Աֆղանստան

Սահմանակցում է արևմուտքից Իրանի Իսլամական Հանրապետությանը, հարավից և հարավ-արևմուտքից` Պակիստանին, հյուսուսից` Թուրքմենստանին, Ուզբեկստանին և Տաջիկստանին, ծայր արևելքից` Չինաստանին և Հնդկաստանին։

Երկիրը գտնվում է մայրցամաքի կենտրոնում, ծովերից հազարավոր կիլոմետրեր հեռու, ինչով էլ պայմանավորված է երկրի խիստ ցամաքային կլիման: Երկրի արևելքում վեր են խոյանում Հինդուկուշի լեռները, որոնց լանջին է գտնվում Աֆղանաստանի մայրաքաղաք Քաբուլը։ Երկրի ամենախոշոր գետը` Փյանջը, հոսում է Տաջիկստանի սահմանով։ Աֆղանստանի խոշոր քաղաքներից են Կանդահարը, Հերաթը, Մազարի Շարիֆը և այլն։

Հայաստանի Հանրապետության և Աֆղանստանի Իսլամական Հանրապետության (ԱԻՀ) միջև դիվանագիտական հարաբերությունները հաստատվել են 1996թ. սեպտեմբերի 5-ին:

Քաբուլում սպանել են Աֆղանստանի նախագահի խորհրդականին |armenpress.am|

Քաբուլում սպանել են Աֆղանստանի նախագահի խորհրդականին |armenpress.am|

armenpress.am: Քաբուլում սպանվել Է հանրային գործերի հարցերով Աֆղանստանի նախագահի ավագ խորհրդական Մուհամեդ Հասան Հոթաքը: Օգոստոսի 31-ին այդ մասին հայտնել Է Աֆղանստանի 1TV հեռուստաալիքը՝ վկայակոչելով ոստիկանությանը: Հեռուստաալիքի տվյալներով՝ խորհրդականն սպանվել Է օգոստոսի 30-ի երեկոյան իր տան մոտ: Աֆղանստանի նախագահ Աշրաֆ Ղանին իր հայտարարության մեջ դատապարտել Է սպանությունը՝ այն համարելով ահաբեկչական գործողություն, հաղորդել Է ՏԱՍՍ-ը:

13:30 - 31 օգոստոսի, 2020

Աֆղանստանում բնական աղետի զոհ է դարձել առնվազն 72 մարդ |azatutyun.am|

Աֆղանստանում բնական աղետի զոհ է դարձել առնվազն 72 մարդ |azatutyun.am|

azatutyun.am: Աֆղանստանում հորդառատ անձրևներին հաջորդած հեղեղումների հետևանքով զոհվել է առնվազն 72 մարդ: Բնական աղետը տեղի է ունեցել մայրաքաղաք Քաբուլից հյուսիս գտնվող Փարվանի նահանգում, որտեղ հեղեղումների և սելավի արդյունքում տներ են փլուզվել: Նահանգի իշխանությունները ենթադրում են, որ զոհերի թիվը կավելանա, քանի որ մեծ թվով բնակիչներ մնացել են փլատակներում: Մոտ 90 բնակիչներ վնասվածքներ են ստացել և փոխադրվել են նահանգանիստ Չարիքարի հիվանդանոց: Զոհերի մեծամասնությունը կանայք և երեխաներ են: Աղետը վերապրածներից մի քանիսը ծայրահեղ ծանր վիճակում են:

15:29 - 26 օգոստոսի, 2020

Քաբուլի վրա արձակվել է 14 հրթիռ
|azatutyun.am|

Քաբուլի վրա արձակվել է 14 հրթիռ |azatutyun.am|

azatutyun.am: Աֆղանստանի մայրաքաղաք Քաբուլը ենթարկվել է հրթիռակոծության, վիրավորվել է առնվազն 10-ը մարդ: Գրոհից հետո օտարերկրյա դեսպանատներն անմիջապես փակվել են: Ընդհանուր հաշվով 14 հրթիռ է արձակվել Քաբուլի վրա, դրանցից 4-ը հարվածել են «Կանաչ գոտի» թաղամասին, որտեղ գտնվում են օտարերկրյա դիվանագիտական առաքելությունները, ՆԱՏՕ-ի կենտրոնակայանը և միջազգային կամզակերպությունների գրասենյակները: Ձերբակալվել է երկու կասկածյալ: Միջադեպից ընդամենը ժամեր առաջ նախագահ Աշրաֆ Գանին մասնակցել է Աֆղանստանի անկախության օրվան նվիրված հանրային միջոցառմանը:

19:30 - 18 օգոստոսի, 2020

Խաղաղապահների հերթական զորախումբը մեկնել է Աֆղանստան

Խաղաղապահների հերթական զորախումբը մեկնել է Աֆղանստան

Օգոստոսի 13-ին ՀՀ ԶՈՒ խաղաղապահ բրիգադի հերթական զորախումբը մեկնել է Աֆղանստան։ Այդ մասին հայտնում են ՀՀ ՊՆ պաշտոնական կայքում: Հայկական զորախումբը կմասնակցի վերապատրաստման դասընթացների և նախատեղակայման վարժանքների, որից հետո խաղաղարար առաքելություն կիրականացնի Աֆղանստանում միջազգային անվտանգության աջակցության ուժերի կազմում։ Նշվում է, որ հայ խաղաղապահները մշտապես բարձր են պահել Հայաստանի, հայ զինծառայողի պատիվը, առաքելությունների ընթացքում արժանացել վերադաս հրամանատարության, ինչպես նաև արտերկրի բարձրաստիճան զինվորականների բարձր գնահատականին:

15:53 - 15 օգոստոսի, 2020

Աշխարհում կորոնավիրուսով վարակակիրների թիվն անցել է 18.7 միլիոնը |azatutyun.am|

Աշխարհում կորոնավիրուսով վարակակիրների թիվն անցել է 18.7 միլիոնը |azatutyun.am|

azatutyun.am: Աշխարհը շարունակում է պայքարել նոր կորոնավիրուսի դեմ: Համաճարակի սկզբից ի վեր վարակվել է մոլորակի ավելի քան 18.7 միլիոն բնակիչ: Վիրուսից առաջացած բարդությունների հետևանքով ավելի քան 706 հազար է մարդ մահացել: Իրավիճակն առավել լարված է շարունակում մնալ ԱՄՆ-ում, Բրազիլիայում և Հնդկաստանում: Բայց պաշտոնական թվերը և իրականությունը կարող են տարբերվել. Աֆղանստանում, օրինակ, Առողջապահության համաշխարային կազմակերպության (ԱՀԿ) աջակցությամբ իրականացված հակամարմինների առկայության զանգվածային թեստերի արդյունքները ցույց են տալիս, որ երկրի բնակչության մեկ երրորդը, հնարավոր է, վարակվել է կորոնավիրուսով: Ղրղզստանը բժշկական անձնակազմի շրջանում վարակվածների թվով աշխարհում ամենաբարձր ցուցանիշներից մեկն ունի. օգոստոսի սկզբի տվյալներով` վարակվել է ավելի քան 2 հազար 700 բուժաշխատող: Մոսկվայի քաղաքապետը հեռուստատեսությամբ հայտարարել է, որ քաղաքում դիմակներ կրելը պարտադիր կմնա ևս մի քանի ամիս: Կուզբասի հինգ քաղաքներում վերադարձվել են որոշ սահմանափակումներ` ֆիթնես կենտրոնները, մանկական խմբակները կրկին փակ են, արգելվում են բազմամարդ միջոցառումները, ռեստորանները այցելուներին կարող են սպասարկել միայն բաց տարածքներում: Covid-19 վարակը հայտնաբերվել է Կալմիկիայի ղեկավար Բատու Խասիկովի մոտ: Սակայն այս ամենի ֆոնին իր ծրագիրն է հայտարարել «Կինոտավր» կինոփառատոնը, որը նախատեսվում է անցկացնել Սոչիում սեպտեմբերի կեսերին:

09:27 - 06 օգոստոսի, 2020

Թրամփը հայտարարել Է, որ կկրճատի իր զորակազմն Աֆղանստանում |armenpress.am|

Թրամփը հայտարարել Է, որ կկրճատի իր զորակազմն Աֆղանստանում |armenpress.am|

armenpress.am: ԱՄՆ-ի նախագահ Դոնալդ Թրամփը հայտարարել Է, որ Միացյալ Նահանգներն ամերիկացի զինծառայողների թվաքանակը Աֆղանստանում մոտ ժամանակներս կկրճատի մինչեւ չորս հազար: «Մենք շատ կարճ ժամանակաշրջանում (զորակազմի թվաքանակը) կկրճատենք մինչեւ ութ հազար, այնուհետեւ կկրճատենք մինչեւ չորս հազար: Մենք այժմ բանակցություններ ենք վարում»,-ասել Է Թրամփը Axios պորտալին տված հարցազրույցում: Նա չի ճշտել, թե հատկապես երբ տեղի կունենա զորակազմի կրճատումը: «Շատ շուտով»,-խոստացել Է Թրամփը՝ հրաժարվելով նշել կոնկրետ ժամանակային շրջանակներ: Լրագրողի այն հարցին, թե որքան կլինի զորակազմի թվաքանակն Աֆղանստանում ԱՄՆ-ի նոյեմբերյան ընտրությունների ժամանակ, Թրամփը պատասխանել Է, որ այն կկազմի, «հավանաբար, 4-ից մինչեւ 5 հազար»: Փետրվարի վերջին Քատարում կայացած արարողության ընթացքում ԱՄՆ-ը եւ «Թալիբան» արմատական շարժումն ստորագրել են պատերազմի ավելի քան 18 տարվա ընթացքում առաջին հաշտության համաձայնագիրը, որը նախատեսում Է Աֆղանստանից օտարերկրյա զորքերի դուրսբերում 14 ամսվա ընթացքում եւ միջաֆղանական երկխոսության սկսում գերիների փոխանակման գործարքի ավարտից հետո: Ավելի վաղ պետքարտուղար Մայք Փոմպեոն հայտարարել Էր, որ ԱՄՆ-ը պլանավորում Է զորքերն ամբողջությամբ Աֆղանստանից դուրս բերել մինչեւ 2021 թվականի մայիսը, հաղորդել Է ՌԻԱ Նովոստին:

13:28 - 04 օգոստոսի, 2020

Աֆղանստանի նախագահը կարգադրել է ազատ արձակել 500 թալիբների |armenpress.am|

Աֆղանստանի նախագահը կարգադրել է ազատ արձակել 500 թալիբների |armenpress.am|

armenpress.am: Աֆղանստանի նախագահ Աշրաֆ Ղանին կարգադրել Է ազատ արձակել 500 թալիբան («Թալիբան» շարժման անդամներ) բանտարկյալների՝ ի պատասխան իսլամիստների կողմից եռօրյա զինադադար հայտարարելու: Այդ մասին հուլիսի 31-ին հաղորդել Է Tolo News հեռուստաալիքը: Ղանին հայտարարել Է, որ այդ 500 բանտարկյալները չեն մտնում այն ցուցակի մեջ, որն Աֆղանստանի կառավարությանը տրամադրվել Էր թալիբանների կողմից, եւ որ նրանք ազատ են արձակվելու առաջիկա չորս օրվա ընթացքում: Նա նշել Է, որ Աֆղանստանի կառավարությունն արդեն ազատ Է արձակել 4600 թալիբ բանտարկյալների: Աֆղանստանի նախագահը կոչ Է արել թալիբներին՝ որքան կարելի Է ավելի շուտ սկսել հաշտության բանակցությունները: Ղանին իր որոշման մասին հայտարարեց այն բանից հետո, երբ թալիբներն իրենց կողմից ավարտեցին 1000 մարդու ազատ արձակումը, որոնք գերի Էին գտնվում իրենց մոտ, ինչը նախատեսված Էր Դոհայում ստորագրված համաձայնագրով: «Թալիբան»-ի ներկայացուցիչը Twitter-ում հայտնել Է, որ հուլիսի 30-ին իրենք բաց են թողել 82 բանտարկյալների, ինչի արդյունքում թալիբների կողմից ազատ արձակվածների ընդհանուր թիվը հասել Է 1005 մարդու: Փետրվարի վերջին Քատարի մայրաքաղաք Դոհայում ԱՄՆ-ի եւ «Թալիբան»-ի միջեւ ստորագրված համաձայնագրի համաձայն, միջաֆղանական հաշտության բանակցությունների գործարկման համար պայման պետք Է դառնա գերիների փոխանակումը կառավարության եւ արմատական շարժման միջեւ: Աֆղանստանի իշխանությունները պետք Է ազատ արձակեն 5000 զինյալների, թալիբները՝ անվտանգության ուժերի 1000 աշխատակիցների, հաղորդել Է «Ինտերֆաքս»-ը:

16:44 - 31 հուլիսի, 2020

ԱՄՆ-ի հատուկ ներկայացուցիչը հանդիպում կունենա Աֆղանստանի նախագահի հետ |armenpress.am|

ԱՄՆ-ի հատուկ ներկայացուցիչը հանդիպում կունենա Աֆղանստանի նախագահի հետ |armenpress.am|

armenpress.am: ԱՄՆ-ի հատուկ ներկայացուցիչ Զալմայ Խալիլզադը ժամանել Է Քաբուլ, որտեղ նա պլանավորում Է հանդիպումներ անցկացնել Աֆղանստանի նախագահ Աշրաֆ Ղանիի եւ Ազգային հաշտեցման բարձրագույն խորհրդի նախագահ Աբդուլլա Աբդուլլայի հետ: Այդ մասին ՌԻԱ Նովոստիին հայտնել Է նախագահի պալատի մի աղբյուր:Ավելի վաղ Աֆղանստան այցելելու Խալիլզադի պլանների մասին հայտնել Էր ԱՄՆ-ի Պետդեպարտամենտը:«Զալմայ Խալիլզադը ժամանել Է Քաբուլ եւ պետք Է հանդիպում ունենա նախագահ Ղանիի եւ Ազգային հաշտեցման բարձրագույն խորհրդի նախագահ Աբդուլլա Աբդուլլայի հետ»,-հաղորդել Է աղբյուրը:Ավելի վաղ Քատարում «Թալիբան» արմատական շարժման քաղգրասենյակի ներկայացուցիչ Սուխեյլ Շահինը հայտարարել Է, որ թալիբները պատրաստ են մնացած բոլոր աֆղանցի գերիներին ազատ արձակել մինչեւ Ղուրբան-բայրամի երեկոյան եւ տոնի ավարտից հետո սկսել միջաֆղանական բանակցությունները, եթե բանտարկյալների փոխանակումն ավարտվի: Ղուրբան-բայրամի զոհաբերությունների տոնն այս տարի մուսուլմանների մոտ սկսվում Է հուլիսի 31-ին:Իր կողմից Աֆղանստանի նախագահ Աշրաֆ Ղանին բանակին եւ իրավակարգի ուժերին կարգադրել Է պահպանել եռօրյա զինադադար եւ խուսափել «Թալբան»-ի դեմ բոլոր գործողություններից:Փետրվարի վերջին Քատարում տեղի ունեցած արարողությանը ԱՄՆ-ը եւ «Թալիբան»-ը ստորագրել են պատերազմի ավելի քան 18 տարվա ընթացքում առաջին հաշտության համաձայնագիրը, որը նախատեսում Է Աֆղանստանից օտարերկրյա զորքերի դուրսբերում 14 ամսվա ընթացքում եւ միջաֆղանական երկխոսության սկիզբ մարտին գերիների փոխանակման գործարքից հետո:

17:04 - 29 հուլիսի, 2020

ԱՄՆ հատուկ ներկայացուցիչը փորձում է համաձայնություն ձեռք բերել «Թալիբան»-ի և Աֆղանստանի միջև |azatutyun.am|

