Տավուշի մարզ

Էլեկտրաէներգիայի մինչև 6-ժամյա անջատումներ կլինեն 8 մարզերի ու Երևանի որոշ հասցեներում

«Հայաստանի էլեկտրական ցանցեր» ընկերությունը տեղեկացնում է, որ հունիսի 14-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Արամի փ. 64, 82-84 շենքեր, Էկոնոմիկայի նախարարություն, Ամիրյան փ. 27 շենք և հարակից ոչ բնակիչ- բաժանորդներ, Ֆրունզեի, Թ․Սարյան, Լ․Խաչիկյան փողոցների սեփական տներ և հարակից ոչ բնակիչ-բաժանորդներ, 11:00-17:00 Գերցենի, Բուսաբանական, Էմինեսկու փողոցների սեփական տներ և հարակից ոչ բնակիչ-բաժանորդներ, Մամիկոնյանց փ. 2 շենք, Նոր Արեշ 2փ. 1-30; 29-62; 4փ. 1-46; 45-59; 11փ. 13-40 սեփական տներ, Մուրացան փ. 125-184; 130-138 /զույգ/ սեփական տներ, Արագածոտնի մարզում՝ 11:00-17:00 Կարբի, Արտաշավան, Սաղմոսավանք, Ուշի և Բազմաղբյուր գյուղեր, Արարատի մարզում՝ 10:00-15:00 Նորամարգ գյուղ մասնակի, 10:00-16:00 Մասիս քաղաք` 2-րդ և Կայարան թաղամասներ մասնակի, “Գոլդեն ֆիշ”, “Հայջրմուղկոյուղի”, “Տրանսշին” ՓԲԸ-ներ, “Բերմա” ԲԲԸ, ԱՁ “Գրետա Ավագյան”, “Սեփականատեր Լաֆիկ” ՍՊԸ, “Խոր Գագ” ՍՊԸ և հարակից ոչ բնակիչ-բաժանորդներ, Լուսառատ և Լանջառ գյուղեր մասնակի, 10:30-14:30 Մասիս գյուղ մասնակի, 10:30-16:00 Դիմիտրով գյուղ մասնակի, 13:00-15:00 Հովտաշատ գյուղ մասնակի, Վայոց Ձորի մարզում՝ 10:00-14:00 Հերմոն գյուղ մասնակի, Կոտայքի մարզում՝ 11։00-16։00 Եղվարդ քաղաք՝ թիվ 3, 5, 8 շենքեր, Երևանյան փողոցի բաժանորդներ, Համայնքապետարան, “Վեոլիա Ջուր” ընկերություն, Անշարժ Գույքի Կադաստրի Կոմիտե, ՔԿԱԳ տարածքային բաժին, ԱԱԾ, Ազգային արխիվ, Ընտրական թիվ-26 ընտրատարածք, ԴԱՀԿ, Մարզային ներկայացուցչություն, 11։00-17։00 Ձորաղբյուր, Գեղաշեն, Բալահովիտ, Ներքին Պտղնի գյուղեր մասնակի, Ջրվեժ՝ Մայակ թաղամաս մասնակի, Գառնի գյուղ մասնակի, Գեղարքունիքի մարզում՝ 14։30-16։30 Գեղամավան, Ծաղկունք, Գագարին, Դդմաշեն, Զովաբեր համնայնքներն ամբողջությամբ, Ծաղկունքի ոռոգման պոմպ, “Գագարին” ՍՍԿ, “Պահուստ” ՊՈԱԿ, Գագարինի արտադրական բազա, «ՀԿՀ-ԱԳՐՈՍՊԱՍԱՐԿՈՒՄ» Սևանի միջշրջանային միավորում ՍՊԸ, “ՇԽՄՎ”, Սեդամի, “Տելեմակ”, “Անանուխ”, “Գրին Ֆարմեր” ՍՊԸ-ները, «Վիվասել-ՄՏՍ», «Յուքոմ» ընկերությունների բջջային կայաններ և հարակից ոչ բնակիչ-բաժանորդներ, Լոռու մարզում՝ 11:00-17:00 Կաթնառատ, Կաթնաղբյուր, Ուրասար և Արմանիս գյուղեր, Տավուշի մարզում՝ 13:00-14:00 Իջևան քաղաք՝ Օհանյան, Մյասնիկյան, Մեհրաբյան, Ասլանյան փողոցներ, Երևանյան, Բլբուլյան փողոցներ մասնակի և հարակից ոչ բնակիչ-բաժանորդներ, Սյունիքի մարզում՝ 11:00-17:00 Գորիս քաղաք՝ Մաշտոցի փողոց մասնակի, Մուծք և Տեղ գյուղեր մասնակի, 16:00-17:00 Սիսիան քաղաք՝ Որոտան փ. 2 շենք, Չարենցի փ. 2, 4 շենքեր:

09:51 - 14 հունիսի, 2021

Վերջին 30 տարում ՀՀ-ում ձևավորվել է կառավարման կաստայական համակարգ. Փաշինյան |1lurer.am|

1lurer.am: ՀՀ վարչապետի պաշտոնակատար, «Քաղաքացիական պայմանագիր» կուսակցության նախընտրական ցուցակը գլխավորող Նիկոլ Փաշինյանը Տավուշի մարզում՝ Դիլիջանում, ընտրողների հետ հանդիպմանը հիշեցրեց, որ երեկ Վանաձորում ինքը հայտարարել է, որ առաջիկա խորհրդարանական ընտրություններում պետք է իրականացնեն հեղափոխության երկրորդ փուլը, որը պիտի անվանեն ոչ բռնի, ժողովրդական, բայց այս անգամ ոչ թե թավշյա, այլ պողպատյա հեղափոխություն: Նրա խոսքով՝ ակնհայտ է, որ այսօր ժողովրդի պահանջը իրենցից հստակ է՝ նրանք ուզում են, որ ՀՀ-ում գոյություն ունենա ուժեղ, ինստիտուցիոնալ իշխանություն, որը երկրում օրենքի անառարկելիության մթնոլորտ կստեղծի: «Ի՞նչ է նշանակում պողպատյա իշխանություն: Դա նշանակում է օրենքի կիրառման ինստիտուտների ուժեղացում, դա նշանակում է օրենքի դիկտատուրա Հայաստանում, և մենք ձեր մանդատով գնալու ենք այդ ճանապարհով: Օրենքի մասին է խոսքը, ոչ թե բռնության մասին, օրենքի իշխանության մասին է խոսքը: Եվ ես ուզում եմ ասել, որ մենք այսպես ինստիտուցիոնալ ճանապարհով պիտի գնանք, շարունակական պետական ինստիտուտների ուժեղացման և օրենքի կիրառման ինստիտուտների ուժեղացման ճանապարհով: Եվ սա այսօր այլընտրանք չունի»,- ասաց Փաշինյանը: Նա նաև բացատրեց, թե ինչի համար էր հարկավոր թավիշը: «Դա հարկավոր էր, որպեսզի մեր հանրության պոտենցիալը ի վերջո ի ցույց տրվի: Բայց մենք արդյունքում տեսանք, որ, ըստ էության, վերջին 30 տարիների ընթացքում ՀՀ-ում ձևավորվել է կառավարման կաստայական համակարգ»,- նշեց Փաշինյանը՝ հիշեցնելով իր կողմից պարբերաբար ներկայացվող վիճակագրությունը, ըստ որի՝ Հայաստանում 10 տարեկան երեխաների 30 տոկոսը կարդալ ընդհանրապես չգիտի: «Այս 30 տոկոսը կարդալ չգիտի, դա նշանակում է, որ մի ուրիշ 30 տոկոս կիսագրագետ է, մեկ ուրիշ 30 տոկոս վատ կրթություն է ստացել: Սա վկայում է, որ երկրում հաստատված է եղել, և այսօր էլ այդ համակարգը վերացված չէ, կաստայական համակարգ, երբ գոյություն է ունեցել իշխող էլիտա, որը ինքն իրեն անընդհատ վերարտադրում է: Եթե որևէ աշխատատեղ կա՝ դա այդ էլիտայի ներկայացուցիչների համար է, պետական պաշտոններ՝ դա այդ էլիտայի ներկայացուցիչների համար է»,- նշեց վարչապետի պաշտոնակատարը՝ հավելելով, որ դա ամենաշատը երևում է իրավաբանների շրջանում:

12:56 - 11 հունիսի, 2021

Տավուշի մարզպետը Հայաստանում ԿԽՄԿ պատվիրակության անդամների հետ քննարկել է առաջիկա ծրագրերը

