ՀՖՖ

Հայաստանի ֆուտբոլի ֆեդերացիան (ՀՖՖ) հայկական ֆուտբոլը կառավարող մարմինն է։ Հիմնադրվել է 1992-ի հունվարի 18-ին։ ՖԻՖԱ-ի անդամ է 1992թ․-ից, ՈՒԵՖԱ-ի լիիրավ անդամ՝ 1993թ․-ից։

ՀՖՖ բարձրագույն մարմինը համագումարն է, որը 4 տարով ընտրում է նախագահ եւ գործադիր կոմիտեի անդամներ։ Աշխատանքային մարմինը գործկոմն է։ 2018թ․ սեպտեմբերի 22-ից ֆեդերացիայի նախագահ է ընտրվել ԱԱԾ տնօրեն, գնդապետ Արթուր Վանեցյանը։ 2019թ. դեկտեմբերի 23-ին ՀՖՖ նախագահ  է ընտրվել Արմեն Մելիքբեկյանը։

ՀՖՖ-ն ՀՀ բարձրագույն խմբի ակումբներին կտրամադրվի 3.5-ական միլիոն դրամ

ՀՖՖ-ն ՀՀ բարձրագույն խմբի ակումբներին կտրամադրվի 3.5-ական միլիոն դրամ

Արտակարգ դրության պայմաններում ՀՖՖ Գործադիր կոմիտեի հերթական նիստում քննարկեց ՈՒԵՖԱ-ի 55 անդամ ասոցիացիաների գլխավոր քարտուղարների՝ նախօրեին տեղի ունեցած տեսակոնֆերանսի արդյունքները և ձեռք բերված նախնական պայմանավորվածությունները, ինչպես նաև մարտի 30-ի դրությամբ հայկական ակումբներում տիրող իրավիճակը՝ ըստ վերջիններիս կողմից լրացված հարցաթերթիկների: Գործադիր կոմիտեին ներկայացվեցին ՈՒԵՖԱ-ի որոշումն ազգային և մինչև 21 տարեկանների հավաքականների խաղերի և ՈՒԵՖԱ-ի ակումբային մրցաշարերի հետաձգման  վերաբերյալ, ինչպես նաև դրանց հետագա անցկացման մասին ՈՒԵՖԱ-ի աշխատանքային համապատասխան խմբերի կողմից մշակման փուլում գտնվող հնարավոր սցենարները: ՈՒԵՖԱ-ի աշխատանքային խմբի կողմից մշակվող սցենարների կոնտեքստում Գործադիր կոմիտեի անդամները քննարկեցին ՀՀ Բարձրագույն և Առաջին խմբերի առաջնությունների վերսկսման ՀՖՖ աշխատակազմի կողմից մշակված երեք հնարավոր սցենարները և ժամկետները: Մասնավորապես, դիտարկվեցին ՀՀ առաջնությունների վերսկսման հետևյալ հնարավոր ժամկետները՝ մայիսի սկիզբ, հունիսի սկիզբ և հունիսի վերջ՝ կախված ՀՀ տարածքում Արտակարգ դրության հնարավոր ավարտից կամ վերջինիս ժամկետների հնարավոր երկարացումից: ՀՖՖ նախագահը Գործադիր կոմիտեի անդամներին ներկայացրեց ակումբների կողմից ստացված հարցաթերթիկների ամփոփ պատասխանները և ակումբներում տիրող ընդհանուր իրավիճակը: Այս շրջանակներում քննարկվեցին ակումբների և ֆուտբոլիստների միջև պայմանագրային, իրավական, ֆինանսական հարաբերություններին վերաբերող և այլ հարցեր: Հիմք ընդունելով ՈՒԵՖԱ-ի և ՖԻՖԱ-ի կողմից այս հարցերի վերաբերյալ շրջանառած խորհրդատվականները՝ կոմիտեն որոշում կայացրեց ակումբներին տրամադրել ՖԻՖԱ-ի համապատասխան կանոնակարգերից և ազգային օրենսդրությունից բխող իրավահարաբերությունների կանոնակարգման վերաբերյալ համապատասխան խորհրդատվական: Չնայած այն հանգամանքին, որ ՀՀ Բարձրագույն խմբի առաջնությունը և VBET Գավաթի խաղարկությունը հետաձգվել են, և այս պահին ՀՖՖ-ն չի կարողանում իրականացնել Բարձրագույն խմբի առաջնության և VBET Գավաթի խաղարկության հովանավորների նկատմամբ պայմանագրերով ստանձնած պարտավորությունները, այնուամենայնիվ, ՀՖՖ նախագահի առաջարկով Գործադիր կոմիտեն որոշեց VBET Գավաթի խաղարկության մասնակից բոլոր ակումբներին փոխանցել VBET Գավաթի խաղարկության հովանավորչական պայմանագրերով նախատեսված գումարները՝ ընդհանուր առմամբ 20,500,000 ՀՀ դրամ՝ յուրաքանչյուր ակումբին այս պահի դրությամբ խաղարկությունում մասնակցած փուլերի չափաքանակով:   ՀՖՖ նախագահի մեկ այլ առաջարկով Գործադիր կոմիտեն որոշեց ակումբներին փոխանցել նաև Բարձրագույն խմբի հովանավորչական և կենտրոնացված հեռարձակման պայմանագրերով նախատեսված գումարների երկրորդ մասը՝ յուրաքանչյուր ակումբին 3,500,000 ՀՀ դրամ (երկու փոխանցումների մասով էլ բացառություն կկազմի Երևան ՖԱ, որի հասանելիք գումարները կփոխանցվեն ակումբի այն ֆուտբոլիստներին և աշխատակիցներին, ովքեր բողոք էին ներկայացրել ՀՖՖ ակումբի նկատմամբ՝ որպես  չստացված աշխատավարձերի մի մասի փոխհատուցում): Գործադիր կոմիտեի հաջորդ նիստը նախատեսվում է անցկացնել ապրիլի կեսերին, երբ առաջնությունների վերսկսման հնարավոր ժամկետների և ՈՒԵՖԱ-ի համապատասխան աշխատանքային խմբերի կողմից մշակվող սցենարների վերաբերյալ կլինի ավելի որոշակի հստակություն:         
17:21 - 03 ապրիլի, 2020
Բարդ որոշում էր. Հայաստանի ֆուտբոլի ընտրանու նոր մարզիչ Կապարոս |armenpress.am|

