Կորոնավիրուս

Չոր հազ, հևոց, ջերմություն. մասնագետները հորդորում են նման ախտանշանների դեպքում դիմել բժշկի |armenpress.am|

Չոր հազ, հևոց, ջերմություն. մասնագետները հորդորում են նման ախտանշանների դեպքում դիմել բժշկի |armenpress.am|

armenpress.am: Ջերմություն, չոր հազ, հևոց. սրանք կորոնավիրուսի հիմնական ախտանշաններ են: Մասնագետները հորդորում են նման ախտանշանների դեպքում ինքնաբուժությամբ չզբաղվել և անմիջապես կապ հաստատել տարածքային բժիշկների հետ: ԱՆ հիվանդությունների վերահսկման եւ կանխարգելման ազգային կենտրոնի գլխավոր տնօրենի տեղակալ Լիլիթ Ավետիսյանը նշեց, որ շնչառական վարակների ցանկացած ախտանշանների դեպքում  կարիք կա անձին հետազոտելու և  հասկանալու, թե դրանք ինչի հետևանք են: «Կորոնավիրուսը,  ի տարբերություն մյուս շնչառական վարակների, ընթանում է չոր, ոչ խորխային հազով, և այս դեպքում թոքաբորբն ավելի դանդաղ է զարգանում: Հետևաբար, ախտանշանների դեպքում մենք բոլորին խնդրում ենք, հորդորում ենք, որ հնարավորինս շուտ դիմեն բժիշկներին, ինքնաբուժությամբ չզբաղվեն, ինչը վտանգավոր է: Բժշկի զննելուց և նշանակումից հետո նոր միայն պետք է բուժում ստանալ»,-ասաց Լիլիթ Ավետիսյանը: Նա ընդգծեց, որ եթե մարդիկ ունեն ճամփորդական փորձ, այսինքն՝ եղել են այն երկրներում, որտեղ կորոնավիրուսի համաճարակային իրավիճակը լարված է, ապա անպայման հետևեն իրենց ջերմությանը: «Եթե տեսնում են, որ ունեն ջերմություն, ապա պետք է տեղեկացնել բժշկին: Ջերմություն ունենալու դեպքում չպետք է ընդունել ջերմությունն իջեցնող դեղեր: Բժիշկը պետք է գնահատի անձի առողջական իրավիճակը և, անհրաժեշտության դեպքում, բուժում նշանակի: Հայաստան վերադարձողների հետ մասնագետները կապի մեջ են, եթե կլինեն այնպիսի արտահայտված կլինիկական նշաններ, որոնք անհանգստացնող են, ապա անձը կուղղորդվի ինֆեկցիոն հիվանդանոց՝ մասնագիտացված բժշկական օգնություն ստանալու համար»,-ասաց Լիլիթ Ավետիսյանը: Ինչ վերաբերում է այն քաղաքացիներին, որոնք վերջին շրջանում ճամփորդական փորձ չունեն, ապա Լիլիթ Ավետիսյանը նշեց, որ այս դեպքում նույնպես անհրաժեշտ է հենց առաջին իսկ նախանշաններից դիմել բժշկի: «Պետք է առաջին հերթին զանգահարել բժշկին, ներկայացնել խնդիրը և ստանալ համապատասխան ցուցումներ: Հիշեցնեմ, որ պոլիկլինիկաներում գործում է նաև կանչերի ինստիտուտը, անհրաժեշտության դեպքում բժիշկը կմոտենա»,-ասաց նա:
13:51 - 13 մարտի, 2020
Ուղևորահոսքի այսպիսի նվազում երբևէ չի եղել. Ռևազյանը՝ կորոնավիրուսով պայմանավորված իրավիճակի մասին |armenpress.am|

Ուղևորահոսքի այսպիսի նվազում երբևէ չի եղել. Ռևազյանը՝ կորոնավիրուսով պայմանավորված իրավիճակի մասին |armenpress.am|

