Թուրքիա

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում |ermenihaber.am|

ermenihaber.am: Թուրքիայի զինուժը Սիրիայի հյուսիս-արևելքում, որտեղ իրականացրել է «Խաղաղության ակունք» ռազմական օպերացիան, 4 քուրդ զինյալի է սպանել։ Այս մասին հաղորդագրություն է տարածել Թուրքիայի պաշտպանության նախարարությունը։ Թուրքիայի ՊՆ-ի հաղորդագրության մեջ նշվում է, որ թուրքական զինվորական ստորաբաժանումները սպանել են Թուրքիայում ահաբեկչական համարվող «Քուրդիստանի բանվորական» կուսակցության (PKK-ՔԲԿ) զինյալներին, որոնք փորձել են մուտք գործել Սիրիայի հյուսիս-արևելք։

12:11 - 04 ապրիլի, 2020

Կորոնավիրուսը տարածվել է Թուրքիայի բոլոր նահանգներում |civilnet.am|

<ulcivilnet.am: > Ապրիլի 2-ի տվյալներով՝ Թուրքիայում կորոնավիրուսով վարակվել 18 135 մարդ, 356-ը՝ մահացել Թուրքիայի հայ համայնքից 14 հոգի նույնպես վարակակիր է Կ. Պոլսի Հայոց պատրիարքարանը միացել է Էրդողանի՝ կորոնավիրուսի դեմ պայքարի կոչին Տարոն Աճեմօղլուն ու Նոամ Չոմսկին խոսել են կորոնավիրուսային և հետկորոնավիրուսային աշխարհի մասին:

19:25 - 03 ապրիլի, 2020

Թուրքիայում կորոնավիրուսով վարակվածների թիվը հասել է 18․135-ի |ermenihaber.am|

ermenihaber.am: Թուրքիայում ապրիլի 2-ի դրությամբ նոր տեսակի կորոնավիրուսից (Covid-19) մահացել է ևս 79 մարդ։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ Գրառման մեջ նախարարը նշել է, որ 24 ժամվա ընթացքում իրականացված 18.757 թեստի արդյունքում հաստատվել է կորոնավիրուսով վարակվելու 2․456 նոր դեպք։ Նույն ժամանակահատվածում գրանցվել է վարակակիրների մահվան 79 դեպք։ 1101 հիվանդ գտնվում է վերակենդանացման բաժանմունքում։ Վերջին 24 ժամում ապաքինվել է 82 հիվանդ։ Այսպիսով, ըստ վերջին տվյալների, Թուրքիայում արձանագրվել է կորոնավիրուսով վարակվելու 18․135 հաստատված դեպք և մահվան 356 դեպք։ Ընդհանուր առմամբ կատարվել է 125․556 թեստավորում և ապաքինվել 415 հիվանդ։ Քոջան նաև հաղորդել է, որ նախորդ օրվա համեմատ ապրիլի 2-ին թեստավորման քանակը 4․000-ով ավելացել է և նվազել է դրական ախտորոշումների թիվը։ Նրա խոսքով՝ Թուրքիայում համավարակից մահացածների 82 տոկոսը 60-ից բարձր տարիք ունեցող մարդիկ են։

10:03 - 03 ապրիլի, 2020

Թուրքիայում կորոնավիրուսով վարակվածների թիվը հասել է 13․531-ի |ermenihaber.am|

ermenihaber.am: Թուրքիայում մարտի 31-ի դրությամբ նոր տեսակի կորոնավիրուսից (Covid-19) մահացել է ևս 46 մարդ։ Այս տեղեկությունը Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ Գրառման մեջ նախարարը նշել է, որ 24 ժամվա ընթացքում իրականացված 15․422 թեստի արդյունքում հաստատվել է կորոնավիրուսով վարակվելու 2․704 նոր դեպք։ Նույն ժամանակահատվածում գրանցվել է վարակակիրների մահվան 46 դեպք։ 847 հիվանդ գտնվում է վերակենդանացման բաժանմունքում։ Ընդհանուր առմամբ կատարվել է 92․ 403 թեստավորում։ Համավարակից ապաքինվել է 243 հիվանդ։ Այսպիսով, ըստ վերջին տվյալների, Թուրքիայում արձանագրվել է կորոնավիրուսով վարակվելու 13․ 531 հաստատված դեպք և մահվան 214 դեպք: Նախարարը նաև տեղեկացրել է, որ մարտի 30-ի համեմատ 31-ին 25․2 տոկոսով աճել է թեստավորումը։