Բարդ որոշում էր. Հայաստանի ֆուտբոլի ընտրանու նոր մարզիչ Կապարոս |armenpress.am|

armenpress.am: Հայաստանի ֆուտբոլի ազգային թիմի նորանշանակ մարզիչ Խոակին Կապարոսն առաջին մեկնաբանությունն է տվել հավաքականը գլխավորելուց հետո: «Սևիլիան» ինձ համար տան պես է, մարզչի աշխատանքն իմ կյանքն է: Հետաքրքրող առաջարկ ստացա Խինես Մելենդեսից` Հայաստանի ֆուտբոլի ֆեդերացիայի տեխնիկական տնօրենից: Հայաստանի ընտրանին գլխավորելը բարդ, բայց հավասարակշռված որոշում էր: Ցանկությունս էր նորից իմ մասնագիտությանը վերադառնալ»,- նորանշանակ մարզչի խոսքը փոխանցում է Cope կայքը: Խոակին Կապարոսը ծնվել է 1955 թվականի հոկտեմբերի 15-ին՝ իսպանական Ուտրետա քաղաքում։  Հայտնի է Բիլբաոյի «Ատլետիկում», «Դեպորտիվոյում» և հատկապես «Սևիլիայում» մարզչական աշխատանքով: «Սևիլիա» ֆուտբոլային ակումբի ղեկին ամենաշատ հանդիպումներ անցկացրած մարզիչն է։   2019 թվականին Կապարոսը պարգևատրվել է Սևիլիա նահանգի Ոսկե մեդալով։ 
15:11 - 10 մարտի, 2020
Խոակին Կապարոսը՝ Հայաստանի ազգային հավաքականի գլխավոր մարզիչ

