյան քաղաքում լուրեր էին պտտվում, որ գրանցվել է կորոնավիրուսով վարակման դեպք։ Լուրը հաստատեց Նոյեմբերյանի համայնքապետ Կարեն Աբազյանը։ Ըստ նրա՝ անձը թեստ է հանձնել, իսկ պատասխանը դրական է եղել։ Տղամարդու ընտանիքի անդամներն ինքանամեկուսացվել են։ Պարզվում է կոնտակատվոր անձանց շրջանակը։ |hetq.am| 13։08- Կոտայքի մարզում հաստատվել է կորոնավիրուսային հիվանդության 7 նոր դեպք: Մայիսի 20-ի ժամը 11:00-ի դրությամբ Կոտայքի մարզում ունենք կորոնավիրուսային հիվանդության 507 հաստատված դեպքեր, որից առողջացել են 229 քաղաքացիներ, արձանագրված մահերի թիվը 10 է: [Կոտայքի մարզպետ Ռոմանոս Պետրոսյան] 12։56- Հասարակական տրանսպորտում վարորդները, ինչպես նաև բոլոր ուղևորները պարտավոր են կրել անհատական պաշտպանության միջոցներ՝ բժշկական դիմակ և ձեռնոցներ։ Նշված պահանջների խախտման դեպքում ուղևորները կիջեցվեն, իսկ մեքենան վարորդի հետ միասին կուղեկցվի ոստիկանություն՝ համապատասխան նյութեր նախապատրաստելու համար։ [ՀՀ ոստիկանություն] 12։41- Արտերկրից Հայաստան ժամանող ինքնաթիռների վայրէջքի ժամերին որոշ քաղաքացիներ շտապում են օդանավակայան՝ դիմավորելու իրենց հարազատներին։ Հայաստան ժամանած քաղաքացիները ավտոբուսներով ուղեկցվում են մեկուսացման վայրեր։ Հարազատներին դիմավորելու հնարավորություն և անհրաժեշտություն չկա։ Մարդկանց կուտակումներից զերծ մնալու և առողջության անվտանգության նկատառումներից ելնելով` կոչ ենք անում չգնալ օդանավակայան։ [ՀՀ Ոստիկանություն] 11:38- Օրերս համացանցում հայտարարություն է տարածվել, ըստ որի՝ ռեստորանային համալիրների, հանդիսությունների սրահների սեփականատերերին ու աշխատակիցներին, երգիչ-երաժիշտներին, հանդիսավարներին, խոհարարներին, մատուցողներին և այլ մասնագիտությունների տեր անձանց կոչ էր արվում հավաք իրականացնել։ Արտակարգ դրության ժամանակ արգելվում է հավաքների կազմակերպումը, անցկացումը և դրանց մասնակցելը։ Կոչ ենք անում չխախտել Կառավարության որոշման պահանջները։ Ցանկացած խախտում կառաջացնի իրավական հետևանքներ։ [ՀՀ ոստիկանություն] 11:03- Մահվան դեպքերի վերաբերյալ հայտնում ենք, որ պացիենտները եղել են 78 (տղամարդ), 65 (տղամարդ), 68 (տղամարդ) տարեկան և ունեցել են ուղեկցող քրոնիկական հիվանդություններ: [ԱՆ] 11:02- Թարմացվել է 20.05.2020թ․ ժամը 11։00-ին Հաստատված դեպքերի ընդհանուր քանակը - 5271 (+230)Առողջացածներ - 2419 (+255)Փաստացի բուժվողներ -2758Ընդհանուր թեստեր - 44071Մահվան ելքեր - 67 (+3)Մահվան ելքեր այլ պատճառով –27 (+2) [ԱՆ] 10։05- Հաստատվել են կորոնավիրուսի տնտեսական հետևանքների չեզոքացման 7-րդ և 8-րդ միջոցառումները: Կորոնավիրուսի տնտեսական հետևանքների մեղմման և երկրում պարենային անվտանգության հնարավոր բարձր մակարդակի ապահովման նպատակներից ելնելով` ընդլայնվել են աջակցության մի շարք միջոցառումների շրջանակները, նախատեսվել են աջակցության այլ ձևեր։ [Արցախ/տեղեկատվական շտաբ] Կորոնավիրուսի շուրջ զարգացումներ, Հայաստան, 21․05․20 Նորություններ կորոնավիրուսի մասին, աշխարհ, 20․05․20 Կորոնավիրուսի շուրջ զարգացումներ, Հայաստան, 19․05․20

