ՀՀ Բնապահպանության եւ ընդերքի տեսչական մարմին

Վարչապետի աշխատակազմի ղեկավարի գլխավորությամբ տեղի է ունեցել խորհրդակցություն

Հայաստանի Հանրապետության վարչապետի աշխատակազմի ղեկավար Արայիկ Հարությունյանի գլխավորությամբ ապրիլի 20-ին Կառավարությունում տեղի է ունեցել խորհրդակցություն՝ Բնապահպանության և ընդերքի տեսչական մարմնի գործունեության ընթացիկ հարցերի քննարկման նպատակով: Այս մասին հայտնում են ՀՀ վարչապետի աշխատակազմից։ Նշվում է, որ Արայիկ Հարությունյանին ներկայացվել են մարմնի կողմից բնապահպանության և ընդերքի ոլորտում իրականացվող աշխատանքները և առկա խնդիրները: Ծավալվել է քննարկում բարձրացված հարցերի շուրջ: «Պայմանավորվածություն է ձեռք բերվել շարունակել քննարկումները՝ խնդիրների լուծման ուղղությամբ ձեռնարկվելիք քայլերը հստակեցնելու համար»,- նշվում է հաղորդագրության մեջ։

17:48 - 20 ապրիլի, 2023

ԲԸՏՄ-ն ավազի լվացման կետերում կասեցրել է ապօրինի ջրառը

Բնապահպանության և ընդերքի տեսչական մարմնի աշխատակիցները դիտարկում են իրականացրել Արմավիրի մարզի Արաքս համայնքում գործող «Լիլի-Արման» և «Հասինէդ» ՍՊԸ-ներին պատկանող ավազի լվացման կետերում ու արձանագրել խախտումներ։ «Լիլի-Արման» ՍՊԸ-ն ջրառ է կատարել տարածքում առկա գործող ապօրինի ստորերկրյա խորքային 2 հորից՝ առանց համապատասխան ջրօգտագործման թույլտվության։ «Հասինէդ» ՍՊԸ-ն ևս չունենալով համապատասխան ջրօգտագործման թույլտվություն շահագործել է ապօրինի ստորերկրյա խորքային 1 հոր։ Տեսչական մարմնի Արմավիրի տարածքային բաժնի պետի որոշումներով կասեցվել է բոլոր ապօրինի խորքային հորերի շահագործումը։

17:50 - 17 ապրիլի, 2023

Տեսչական մարմինը հայտնաբերել է ապօրինի ընդերքօգտագործման 22 դեպք 1-ին եռամսյակում

2023 թվականի 1-ին եռամսյակի ընթացքում Բնապահպանության և ընդերքի տեսչական մարմնի աշխատակիցների կողմից ընդերքօգտագործման և ընդերքի պահպանության ուղղությամբ իրականացված վերահսկողական գործառույթների արդյունքում հայտնաբերվել է ապօրինի ընդերքօգտագործման 22 դեպք։ Ապօրինի ընդերքօգտագործման դեպքերը գրանցվել են հանրապետության 5 մարզերում (Արմավիրում՝ 8, Արարատում՝ 6, Գեղարքունիքում՝ 6, Կոտայքում՝ 1, Սյունիքում՝ 1)։ Նշված դեպքերով ապօրինի տեղահանված օգտակար հանածոյի ընդհանուր ծավալը կազմել է 606.975 խմ։ Նյութերն ուղարկվել են իրավապահ մարմիններին՝ օրենքով սահմանված կարգով հետագա ընթացքն ապահովելու համար։ Նյութերն ուղարկվել են իրավապահ մարմիններին՝ օրենքով սահմանված կարգով հետագա ընթացքն ապահովելու համար։