Խոակին Կապարոսը՝ Հայաստանի ազգային հավաքականի գլխավոր մարզիչ

Հայաստանի ազգային հավաքականի գլխավոր մարզիչ է նշանակվել իսպանացի 64-ամյա հայտնի մասնագետ Խոակին Կապարոսը: Պայմանագիրը ուժի մեջ է մինչև 2021 թ. նոյեմբերի 30-ը:  Այս մասին հայտնում է Հայաստանի Ֆուտբոլի Ֆեդերացիայի պաշտոնական կայքը։ Խոակին Կապարոսը ծնվել է 1955 թվականի հոկտեմբերի 15-ին՝ իսպանական Ուտրետա քաղաքում։  Հայտնի է Բիլբաոյի «Ատլետիկում», «Դեպորտիվոյում» և հատկապես «Սևիլյայում» մարզչական աշխատանքով: «Սևիլյա» ֆուտբոլային ակումբի ղեկին ամենաշատ հանդիպումներ անցկացրած մարզիչն է։ 2019 թվականին Կապարոսը Սևիլյայի նահանգի կողմից պարգևատրվել է Ոսկե մեդալով։ Խոակին Կապարոսի մարզչական կարիերան  Սան Խոսե Օբրերո (Իսպանիա) – 1981-1984 Կամպիլյո (Իսպանիա) – 1984-1986 Մոտիլյա (Իսպանիա) – 1986-1989 Կաստիլե-Լա Մանչա (Իսպանիա) – 1989-1990 Խիմնաստիկո Ալկասար (Իսպանիա) – 1990-1992 Կոնկենսե (Իսպանիա) – 1992-1993 Մանսանարես (Իսպանիա) – 1994-1995 Մորալո (Իսպանիա) – 1995-1996 Ռեկրեատիվո (Իսպանիա) – 1996-1999 Անդալուսիա (Իսպանիա) – 1998-2000 Վիլյառեալ (Իսպանիա) – 1999 Սևիլյա (Իսպանիա) – 2000-2005 Դեպորտիվո Լա Կորունյա (Իսպանիա) – 2005-2007 Աթլետիկ Բիլբաո (Իսպանիա) – 2007-2011 Նյուշատել Քսամաքս (Շվեցարիա) – 2011 Մալյորկա (Իսպանիա) – 2011-2013 Լևանտե (Իսպանիա) – 2013-2014 Գրանադա (Իսպանիա) – 2014-2015 Օսասունա (Իսպանիա) – 2016-2017 Ալ Ահլի (Քաթար) – 2017 Սևիլյա (ԺՊ) (Իսպանիա) – 2018 Սևիլյա (ԺՊ) (Իսպանիա) – 2019 
13:49 - 10 մարտի, 2020
ՀՖՖ-ում սկսել են «զտել» գործկոմ ընտրող ՀԿ-ներին․ Հայկ Կարապետյան |panarmenian.net|

ՀՖՖ-ում սկսել են «զտել» գործկոմ ընտրող ՀԿ-ներին․ Հայկ Կարապետյան |panarmenian.net|

panarmenian.net: Հայաստանի ֆուտբոլի ֆեդերացիայի ղեկավարը կընտրվի դեկտեմբերի 23-ին, իսկ մինչ այդ թեկնածություն առաջադրելու մասին կարող է հայտարարել ցանկացած ոք՝ ֆուտբոլի հետ կապ ունեցող և ոչ: Այս մասին ասաց ՀՖՖ-ի հասարակայնության հետ կապերի բաժնի ղեկավար Հայկ Կարապետյանը: Պատասխանելով ՀՖՖ ղեկավար դառալու հայտ ներկայացրած թեկանծուների մասին հարցին՝ Կարապետյանը նշեց, որ թեկնածուների վերաբերյալ դեռևս ինֆորմացիա չկա: «Ցանկացած ոք կարող է հիմա հայտարարել, որ ինքը առաջադրվելու է, բայց դա մեկնաբանելը ֆեդերացիայի գործառույթը չէ: Կարող է ՀՖՖ-ի հետ որևէ կապ չունեցող կամ այլ գործունեությամբ զբաղվող ցանկացած մարդ հայտարարել այդ մասին: Դրա դրդապատճառներն ու մոտիվացիան պետք է իրենցից ճշտեք, այլ ոչ թե ՀՖՖ-ից»,- ասաց Կարապետյանը: Անդրադառնալով ֆեդերացիայի գործկոմի կուսակցականացված կազմի մասին հարցին և նոր հնարավոր կազմի մասին դիտարկմանը՝ Կարապետյանը ասաց, որ գործկոմի ընդգրկվող թեկնածուներին առաջարկում են ՀՖՖ անդամ հասարակական կազմակերպությունները: «ՀԿ-ներն իրավասու են առաջադրել ցանկացած թեկնածուի, որին իրենք հարմար են համարում, կլինի կուսակցական, թե՝ ոչ, ժամանակը ցույց կտա»,-ասաց Կարապետյանը՝ հավելելով, որ ՀՖՖ-ում արդեն սկսվել է նաև այդ ՀԿ-ների «զտման» գործընթացը: Նոյեմբերի 25-ին հայտնի դարձավ, որ 20-րդ դարի Հայաստանի լավագույն ֆուտբոլիստ Խորեն Հովհաննիսյանը կառաջադրի թեկնածությունը ՀՖՖ՝ Հայաստանի ֆուտբոլի ֆեդերացիայի նախագահի պաշտոնում: Նոյեմբերի 21-ին ՀՖՖ նախագահ Արթուր Վանեցյանը հայտարարել էր հրաժարականի մասին։  
10:58 - 25 նոյեմբերի, 2019
Արթուր Վանեցյանը պատրաստ է հրաժարական տալ ՀՖՖ գործադիր կոմիտեի անդամների հրաժարականի և  ՀՖՖ ժողովի անդամ ՀԿ-ների ֆիլտրման պայմանով