22:50 - 20 մայիսի, 2020

Կորոնավիրուսի շուրջ զարգացումներ, Հայաստան, 18․05․20 (թարմացվող)

20:25- Կորոնավիրուսի հաղթահարման աջակցության հաշվին փոխանցվել մոտ 1 մլրդ 89 մլն 730 հազար դրամ, 730,196.9 դրամ, մուտքերի ընդհանուր քանակը 4280-ն է: [ՀՀ ֆինանսների նախարարություն]20:40- Յուրաքանչյուր միջանկյալ երթից հետո հասարակական տրանսպորտն ախտահանվում է հատուկ նյութով, իսկ արդեն օրվա ավարտին ախտահանումն իրականացնում է մասնագիտական կառույցը: [Երևանի քաղաքապետարան]20:36- Առավոտյան 7-ին բոլոր գնացքներն արդեն իսկ ախտահանված դուրս են եկել գիծ: Գնացքները ապահովված են նաև ալկոգելով: Կայարանային տարածքները ևս ախտահանվել են, ընդհանուր 10 կայարան՝ մինչև 15000 քմ տարածք: [Կարեն Դեմիրճյանի անվան մետրոպոլիտենի տնօրենի ժ/պ]20:35- Տեղադրվել են ալկոգելի հատուկ սարքեր, ամբողջությամբ փակցված են անհրաժեշտ նորմատիվ փաստաթղթերը, որպեսզի բնակչությունն իրազեկված լինի, թե մանրադրամի պահելու առումով, թե առանց ձեռնոցի և դիմակի մուտք չգործելու առումով, ինչպես նաև նստատեղից ավել ուղևորափոխադրում չիրականացնելու առումով։ [«Երևանի ավտոբուս» ՓԲԸ տնօրեն]19:11- ՀՀ ոստիկանությունը մայիսի 18-ին հայտնաբերել է մի քանի հասարակական տրանսպորտային միջոց, որոնց մեջ կային առանց դիմակի անձինք։ Ուղևորներն իջեցվել են, իսկ ավտոբուսները տեղափոխվել են պահպանվող հատուկ տարածք։17։18- Հանդիպեցի Երևանի մանկապարտեզներին սնունդ մատակարարող կազմակերպությունների ներկայացուցիչներին: Մեր պարտադիր պահանջն է, որ մատակարարող մեքենաները լինեն պատշաճ ախտահանված, իսկ աշխատակիցներն էլ ունենան համապատասխան հանդերձանք և կրեն պաշտպանիչ միջոցներ:Սննդի հիմնական ընդունումը պետք է կատարվի շինություններից դուրս՝ խստագույնս պահպանելով անվտանգության կանոնները: [Երևանի քաղաքապետի տեղակալ Տիգրան Վիրաբյան] 17։15- Արարատի մարզում, վերջին տվյալներով, կորոնավիրուսով հաստատված վարակակիրների թիվը 438 է, որոնցից 203-ը՝ առողջացած, 6-ը՝ մահվան ելքով։ Կորոնավիրուսային հիվանդությամբ այս պահին փաստացի բուժում է ստանում 229 պացիենտ: [Արարատի մարզպետարան] 16։43- Գեղարքունիքի մարզում հաստատվել է կորոնավիրուսային հիվանդության 19 նոր դեպք, ապաքինվել է 7 քաղաքացի: Մարզում ունենք կորոնավիրուսային հիվանդության հաստատված 263 դեպք, որից առողջացել են 115 քաղաքացի, արձանագրված մահերի թիվը 3 է: [Գեղարքունիքի