ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

Եվրահանձնաժողովին խնդրել են պատվաստանյութի հարցով օգնել Արևելյան գործընկերության երկրներին
 |azatutyun.am|

Եվրահանձնաժողովին խնդրել են պատվաստանյութի հարցով օգնել Արևելյան գործընկերության երկրներին |azatutyun.am|

azatutyun.am: Եվրամիության անդամ 13 երկրներ դիմել են գործադիր մարմին Եվրահանձնաժողովին՝ հորդորելով Արևելյան գործընկերությունում ընդգրկված 6 երկրներին օգնել կորոնավիրուսի դեմ պատվաստանյութ ստանալու գործում։ Այդ երկրների ԱԳ նախարարների ստորագրած համատեղ նամակի պատճենը Թվիթերի իր էջում հրապարակել է «Ազատ Եվրոպա/Ազատություն» ռադիոկայանի Բրյուսելի թղթակից Ռիկարդ Յոզվյակը։ «Մենք գտնում ենք, որ մեր սահմաններն անվտանգ չեն լինի, եթե մենք աջակցություն չցուցաբերենք մոտիկ հարևաններին», - գրել են ԵՄ 13 երկրների արտգործնախարարներն ու ընդգծել․ - «2021 թվականի առաջին կիսամյակում նախատեսված Արևելյան գործընկերության գագաթնաժողովի ժամկետը մոտենալու համատեքստում անհրաժեշտ է ուժեղ և համակարգված ազդանշան Արևելյան գործընկերության ռազմավարական արժեքների մասին։ Պատվաստանյութի հասանելիության և բաշխման դյուրացումը կարող է նման ազդանշանի կարևոր տարր լինել»։ ԵՄ Արևելյան գործընկերության 6 երկրների թվում է նաև Հայաստանը։
20:02 - 06 հունվարի, 2021
Եվրամիությունը դատապարտել է Եմենում միջազգային օդանավակայանի հրթիռակոծությունը |tert.am|

Եվրամիությունը դատապարտել է Եմենում միջազգային օդանավակայանի հրթիռակոծությունը |tert.am|

tert.am: Եվրամիությունը վճռականորեն դատապարտել է եմենյան Ադենի միջազգային օդանավակայանի հրթիռակոծությունը, որտեղ գտնվելիս են եղել երկրի նոր կառավարության անդամները: Այս մասին հայտնում է РИА Новости-ն՝ հղում անելով ԵՄ արտաքին քաղաքական ծառայության պաշտոնական ներկայացուցիչ Պիտեր Ստանոյի հայտարարությանը: «ԵՄ-ը վճռականորեն դատապարտում է նոր կառավարության անդամների ժամանումից անմիջապես հետո Ադենի օդանավակայանի վրա հարձակումը: Սա բռնության անընդունելի գործողություն է, որը տեղի է ունենում Էրռիադյան համաձայնագրի համապարփակ քաղաքական լուծման իրագործման առանցքային պահին»,- նշվում է հաղորդագրությունում: Բացի այդ՝ ԵՄ-ն իր ցավակցությունն է հայտնել զոհվածների ընտանիքներին և վերահաստատել, որ Եմենում առկա հակամարտությունը կարգավորելու համար կա միայն քաղաքական լուծում: Հիշեցնենք, որ Ադենի օդանավակայանի ժամանումների սրահում ուժեղ պայթյուն էր որոտացել Սաուդյան Արաբիայից ինքնաթիռով կառավարական պատվիրակության՝ այնտեղ ժամանելու պահին։
09:27 - 31 դեկտեմբերի, 2020
ՀՀ ԱԺ Եվրոպական ինտեգրման հարցերի մշտական հանձնաժողովի անդամները հանդիպել են ԵՄ դեսպանին

ՀՀ ԱԺ Եվրոպական ինտեգրման հարցերի մշտական հանձնաժողովի անդամները հանդիպել են ԵՄ դեսպանին