armenpress.am: ՀՀ քաղաքացիական ավիացիայի կոմիտեի նախագահ Տաթևիկ Ռևազյանը Հայաստանում կորոնավիրուսով պայմանավորված ուղևորահոսքի զգալի նվազում է նկատում, դրա վնասների մասին խոսելը, սակայն, դեռ վաղ է համարում: Ռևազյանն այս մասին ասաց Կորոնավիրուսի տարածումը կանխարգելող հանձնաժողովի նիստից հետո լրագրողներից հետ զրույցում: «Շատ շուտ է ասել, թե ինչ վնասներ կլինեն, սակայն նման բան երբևէ չի եղել ամբողջ աշխարհում: Այսպիսի հոսքի նվազում երբևէ չի եղել: Տարբեր մասնագետներ դա համեմատում են Երկրորդ համաշխարհայինի հետ»,-ասաց նա ու նկատեց, որ տնտեսությունն իսկապես կախված է այդ ուղևորահոսքից: Նա նշեց՝ իրոք շատ կտրուկ նվազում կա, սակայն խնդիրը միայն Հայաստանում չէ: Մյուս պետությունները շատ ավելի մեծ վնաս են կրել: Այսօրվա դրությամբ չվերթները չեղարկել է «RyanAir»-ը, «Wizair»-ից չեղարկում չի եղել: «Շատ լուրջ չեղարկումներ չկան,սակայն  ուղևորահոսքը հաստատ նվազել է»,-ասաց Ռևազյանը: Անդրադառնալով կորոնավիրուսի առումով ռիսկային երկրների հետ օդային սահմանը փակելու վերաբերյալ հարցին՝ նա արձագանքեց. «Դա թվում է մի քայլ, որը կլուծի մեր բոլոր խնդիրները, սակայն կարող է խնդիրը լրջացնել: Ուղևորները, որոնք արդեն եկել են, եթե գային տարանցիկ ուղիներով, շատ ավելի բարդ կլիներ իրավիճակը: Մենք ունենք ուղիղ չվերթներ, կարող ենք միջոցառումներ կազմակերպել օդանավակայանում, որ իրենք տարանջատված լինեն մնացած ուղևորներից: Տարանցիկի հարցը շատ ավելի բարդ է»,-ասաց Ռևազյանը:
13:49 - 13 մարտի, 2020
Գաֆէսճեանը սահմանափակում է հանրային ծրագրերը. Մարտի համերգները չեղարկվում են

Գաֆէսճեանը սահմանափակում է հանրային ծրագրերը. Մարտի համերգները չեղարկվում են

Գաֆէսճեան արվեստի կենտրոնը ժամանակավորապես սահմանափակում է իր հանրային ծրագրերը՝ հանրային առողջության պահպանման նկատառումներից ելնելով: Այդ մասին ասվում է կենտրոնի ֆեյսբուքյան էջում: Մասնավորապես, մարտի 13-ին կայանալիք «Շախմատային հանդիպումներ. Գաֆէսճեան պատանեկան խորհուրդն ընդդեմ արվեստագետների» նոր նախագծի մեկնարկը, ինչպես նաև առաջիկա կրթական ծրագրերն առայժմ հետաձգվում են: Չեղարկվում են նաև Կենտրոնի մարտ ամսվա համերգային ծրագրերը. մարտի 14-ի «Կադանսը», մարտի 21-ի «Ալեակ» Ֆոլկ եռյակի համերգն ու մարտի 27-ի «Ժամանակի հորիզոններ» համերգը: Առայժմ չի գործի նաև ԳԱԿ-ի Ինտերակտիվ ուսումնական կենտրոնը: Անձնակազմն անում է ամենը՝ Կենտրոնի տարածքը բոլորի համար հնարավորինս անվտանգ դարձնելու: Ավելի վաղ հայտնի դարձավ, որ Ալ. Թամանյանի անվան ճարտարապետության ազգային թանգարան-ինստիտուտը ժամանակավորապես այցելուներ չի ընդունի:
13:28 - 13 մարտի, 2020
Ալկոգելի, դիմակների քանակի պակաս չկա, ՀՀ-ում որոշ փոքր արտադրություններ են հիմնվել. Գեղամ Գևորգյան |tert.am|

Ալկոգելի, դիմակների քանակի պակաս չկա, ՀՀ-ում որոշ փոքր արտադրություններ են հիմնվել. Գեղամ Գևորգյան |tert.am|

