Մարիա Զախարովա

ՌԴ ԱԳՆ մամուլի գործող խոսնակ։ Ծնվել է 1975 թվականի հոկտեմբերի 24-ին: Ծնողները եղել են դիվանագետներ: Մանկությունը անցել է Պեկինում, որտեղ աշխատել են հայրը եւ մայրը: Հայրը՝ Վլադիմիր Յուրեւիչ Զախարովը, մասնագիտությամբ արեւելագետ է: Այժմ աշխատում է Տնտեսագիտության բարձրագույն դպրոցում: 1998 թվականին ավարտել է Մոսկվայի պետական համալսարանի Միջազգային հարաբերությունների եւ Ժուռնալիստիկայի ֆակուլտետը՝ արեւելագետի եւ լրագրողի մասնագիտությամբ: Պրակտիկան անցել է Չինաստանում՝ Ռուսաստանի դեսպանատանը: 2003 թվականին պաշտպանել է թեկնածուական դիսերտացիա՝ «Նոր տարվա տոնակատարության ավանդական խորհրդանիշների ձեւափոխումը ժամանակակից Չինաստանում» թեմայով: 1998 թվականից աշխատակցել է ՌԴ ԱԳՆ-ի «Դիվանագիտական տեղեկագիր» ամսագրի խմբագրմանը, ապա նաեւ ՌԴ ԱԳՆ-ի Տեղեկատվության եւ լրատվության վարչությունում:

2003-2005 թվականներին ղեկավարել է ՌԴ ԱԳՆ-ի Տեղեկատվության եւ լրատվության վարչությունը: 2005-2008 թվականներին եղել է Միավորված ազգերի կազմակերպությունում Ռուսաստանի Դաշնության մամուլի քարտուղարի մշտական ներկայացուցիչը: 2008-2011 թվականներին դարձյալ ղեկավարել է Տեղեկատվության եւ լրատվության վարչությունը: 2011-2015 թվականներին վերոնշյալ վարչությունում նշանակվել է ղեկավարի տեղակալ: Նրա պարտականությունների մեջ մտնում էին կազմակերպել եւ անցկացնել պաշտոնական ճեպազրույցներ Ռուսաստանի արտաքին գործերի նախարարությունում, ինչպես նաեւ համակարգել ԱԳՆ-ի աշխատանքները սոցիալական ցանցերում, այդ թվում` Ռուսաստանի Դաշնության արտաքին գործերի նախարար Սերգեյ Լավրովի արտասահմանյան այցերը: ՌԴ ԱԳՆ-ի պաշտոնական խոսնակն է: Հաճախ համեմատվում է Ջեն Պսակիի հետ (ԱՄՆ Պետդեպարտամենտի պաշտոնական ներկայացուցիչը մինչեւ 2015 թվականի մարտի 31-ը): Հեռուսատահաղորդավար Վլադիմիր Սո 2015 թվականի օգոստոսի 10-ին նշանակվում է Ռուսաստանի ԱԳՆ-ի Տեղեկատվության եւ լրատվության վարչության տնօրեն։ Զախարովան պատմության մեջ դարձավ առաջին կինը, ով զբաղեցրեց այս պաշտոնը: Զախարովան շաբաթական մի քանի ճեպազրույցներ է ունենում լրագրողների հետ: Ինքը՝ Զախարովան, նշում է, որ ԱԳՆ-ն ժամանակի հետ համահունչ է քայլում եւ արտասահմանյան փորձն է հաշվի առնում։ Ենթադրվում է, որ աջակցում է «Միասնական Ռուսաստան» կուսակցությանը:

Այդ մասին վկայում է նաեւ այն փաստը, որ 2016 թվականի մարտին դասախոսությամբ հանդես եկավ «Կանդիդատ ֆորում»ում, որն անց էր կացվում սույն կուսակցության կողմից` պետական դումայի ընտրություններից առաջ: Տիրապետում է անգլերեն եւ չինարեն լեզուների: Ունի արտակարգ դեսպանորդ եւ լիազոր նախարարի երկրորդ կարգի դիվանագիտական աստիճան: Ռուսաստանի արտաքին եւ պաշտպանական քաղաքականության խորհրդի անդամ: Գիտական աստիճանը` պատմական գիտությունների թեկնածու:

Առկա միտումները ծանրակշիռ ապացույց են, որ Հայաստանի, Ռուսաստանի և Ադրբեջանի ղեկավարների ընտրած ուղին ճիշտ էր. Մարիա Զախարովա |1lurer.am|