ՀՀ ԱԺ Եվրոպական ինտեգրման հարցերի մշտական հանձնաժողովի անդամները` հանձնաժողովի նախագահ Արման Եղոյանի գլխավորությամբ, դեկտեմբերի 29-ին հանդիպել են Հայաստանում ԵՄ պատվիրակության ղեկավար, դեսպան Անդրեա Վիկտորինի հետ։ Ինչպես տեղեկացրին նշված հանձնաժողովից, հանդիպման մասնակիցները քննարկել են համագործակցության հարցերի լայն շրջանակ, մասնավորապես, ՀՀ-ԵՄ համագործակցության հեռանկարները, Արցախի դեմ սանձազերծված պատերազմի հետևանքով ստեղծված իրավիճակն ու զարգացումները և COVID-19 համավարակի հետևանքով սոցիալ-տնտեսական ճգնաժամը հաղթահարելու հնարավորությունները: «ՀՀ-ում ԵՄ պատվիրակության ղեկավար, դեսպան Անդրեա Վիկտորինը նշեց, որ Եվրոպական միության կողմից ֆինանսավորվող Արագ արձագանքման մեխանիզմի միջոցով ներկայումս իրականացվում են բազմաբնույթ ծրագրեր՝ միտված Արցախից տեղահանված ընտանիքներին աջակցությանը: Դեսպան Վիկտորինը վերստին հաստատեց ԵՄ պատրաստակամությունը՝ աջակցելու Հայաստանի Հանրապետությանը բարեփոխումներ իրականացնելու նպատակով։ Այս համատեքստում դեսպանը հայտնել է ՀՀ-ում արդարադատության ոլորտի բարեփոխումների իրականացմանն աջակցելու նպատակով Հայաստանի կառավարությանը 9 միլիոն եվրոյի չափով դրամաշնորհ հատկացնելու, ինչպես նաև COVID-19 համավարակի դեմ պայքարին աջակցելու համար Հայաստանին հավելյալ 24 միլիոն եվրո դրամաշնորհ հատկացնելու կարևորության մասին։ Կողմերը գոհունակությամբ արձանագրել են ՀՀ-ԵՄ Համապարփակ և ընդլայնված գործընկերության համաձայնագրի ԵՄ անդամ 27 պետությունների կողմից վավերացման գործընթացի ավարտը։ Հատուկ շեշտվել է ԵՄ ֆինանսավորմամբ «ՀՀ Ազգային ժողովի կարողությունների հզորացում` Համապարփակ և ընդլայնված գործընկերության համաձայնագրի վերահսկողության ու կիրարկման հետագա աջակցության համար» թվինինգ ծրագրի կարևորությունը»,- ասվում է հաղորդագրության մեջ։
21:44 - 29 դեկտեմբերի, 2020
Մենք ներդնում ենք ամեն հնարավոր ջանք՝ աջակցելու  Հայաստանին. ԵՄ դեսպանի ուղերձը

