Սիրիա

Հալեպում տասնյակ զոհեր կան. մի շարք շրջաններում լարված իրավիճակ է |shantnews.am|

shantnews.am։ Երեկ կրկին ականակոծվել է Սիրիայի Հալեպ քաղաքը: Այս մասին SHANTNEWS-ին հայտնում է Հալեպի իր աղբյուրը։ Տասնյակ ականներ են ընկել Հալեպի ծայրամասային շրջաններում։ Նախնական տվյալներով՝ կան զոհեր, իսկ վիրավորների թիվը հասնում է 15-ի: Ըստ ականատեսների՝ մի քանի թաղամասերում իրավիճակը քաոսային է՝ զոհերի դիերը մնացել են այրված ավտոմեքենաների տակ:«Ալ Մայադին» հեռուստաալիքի հաղորդմամբ՝ Հալեպի ականակոծման ամբողջական պատասխանատուն Թուրքիայի անմիջական հովանավորությունը վայելող «Ալ Նուսրա» ահաբեկչական խմբավորումն է։

05:52 - 25 հուլիսի, 2019

Սիրիայում ականի պայթյունից 7 դեռահաս է զոհվել |panarmenian.net|

panarmenian.net: Առնվազն 7 դեռահաս է զոհվել Սիրիայում ականի պայթյունից, որն ահաբեկիչները տեղադրել էին Դեր Զոր գավառի Դեբլան ավանում: Այդ մասին հայտնում է ՏԱՍՍ-ը SANA գործակալության վրա հղումով: Ըստ տեղեկատվության, միջադեպը տեղի է ունեցել գյուղատնտեսական աշխատանքների ժամանակ: Հոսպիտալացված վիրավորների քանակը հայտնի չէ: Հունիսի 22-ին ականի պայթյունի հետևանքով 2 երեխա էր վիրավորվել Հասեկե քաղաքի արվարձանում: «Իսլամական պետության» գրոհայինները բազում ականներ են թողել իրենցից հետո Սիրիայի գյուղական վայրերում: Դա արվել է գյուղատնտեսական շրջաններում խաղաղ կյանքի հաստատմանը խանգարելու նպատակով:

07:34 - 10 հուլիսի, 2019

Օգոստոսին Իրանը, Ռուսաստանը եւ Թուրքիան Սիրիայի հարցով եռակողմ բանակցություններ կանցկացնեն |news.am|

news.am: Թեհրանի, Մոսկվայի եւ Անկարայի միջեւ եռակողմ գագաթնաժողովը, որն ուղղված է սիրիական ճգնաժամի կարգավորման քննարկմանը, տեղի կունենա օգոստոսին Թուրքիայում, հայտնում է Tasnim-ը՝ վկայակոչելով Թուրքիայի նախագահի մամուլի քարտուղար Իբրահիմ Քալընին:«Հանդիպումը հիմնականում կանցկացվի Իդլիբի եւ Սիրիայի այլ հատվածների հարցով, ընդհանրապես անվտանգությանը, անցումային գործընթացներին, սահմանադրական հանձնաժողովին եւ վերաբնակեցմանն առնչվող իրավիճակի հարցով»,- ասել է Քալընը մամուլի ասուլիսի ժամանակ:Նշվում է, որ օգոստոսի վերջին կամ սեպտեմբերի սկզբին Սիրիայի հարցով եւս մեկ հանդիպում է նախատեսված Ռուսաստանի, Գերմանիայի եւ Ֆրանսիայի առաջնորդների մասնակցությամբ:«G20 գագաթնաժողովի ժամանակ համաձայնություն էր ձեռք բերվել քառակողմ հանդիպման շուրջ՝ անցյալ տարի Ստամբուլում տեղի ունեցածի նման... Քառակողմ գագաթնաժողովը նախատեսվում է անցկացնել ՄԱԿ ԳՎ ուղեւորվելուց առաջ»,- նշել է նա:Ռուսաստանը, Իրանը եւ Թուրքիան Սիրիայում հաշտեցման 3 երաշխավոր երկրներն են:Այս երկրների առաջնորդները պարբերաբար հանդիպում են Սիրիայում ընթացիկ իրավիճակի քննարկման նպատակով:

08:39 - 06 հուլիսի, 2019

Սիրիայում հայ սակրավորները հունիսի 8-ից 25-ը 1650 քմ տարածք են ականազերծել

Սիրիայի Արաբական Հանրապետությունում հումանիտար առաքելություն իրականացնող հերթական խմբի սակրավորները հունիսի 8-ից մինչեւ հունիսի 25-ը տեխնիկական հետազոտության եւ մաքրման աշխատանքների ժամանակ 1650 քմ տարածք են ականազերծել:Հումանիտար Ականազերծման եւ Փորձագիտական Կենտրոնից հայտնում են, որ հայկական մարդասիրական խմբի բժիշկները նույն ժամանակահատվածում թերապեւտիկ բնույթիբուժօգնություն են ցուցաբերել 92 քաղաքացու, ճառագայթային հետազոտությունների է ենթարկվել 86 հիվանդ, անեսթեզիոլոգիական ծառայություններից օգտվել է 8 քաղաքացի, մանկաբույժը զննել եւ համապատասխան բուժում է նշանակել 22 երեխայի։

11:06 - 26 հունիսի, 2019

Հալեպում վերաբացվել են սոսնձի և ներկի գործարանները |tert.am|

tert.am։ Հալեպում ռազմական գործողությունների ավարտից հետո վերաբացվել է սոսնձի արտադրամասը: Այդ մասին հայտնել է գործարանի ինժեներ Աբդուլահեդ Զահդանը, հաղորդում է РИА Новости-ն: «Սոսինձն անհրաժեշտ է բոլոր նրանց համար, ովքեր վերականգնում են իրենց տները: Վաճառքը լավ է ընթանում: Հալեպում միայն մենք ենք արտադրում այդքան լավ որակի սոսինձ»,- աղբյուրի փոխանցմամբ՝ ասել է նա:Ինժեների խոսքով՝ արտադրանքը ստուգվում է հենց տեղում, գործարանն ունի հատուկ լաբորատորիա: Հալեպում մեկ այլ ընկերություն էլ վերսկսել է ներկի արտադրությունը: Գործարանի ղեկավար Յահյա Սաուանայի խոսքով՝ ապրանքը մեծ պահանջարկ ունի, քանի որ քաղաքի բնակիչները վերանորոգում են իրենց բնակարաններն ու տները:

05:51 - 07 հունիսի, 2019

Իսրայելը հրթիռակոծել է Հոմսի ռազմական աերոդրոմը |shantnews.am|

shantnews.am։ Իսրայելը հրթիռային հարված է հասցրել սիրիական Հոմս նահանգի T4 ռազմական աերոդրոմին։ Այս մասին հայտնում է SANA գործակալությունը։ Ռազմական աղբյուրի փոխանցմամբ՝ սիրիական հակաօդային պաշտպանության համակարգերը կարողացել են ոչնչացնել 2 հրթիռ, սակայն մնացածը հասել են թիրախին։ Զոհվել է 1 զինծառայող, ևս մի քանիսը վնասվածքներ են ստացել։ Հարվածի հետևանքով վնասվել են զինամթերքի պահեստն ու ևս մի քանի շինություններ։Դրանից բացի՝ օբյեկտի տարածքում հզոր պայթյուններ են որոտացել, որոնց պատճառը հայտնի չէ։ Դրանց հաջորդել է հրդեհը։

05:44 - 03 հունիսի, 2019

Սիրիայում հայ մասնագետները 33,400 քմ տարածք են ականազերծել, վիրաբուժական օգնություն է ցուցաբերվել 394 հիվանդի

Սիրիայի Արաբական Հանրապետությունում հումանիտար առաքելություն իրականացնող հայ մասնագետների խմբի սակրավորները փետրվարի 19-ից մինչեւ մայիսի 30-ը տեխնիկական հետազոտության եւ մաքրման աշխատանքների ժամանակ 33 հազար 400 քմ տարածք են ականազերծել:Ինչպես տեղեկացնում է Հումանիտար Ականազերծման եւ Փորձագիտական Կենտրոն ՊՈԱԿ–ը, մարդասիրական խմբի բժիշկները վիրաբուժական բնույթի օգնություն են ցուցաբերել 394 հիվանդի, թերապեւտիկ բնույթի բուժօգնություն է ստացել 801 քաղաքացի, 1354 կլինիկալաբորատոր հետազոտություն է իրականացվել: Բուժօգնություն ստացած քաղաքացիների թվում շատ են երեխաները:Սիրիայի բնակիչները պարբերաբար երախտագիտություն են հայտնում հայ մասնագետներին՝ կարեւոր առաքելության համար՝ այն որակելով եղբայրական աջակցություն: Մարդասիրական առաքելությունը շարունակվում է:

11:33 - 31 մայիսի, 2019

Սիրիայում հումանիտար առաքելություն իրականացնող հայ մասնագետները փետրվարի 19-ից մինչև մայիսի 30-ը 33 հազար 400քմ տարածք են ականազերծել

Սիրիայի Արաբական Հանրապետությունում հումանիտար առաքելություն իրականացնող հայ մասնագետների խմբի սակրավորները փետրվարի 19-ից մինչև մայիսի 30-ը տեխնիկական հետազոտության և մաքրման աշխատանքների ժամանակ 33 հազար 400քմ տարածք են ականազերծել:Այս մասին գրված է Հումանիտար Ականազերծման և Փորձագիտական Կենտրոն ՊՈԱԿ-ի ֆեյսբուքյան էջում։ Նշվում է նաև որ, մարդասիրական խմբի բժիշկները վիրաբուժական բնույթի օգնություն են ցուցաբերել 394 հիվանդի, թերապևտիկ բնույթի բուժօգնություն է ստացել 801 քաղաքացի, 1354 կլինիկալաբորատոր հետազոտություն է իրականացվել: Բուժօգնություն ստացած քաղաքացիների թվում շատ են երեխաները: Սիրիայի բնակիչները պարբերաբար երախտագիտություն են հայտնում հայ մասնագետներին՝ կարևոր առաքելության համար՝ այն որակելով եղբայրական աջակցություն: Մարդասիրական առաքելությունը շարունակվում է:

09:11 - 31 մայիսի, 2019

Իսրայելը հրթիռային հարված է հասցրել Սիրիայի ուղղությամբ. կան տուժածներ. SANA |tert.am|

tert.am: Սիրիայի հարավային Էլ-Քունեյթրա նահանգի Թալ-Շաար քաղաքի մոտակայքում հրթիռային հարվածի հետևանքով ռազմական ավտոմեքենա է ոչնչացվել, Interfax-ի փոխանցմամբ՝ հայտնել է SANA լրատվական գործակալությունը: Աղբյուրի հաղորդմամբ՝ ավիահարվածները հասցվել են Իսրայելի տարածքից: Հրթիռային հարձակման հետևանքով կան տուժածներ, որոնց վիճակի մասին մանրամասներ չի հաղորդվում:Նշվում է, որ իսրայելցի զինվորականներն արդեն հաստատել են Սիրիայի ուղղությամբ օդային հարվածներ հասցնելու հանգամանքը:

05:49 - 28 մայիսի, 2019

Մեկ օրվա ընթացքում Հորդանանից և Լիբանանից Սիրիա է վերադարձել ավելի քան 900 փախստական |armenpress.am|

ԱՐՄԵՆՊՐԵՍ: Ավելի քան 900 սիրիացի փախստական վերջին օրվա ընթացքում վերադարձել է Սիրիա օտար երկրներից: Ինչպես հաղորդում է «ՌԻԱ Նովոստի»-ն, ընդհանուր առմամբ 937 փախստականը վերադարձել է Լիբանանից (359 մարդ՝ 108 կին և 183 երեխա) և Հորդանանից (578 մարդ՝ 173 կին և 295 երեխա): Սիրիայի ներսում մշտական բնակության վայր է վերադարձել 8 սիրիացի: Փախստականների ընդունման կենտրոնի տվյալներով՝ Սիրիայի ԶՈւ ինժեներական ստորաբաժանումները ականազերծել են 2.6 հա տարածք: Բացի դրանից, մասնագետները ոչնչացրել են 41 պայթյունավտանգ առարկա: Զինված կոնֆլիկտը Սիրիայում շարունակվում է դեռ 2011 թվականից:

09:59 - 25 մայիսի, 2019

Ահաբեկիչները Սիրիայում ռուսական «Հմեյմիմ» ավիաբազայի ուղղությամբ 17 հրթիռ են արձակել |tert.am|

tert.am: «Ալ Նուսրա» ահաբեկչական խմբավորման անդամները մայիսի 22-ին 17 հրթիռ են արձակել Սիրիայի տարածքում գտնվող «Հմեյմիմ» ռուսական ավիաբազայի ուղղությամբ, հայտնում է Russia Today-ը՝ մանրամասնելով, որ ռուսական կողմին հաջողվել է որսալ հրթիռներ: Դրանց մի մասն էլ կես ճանապարհին ընկել է՝ չհասնելով վերջնական թիրախին: Ընդհանուր առմամբ, ավիաբազայի հակաօդային պաշտպանության համակարգերը որսացել են ինը հրթիռ:

13:16 - 22 մայիսի, 2019

ՌԴ պաշտպանության նախարարությունը հայտնել է Սիրիայում Հմեյմիմի ռուսական ռազմաբազայի գնդակոծության մասին |news.am|

news.am: Սիրիայում «Ջեբհաթ ան Նուսրա» ահաբեկչական կազմակերպության գրոհայինները գնդակոծել են Հմեյմիմի ռուսական ռազմաբազան: Ռուս զինվորականների տեղեկություններով՝ գնդակոծությունը կատարվել է համազարկային կրակի ռեակտիվ համակարգով:Նշվում է, որ բազայի վրա հարձակվելու փորձ է կատարվել, չնայած մայիսի 18-ին, ժամը 00-ին հայտարավել էր կրակի ամբողջական դադարեցման մասին: Սիրիայի զինված ուժերը պայմանավորվածությանը հետեւել են, իսկ ահա ահաբեկիչները շարունակել են սադրանքները եւ Իդլիբի ապաէսկալացիայի գոտում գնդակոծությունները: «Մայիսի 19-ին, ժամը մոտ 20.00-ին Իդլիբի ապաէսկալացիայի գոտուց ահաբեկիչները ռուսական ավիաբազայի տարածքի վրա են արձակել 6 ռեակտիվ արկ: Բոլոր ակերը ոչնչացվել են ռուսական ավիաբազայի ՀՕՊ հերթապահ ուժերի կողմից»,- նշել են ՌԴ ՊՆ-ից:Հետախուզության միջոցներն ավելի ուշ հայտնաբերել են համազարկային կրակի ռեակտիվ համակարգի կայանքը, որից ահաբեկիչները կրակ են արձակել: Այն գտնվում էր Իդլիբ նահանգի Քաֆեր Նոբել բնակավայրի արեւմտյան ծայրամասում: Ռուսաստանի ՕՏՈՒ-ն նշված շրջանի վրա կետային հարված է հասցրել՝ ոչնչացնելով ռեակտիվ կայանքը:Միաժամանակ հյուսիսային եւ հյուսիսարեւելյան ուղղություններից «Հմեյմիմ»-ին են մոտեցել ահաբեկիչների 2 անօդաչու թռչող սարքեր: Ռուսական ՀՕՊ միջոցներն օպերատիվորեն հայտնաբերել են դրանք, իսկ ՀՕՊ հերթապահ ուժերը անօդաչուները ոչնչացրել են, ինչպես նշվում է՝ ավիաբազայի զգալի ճնշմամբ:ՌԴ պաշտպանության նախարարությունում ընդգծել են, որ «Հմեյմիմ» ավիաբազան չի տուժել՝ տուժածներ եւ ավերածություններ չկան: «Ավիաբազան շարունակում է գործել սովորականին ռեժիմով»,- եզրափակել են զինվորականները:

12:03 - 20 մայիսի, 2019

Սիրիայի բանակը Հալեպից հարավ և արևմուտք հարվածներ է հասցրել զինյալների դիրքերին |aysor.am|

aysor.am։ Սիրիական զորքերի հրետանին երեքշաբթի Հալեպից (Դամասկոսից 360 կիլոմետր) դեպի հարավ և արևմուտք գրոհել է հրոսակային կազմավորումների դիրքերը, հայտնել է Al Ekhbariya կառավարական հեռուստաալիքը: Հեռուստաալիքի տեղեկատվությամբ՝ հարվածներ են հասցվել Քֆար Համրա և Խալսա արվարձաններին, նաև «Ռաշիդին-5» միկրոշրջանին, որոնք իրենց ձեռքում են պահում զինյալները: Այնտեղից նրանք գնդակոծում են քաղաքի այն թաղամասերը, որոնք գտնվում են սիրիական բանակի պաշտպանության ներքո: Հեռուստաալիքի տեղեկատվությամբ՝ հարվածներ են հասցվել Քֆար Համրա և Խալսա արվարձաններին, նաև «Ռաշիդին-5» միկրոշրջանին, որոնք իրենց ձեռքում են պահում զինյալները: Այնտեղից նրանք գնդակոծում են քաղաքի այն թաղամասերը, որոնք գտնվում են սիրիական բանակի պաշտպանության ներքո:

08:14 - 07 մայիսի, 2019

Սիրիայում ահաբեկիչները կրակել են «Խմեյմիմ» ռուսական ավիաբազայի ուղղությամբ |tert.am|

tert.am: Ահաբեկիչները կրակ են արձակել Սիրիայում գտնվող «Խմեյմիմ» ռուսական ավիաբազայի ուղղությամբ: Այս մասին հայտնում է Սիրիայում պատերազմող կողմերի հաշտեցման ռուսական կենտրոնի ղեկավար Վիկտոր Կուպչիշինը: Փոխանցում է «РИА Новости»-ն: Նա ընդգծել է, որ բոլոր հարվածներն արձանագրվել են, ռուսական զինծառայողներից որևէ մեկը չի տուժել: Ավիաբազան ևս չի տուժել: Ավելի վաղ Կուպչիշինը նշել էր, որ մեկ ամսվա ընթացքում 12 անգամ հարձակում է տեղի ունեցել «Խմեյմիմ» ավիաբազայի վրա:

05:25 - 03 մայիսի, 2019

Սիրիայի հակակառավարական ուժերը հայկական զորախումբ են ստեղծել |civilnet.am|

civilnet.am: ԱՄՆ-ի աջակցությունը վայելող «Սիրիայի դեմոկրատական ուժերը» (ՍԴՈՒ) հայկական զորախումբ է ստեղծել, հաղորդում է Ամերիկայի ձայնի անգլալեզու ծառայությունը։ Ռադիոկայանը հիշեցնում է, որ ՍԴՈՒ-ն քրդերի կողմից ղեկավարվող բազմազգ ռազմական դաշինք է, որը կարևոր դեր է ունեցել Սիրիայում Իսլամական պետություն ահաբեկչական խմբավորման դեմ պայքարում։ Անցյալ ամիս ՍԴՈՒ-ն ազատագրել է Իսլամական պետության միջնաբերդ համարվող Baghuz քաղաքը Սիրիայի արևելքում։ Չորեքշաբթի տեղի է ունեցել հայկական զորախմբի ստեղծման արարողությունը։ «Մենք կշարունակենք մեր նահատակների ճամփան և կպայքարենք այնքան ժամանակ, մինչև էթնիկական բոլոր հանրույթները Սիրիայի հյուսիսում և արևելքում ազատ լինեն և ստեղծեն ապակենտրոնացված Սիրիա։ Ժամանակն է Սիրիայում ստեղծել իսկական հայկական ուժ»,- ասել է զորախմբի հրամանատար Մասիս Մութանյանը Սիրիայում 2011-ին բռնկված քաղաքացիական պատերազմից ի վեր սա հայկական առաջին զորախումբն է, նշում է Ամերիկայի ձայնը։

06:09 - 29 ապրիլի, 2019

Հայ սակրավորների առաքելությունը Սիրիայում շարունակվում է․ 10 000 ք/մ տարածք է ականազեծվել |news.am|

24news.am: Սիրիայի Արաբական Հանրապետությունում ՀՀ հումանիտար առաքելություն իրականացնող անձնակազմի սակրավորները մի քանի օր տևած պարապմունքներից և Հալեպի բնակիչներին պատկանող տարածքներում տեխնիկական տեղազննություններ կատարելուց հետո շարունակում են ականազերծման աշխատանքները: Այդ մասին հայտնում է «Հումանիտար ականազերծման և փորձագիտական կենտրոն»-ի հասարակայնության հետ կապերի պատասխանատու Նազելի Էլբակյանը: Ընդհանուր առմամբ 10 հազար քառակուսի մետրից ավելի տարածք է ականազերծվել:

08:25 - 16 ապրիլի, 2019