10:31 - 01 ապրիլի, 2020

ԱԳՆ հայտարարությունը՝ ի պատասխան Թուրքիայի ԱԳՆ Արցախում անցկացվող ընտրությունների վերաբերյալ հայտարարության

Արտաքին գործերի նախարարության պաշտոնական կայքը հայտարարություն է տարածել ի պատասխան Թուրքիայի ԱԳՆ Արցախում անցկացվող ընտրությունների վերաբերյալ հայտարարության։ «Թուրքիայի արտգործնախարարության հայտարարությունը Լեռնային Ղարաբաղում անցկացվող ընտրությունների վերաբերյալ հայ ժողովրդի հանդեպ այդ երկրի թշնամական քաղաքականության հերթական արտահայտությունն է: Հավատարիմ լինելով միջազգային փաստաթղթերի ընտրովի մեկնաբանության իր ավանդական դիրքորոշմանը՝ Թուրքիան մի կողմից վկայակոչում է ՄԱԿ Անվտանգության խորհրդի բանաձևերը, մյուս կողմից՝ անտեսում վերջիններիս՝ անմիջականորեն տարածաշրջանի երկրներին ուղղված կոչը՝ ձեռնպահ մնալու ղարաբաղյան հակամարտության համատեքստում որևէ թշնամական գործողություններից։ Մինչդեռ հենց նույն Թուրքիան է տասնամյակներ ի վեր ցամաքային շրջափակման ենթարկում Հայաստանի Հանրապետությանը և աջակցում է Արցախի ժողովրդի դեմ սանձազերծվող ագրեսիվ և վայրագ գործողություններին՝ այդ թվում 2016 թ. ապրիլին: Նույնքան անհիմն է Թուրքիայի արտգործնախարարության կողմից ԵԱՀԿ սկզբունքների և Մինսկի գործընթացի վկայակոչումը: Հիշեցնում ենք, որ 1992թ. մարտի 24-ի ԵԱՀԿ/ԵԱՀԽ այն որոշումը, որով հիմք է դրվել Մինսկի գործընթացին, հղում է կատարում Լեռնային Ղարաբաղի ընտրյալ ներկայացուցիչներին` որպես այդ գործընթացի մասնակից: Ընտրյալ ներկայացուցիչներ ունենալու համար պետք է ունենալ ընտրություններ, և այդ տեսակետից Արցախում անցկացվելիք ընտրությունները ոչ միայն չեն հակասում այլ բխում են խաղաղ կարգավորման տրամաբանությունից և դրա հիմքում դրված փաստաթղթերից: Թուրքիայի փորձերը հանդես գալու միջազգային իրավունքի պաշտպանի դերում և նրա կոչերը միջազգային համայնքին առավել քան սնանկ են՝ այդ երկրի կողմից ժողովուրդների իրավունքների և հարևան երկրների տարածքային ամբողջականության նկատմամբ շարունակական ոտնձգությունների և միջազգային իրավունքի ու ժողովրդավարության նորմերը ոտնահարող ագրեսիվ քաղաքականության իրականացման լույսի ներքո», - նշված է հայտարարության մեջ:

11:47 - 31 մարտի, 2020

Թուրքիայում կորոնավիրուսից մահացածների թիվը հասել է 168-ի |ermenihaber.am|

ermenihaber.am: Թուրքիայում կորոնավիրուսից մահացածների թիվը 24 ժամվա ընթացքում ավելացել է՝ 37-ով՝ հասնելով 168-ի: Այս մասին հայտնել է Թուրքիայի առողջապահության նախարար Ֆահրեթթին Քոջան կորոնավիրուսի վիճակագրության մասին Twitter-ում արած ամենօրյա գրառմամբ: Ըստ Քոջայի հրապարակած տվյալների՝ անցնող օրը Թուրքիայում եղել է հետևյալ պատկերը. Կատարվել է 11.535 թեստավորում, որից 1610-ը դրական է եղել, նույն ժամանակահատվածում երկրում կորոնավիրուսից մահացել է 37 հիվանդ: Այսպիսով մինչ այժմ Թուրքիայում կատարվել է ընդհանուր առմամբ 76.961 թետավորում, ինչի հետևանքով կորոնավիրուս է հաստատվել 10.827 մարդու մոտ, մահացածների ընդհանուր թիվը հասել է 168-ի, 725 հիվանդ գտնվում է վերակենդանացման բաժնում, բուժվածների թիվը կազմում 162:

10:55 - 31 մարտի, 2020

Էրդողանը հայտարարել է, որ Թուրքիան կորոնավիրուսի պատճառով դադարեցնում է արտաքին չվերթները |ermenihaber.am|

ermenihaber.am: Թուրքիայի նախագահ Ռեջեփ Թայիփ Էրդողանը հայտարարել է, որ կորոնավիրուսի (Covid-19) դեմ պայքարի շրջանակներում է Անկարան դադարեցնում է բոլոր արտաքին չվերթները: «Բոլոր չվերթները դադարեցված են: Թուրքիայի քաղաքների միջև տեղաշարժը պիտի իրականացվի միայն տեղական ինքնակառավարման մարմինների թույլտվությամբ», - ասել է Էրդողանը: Նա նաև նշել է, որ Թուրքիայի 81 նահանգներում ստեղծվելու են հատուկ հանձնաժողովներ, որոնք պետք է հետևեն ստեղծված իրավիճակին և միջոցներ ձեռնարկեն: Թուրքիայում մարտի 29-ի դրությամբ նոր տեսակի կորոնավիրուսից (Covid-19) մահացածների թիվը հասել է 131-ի։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։

11:43 - 30 մարտի, 2020

Թուրքիայում կորոնավիրուսով վարակվածների թիվը շուրջ 10․000 է |ermenihaber.am|

ermenihaber.am: Թուրքիայում մարտի 29-ի դրությամբ նոր տեսակի կորոնավիրուսից (Covid-19) մահացածների թիվը հասել է 131-ի։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ Գրառման մեջ նախարարը նշել է, որ 24 ժամվա ընթացքում իրականացված 9․982 թեստի արդյունքում հաստատվել է կորոնավիրուսով վարակվելու 1.815 նոր դեպք։ Նույն ժամանակահատվածում գրանցվել է վարակակիրների մահվան 23 դեպք։ Այսպիսով, ըստ վերջին տվյալների, Թուրքիայում իրականացվել է 65․446 թեստ, որի արդյունքում հաստատվել է կորոնավիրուսով վարակման 9․982 և մահվան 131 դեպք: Ընդհանուր առմամբ ապաքինվել է 105 մարդ։ 568 հիվանդի վիճակը գնահատվում է ծանր։

09:53 - 30 մարտի, 2020

Թուքիայում կորոնավիրուսից մահացածների թիվը հասել է 75-ի |ermenihaber.am|

ermenihaber.am: Թուրքիայում մարտի 26-ի դրությամբ նոր տեսակի կորոնավիրուսից (Covid-19) մահացածների թիվը հասել է 75-ի։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ Գրառման մեջ նախարարը նշել է, որ 24 ժամվա ընթացքում իրականացված 7.286 թեստի արդյունքում հաստատվել է կորոնավիրուսով վարակվելու 1.196 նոր դեպք։ Նույն ժամանակահատվածում գրանցվել է վարակակիրների մահվան 16 դեպք։ Նախարարը նաև տեղակցրել է, որ վարակակիրներները և նրանց հետ շփում ունեցած մարդիկ մեկուսացվել են։ Քոջան քաղաքացիներին զգուշացրել է հետևել կորոնավիրուսի դեմ պայքարի շրջանակում իրականացվող միջոցառումներին։ Այսպիսով, ըստ վերջին տվյալների, Թուրքիայում կա կորոնավիրուսի հաստատված 3․629 և մահվան 75 դեպք:

11:08 - 27 մարտի, 2020

Իրաքի հյուսիսում թուրքական զինուժը մարդկային ուժի կորուստներ ունի |ermenihaber.am|

ermenihaber.am: Թուրքիայի պաշտպանության նախարարությունը հայտնում է, որ մարտի 25-ին Իրաքի հյուսիսում գտնվող Հաֆթանին շրջանում ծառայող թուրք զինվորականների դեմ իրականացված հարձակման հետևանքով թուրքական զինուժի 2 զինվոր է սպանվել, ևս 2-ը՝ վիրավորվել։ Նախարարության Twitter միկրոբլոգի պաշտոնական էջում արված գրառման մեջ նշվում է, որ հարձակումն իրականացրել են Թուրքիայում ահաբեկչական համարվող «Քուրդստանի բանվորական» կուսակցության (PKK- ՔԲԿ) զինյալները։ Նախարարությունը նաև հաղորդել է, որ թուրքական զինուժը պատասխան կրակ է բացել թիրախների վրա, ինչի հետևանքով 8 քուրդ զինյալ սպանվել է։