Մենք ներդնում ենք ամեն հնարավոր ջանք՝ աջակցելու Հայաստանին. ԵՄ դեսպանի ուղերձը

ԵՄ դեսպան Անդրեա Վիկտորինն Ամանորյա ուղերձ է հղել, որում ասված է. «Մոտենում են տոնական օրերը, երբ մենք, որպես կանոն կարող էինք  հանդիպել  մտերիմների հետ, ճաշակել համեղ ուտեստներ, փոխանակել նվերներ, այցելել հարազատներին  և ընկերներին։ Կարծում եմ, որ այս անգամ տոնակատարումները բավականին կտարբերվեն։ Այս տարին ավարտում ենք առերեսվելով ողբերգական իրադարձությունների, որոնք խիստ ծանր ազդեցություն ունեցան Հայաստանի և հայ ժողովրդի վրա։ Տարեսկզբին մոլեգնած Քովիդ համավարակի հետևանքով կորսվեցին մարդկային կյանքեր, առողջություն, ինչպես նաև տնտեսական անվտանգությունը։ Լեռնային Ղարաբաղի պատերազմում կորսվեցին մարդկային կյանքեր, առողջություն, ինչպես նաև կայունության զգացողությունը։ Սիրտս լցված է վշտով և կարեկցանքով այն մարդկանց հանդեպ, ովքեր կորցրել են իրենց սիրելիներին։ Չնայած, որ ինձ համար ծանր է ասել,  սակայն բոլորս գիտենք, որ դժվարություններն այսքանով չեն ավարտվել։   Հայաստանում այս պահին գրանցված է 90 000 տեղահանված անձ, որոնք հնարավորություն չունեն տոներն անցկացնել իրենց տներում։ Այս բարդ ժամանակահատվածում 20 000 հյուրընկալ ընտանիք իր դռներն է բացել և ընդունել պատերազմից Հայաստան փախած անձանց՝ առաջարկելով հյուրընկալություն։ Տեղական և միջազգային կազմակերպություններն օգնում են ինչպես կարողանում են։ Դեռևս ընթացող համավարակի պայմաններում յուրաքանչյուրիս փրկության համար աշխատում են առողջապահության ոլորտի հազարավոր աշխատակիցներ, ուսուցիչներ, ոստիկաններ և այլք՝ վտանգելով սեփական առողջությունն ու կյանքը։     Խոսելով Հայաստանում Եվրոպական միության պատվիրակության ողջ անձնակազմի՝ բոլորիս անունից, խոստանում եմ, որ մենք ներդնում ենք ամեն հնարավոր ջանք՝ աջակցելու  Հայաստանին այս բարդ իրավիճակում։ Համավարակի բռնկման սկզբից ևեթ, մենք համավարակի հետևանքների չեզոքացման ուղղությամբ մեծ աշխատանք ենք կատարել։ Թիմ կազմելով տեղական կազմակերպությունների հետ՝  կենցաղային պարագաների կարիք ունեցող անձնաց ապահովել ենք սննդով և հիգիենայի պարագաներով, իսկ երեխաներին՝ պլանշետներով, նրանց ուսումը տանը շարունակելու նպատակով։ ԵՄ անդամ պետությունների հետ միասին, հիվանդանոցներին ապահովել ենք բժշկական սարքավորումներով։  ԵՄ երկրներից Հայաստան ժամանած բժշկական ոլորտի բազմաթիվ արհեստավարժ մասնագետներ աջակցել են իրենց հայաստանյան գործընկերներին։ Դրամաշնորհ ենք հատկացրել փոքր բիզնեսներին: 2021 թվականին նախատեսվում է հավելյալ աջակցություն ուղղել մասնավոր հատվածին։ Մինչ այժմ մենք տրամադրել ենք  35.6 մլն եվրո ՀՀ կառավարությանը՝ աջակցելու խոցելի խմբերի ընտանիքներին և գործարարությանը։    Մեր անդամ պետությունների հետ միասին, ԼՂ պատերազմի հետևանքով տուժած բնակչությանը ցուցաբերել ենք հումանիտար աջակցություն։ Եվրոպական  հանձնաժողովը տրամադրել է 3.9  մլն եվրո աջակցություն՝ տարածաշրջանում հակամարտության հետևանքով տուժած քաղաքացիական բնակչությանը աջակցելու նպատակով։ Մենք շարունակում ենք  մեր համագործակցությունը տեղական կազմակերպությունների հետ՝ ԼՂ-ից տեղահանված բնակիչներին տրամադրելով սնունդ, հիգիենայի անհրաժեշտ պարագաներ, ինչպես նաև հոգեբանական աջակցության:  Միաժամանակ գիտակցում ենք, որ պետք է անել  շատ ավելին, և մենք մեծ աշխատանք ենք կատարում՝  ձեզ աջակցելու նպատակով։ Սիրելի հայ ժողովուրդ, Բնականոն հանգամանքներում, ես կմաղթեի բոլորիս ուրախ Նոր Տարի։ Սակայն այսօր համեստորեն մաղթում եմ  ձեզ, որ գալիք տարին լինի հույսի և խաղաղության, ինչպես նաև առողջության համավարակի վերջն ազդարարող տարի։ Նաև ցանկանում եմ կորով՝ հանուն ձեզ, ձեր սիրելիների, ինչպես նաև Հայաստանի համար։ Ավելի լավ և պայծառ օրերը թող շուտ գան»։  
20:39 - 29 դեկտեմբերի, 2020
ԵՄ-ը Թուրքիայի կրկին զգուշացնում է մարդու իրավունքների կոպիտ խախտման վերաբերյալ |1lurer.am|