ԱՄՆ հատուկ ներկայացուցիչը փորձում է համաձայնություն ձեռք բերել «Թալիբան»-ի և Աֆղանստանի միջև |azatutyun.am|

azatutyun.am: Միացյալ Նահանգների՝ Աֆղանստանի հարցով հատուկ ներկայացուցիչը սկսել է շրջագայությունը հինգ երկրներով՝ խաղաղության ու վստահության ամրապնդման շուրջ բանակցությունների։ Առաջիկա օրերին, ըստ Պետդեպարտամենտի, Զալմայ Խալիզադը կայցելի Իսլամաբադ, Քաբուլ, Օսլո, Սոֆիա և Դոհա՝ փորձելով համաձայնություն ձեռք բերել «Թալիբան» շարժման ներկայացուցիչների և Աֆղանստանի կառավարության միջև, որը վայելում է նաև Վաշինգտոնի աջակցությունը։ Կողմերի հետ բանակցություններից բացի` ամերիկացի բարձրաստիճան դիվանագետը կայցելի նաև Պակիստան՝ ստանալու նրանց աջակցությունը, ինչպես նաև կմեկնի Օսլո և Սոֆիա՝ ներկայացնելու արդյունքները ՆԱՏՕ-ի գործընկերներին։

19:45 - 26 հուլիսի, 2020

Աֆղանստանի նախագահը անվտանգության ուժերին հրամայել է հարձակումներ սկսել թալիբների և մյուս զինյալ ուժերի դեմ |azatutyun.am|

Աֆղանստանի նախագահը անվտանգության ուժերին հրամայել է հարձակումներ սկսել թալիբների և մյուս զինյալ ուժերի դեմ |azatutyun.am|

azatutyun.am: Աֆղանստանի նախագահ Աշրաֆ Ղանին այսօր ասել է, թե անվտանգության ուժերին հրամայել է պաշտպանական մարտավարությունից անցնել հարձակումների թալիբների ու մյուս զինյալ ուժերի դեմ: Իր հեռուստաելույթում նա նշել է, որ հարձակողական գործողությունների վերսկսումը անհրաժեշտ է պետությունը, քաղաքացիներին ու երկրի ենթակառույցները պաշտպանելու համար: Աշրաֆ Ղանիի հրամանը հաջորդում է նախօրեին զինյալների իրականացրած մահաբեր հարձակումներին: Մայիսի 12 -ին երկու անջատ հարձակումների հետևանքով առնվազն 48 մարդ է սպանվել: Առաջին հարձակումը իրականացվել է Քաբուլի հիվանդանոցներից մեկի վրա: Այսօր Աֆղանստանի առողջապահության նախարարն ասել է, որ հարձակման հետևանքով 24 մարդ է սպանվել, այդ թվում` երկու երեխա, 16 մարդ վիրավորվել է: Երկրորդ հարձակումը կազմակերպվել է բարձրաստիճան ոստիկանի հուղարկավորության ժամանակ: Հարձակման հետևանքով 24 մարդ է սպանվել, 68 -ը` վիրավորվել:

18:28 - 13 մայիսի, 2020

Առնվազն 3 զոհ, 15 վիրավոր այսօր առավոտյան Աֆղանստանում իրականացված պայթյունի հետևանքով |azatutyun.am|

Առնվազն 3 զոհ, 15 վիրավոր այսօր առավոտյան Աֆղանստանում իրականացված պայթյունի հետևանքով |azatutyun.am|

azatutyun.am: Աֆղանստանի ներքին գործերի նախարարությունը հաղորդում է, որ մահապարտ ահաբեկչի կողմից այսօր առավոտյան իրականացված պայթյունի հետևանքով 3 մարդ է զոհվել, ևս 15-ը տարբեր աստիճանի վնասվածքներ են ստացել: Պայթյունն իրականացվել է մայրաքաղաք Քաբուլից 11 կիլոմետր հեռավորության վրա գտնվող բնակավայրում, որտեղ տեղակայված է Աֆղանստանի անվտանգության ուժերի հատուկ գործողությունների ստորաբաժանումը: Մահմեդական տոնական Ռամադան ամսին կատարված հարձակման պատասխանատվությունը դեռևս ոչ մի զինյալ խմբավորում չի ստանձնել:

14:11 - 29 ապրիլի, 2020