13:15 - 26 մարտի, 2020

Թուրքիայում մարտի 25-ի դրությամբ կորոնավիրուսից մահացել է 59 մարդ |ermenihaber.am|

ermenihaber.am: Թուրքիայում մարտի 25-ի դրությամբ նոր տեսակի կորոնավիրուսից (Covid-19) մահացածների թիվը հասել է 59-ի։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ Գրառման մեջ նախարարը նշել է, որ 24 ժամվա ընթացքում իրականացված 5․035 թեստի արդյունքում հաստատվել է կորոնավիրուսով վարակվելու 561 նոր դեպք։ Նշյալ ժամանակահատվածում գրանցվել է վարակակիրների մահվան 15 դեպք։ Այսպիսով, ըստ վերջին տվյալների, Թուրքիայում կա կորոնավիրուսի հաստատված 2․433 և մահվան 59 դեպք:

10:30 - 26 մարտի, 2020

Թուրքիան սկսել է արտադրել բոր պարունակող ձեռքի ախտահանիչներ |ermenihaber.am|

ermenihaber.am: Թուրքիայի Էներգետիկայի և բնական պաշարների նախարար Ֆաթիհ Դյոնմեզը հայտարարել է, որ «Ար-Գե» նախագծի շրջանակում ավարտին են հասցրել նախապատրաստական աշխատանքները և սկսում են բոր քիմիական նյութի պարունակությամբ ձեռքերի ախտահանիչ միջոցների սերիական արտադրությունը։ Այդ ախտահանիչները, Դյոնմեզի խոսքերի համաձայն, շուտով կներկայացվեն սպառողներին։ Twitter-ում նախարարն անդրադարձել է նաև Թուրքիայի նախագահ Ռեջեփ Թայիփ Էրդողանի հրահանգին երկրում էներգետիկայի ոլորտում առանց ընդհատման ծառայություն մատուցելու վերաբերյալ։

10:01 - 26 մարտի, 2020

Թուրքիայում կորոնավիրուսի խուճապ տարածելու համար 31 քաղաքացի է ձերբակալվել |ermenihaber.am|

ermenihaber.am: Թուրքիայի Ադանա քաղաքի ոստիկանությունը հետաքննություն է սկսել 31 քաղաքացու դեմ, որոնք կասկածվում են սոցցանցերում կորոնավիրուսի վերաբերյալ «անհիմն և սադրիչ գրառումներ անելու մեջ»։ Ադանայի նահանգային ոստիկանության անվտանգության վարչության կողմից նշյալ անձինք բերման են ենթարկվել։ Նրանց տներում և աշխատավայրերում իրականացված խուզարկության ժամանակ առգրավվել են բազմաթիվ թվային սարքեր։ Նրանց դեմ հետաքննություն էր սկսվել մասնավորապես հասարակության մեջ վախ և խուճապ առաջացնելու, թշնամություն տարածելու, ապօրինաբար անձնական տվյալներ հանրայնացնելու և տարածելու մեղադրանքով։ Նման դեպք տեղի էր ունեցել նաև նախորդ շաբաթ։ Ադանայում մոտ 10.000 մարդու sms հաղորդագրություն էր ուղարկվել նոր տեսակի կորոնավիրուսի վերաբերյալ, որում նշված է եղել. «Ձեր թեստի արդյունքը դրական է»։ Հաղորդագրություն ուղարկած անձը ևս ձերբակալվել է։