ԵՄ-ը Թուրքիայի կրկին զգուշացնում է մարդու իրավունքների կոպիտ խախտման վերաբերյալ |1lurer.am|

1lurer.am: Եվրամիությունն Անկարային զգուշացրել է, որ լրագրող Ջան Դյունդարի՝ երկար տարիներով ազատազրկման խիստ դատավճիռը ոտնահարում է երկրում մարդու իրավունքներն ու վնասում Անկարա-Բրյուսել հարաբերությունները: Այս մասին հայտնում է Al Arabiya-ն: Թուրքիայի դատարանը թուրքական Cumhuriyet պարբերականի նախկին խմբագիր Ջան Դյունդարին դատապարտել էր ավելի քան 27 տարվա ազատազրկման՝ լրտեսության ու ահաբեկչության մեղադրանքով: Նախկին խմբագիրը Գերմանիա էր մեկնել 2016-ին Թուրքիայում տեղի ունեցած ռազմական հեղաշրջման անհաջող փորձից հետո: Եվրամիությունը բազմիցս իր մտահոգությունն է հայտնել Թուրքիայում օրենքի գերակայության, հիմնարար իրավունքի և դատական համակարգի բացասական զարգացումների կապակցությամբ: Պաշտոնական Բրյուսելը նշել է, որ որպես ԵՄ անդամակցության թեկնածու պետություն՝ Թուրքիան պետք է անհապաղ հստակ ու կայուն առաջընթաց ապահովի հիմնարար իրավունքները հարգելու ուղղությամբ, որոնք հանդիսանում են ԵՄ-Թուրքիա հարաբերությունների անկյունաքարը:
13:26 - 26 դեկտեմբերի, 2020
Վրաստանի խորհրդարանը միաձայն հավանություն է տվել ԵՄ-ին ու ՆԱՏՕ-ին անդամակցելու մասին բանաձևի նախագծին |tert.am|

Վրաստանի խորհրդարանը միաձայն հավանություն է տվել ԵՄ-ին ու ՆԱՏՕ-ին անդամակցելու մասին բանաձևի նախագծին |tert.am|

tert.am: Վրաստանի խորհրդարանը միաձայն հավանություն է տվել Եվրամիությանն ու ՆԱՏՕ-ին անդամակցելու երկրի ձգտման մասին բանաձեւի նախագծին, հաղորդում է ՏԱՍՍ-ը։«Հյուսիսատլանտյան պայմանագրի կազմակերպությանն անդամակցությունը Վրաստանի արտաքին քաղաքականության անվիճելի գերակայությունն է։ Անդրատլանտյան միասնությունը համաշխարհային անվտանգության ամրապնդման կարեւորագույն պայմանն է»,- ասված է բանաձեւի տեքստում։Նշվում է, որ երկրի արտաքին քաղաքականության անվիճելի գերակայությունն է նաեւ ԵՄ-ին լիիրավ անդամակցությունը։ Բացի այդ, բանաձեւում նշվում է, որ Վրաստանը կողմ է հակամարտությունների բացառապես խաղաղ կարգավորմանը։Հոկտեմբերին իշխող «Վրացական երազանք» կուսակցության գործադիր քարտուղար Իրակլի Կոբախիձեն հայտարարել էր, որ Վրաստանը 2024 թվականին ԵՄ-ին լիիրավ անդամակցության հայտ կներկայացնի․ դա իշխանությունների նախընտրական գլխավոր խոստումն էր։Վրաստանը ՆԱՏՕ-ի հետ համագործակցում է 1990-ականների վերջից։ 2002 թվականի նոյեմբերին երկրի նախագահ Էդուարդ Շեւարդնաձեն Պրահայում կայացած գագաթնաժողովում հայտարարեց դաշինքի անդամակցելու երկրի ցանկության մասին: Այդ ձգտումը հաստատել է նաեւ հաջորդ նախագահ Միխայիլ Սաակաշվիլին։ Նոր կառավարությունը, որն իշխանության է եկել 2012 թվականի հոկտեմբերին «Վրացական երազանք»-ի հաղթանակից հետո, շարունակել Է ՆԱՏՕ-ին ինտեգրվելու քաղաքականությունը։
11:03 - 26 դեկտեմբերի, 2020
Լոնդոնն ու Բրյուսելը համաձայնության են հասել Brexit-ից հետո իրենց հարաբերությունների շուրջ