Արթուր Վանեցյանը պատրաստ է հրաժարական տալ ՀՖՖ գործադիր կոմիտեի անդամների հրաժարականի և ՀՖՖ ժողովի անդամ ՀԿ-ների ֆիլտրման պայմանով

Վերջին 3 ամիսների ընթացքում հայկական ֆուտբոլում տեղի ունեցող իրադարձությունները, տիրող մթնոլորտը և ներքին տարաձայնություններն ունեցան իրենց ուղիղ ազդեցությունը Հայաստանի ազգային հավաքականի մրցելույթների վրա՝ որոնց գագաթնակետը դարձավ Իտալիա - Հայաստան հանդիպումը։ Ժամանակավրեպ ենք համարում, Արթուր Վանեցյանի և ՀՖՖ գործադիր կոմիտեի անդամների ներքին հակասությունների մեջ փնտրել մեղավորին, միևնույն ժամանակ, ակնհայտ է, որ այս հակամարտությունը շարունակական վնաս է հասցնում մեր ֆուտբոլին: Հաշվի առնելով վերոնշյալը կարծում ենք , որ և Արթուր Վանեցյանը և Գործադիր կոմիտեի ամբողջ կազմը պետք է հաջորդաբար հրաժարականներ ներկայացնեն: Հույժ կարևոր խնդիր է ՀՖՖ ժողովի (սա ՀՖՖ բարձրագույն մարմինն է, որն ընտրում է և՛ նախագահին, և՛ գործկոմի անդամներին) կազմի ֆիլտրումը, քանի որ այստեղ գրանցված 35 հասարակական կազմակերպությունների գերակշիռ մասը ունեն անհայտ ծագում, մի մասը առհասարակ չի գործում և կրում է սիմվոլիկ բնույթ, ինչպես նաև այստեղ է հայտնվել ՀՖՖ նախկին նախագահ Ռուբեն Հայրապետյանի «թեթև ձեռքով»՝ ծառայելով նեղ անձնական շահերի։ «Առաջին Հայկական Ճակատ» շարժման ղեկավար խորհրդի անդամները գործկոմի նիստից առաջ հանդիպել են ՀՖՖ նախագահի հետ և առաջարկել քայլերի հետևյալ հաջորդականությունը՝ ՀՖՖ ժողովի անդամ ՀԿ-ների ֆիլտրում՝ ձևավորելով անաչառ, իրական ֆուտբոլային մարմին, ՀՖՖ նախագահի հրաժարական, գործադիր կոմիտեի արձակում։ Կարծում ենք քաղաքական գործիչները և ֆուտբոլի հետ աղերս չունեցող մարդիկ չպետք է հայտնվեն գործադիր կոմիտեի կազմում, ինչպես նաև այստեղ չպետք է լինեն ակումբների սեփականատերը, որպեսզի չստեղծվեն անհավասար պայմաններ հայկական ակումբային ֆուտբոլում։ «Առաջին Հայկական Ճակատ» շարժման ղեկավար խորհրդի անդամների հետ հանդիպման ժամանակ Արթուր Վանեցյանը հայտարարեց, որ պատրաստ է ընդունել մեր կողմից ներկայացված հրաժարականի հորդորը, պայմանով, որ գործադիր կոմիտեի անդամները ևս հեռանան և իրականացվի ՀՖՖ ժողովի անդամ ՀԿ-ների ֆիլտրում և մաքրում անհայտ ծագմամբ և ոչ ֆուտբոլային ՀԿ-ներից, որոնք մեր պահանջների հավասարաչափ կարևոր կետերն են։ Այս հայտարարության պահանջը պետք է իրականացվի ամենասեղմ ժամկետներում, այլ ճանապարհ չկա։
11:53 - 21 նոյեմբերի, 2019
ՀՖՖ գործկոմի մի խումբ անդամներ Խաշմանյանի նշանակումը կանոնակարգի խախտում են համարում |armenpress.am|