Այսօր Տավուշի մարզպետ Հայկ Ղալումյանն ընդունել է Հայաստանում Կարմիր խաչի միջազգային կոմիտեի պատվիրակության անդամներին: Նրանք մարզպետին են ներկայացրել իրենց գործունեության ուղղությունները, իրականացվող ծրագրերի հիմնական ոլորտները: Մարզպետ Հայկ Ղալումյանը ողջունել է նրանց, շնորհակալություն հայտնել մարզում ծավալած գործունեության համար: Կողմերը քննարկել են առաջիկայում նախատեսվող հիմնական ծրագրերը՝ ընդգծելով առաջնահերթությունների երկուստեք ճշգրտման և համատեղ առաջ շարժվելու կարևորությունն ու անհրաժեշտությունը:

20:30 - 08 հունիսի, 2021

Տավուշի մարզում և հատկապես Իջևանում, մենք պետք է շեշտակի հաղթանակ կրենք․ Ռոբերտ Քոչարյանը՝ տավուշցիների հետ հանդիպմանը |tert.am|

tert.am: Ռոբերտ Քոչարյանը հանդիպել է Տավուշի մարզի քաղաքացիների և «Հայաստան» դաշինքի շտաբերի ներկայացուցիչների հետ։«Հայաստան» դաշինքի առաջնորդ Ռոբերտ Քոչարյանը և ՀՅԴ Հայաստանի ԳՄ ներկայացուցիչ Իշխան Սաղաթելյանը այսօր՝ հունիսի 3-ին, Իջևան քաղաքում հանդիպել են Տավուշի մարզի բնակիչների և «Հայաստան» դաշինքի մարզային շտաբերի ներկայացուցիչների հետ։ «Հասկանալի պատճառներով, Տավուշը մեզ համար յուրահատուկ թիրախ է։ Տավուշի մարզում և հատկապես՝ Իջևանում, մենք պետք է շեշտակի հաղթանակ կրենք»,- ասել է Ռոբերտ Քոչարյանը։ Նա նշել է, որ ամեն ինչ անելու են դաշինքի ծրագիրն ամբողջությամբ իրականացնելու համար․ «Եթե դու պատասխանատու մարդ ես, վերցրել ես այդ բեռը, ուրեմն պետք է տանես։ Եթե մարդն ինքն իրեն չի կարողանում կառավարել, երկիրն ինչպե՞ս կարող է կառավարել։ Իսկ մեր այսօրվա կառավարությունն այդպիսինն է՝ մարդիկ իրենց անելիքը չգիտեն։ Սա նույնիսկ քաղաքական թիմ անվանել չես կարող։ Նաև ասեմ, որ բացառում եմ վերադարձը հին բարքերին»։ Իր հերթին Իշխան Սաղաթելյանը նշել է, որ այս ընտրություններին պետք է մոտենալ այն համոզմունքով, որ դրված է երկրի լինել-չլինելու հարցը․ «Հունիսի 20-ին պետք է քշենք այս չարիքի կառավարությանը և ձևավորենք նոր որակի ազգային իշխանություն, որը կկարողանա պահել, պաշտպանել մեր պետության, երկրի և ժողովրդի շահերը»։