1lurer.am: Իրավիճակը ԼՂ-ում սկսել է կայունանալ, հրադադարի ռեժիմի խախտումներ չեն արձանագրվել, չեն արձանագրվել նաև սադրանքներ ռուսական խաղաղապահ զորախմբի նկատմամբ: Այդ մասին այսօր ասել է ՌԴ ԱԳՆ պաշտոնական ներկայացուցիչ Մարիա Զախարովան՝ հերթական ճեպազրույցի ընթացքում: Նրա խոսքով՝ առանց լուրջ միջադեպերի հնարավոր է լինում իրականացնել նոյեմբերի 9-ի եռակողմ հայտարարության դրույթները: «Նշված դրական միտումները ծանրակշիռ ապացույց են, որ Հայաստանի, Ռուսաստանի և Ադրբեջանի ղեկավարների ընտրած ուղին ճիշտ էր, և պահմանագրի դրույթները գործնականում սկսել են իրականացվել: Նման տրամադրության ունեն նաև մեր այն գործընկերները, որոնք չեն մտածում աշխահաքաղաքականության մասին՝ 0-ական արդյունքի հանգեցնող խաղերի դիրքերից ելնելով»,- ասել է Զախարովան: Զախարովին հիշեցրել է, որ Նոյեմբերի 23-24-ին Ռուսաստանի նախագահը հեռախոսազրույցների շարք է ունեցել Հայաստանի և Ադրբեջանի ղեկավարների հետ: Քննարկվել են ռուսական խաղաղապահների հետագա գործունեության ձևաչափի, բնակչությանը ցուցաբերվող հումանիտար օգնության և հոգևոր-մշակութային կոթողների պահպանման հարցերը: «Այդ թեմաներին անդրադարձ է կատարվել նաև նոյեբերի 19-ին և 24-ին՝ ՌԴ ԱԳ նախարար Սերգեյ Լավրովի և Հայաստանի նորանշանակ իր գործընկերոջ հեռախոսազրույցների ընթացքում»,- ընդգծել է ՌԴ ԱԳՆ ներկայացուցիչը: Նա նաև հիշեցրել է, որ Լեռնային Ղարաբաղի թեմայով մտքերի մանրամասն փոխանակում է տեղի ունեցել նաև Ռուսաստանի, Թուրքիայի նախագահների և Ռուսաստանի ու Իրանի ԱԳ նախարարների միջև: Զախարովան նաև տեղեկացրել է, որ ռուս խաղաղապահները շարունակել են տեղահանվածների վերադարձի համար ստեղծել բարենպաստ պայմաններ, իրականացրել են ականազերծում և անհետ կորածների ու մահացածների աճյունների որոնողական աշխատանքներ: Գործունեւոյթւոն է ծավալել նաև հումանիտար արձագանքման կենտրոնը, որի աշխատանքներում ներգավվել են Ռուսաստանի տասնյակ դաշնային նախարարություններ, վարչություններ և գործակալություններ: «Մշակվում է այդ կենտրոնի աշխատանքի մեջ նաև Ադրբեջանի ու Հայաստանի ոլորտային գերատեսչությունների ներգրավվածությունը, ինչպես նաև առաքվել են մարդասիրական օգնության առաջին խմբաքանակները»,- ասել է Մարիա Զախարովան: ՌԴ ԱԳՆ ներկայացուցիչն ասել է, որ Ռուսաստանի ԱԳՆ-ն Արցախի հարցով մոբիլիզացրել է միջազգային կառույցների ջանքերը՝ ԵԱՀԿ շրջանակում, ընդգրկվել են նաև Մինսկի խմբի մյուս համանախագահ երկրները, ինչպես նաև ՄԱԿ-ի ոլորտային կազմակերպությունները: «Ակտիվորեն աշխատում է Կարմի Խաչի միջազգային կոմիտեն: Ակտիվորեն աշխատում ենք ՄԱԿ-ի փախստականների հարցերով հանձնակատարի, Պարենի համաշխարհային ծրագրի, ՅՈՒՆԵՍԿՈ-ի, ՅՈՒՆԻՍԵՖ-ի, Առողջապահությա համաշխարհային կազմակերպության հետ: Բոլոր կողմերին հորդորում ենք չքաղաքականացնել հումանիտար հարցերը, անհապաղ ներգրավվել աշխատանքի մեջ, ինչը տարածաշրջանում ստեղծված հումանիտար սուր իրավիճակում խիստ անհրաժեշտ է: Դա մեծ ներդրում կլիներ հատկապես հոգևոր-մշակութային կոթողների պահպանության, տարածաշրջանում ազգամիջյան և միջկրոնական համերաշխության հաստատման գործում»,- նշել է Զախարովան: Նա ասել է, որ նոյեմբերի 21-ին Երևան և Բաքու այցելած ՌԴ միջգերատեսչական պատվիրակության քննարկումների ընթացքում հատուկ ուշադրության են արժանացել մարդասիրական օգնության և Լեռնային Ղարաբաղում բնականոն կյանքի համար անհրաժեշտ պայմանների ստեղծման հարցերը: «Մենք հույս ունենք, որ միջոցառումների այն ամբողջությունը, որը Ռուսաստանը, Հայաստանի ու Ադրբեջանի, ինչպես նաև միջազգային գործընկերների հետ համատեղ իրականացնում է, կնպաստեն Հարավային Կովկասում խաղաղության և անվտանգության հաստատմանը»,- ընդգծել է Զախարովան: «Կցանանամ առանձին անդրադառնալ Լեռնային Ղարաբաղում հուշարձանների պահպանմանը: Մենք ողջունում ենք ԻԿԱՄՈՍ-ի, Արխիվների միջազգային խորհրդի, Թանգարանների միջազգային խորհրդի, Գրադարանների միջազգային ասոցիացիայի համատեղ հայտարարությունը՝ Լեռնային Ղարաբաղում իրավիճակի մասին: Այդ միջազգային հեղինակավոր կազմակերպությունները հորդորել են հրադադարի իրագործումն ապահովող բոլոր կողմերին ապահովել հոգևոր-մշակութային, պատմական և կրոնական ժառանգության նկատմամբ հարգալից վերաբերմունքը՝ այդ թվում 1954 թ. ընդունված՝ զինված հակամարտությունների ընթացքում մշակութային արժեքների պաշտպանության միջազգային կոնվենցիայի շրջանակում: Ակնկալում ենք, որ միջազգայնորեն ճանաչված այդ կազմակերպությունների փորձագիտական ներուժն ամբողջությամբ կներգրավվի դեպի տարածաշրջան ՅՈՒՆԵՍԿՕ-ի առաքելության նախապատրաստման և ուղարկելու մեջ՝ հայկական և ադրբեջանական կողմերի հետ համագործակցությամբ»:

16:27 - 27 նոյեմբերի, 2020