 |armenpress.am|

Լոնդոնն ու Բրյուսելը համաձայնության են հասել Brexit-ից հետո իրենց հարաբերությունների շուրջ |armenpress.am|

armenpress.am: Մեծ Բրիտանիան եւ Եվրամիությունը դեկտեմբերի 24-ին ավարտել են Brexit-ից հետո իրենց ապագա հարաբերությունների շուրջ համաձայնագրի տեքստի համաձայնեցումը: Բանակցություններն ավարտվելու մասին հաղորդել են Եվրահանձնաժողովի ղեկավար Ուրսուլա ֆոն դեր Լյայենը եւ Դաունինգ-սթրիթը: «Մենք, վերջապես, գտանք փոխադարձ համաձայնություն: Դա երկար եւ ոլորապտույտ ճանապարհ Էր, բայց մենք կարող ենք լավ գործարք ցուցադրել»,-մամուլի ասուլիսում ասել Է ֆոն դեր Լյայենը: Մեծ Բրիտանիայում վարչապետ Բորիս Ջոնսոնը նշել Է, որ համաձայնության շուրջ ԵՄ-ի հետ բանակցություններն անցել են լավ եւ Մեծ Բրիտանիային կայունություն են նվիրել: «Ես հավատում եմ, որ դա լավ գործարք Է նաեւ ամբողջ Եվրամիության համար»,-ասել Է վարչապետը: Ձեռք բերված համաձայնագիրն ուժի մեջ մտնելու համար անհրաժեշտ Է, որ կողմերը դրա վավերացում անցկացնեն: Այս հարցում եզրափակչի կետը կդնեն Մեծ Բրիտանիայի խորհրդարանը եւ Եվրախորհրդարանը: Բրիտանական խորհրդարանը դեկտեմբերի 30-ին քվեարկություն կանցկացնի Եվրամիության հետ ապագա հարաբերությունների վերաբերյալ համաձայնագրի օրինագծի շուրջ, հայտարարել Է վարչապետ Ջոնսոնը: Ձեռք բերված համաձայնագիրը Մեծ Բրիտանիայի խորհրդարանի քվեարկության ժամանակ խոստացել Է պաշտպանել նաեւ Մեծ Բրիտանիայի գլխավոր ընդդիմադիր Լեյբորիստական կուսակցությունը. դա դեկտեմբերի 24-ին խոստացել Է այս կուսակցության առաջնորդ Քիր Սթարմերը: Գործարքի համաձայնեցված տեքստը նաեւ ներկայացվելու Է ԵՄ-ի խորհրդին, այնուհետեւ՝ Եվրոպական խորհրդարանին: Նախքան ԵՄ-ի խորհրդի կողմից քննարկումը, տեքստերի վրա պետք Է աշխատեն Եվրամիության երկրների մշտական ներկայացուցիչները: Ինչ վերաբերում Է Եվրախորհրդարանի (ԵԽ) կողմից համաձայնագրի քննարկմանը, ապա, ԵԽ-ի նախագահ Դավիդ Սասոլիի խոսքով, այն այս տարի չի կայանա, քանի որ համաձայնագիրը ձեռք Է բերվել վերջին պահին, հաղորդել Է «Ինտերֆաքս»-ը:
13:31 - 25 դեկտեմբերի, 2020
Brexit-ի գծով առեւտրական համաձայնագրի վրա աշխատնաքը կտեւի ամբողջ գիշեր. ԵՀ |armenpress.am|