14:56 - 03 հունիսի, 2021

Երևանում և 6 մարզերում էլեկտրաէներգիայի պլանային անջատումներ են սպասվում

«Հայաստանի էլեկտրական ցանցեր» ընկերությունը տեղեկացնում է, որ մայիսի 26-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Եղբայրության փ․19 շենք, Զարյան փ. 74 շենք և հարակից ոչ բնակիչ-բաժանորդներ, Քանաքեռ ՀԷԿ 1-4/1, 6, 16, 17 շենքեր և հարակից ոչ բնակիչ-բաժանորդներ, 11:00-17:00 Նորագավիթ 1, 2, 6 փողոցների սեփական տներ, Նորագավիթ 1-ին փողոցի 1-ին փակուղու սեփական տներ,Նորագավիթ 2-րդ փողոցի 1-ին նրբանցքի սեփական տներ, Նորագավիթ 6 փողոցի 1, 2 փակուղիների սեփական տներ, Մանթաշյան փ․ 1, 2, 3, 4 շենքեր, Գարեգին Նժդեհի փ․12, 14 շենքեր, Մանթաշյան փ․26 շենք, Աէրացիա թաղ. 2/5, 2/6, 2/7, 2/8, 4, 5, 6 շենքեր և հարակից ոչ բնակիչ-բաժանորդներ, Ձոր-1 և Ձոր-2 թաղամասեր,Չուղաջյան փողոց, Օհանովի փ. 44, 50, 52, 54, 58, 60, 62 շենքեր, Տիչինայի փողոց և հարակից ոչ բնակիչ-բաժանորդներ, Կոտայքի մարզում՝ 10։00-16։00 Եղվարդ համայնք` Սաֆարյան, Արա Գեղեցիկի, Նոր թաղ, Նար-Դոսի փողոցներ և հարակից ոչ բնակիչ-բաժանորդներ, 11։00-16։00 Զորավան, Արագյուղ, Սարալանջ, Բուժական համայնքներ և հարակից ոչ բնակիչ-բաժանորդներ, Ներքին Պտղնի գյուղ մասնակի, Աբովյան քաղաք՝ Զոնալ-կայան թաղամաս, 11։00-17։00 Ձորաղբյուր, Գեղաշեն գյուղեր մասնակի, Ջրվեժ՝ Մայակ թաղամաս մասնակի, Արարատի մարզում՝ 10։00-13։00 Սիսավան, Նոր Ուղի, Գինեվետ գյուղեր, Վեդու Գինու գործարանի Բանավան, 10։00-15։00 Սուրենավան գյուղ, 10:30-16:00 Մրգավան և Ազատավան գյուղեր մասնակի, Վայոց Ձորի մարզում՝ 10։30-14։00 Ջերմուկ քաղաք՝ Շահումյան փողոց մասնակի, 11:00-15:00 Եղեգնաձոր քաղաք՝ Թամանցիների փողոց մասնակի, Արենի գյուղ մասնակի, Տավուշի մարզում՝ 10:00-14:00 Դիլիջան քաղաք՝ Կամո և Գորկի փողոցներ մասնակի, Շիրակի մարզում՝ 10:00-13:00 Անիի տարածաշրջան՝ Գուսանագյուղ, Շիրակավան, Լուսաղբյուր, Իսահակյան, Բարձրաշեն, Աղին, Սարակապ, Աղին կայարանի և Ջրափի գյուղեր և Գուսաննա կրակադաշտ, Սյունիքի մարզում՝ 10:30-16:30 Ներքին Խնձորեսկ գյուղ, 11:00-15:30 Տանձատափ գյուղ:

09:19 - 26 մայիսի, 2021

Եթե Տավուշի գյուղերն անցնեն Ադրբեջանին, Երևանից Բերդ ճանապարհը կանցնի թշնամու տարածքով. ուղղակիորեն անթույլատրելի է երկարացնել ՀՀ սահմանները. Նաիրա Զոհրաբյան |tert.am|

tert.am: Մենք այսօր արձանագրում ենք, որ մայիսի 12-ից տարբեր հաշվարկներով մինչև 1000 ադրբեջանցի զինվորներ գտնվում են ՀՀ սուվերեն տարածքում, դիրքավորվում են, տեխնիկապես ամրանում են և որևէ տեղ չեն պատրաստվում գնալ: ՊՆ-ն այսօր հաստատեց, որ 6 օրից ավելի է՝ որևէ բանակցություններ չեն ընթանում, դեռ մի բան էլ պատգամավորներն ասում են, որ Տավուշի որոշ գյուղեր Խորհրդային Ադրբեջանին են պատկանում: Այս մասին այսօր ԱԺ-ում ասաց պատգամավոր Նաիրա Զոհրաբյանը: Նա նշեց, որ ինչպես իշխանության ներկայացուցիչներն են ասում, եթե որոշ գյուղեր Խորհրդային Ադրբեջանին են պատկանում, ապա այդ նույն տարածքներում ևս ադրբեջանական դրոշներ ենք տեսնելու: «Տավուշի մարզի տարածքները Ադրբեջանին անցնելու դեպքում մենք ՀՀ-Վրաստան-Ռուսաստան միջպետական մայրուղու վրա կունենանք ադրբեջանական ԶՈՒ և ադրբեջանական վերահսկողություն»,-ասաց նա և հավելեց, որ այսօր անգամ դժվարություն ունենք պահպանելու Սյունիքի և Գեղարքունիքի սահմանները և ուղղակիորեն անթույլատրելի է երկարացնել Հայաստանի սահմանները: Ըստ նրա՝ եթե Ազատամուտ, Կայան, Այգեհովիտ գյուղերը անցնեն Ադրբեջանի տարածքով, ապա Երևանից Բերդ ճանապարհը կանցնի Ադրբեջանի տարածքով. «Եթե հանկարծ Տիգրանաշենն անցի Ադրբեջանին, Երևանից դեպի Սյունիք, Արցախ և Իրան միջպետական մայրուղու մի հատվածը կանցնի Ադրբեջանի վերահսկողության տակ»:

17:34 - 25 մայիսի, 2021