17:42 - 23 մարտի, 2020

Թուրքիան այլևս ի վիճակի չէ միայնակ պաշտպանել Եվրոպայի և ՆԱՏՕ-ի սահմանները․ Չավուշօղլու |azatutyun.am|

azatutyun.am: «Թուրքիան այլևս ի վիճակի չէ փախստականների նոր խմբեր ընդունել` լինի դա Սիրիայից, թե որևէ այլ երկրից», - Financial Times-ում այսօր հրապարակված հոդվածում գրել է Թուրքիայի արտաքին գործերի նախարար Մևլութ Չավուշօղլուն: «ԵՄ անգործությունը` բիծ մարդկության խղճի վրա» վերնագրված հրապարակման մեջ Թուրքիայի արտաքին քաղաքական գերատեսչության ղեկավարը պնդում է, որ վերջին տարիներին Թուրքիան շուրջ 40 միլիարդ դոլար է ծախսել սիրիացի փախստականների կարիքները հոգալու համար: «Մեր երկիրը, սակայն, այլևս ի վիճակի չէ միայնակ պաշտպանել Եվրոպայի և ՆԱՏՕ-ի սահմանները», - նշել է Չավուշօղլուն: Նախարարի խոսքով՝ Արևմուտքը որևէ գործնական քայլի չի դիմում Իդլիբում ստեղծված ճգնաժամը հանգուցալուծելու համար: «Այդ իսկ պատճառով վերջին 9 տարում Իդլիբում 3,5 միլիոն մարդ է կուտակվել: Այդ շրջանը վերածվել է նոր Գազայի հատվածի», - պնդել է Չավուշօղլուն:

16:25 - 23 մարտի, 2020

Թուրքիան առարկել է պողպատի ներմուծման սահմանափակմանը միտված Եվրամիության որոշումը |ermenihaber.am|

ermenihaber.am: Թուրքիան Առևտրային համաշխարհային կազմակերպության շրջանակնեևում սկսել է Եվրամիության որոշումը առարկելու գործընթաց, որը վերաբերում է պողպատի ներմուծման սահմանափակմանը։ Այն բանից հետո, երբ ԱՄՆ նախագահ Դոնալդ Թրամփը ԱՄՆ ներմուծվող պողպատի համար մաքսային տուրքեր սահմանեց, Եվրամիությունը մտահոգվելով, որ իր շուկայում պողպատի ավելցուկ կգոյանա, 2018 թվականի հուլիս ամսին պողպատի 26 տեսակների նկատմամբ քանակական սահմանափակման մասին որոշում ընդունեց։ Եվրոպական միության կայացրած որոշման համաձայն՝ սահմանափակումը ուժի մեջ է լինելու մինչ 2021 թվականի հուլիս ամիսը, իսկ դրանից հետո կիրառվելու է 25% մաքսային տուրք։ Թուրքիան Չինաստանի, Հնդկաստանի, Ռուսաստանի, Հարավային Կորեայի և Ուկրաինայի հետ միասին հանդիսանում է Եվրամիություն պողպատ արտահանող գլխավոր երկրներից մեկը։ Եվրամիության վարած քաղաքականության հետևանքով Թուրքիան 2019 թվականին լուրջ տնտեսական վնասներ է կրել կապված պողպատի արտահանման հետ։ Այսպիսով Թուրքիան դիմել է Առևտրի համաշխարհային կազմակերպությանը՝ Եվրամիության որոշման նկատմամբ իր առարկությունը հայտնելով։

09:58 - 23 մարտի, 2020

Ռուսաստանը սահմանափակում է ավիահաղորդակցությունը Թուրքիայի և Ճապոնիայի հետ |tert.am|

tert.am: Ռուսաստանը մարտի 23-ից կորոնավիրուսի համավարակի պատճառով դադարեցնում է ավիահաղորդակցությունը Թուրքիայի հետ: Այս մասին հայտնում РИА Новости-ն՝ հղում անելով «Ռոսավիացիային»:Աղբյուրի տվյալներով՝ թռիչքների սահմանափակումները կվերաբերեն նաև Ճապոնիային: Բացառություն կարվի միայն Մոսկվայից Տոկիո և Ստամբուլ ուղղությամբ կանոնավոր և ՌԴ քաղաքացիներին դուրս բերելու համար նախատեսված չարտերային չվերթների համար:ՌԴ կառավարությունն ավելի վաղ փակել է սահմանները Բելառուսի, Լեհաստանի և Նորվեգիայի հետ: Դադարեցել է ավիահաղորդակցությունը ԵՄ երկրների, Նորվեգիայի, ԱՄՆ-ի, Մեծ Բրիտանիայի, Հայաստանի, Շվեյցարիայի, Սերբիայի, Չինաստանի, Հարավային Կորեայի և Իրանի հետ:Մարտի 18-ից մինչև մայիսի 1-ն արգելվում է ՌԴ քաղաքացիություն չունեցող անձանց մուտքը երկիրը:

17:03 - 22 մարտի, 2020