Brexit-ի գծով առեւտրական համաձայնագրի վրա աշխատնաքը կտեւի ամբողջ գիշեր. ԵՀ |armenpress.am|

armenpress.am: Լոնդոնը եւ Բրյուսելը գիշերը կշարունակեն աշխատել Brexit-ի գծով առեւտրական համաձայնագրի վրա: Դեկտեմբերի 24-ին այդ մասին Twitter-ում հայտնել Է Եվրահանձնաժողովի (ԵՀ) պաշտոնական ներկայացուցիչ Էրիկ Մամերը: Մեծ Բրիտանիան Եվրամիությունը լքել Է 2020 թվականի փետրվարի լույս 1-ի գիշերը՝ դուրս գալու պայմանների առիթով երեք տարվա կոնսուլտացիաներից հետո: Կողմերը համաձայնության են եկել մինչեւ ընթացիկ տարվա վերջն անցումային շրջանի շուրջ, որի ժամանակ Միացյալ Թագավորության վրա տարածվում են բոլոր եվրոպական նորմաները, այդ թվում կապված միասնական շուկայի կանոններով առետրի հետ: Մինչեւ անցումային շրջանի վերջը, որը երկարաձգել Մեծ Բրիտանիայի կառավաությունը հրաժարվել Է, կողմերը պետք Է համաձայնության գան ապագա հարաբերությունների ձեւաչափի շուրջը եւ կնքեն ազատ առեւտրի համաձայնագիր: Մեծ Բրիտանիայի իշխանությունները վերջին շաբաթների ընթացքում ասում են երկու «հիմնարար հարցերի» շուրջը զիջումներ անելու՝ Եվրամիության չցանկանալու մասին, որոնցում Բրյուսելի պահանջները Լոնդոնը համարում Է իր ինքինշխանության սահմանափակում: Դրանցից առաջինը Մեծ Բրիտանիայի բացառիկ տնտեսական գոտում ձկան որսի բաժնեմասերի բաշխումն Է Brexit-ից հետո անցումային շրջանն ավարտվելուց: Գործարք տանող ճանապարհին երկրորդ խոչընդոտն այսպես կոչված խաղի միասնական կանոններն են, այսինքն՝ Բրիտանիայի եւ Եվրոպայի ընկերությունների համար հավասար մրակցության պայմանների ապահովման պահանջը: Դեկտեմբերի 23-ին Reuters գործակալությունը, վկայակոչելով Ֆրանսիայի կառավարության մի աղբյուր, տեղեկացրել Է, որ Միացյալ Թագավորության իշխանությունները վերջին երկու օրը լուրջ զիջումներ են արել բանակցություններում: Ավելի վաղ Sky News հեռուստաալիքը հայտնել Է, որ Մեծ Բրիտանիայի եւ Եվրամիության իշխանություններն սկզբունքային համաձայնության են հասել ապագա հարաբերությունների եւ ազատ առեւտրի համաձայնագրի կնքնման շուրջը, հաղորդել Է ՏԱՍՍ-ը:
10:35 - 24 դեկտեմբերի, 2020
Մենք ուզում ենք նոր տարում նոր էջ բացել ԵՄ-ի ու Միացյալ Նահանգների հետ հարաբերություններում. Էրդողան |tert.am|