17:46 - 10 ապրիլի, 2023

Արարատում դադարեցվել է ավազի ապօրինի արդյունահանումը

Բնապահպանության և ընդերքի տեսչական մարմնի աշխատակիցները հերթական վերահսկողական աշխատանքների ընթացքում Արարատի մարզի Մասիս համայնքի Ռանչպար բնակավայրի վարչական տարածքում հայտնաբերել է ապօրինի ընդերքօգտագործման դեպք։ Այս մասին հայտնում է Բնապահպանության և ընդերքի տեսչական մարմնի մամուլի ծառայությունը։ «Պարզվել է, որ առանց ընդերքօգտագործման իրավունքի իրականացվել է ավազակոպճային լեռնային զանգվածի տեղահանում։ Տարածքից դուրս բերված ավազը լվացվել է ավազի հանույթից առաջացած լճակից՝ 2 էլեկտրական պոմպերի միջոցով, որը կատարվել է առանց ջրօգտագործման թույլտվության։ Կիրառվել են վարչական պատասխանատվության միջոցներ։ Գործի նյութերը փոխանցվել են իրավապահ մարմիններին»,-նշված է հաղորդագրությունում։

18:35 - 03 ապրիլի, 2023

Բնապահպանության և ընդերքի տեսչական մարմինն արձանագրել է իրավախախտման 71 դեպք

10:36 - 17 մարտի, 2023

Կասեցվել է «Բեկոն» ընկերության կողմից կատարվող ապօրինի հորատումը

Բնապահպանության և ընդերքի տեսչական մարմնի տեսուչները Կոտայքի մարզում գործունեություն իրականացնող «Բեկոն Պրոդուկտ» ՍՊԸ-ում հայտնաբերել են խորքային հորի ապօրինի հորատման դեպք։ Ինչպես տեղեկանում ենք Տեսչական մարմնի տարածած հաղորդագրությունից, ջրօգտագործում իրականացնելու նպատակով առանց համապատասխան փաստաթղթերի խորքային հորի ապօրինի հորատման աշխատանքներն անհապաղ կասեցվել են: Կկիրառվեն վարչական պատասխանատվության միջոցներ։

12:48 - 10 փետրվարի, 2023

2022 թվականին ԲԸՏՄ աշխատակիցները բացահայտել են ապօրինի ընդերքօգտագործման 41 դեպք

ՀՀ բնապահպանության և ընդերքի տեսչական մարմինն ամփոփ տեղեկատվություն է հրապարակել 2022 թ. ընթացքում կատարված աշխատանքների վերաբերյալ: Այսպես, Բնապահպանության և ընդերքի տեսչական մարմինը ընդերքօգտագործման և ընդերքի պահպանության վերահսկողության ուղղությամբ 2022 թ․ իրականացրել է 81 ստուգում (2021 թ.՝ 66, 2020 թ.՝ 21, համեմատական աճ՝ 2021 թ.՝ 22.7%, 2020 թ.՝ 285.7%): Տարեկան ծրագրով կատարողականը կազմում է՝ 2022 թ.՝ 100%, 2021 թ.՝ 57.1%, 2020 թ.՝ 30.7%: Ավարտված 81 ստուգման արդյունքում հայտնաբերվել է 446 իրավախախտման դեպք (2021 թ.՝ 366, համեմատական աճ՝ 2021 թ.՝ 21.8%) • Կայացվել է 203 վարչական տույժ նշանակելու մասին որոշում (2021թ.՝ 88, 2020 թ.՝ 17, համեմատական աճ՝ 2021 թ.՝ 130.7%, 2020 թ.՝1094.1%) • Որոշումներով նշանակված տուգանքի չափը կազմել է 20․290․000 ՀՀ դրամ (2021 թ.՝ 15․770․000, 2020 թ.՝ 2․200․000, համեմատական աճ. 2021 թ.՝ 28.7%, 2020 թ.՝ 822.3%) • Հաշվարկված շրջակա միջավայրին պատճառված վնասի հատուցման չափը կազմել է՝ 199․278․261 ՀՀ դրամ (2021 թ.՝ 166․759․721, 2020 թ.՝ 39․722․119, համեմատական աճ՝ 2021 թ.՝ 19․5%, 2020 թ.՝ 401․7%)։ 2022 թ. ընթացքում ԲԸՏՄ աշխատակիցների կողմից նաև բացահայտվել է առանց համապատասխան թույլտվությունների առկայության ապօրինի ընդերքօգտագործման 41 դեպք, որից միայն 6-ով ՊԵԿ-ի կողմից հաշվարկված պետությանը պատճառված վնասի չափը կազմել է 961․178․695 ՀՀ դրամ: Հայտնաբերված խախտումներով նախապատրաստված նյութերը փոխանցվել են իրավապահ մարմիններին։ Հաշվի առնելով ոլորտի պատասխանատու ստորաբաժանման աշխատակիցների մասնագիտական կարողությունների շնորհիվ գրանցած վերոհիշյալ բարձր ցուցանիշներն ու նշանակալի արդյունքները՝ ԲԸՏՄ ընդերքի վերահսկողության վարչությունը ճանաչվել է 2022 թ․ տարվա լավագույն կառուցվածքային ստորաբաժանում։