մարզպետ Գնել Սանոսյան] 16։24- Կորոնավիրուսային հիվանդության դեպքերի աճին զուգահեռ մեծանում է նաև դավադրության տեսություններին հավատացողների թիվը։ Այս փաստն անհանգստացնում է մեզ՝ այն տեսանկյունից, որ մարդիկ կարող են կորցնել իրենց զգոնությունը հիվանդության նկատմամբ։ Իսկ դա նշանակում է, որ առաջիկայում այս ամենը կարող է նպաստել ավելի շատ դեպքեր ունենալուն։ Հաշվի առնելով վերջին օրերի վիճակագրությունը՝ մեր հայրենակիցներին հորդորում ենք ավելի ուշադիր լինել, հետևել բոլոր ցուցումներին։ [Արսեն Թորոսյան] 15։59- Մայիսի 18-ին Վրաստանում ՀՀ դեսպանությունը կազմակերպեց Վրաստանում գտնվող և Հայաստան մեկնել ցանկացող ՀՀ քաղաքացիների վեցերորդ խմբի մեկնումը Հայաստան։ [Վրաստանում ՀՀ դեսպանություն] 15։33- Մասնավոր ընկերությունների վարորդներն այսօր արդեն ահազանգում են, որ նման ուղեւորահոսքի պարագայում չեն կարող ապահովել գծատերերի սահմանած գումարները. վարորդների «պլանի վերանայման» հարցը դարձել է օրախնդիր: Երեւանի քաղաքապետի առաջին տեղակալ Հրաչյա Սարգսյանը, այսօր ասուլիսում անդրադառնալով այս հարցին, նշեց, որ հավանական է՝ վերանայվեն սահմանված գումարները, քանի որ նման փոքր ուղեւորափոխադրման պարագայում վարորդների շահույթը ոչ թե փոքր է, այլ ուղղակի չկա: |armtimes.com| 14։45- Երևանի քաղաքապետարանը կամբողջացնի իրենց ենթակայությամբ գործող թանգարանների, թատրոնների աշխատակիցների աշխատավարձի բացը, որպեսզի նրանք ողջ աշխատավարձը ստանան։ Այս մասին հայտնեց քաղաքապետի տեղակալ Տիգրան Վիրաբյանը։ Նա, անդրադառնալով թատրոնների ու թանգարանների գործունեությանը, նշեց՝ մշակութային կազմակերպություններ կան, որոնց բյուջեն գոյանում է ոչ միայն պետության հատկացրած սուբսիդիայից, այլև սեփական եկամուտներից։ Այդ կազմակերպությունների սեփական եկամուտները ձևավորվում են տոմսերի վաճառքից, վարձակալության գումարներից։|hetq.am| 14։35- Վատիկանում կարանտինից հետո բացվել է Սուրբ Պետրոսի տաճարը։ Տաճարն ու հարակից հատվածը երկու օր շարունակ ախտահանվել են: Մարտից Իտալիայում եկեղեցներն ու տաճարները փակվել էին, եկեղեցական արարողությունները կատարվում էին առանց հավատացյալների: |armenpress.am| 14։09- Էկոնոմիկայի նախարարությունում կայացել է հանդիպում ՀՀ տարածքում կորոնավիրուսի կանխարգելիչ միջոցառումների շրջանակում վարակակիրների հետ շփման անձանց շրջանակի մեկուսացման աշխատանքներում ներգրավված հյուրանոցային տնտեսության օբյեկտների (ՀՏՕ) ներկայացուցիչների հետ: Նախարարության ներկայացուցիչները տնտեսվարողների հետ քննարկել են առկա համագործակցության շրջանակներում ծագած խնդիրներն ու անելիքները: Նշվել է, որ կախված իրավիճակի զարգացումից՝ հնարավոր է փոփոխվի հետագա համագործակցության