Մենք ուզում ենք նոր տարում նոր էջ բացել ԵՄ-ի ու Միացյալ Նահանգների հետ հարաբերություններում. Էրդողան |tert.am|

tert.am: Չորեքշաբթի օրը Թուրքիայի նախագահ Ռեջեփ Թայիփ Էրդողանն ասել է, որ Թուրքիան հույս ունի «նոր էջ բացել» ԱՄՆ-ի և Եվրամիության հետ իր հարաբերություններում, և որ Անկարայի նկատմամբ երկակի ստանդարտներ են կիրառվել ինչպես ՆԱՏՕ-ի շրջանակում դաշնակից Վաշինգտոնի, այնպես էլ դաշինքի կողմից, հայտնում է reuters.com լրատվական գործակալությունը:Այս ամիս Վաշինգտոնը պատժամիջոցներ է կիրառել Թուրքիայի նկատմամբ՝ ռուսական S-400 հակաօդային պաշտպանության համակարգեր ձեռք բերելու համար, և ԵՄ-ն, իր հերթին, պատժիչ միջոցառումներ է նախատեսել` կապված Եվրոպական Միության անդամ Հունաստանի և Կիպրոսի հետ Միջերկրական ծովում տնտեսակն գոտու նկատմամբ իրավունքների վերաբերյալ վեճի հետ, սակայն Միությունը որոշել է դրանք հետաձգել մինչև մարտ:Խոսելով իր անդամակցած իշխող «Արդարություն և զարգացում» կուսակցության օրենսդիրների հետ՝ Էրդողանն ասել է, որ «արհեստական օրակարգերը» փորձարկում են Թուրքիայի կապերը ԵՄ-ի և Միացյալ Նահանգների հետ 2020 թվականին, սակայն նա հույս ունի, որ իրավիճակը կբարելավվի:«Թուրքիան բախվում է երկակի ստանդարտների ինչպես Արևելյան Միջերկրական ծովի, այնպես էլ S-400-ների հարցում: Մենք ուզում ենք նոր տարում նոր էջ բացել ԵՄ-ի ու Միացյալ Նահանգների հետ հարաբերություններում», - նշել է Էրդողանը:«Մենք չենք տեսնում մեր բազմակողմ քաղաքական, տնտեսական և ռազմական համագործակցությունը որպես այլընտրանք Միացյալ Նահանգների հետ մեր արմատական հարաբերություններին: Եվ մենք ցանկանում ենք, որ ԵՄ-ն ազատվի ռազմավարական կուրությունից, որով Թուրքիան հեռացնում է իրենից», - հավելել է նա:ԱՄՆ-ի պատժամիջոցները Թուրքիայի նկատմամբ կիրառվել են երկու երկրների միջև առանց այդ էլ լարված հարաբերությունների ֆոնին՝ մի ժամանակահատվածում, երբ ԱՄՆ-ի նորընտիր դեմոկրատական նախագահ Ջո Բայդենը պատրաստվում է ստանձնել նախագահի իր լիազորությունները՝ փոխարինելով գործող հանրապետական նախագահ Դոնալդ Թրամփին:
18:14 - 23 դեկտեմբերի, 2020
ԵՄ-ն ՀՀ-ին հատկացնում է հավելյալ 24 մլն․ եվրո դրամաշնորհ COVID-19 դեմ պայքարի շրջանակում

ԵՄ-ն ՀՀ-ին հատկացնում է հավելյալ 24 մլն․ եվրո դրամաշնորհ COVID-19 դեմ պայքարի շրջանակում