ՀՖՖ գործկոմի մի խումբ անդամներ Խաշմանյանի նշանակումը կանոնակարգի խախտում են համարում |armenpress.am|

armenpress.am։ Հայաստանի ֆուտբոլի ֆեդերացիայի գործկոմի մի քանի ներկայացուցիչներ առոչինչ են որակել ՀՖՖ նախագահ Արթուր Վանեցյանի կողմից Աբրահամ Խաշմանյանին հավաքականի գլխավոր մարզիչ նշանակելու փաստը: Ֆեդերացիայի Ներքին աուդիտի եւ համապատասխանության կոմիտեի նախագահ Մեսրոպ Առաքելյանը «Ֆեյսբուք»-ի իր էջում գրել է, որ ՀՖՖ-ի նախագահն իրավունք չունի նշանակել հավաքականի գլխավոր մարզիչ: «Համաձայն կանոնադրության 39-րդ հոդվածի «թ» կետի՝ գլխավոր մարզիչի նշանակման իրավասությունը պատկանում է բացառապես ֆեդերացիայի գործադիր կոմիտեին։ Ժողովի կողմից 26.06.2019թ ընդունված կանոնադրությունը, համաձայն 80-րդ հոդվածի, դեռեւս իրավական ուժ չի ստացել, քանի որ չի հաստատվել պետական ռեգիստրի կողմից։ Այսպիսով, Հայաստանի ազգային հավաքականի գլխավոր մարզիչի նշանակումը առանց գործադիր կոմիտեի ուժ չունի եւ առոչինչ է»,-գրել է Առաքելյանը: «ՀՖՖ նախագահի նման վարքագիծն անընդունելի է եւ պետք է համապատասխան վերաբերմունքի արժանանա ՀՖՖ գործկոմի ու ընդհանուր ֆուտբոլային հանրույթի կողմից»,- նշել է ֆեդերացիայի գործկոմի անդամ, ՀՀ առողջապահության նախարար Արսեն Թորոսյանը: «Իմ քայլը» խմբակցության քարտուղար, ՀՖՖ գործկոմի անդամ Հակոբ Սիմիդյանը, ՀՖՖ գործկոմի անդամ, «Իմ քայլը» խմբակցության պատգամավոր Արեն Մկրտչյանը «Ֆեյսբուք»-ի իրենց էջում կիսվել են ՀՖՖ Ներքին աուդիտի և համապատասխանության կոմիտեի նախագահ Մեսրոպ Առաքելյանի գրառմամբ:
10:13 - 07 նոյեմբերի, 2019
ՀՖՖ նախագահ Արթուր Վանեցյանը՝ համազգային մարզադաշտ կառուցելու մտադրության մասին |tert.am|

ՀՖՖ նախագահ Արթուր Վանեցյանը՝ համազգային մարզադաշտ կառուցելու մտադրության մասին |tert.am|