ձևաչափը: [Էկոնոմիկայի նախարարություն] 13։46- Շիրակի մարզում կորոնավիրուսից առողջացածների թիվը 91 է, անցած երկու օրերին Գյումրու ինֆեկցիոն հիվանդանոցից դուրս է գրվել 27 քաղաքացի։ Մայիսի 18-ի դրությամբ ինֆեկցիոն հիվանդանոցում կորոնավիրուսով 45 հիվանդ է բուժում ստանում, նրանցից 38-ը Շիրակի մարզի բնակիչ է։ 26 հիվանդներ բուժվում են մայրաքաղաքում: Հիվանդության անախտանիշ ընթաքով 62 պացիենտներ տեղափոխվել են հյուրանոցներ։ [Շիրակի մարզպետարան] 13:13- Այս պահին ունենք ուղևորափոխադրման աննախադեպ ցածր ցուցանիշ։ Մի քանի օրից ուղևորափոխադրումների տենդենցների ուսումնասիրության արդյունքում կկարողանանք որոշում կայացնել երթուղայինների հաճախականությունն ավելացնելու վերաբերյալ։ Այս պահին 95 տոկոսի դրությամբ, քաղաքացիները իրենք չեն նստում, երբ տեղերը լրացած են լինում։ Որոշ դեպքերում քաղաքացիները վեճի են բռնվում վարորդի հետ և ցանկանում են, որպեսզի իրենք կանգնած երթևեկեն։ Հանձնարարականը այնպիսին է, որ վարորդը կանգնեցնում է ավտոբուսը այնքան ժամանակ, մինչև տվյալ քաղաքացին չիջնի։ Այս պահին պահեստային ավտոբուսներ շահագործման անհրաժեշտություն չկա։ [Երևանի քաղաքապետի առաջին տեղակալ Հրաչյա Սարգսյան] 13:07- Վերջին երկու օրերին Կոտայքի մարզում գրանցվել է կորոնավիրուսային հիվանդության 74 նոր դեպք։ Մայիսի 18-ի ժամը 11:00-ի դրությամբ Կոտայքի մարզում ունենք կորոնավիրուսային հիվանդության 498 հաստատված դեպքեր, որից առողջացել են 204 քաղաքացիներ, արձանագրված մահերի թիվը 10 է: [Կոտայքի մարզպետ Ռոմանոս Պետրոսյան] 13:04- Նորքի տուն ինտերնատում կորոնավիրուսով վարակված 45 անձից ծայրահեղ ծանր վիճակում գտնվողներ չկան, նրանցից 28-ն ինտերնատի աշխատակիցներ են։ Այս մասին ասաց աշխատանքի և սոցիալական հարցերի նախարարության մամուլի խոսնակ Սոնա Մարտիրոսյանը։ Նա նշեց, որ վարակված աշխատակիցները մեկուսացվել են հյուրանոցներում, քանի որ ախտանշաններ չունեն։ Վարակված տարեցների մի մասը՝ մոտ 8 հոգի, գտնվում է բուժհաստատություններում, մյուսները մեկուսացված են հաստատության ներսում։ |panarmenian.net| : 12:56- Մառնեուլիի շրջանում գործող խիստ կարանտինային ռեժիմը չեղարկվել է, և հանվել է մուտքի ու ելքի արգելքը։ Վրաստանում գտնվող և Հայաստան մեկնել ցանկացող ՀՀ քաղաքացիներն այսուհետև կարող են անխոչընդոտ մեկնել Հայաստան Սադախլոյի անցակետով 10։00-18։00 ընկած ժամանակահատվածում։ Դեռևս արգելված է Վրաստանի տարածք օտարերկրացիների (այդ թվում՝ ՀՀ քաղաքացիների) մուտքը։ [Վրաստանում Հայաստանի դեսպանություն] 12:52- Մայր Աթոռ Սուրբ Էջմիածնում Առողջապահության նախարարության մարդասիրական օգնության կենտրոնին փոխանցվեց շուրջ 2000 բժշկական պաշտպանիչ արտահագուստ, որոնց արժեքը կազմում է 16 միլիոն