Եվրոպական միությունը հայտնել է ՀՀ կառավարությանը ՔՈՎԻԴ-19 համավարակի դեմ պայքարին աջակցելու նպատակով Հայաստանին հավելյալ 24 միլիոն եվրո դրամաշնորհ հատկացնելու մասին։ Այս մասին հայտնեցին ՀՀ-ում ԵՄ գրասենյակից: ԵՄ որոշումը կայացվել է ԵՄ-ի և ՀՀ կառավարության միջև ստորագրված «ՔՈՎԻԴ-19 համավարակի դիմակայման  պայմանագրի» շրջանակներում նախատեսված «Միջնաժամկետ սոցիալ-տնտեսական վերականգնման ծրագիր»-ի մշակման, ինչպես նաև մակրոտնտեսական կայունության, պետական ֆինանսների կառավարման և պետական բյուջեի թափանցիկության բարեփոխումների առաջընթացի վերաբերյալ դրական գնահատականի արդյունքում: 24 միլիոն եվրո արժողությամբ այս նոր հատկացումը ԵՄ-ի կողմից Հայաստանին ՔՈՎԻԴ-19 համավարակի դիմակայման նպատակով տրամադրվող 92 մլն եվրո աջակցության բաղկացուցիչ մաս է՝ միտված օգնելու Հայաստանին ՔՈՎԻԴ-19 ճգնաժամի դեմ պայքարում և ամրապնդելու երկրի տնտեսական և ֆինանսական դիմակայունությունը։ Այսօր հայտարարված այս աջակցությունը տրամադրվում է ի լրումն նախորդ ամիս տրամադրված 35,6 միլիոն եվրո աջակցությանը՝ լրացուցիչ ֆիսկալ տարածք բացելով Կառավարության առողջապահական և հակաճգնաժամային միջոցառումների իրականացման համար՝ ուղղված ՔՈՎԻԴ-19 համավարակի հետևանքով տուժած խոցելի խմբերի և ձեռնարկությունների օժանդակությանը։ «Մենք բարձր ենք գնահատում Եվրոպական միության աջակցությունն այս բարդ ժամանակներում և մեր երախտագիտությունն ենք հայտնում ԵՄ-ի կառուցողական և արագ արձագանքի համար՝ ի լրումն նախորդ ամիս տրամադրված 35.6 մլն. եվրո աջակցությանը: Այս նոր հատկացումը տրամադրվել է ՀՀ կառավարության և Եվրոպական միության միջև 2020թ. ստորագրված բյուջետային աջակցության ծրագրի շրջանակում, որն ուղղված է ՔՈՎԻԴ-19 համավարակի դիմակայմանը: Մենք համոզված ենք, որ այն մեծապես կնպաստի համավարակից  Հայաստանի վերականգնմանը՝ օգնելով Կառավարությանը հաղթահարել ճգնաժամի արդյունքում առաջացած դժվարությունները»,-նշել է ՀՀ փոխվարչապետ Մհեր Գրիգորյանը։ «Եվրոպական միությունը և ԵՄ անդամ պետությունները վճռականորեն աջակցում են Հայաստանին ՔՈՎԻԴ-19 համավարակի դեմ պայքարում՝ դրամաշնորհային օժանդակության միջոցով նպաստելով առողջապահության և սոցիալ-տնտեսական վերականգնմանն ու դիմակայունության ամրապնդմանն ուղղված Հայաստանի ջանքերին: Այս տարի մենք Հայաստանին արդեն հատկացրել ենք ՔՈՎԻԴ-19–ի հետևանքների չեզոքացմանն ուղղված շուրջ 60 միլիոն եվրո դրամաշնորհ ուղղակի բյուջետային աջակցության տեսքով, և դեռ սպասվում է ավելին: Ակնկալվում է, որ մեր օժանդակությունը կօգնի իրականացնել կարևոր տնտեսական բարեփոխումներ, պահպանել աշխատատեղեր և փոքր ձեռնարկություններ, ինչպես նաև խթանել Հայաստանի ներառական տնտեսական աճը: Համավարակի դեմ պայքարը վստահաբար դեռ չի ավարտվել, բայց մենք կարող ենք այն հաղթահարել միայն միասնական լինելով»,- նշել է Հայաստանում ԵՄ պատվիրակության ղեկավար, դեսպան Անդրեա Վիկտորինը: ԵՄ արձագանքը բխում է «Team Europe» մոտեցումից, որի նպատակն է փրկել կյանքեր՝ մեր գործընկերներին ցուցաբերելով արագ և նպատակային աջակցություն՝ ուղղված այս համաճարակի դիմակայմանը: Այն համատեղում է ԵՄ-ի, նրա անդամ պետությունների և եվրոպական ֆինանսական կառույցների ռեսուրսները՝ աջակցելու գործընկեր երկրներին, ինչպես նաև արձագանքելու նրանց կարճաժամկետ կարիքներին և հասարակության ու տնտեսության վրա երկարաժամկետ կառուցվածքային ազդեցություններին։
14:36 - 23 դեկտեմբերի, 2020