tert.am: Ազգային անվտանգության ծառայության տնօրեն և Հայաստանի ֆուտբոլի ֆեդերացիայի նախագահ Արթուր Վանեցյանը Shantnews-ին տված հարցազրույցում հայտարարել է, որ մտադիր են համազգային մարզադաշտ կառուցվել: Նա նշել է, որ այն չեն կարող Հրազադան մարզադաշտի վերակառուցման հաշվին անել, քանի որ այն չի համապատսխանում ՈւԵՖԱ-ի պահանջներին: «Հրազդան մարզադաշտն այսօր, ցավոք, վերականգնել հնարավոր է, բայց անգամ այդ դեպքում ՈւԵՖԱ-ն այդ մազադաշտում թույլտվություն չի տալու պաշտոնական խաղեր անցկացնել, քանի որ չի համապատասխանում անվտանգության պահանջներին, որոնք սահմանել է ՈւԵՖԱ-ն»,- ասաց նա և նշեց, որ այնտեղ կարող են ուղղակի ներքին առաջնություններ անցկացնել: Չնայած դրան, ասաց, որ Հրազդան մարզադաշտի սեփականատիրոջ հետ հանդիպել է և վերականգնման հարցը քննարկել են, և այդ ուղղությամբ աշխատանքներ են տարվում: Նա ասաց, որ ցանկանում են կառուցել նորը Երևանում, սակայն այստեղ էլ խնդիր կա, քանի որ այդ տրամագծով տարածք գտնել հնարավոր չէ, և իրենք դիտարում են Երևանին մոտ մարզերը: Այստեղ էլ, ըստ նրա, խնդիր է առաջանում պոտենցիալ ներդողների հետ, քանի որ ենթակառուցվածքներ մարզադաշտին կից պետք է լինեն՝ հյուրանոց, առևտրի կենտրոն և այլն, որ օգուտ ստանան, իսկ Երևանից դուրս դժվար է պատկերացնել, որ ներդումները հետ կստանան:  
07:30 - 15 հունիսի, 2019
ՀՖՖ-ն սկսում է մարզերում խաղադաշտերի կառուցման խոշորամասշտաբ ու աննախադեպ ծրագիր |armenpress.am|

ՀՖՖ-ն սկսում է մարզերում խաղադաշտերի կառուցման խոշորամասշտաբ ու աննախադեպ ծրագիր |armenpress.am|

armenpress.am: Ֆուտբոլի մասսայականացման ծրագրի շրջանակներում Հայաստանի ֆուտբոլի ֆեդերացիան սկսում է մարզերում խաղադաշտերի կառուցման խոշորամասշտաբ ու աննախադեպ ծրագիր: Ինչպես հայտնեց ՀՖՖ նախագահի խորհրդական Զոհրապ Եգանյանը, առաջին փուլի շինարարական աշխատանքները կմեկնարկեն մոտ օրերս և ըստ հաստատված հերթականության շինաշխատանքները սկսվելու են հետևյալ համայնքներում. Արարատի մարզի Արարատ գյուղ, Վայոց Ձորի մարզ. Վայք, Ջերմուկ, Գլաձոր, Մալիշկա, Արտաբույնք (բնակավայր), Արենի, Խաչիկ, Ելփին, Աղավնաձոր և Զառիթափ համայնքներ:Գեղարքունիքի մարզ. Ճամբարակ, Ծովագյուղ, Լճաշեն, Հայրիվանք, Նորատուս, Կարմիրգյուղ, Գեղարքունիք, Երանոս, Լիճք, Գեղհովիտ, Աստղաձոր, Արծվանիստ, Ծովակ, Ակունք և Մեծ Մասրիկ համայնքներ:40/20 չափի խաղադաշտերը կառուցվելու են ՀՖՖ–ի կողմից, որից հետո նվիրաբերվելու են համայնքներին, այս ծրագրի նպատակը հատկապես գյուղական համայնքներում ֆուտբոլ խաղալը հասանելի դարձնելն է: ՀՖՖ նախագահի կողմից ֆեդերացիայի աշխատակազմի առաջ դրված այս խնդրի կատարում թույլ կտա գալիք տարին Հայաստանի ողջ տարածքում ունենալ շուրջ 500 ֆուտբոլային խաղադաշտեր և դրանց գերակշիռ մասը լինելու են գյուղական համայնքներում: «Բարի երթ բոլորիս, առաջ դեպքի ֆուտբոլային փայլուն ապագա և այն հաստատ գալու է, քանզի ֆուտբոլը զարգացնելու համար այն պետք է նախ հասանելի լինի հնարավորինս շատ թվով մարդկանց»,- ասված է Զոհրապ Եգանյանի տարածած հաղորդագրության մեջ:
07:39 - 14 մայիսի, 2019