դրամ: 12:36- ՄԻՊ-ին ահազանգ են ներկայացրել քաղաքացիներ և խնդրել Պաշտպանի աջակցությունը բեռնատարներով Իրանից Հայաստան պետական սահմանը հատելու հարցում։ Մի շարք բեռնատարներ վարորդներով գտնվում են ԻԻՀ տարածքում՝ ՀՀ սահմանագծի մոտ, և 3-4 օր է չեն կարողանում մուտք գործել ՀՀ տարածք, քանի որ 300-ից ավելի բեռնատար մեքենաների հերթեր են գոյացել: ՄԻՊ աշխատակազմը խնդիրը ներկայացրել է Պարետատան իրավասու ներկայացուցչին։ Մի շարք վարորդներ բեռնատար մեքենաներով հնարավորություն են ստացել մուտք գործել ՀՀ։ [ՄԻՊ] 12:12- 351 նոր դեպք կիրակի օրվա ընթացքում:4.823 ընդհանուր դեպք:2.718 ակտիվ դեպք:100-ից ավել ծանր և ծայրահեղ ծանր դեպք:61 մահ:1.3% մահացություն:[Արսեն Թորոսյան] 11։25- ՀՀ Պարետի ցուցումով այսօրվանից գործում են նախադպրոցական հաստատությունները, նախակրթարանները: Անցնող մի քանի օրերի ընթացքում մեր մարզի համայնքներում ակտիվ նախապատրաստվել են` մանկապարտեզ հաճախող փոքրիկներին հավուր պատշաճի և սահմանված նորմերին համապատասխան ընդունելու նպատակով: Մեր աշխատակազմի և մի շարք գերատեսչությունների ներկայացուցիչներից կազմված են հսկողություն իրականացնող խմբեր, որոնք նաև իրականացնելու են անակնկալ ստուգայցեր մարզի նախադպրոցական հաստատություններ և նախակրթարաններ` իրավիճակին տեղում ծանոթանալու նպատակով: [Կոտայքի մարզպետ Ռոմանոս Պետրոսյան] 11։01- Մահվան դեպքի վերաբերյալ հայտնում ենք, որ պացիենտը եղել է 84 (տղամարդ) տարեկան և ունեցել է ուղեկցող քրոնիկական հիվանդություններ: [ԱՆ] 10։52- Թարմացվել է 18.05.2020թ․ ժամը 11։00-ին Հաստատված դեպքերի ընդհանուր քանակը - 4823 (+351)Առողջացածներ - 2019 (+94)Փաստացի բուժվողներ -2718Ընդհանուր թեստեր - 41850Մահվան ելքեր - 61 (+1)Մահվան ելքեր այլ պատճառով –25 (+1) [ԱՆ] 09:31- Արենի խոշորացված համայնքի Արենի գյուղում կա արդեն մոտ 10 հաստատված դեպք, առողջապահության նախարարի առաջարկով որոշվել է սահմանել մուտքի և ելքի սահմանափակումներ՝ կորոնավիրուսի հետագա հնարավոր առավել տարածումից, վարակի նոր դեպքերից խուսափելու համար: Սահմանափակումները կշարունակվեն մինչև մայիսի 26-ը՝ նախնական. հնարավոր է, որ միջոցառումները թեթևացվեն կամ ավելի խստացվեն՝ կախված իրավիճակից: |azatutyun.am| 08:53- Այսօրվանից Երևանի հանրային տրանսպորտը վերսկսում է աշխատանքը հատուկ ռեժիմով: Տրանսպորտային միջոցում պարտադիր պետք է գտնվել դիմակով: Արգելվում է նաև վերգետնյա տրանսպորտում կանգնած ուղևորներ տեղափոխելը՝ բացառությամբ տրոլեյբուսների։ [Երևանի քաղաքապետարան] Կորոնավիրուսի շուրջ զարգացումներ, Հայաստան, 19․05․20 Նորություններ կորոնավիրուսի մասին, Աշխարհ, 18․05․20 Կորոնավիրուսի շուրջ զարգացումներ, Հայաստան, 17․05․20

22:49 - 18 մայիսի, 2020