tert.am: Մենք դիմակների և ալկոգելի շուկայում դիտարկումներ անում ենք, անկախ նոր կորոնավիրուսի՝ Հայաստանում գրանցված վերջին դեպքերից. այս մասին լրագրողների հետ զրույցում ասաց ՀՀ տնտեսական մրցակցության պետական պաշտպանության հանձնաժողովի նախագահ Գեղամ Գևորգյանը:«Ալկոգելի մասով ասեմ, որ երեկ հանդիպում ենք ունեցել ներքին արտադրողների հետ. օրական մոտ 6-7 տոննա ալկոգել է արտադրվում Հայաստանում, խնդիրն այն է, որ դեղատներն առավոտյան ստանում են, արագ վերջանում է: Պահեստավորված որոշակի խմբաքանակ կա, եթե ուսումնական հաստատություններին պետք լինի, պահեստավորված քանակ ունենք»,- ասաց նա:Դիմակների հետ կապված էլ, Գևորգյանն ասաց, թե քանի որ տարբեր աղբյուրներից են ձեռք բերվում և տարբեր գներով, գնային փոփոխություններ կան: «Մեզ տնտեսվարողները հայտնում են, որ միտում կա գների նվազեցման, որովհետև Չինաստանն էլ է առաջարկ արել վաճառքի: Այս պահին գինը մի փոքր բարձր է, շուկայում մեծածախով կա 150-200 դրամ: Եթե պետությունը կարիք ունենա ձեռքբերման հնարավորություն ունենք, բավականաչափ խմբաքանակ մտել է ՀՀ, նաև որոշակի փոքր լոկալ արտադրություններ են սկսել տնտեսվարողները, շատ փոքր իհարկե, բայց գինը 200 դրամ է կազմում»,- տեղեկացրեց նա: Հարցին՝ դիմակների ախտահանիչ միջոցների դեֆիցիտ սպառնո՞ւմ է  Հայաստանին, նա պատասխանեց, որ այս պահին ախտահանիչների դեֆիցիտ չկա: «Ալկոգելի գինը չի բարձրացել, դիմակները, քանի որ հիմնական ձեռքբերումը Չինաստանից, Ռուսաստանից է, խնդիր առաջացավ, չնայած ամբողջ աշխարհում էր խնդիրը, այսօրվա դրությամբ, այսօրվա պահանջարկը հաշվարկելով, կարծես թե լուրջ խնդիր չկա, հետագայում ինչ կլինի, դժվար է գնահատել»,- նշեց նա:Ինչ վերաբերում է նրան, որ դիմակները մեկ կամ երկու հատով են վաճառվում, Գևորգյանն ասաց, որ տնտեսվարողներն այդ խնդրով իրենց հետ խոսել են, որովհետև կոնկրետ ծավալ պետք է կարողանան հասցնել արտադրել, եթե անսահմանափակ քանակով վաճառեն, հնարավոր է, որ օրական պահանջվող ծավալը չկարողանան հասցնել արտադրել, իսկ եթե քաղաքացին էլ գնի ու պահեստավորի, այդ դեպքում նորից հասցնելու խնդիր է լինում:
13:14 - 13 մարտի, 2020
Կորոնավիրուսն ու արգելքները. Ինչ չի կարելի ու ինչ է պարտադիր Վրաստանում |aliq.ge|

Կորոնավիրուսն ու արգելքները. Ինչ չի կարելի ու ինչ է պարտադիր Վրաստանում |aliq.ge|