18:37 - 01 փետրվարի, 2023

Սիգի որսի արգելքի ընթացքում առգրավվել է 1 տոննայից ավելի ապօրինի որսված ձուկ

Բնապահպանության և ընդերքի տեսչական մարմնի հաղորդմամբ՝ ավարտվել է 36 օր տևած Սևանա լճում սիգի ձվադրման ընթացքում որսի արգելքին ուղղված խստացված վերահսկողությունը։ Դեկտեմբերի 15-ից հունվարի 20-ը՝ Բնապահպանության և ընդերքի տեսչական մարմինը Ոստիկանության, «Սևան» ազգային պարկ ՊՈԱԿ-ի, ՏԻՄ-ի աշխատակիցների հետ համատեղ հատուկ միջոցառումներ է իրականացրել Սևանա լճի ավազանում ու հարակից տարածքներում, բացօթյա վաճառակետերում, Երևան-Սևան մայրուղու և Գեղարքունիքի մարզից դուրս եկող ճանապարհների հենակետերում։ Շուրջօրյա հերթապահության ընթացքում ընդհանուր առգրավվել է 3877 հատ, 1345.3կգ «սիգ» տեսակի ձուկ, 10կգ ձկնկիթ, լճից դուրս են բերվել ապօրինի գործիքներ՝ 174 ձկնորսական ցանց, 95 խեցգետնաորսիչ, 3 ռետինե նավակ, լճի առափնյա հատվածից ապամոնտաժվել ու հեռացվել են ժամանակավոր կացարաններ։ Արձանագրված մի շարք դեպքերով նախապատրաստված նյութերը փոխանցվել են իրավապահ մարմիններին։

14:28 - 23 հունվարի, 2023

Խիստ արգելքի ընթացքում առգրավվել է 1200 կգ «սիգ» տեսակի ձուկ

Բնապահպանության և ընդերքի տեսչական մարմինը պատասխանատու գերատեսչությունների հետ համատեղ Սևանա լճում սիգ ձկնատեսակի բնականոն վերարտադրությունն ապահովելու նպատակով շարունակում է խստացված վերահսկողությունը Սևանա լճի ավազանում ու հարակից տարածքներում, «Մարտունի-Սելիմ» և «Դիլիջանի ոլորան» հենակետերում, բացօթյա վաճառակետերում։ Հատուկ հերթապահության ընթացքում ընդհանուր առգրավվել է 3212 հատ, շուրջ 1200 կգ «սիգ» տեսակի ձուկ, 7 կգ ձկնկիթ, լճից դուրս է բերվել 40-ից ավել ձկնորսական ցանց, լողամիջոցներ, այդ թվում՝ 1 ռետինե նավակ։ Առգրավված ձկները հանձնվում են հատուկ խնամքի կարիք ունեցող մասնագիտացված կենտրոններին։ Միջոցառումները զուգորդվում են որսի արգելքի կարևորության մասին բացատրական աշխատանքներով։ Սևանա լճում սիգի ձվադրման ժամանակահատվածում իրականացվող համատեղ միջոցառումները կտևեն մինչև 2023 թվականի հունվարի 20-ը ներառյալ:

12:27 - 09 հունվարի, 2023

Կասեցվել է առանց արտանետումների թույլտվության կաթսաների շահագործման գործողությունը. «Էկոպրոֆ» ընկերության նկատմամբ կկիրառվի տուգանք

Բնապահպանության և ընդերքի տեսչական մարմինը ստուգում է իրականացրել պլաստմասե արտադրատեսակների արտադրությամբ զբաղվող «Էկոպրոֆ» ՍՊԸ-ում։ Ինչպես հայտնում են ԲԸՏՄ-ից, ստուգման արդյունքում պարզվել է, որ ընկերությունն առանց անշարժ աղբյուրներից աղտոտող նյութեր մթնոլորտ արտանետումների թույլտվության, շահագործել է 3 ջեռուցման կաթսա։ Տեսչական մարմնի որոշմամբ՝ կասեցվել է առանց արտանետումների թույլտվության կաթսաների շահագործման գործողությունը։ Տնտեսավարողի նկատմամբ կկիրառվեն վարչական տուգանքներ, կներկայացվի շրջակա միջավայրին հասցված վնասի հատուցման պահանջ։

12:39 - 19 դեկտեմբերի, 2022

Կազմվել է վարչական տուգանքի 23 որոշում, բնությանը պատճառվել է 2.855.162 դրամի վնաս․ ԲԸՏՄ-ն հաշվետվություն է ներկայացրել

11:55 - 27 սեպտեմբերի, 2022

Բնապահպանության և ընդերքի տեսչական մարմինն արձանագրել է իրավախախտման 59 դեպք

17:47 - 30 օգոստոսի, 2022

Օգոստոսի 1-12-ը իրականացված ԲԸՏՄ ստուգումների արդյունքում արձանագրվել է 32 դեպք

13:48 - 19 օգոստոսի, 2022

Բնապահպանության և ընդերքի տեսչական մարմինն արձանագրել է իրավախախտման 40 դեպք

14:01 - 22 հուլիսի, 2022

Հայտնաբերվել է ապօրինի ընդերքօգտագործման դեպք

Բնապահպանական օրենսդրության նորմերի պահանջների կատարման և պահպանման նկատմամբ վերահսկողական կանխարգելիչ միջոցառումների ընթացքում հուլիսի 16-ին ժամը 16։30-ի սահմաններում Բնապահպանության և ընդերքի տեսչական մարմնի աշխատակիցներն Արմավիրի մարզի Գետաշեն համայնքի վարչական տարածքում հայտնաբերել են ապօրինի ընդերքօգտագործման դեպք։ Այս մասին հայտնում են Բնապահպանության և ընդերքի տեսչական մարմնից։ Ավազի ապօրինի արդյունահանման տարածքում տեղակայված է եղել ծանր տեխնիկա։ Նախապատրաստված նյութերն ուղարկվել են իրավապահ մարմիններին։

12:50 - 18 հուլիսի, 2022

«Վոլֆեն գրուպ» ընկերության նկատմամբ կասեցումը վերացվել է. ԲԸՏՄ

Ընթացիկ տարվա հունիսին Բնապահպանության և ընդերքի տեսչական մարմնի Արմավիրի տարածքային բաժնի աշխատակիցների կողմից մանրախճի արտադրությամբ զբաղվող «Վոլֆեն գրուպ» ՍՊԸ-ում իրականացված ստուգման արդյունքում՝ առանց անշարժ աղբյուրներից աղտոտող նյութեր մթնոլորտային օդ արտանետման թույլտվության գործունեություն իրականացնելու համար, կայացվել էր խճի կոտորակիչի գործողությունը կասեցնելու վերաբերյալ որոշում։ Խախտումը վերացնելու նպատակով տրված հանձնարարականով սահմանված ժամկետում Ընկերությունը ստացել է սահմանային թույլատրելի արտանետումների նորմատիվների թույլտվություն՝ վերացնելով արձանագրված խախտումները։ Տեսչական մարմնի ղեկավարի որոշմամբ ընկերության նկատմամբ գործողության կասեցումը վերացվել է։

17:18 - 14 հուլիսի, 2022