aliq.ge: Վարակի հետագա տարածումը կանխելու նպատակով Վրաստանը շարունակում է դիմել կանխարգելիչ միջոցների:  ԱՐԳԵԼՎԱԾ Է Ռիսկային ճանաչված երկրների հետ հաղորդակցությունը Արգելվել է Չինաստանի, Իրանի, Իտալիայի հետ ավիահաղորդակցությունը:  Իտալիայի և Իրանի հետ բեռնափոխադրումները Վրաստանի ցամաքային տրանսպորտի գործակալության որոշմամբ՝ Իտալիայի և Իրանի հետ բեռնափոխադրումները դադարեցվել են, նոր թույլտվություններ չեն տրվելու: Չինաստանից կենդանիների ներմուծումը Արգելվել է Չինաստանից Վրաստան ներկրել դեկորատիվ կրիաներ և ձկներ: Արգելքը ուժի մեջ կլինի մինչև Առողջապահության համաշխարհային կազմակերպության (WHO) և կենդանիների առողջապահության միջազգային կազմակերպության (OIE) կողմից Չինաստանի ժողովրդական հանրապետությունը կորոնավիրուսից ազատ գոտի հայտարարելը: Կալանավայրերում տեսակցությունները Մեղադրյալներին ու դատապարտյալներին արգելվել են երկարաժամկետ ու կարճաժամկետ տեսակցությունները, բանտից տարածքը կարճ ժամանակով լքելը, անձնական հանգամանքներով դուրս գալը: Բացի այդ՝ արգելվել է աշխատանքի կամ ուսման նպատակով, ինչպես նաև տոնական ու ոչ աշխատանքային օրերին տարածքից դուրս գալը: Դիմակներ ուղարկելը Փետրվարի 27-ից՝ Վրաստանից ցանկացած տեսակի ու քանակի բժշկական դիմակներ փոստի միջոցով արտերկիր ուղարկելն արգելվել է. Բժշկական դիմակների դեֆիցիտ է երկրի բոլոր դեղատներում: Մասսայական հավաքները Արգելվել են մշակութային, կրթական, մարզական և այլ տեսակի բազմամարդ հավաքները: Դադարեցվել են Ֆուտբոլի, բասկետբոլի, Հենդբոլի Վրաստանի առաջնությունները: Մարտի 14-ին Ռեգբիի Վրաստան-ՌԴ առաջնությունը կանցնի դատարկ տրիբունաներում: Տոմս ձեռք բերած մարզասերներին կվերադարձվեն գումարները: ՍԱՀՄԱՆԱՓԱԿՈՒՄՆԵՐ Նախակրթական, հանրակրթական հաստատություններում նախ ժամկետից շուտ արձակուրդ հայտարարվեց, ապա հետաձգվեց մինչև ապրիլի 1-ը: Որոշ բուհերում ևս ուսումնական գրաֆիկը փոփոխություններ է կրել: Գարնանային զորակոչը հետաձգվել է 1 ամսով՝ մինչև ապրիլի 13-ը: Պետհաստատություններին խիստ խորհրդատվություններ են տրվել՝ սահմանափակել արտերկիր գործուղումներն ու ուսումնական ճանապարհորդությունները Խորհրդարանը կանցնի հեռահար աշխատանքի: Օրենսդրական փաթեթները կքննարկվեն էլեկտրոնային տարբերակով ու կընդունվեն էլեկտրոնային քվեարկությամբ: Արդարադատության նախարարությունը հորդորել է զերծ մնալ արդարադատության տներ, հանրային կենտրոններ, նոտարական բյուրոներ այցելելուց՝ առանց ծայրահեղ անհրաժեշտության: Կառավարությունն անցել է 24-ժամյա աշխատանքային ռեժիմի: Սա վերաբերում է հատկապես առողջապահության, ներքին գործերի, կրթության, արդարադատության և արտաքին գործերի նախարարություններին, նաև ֆինանսների նախարարության համապատասխան գերատեսչություններին, որոնք գործում են սահմանային հատվածներում: ՁԵՌՆԱՐԿՎԱԾ ՄԻՋՈՑՆԵՐ Վրացական երկաթգծի բոլոր գնացքները և կայարանները ամենօրյա ռեժիմով ախտահանվում են: Հասարակական տրանսպորտը մշակվում է հատուկ նյութերով: Ախտահանման-կանխարգելիչ աշխատանքներ են իրականացվում սահմանային անցակետերում: Լրագրողներին խորհուրդ է տրվել աշխատելու ընթացքում 1-1,5 մետր հեռավորություն պահել և հարցազրույցներ անցկացնել՝ ձայնագրիչը երկար ձողի վրա ամրացնելով: Ֆրանսիայից, Գերմանիայից, Ավստրիայից և Իսպանիայից վերադարձած քաղաքացիները 2 շաբաթ տևողությամբ կարանտինում կմնան, կամ կներկայացնեն կորոնավիրուսով վարակված չլինելու մասին տեղեկանք: Խիստ ստուգումներ են երկրի բոլոր սահմանային անցակետերում: Վրաստան մուտք գործել ցանկացող բոլոր քաղաքացիներն անցնում են սկրինինգ, սովորականից թեկուզ մի փոքր բարձր ջերմության դեպքում ուղարկվում են ստուգման, անհրաժեշտության դեպքում՝ ուղարկվում կարանտինի: Վրաստանի առողջապահության նախարարությունն  արտակարգ դրություն հայտարարելու անհրաժեշտություն դեռևս չի տեսնում:
13:12 - 13 մարտի, 2020
Իրանում բնակվող ՀՀ քաղաքացիություն չունեցող հայերը Հայաստան տեղափոխվելու ցանկություն են հայտնել |armenpress.am|

Իրանում բնակվող ՀՀ քաղաքացիություն չունեցող հայերը Հայաստան տեղափոխվելու ցանկություն են հայտնել |armenpress.am|

armenpress.am: ՀՀ սփյուռքի հանձնակատարի գրասենյակ են դիմել Իրանում բնակվող, Հայաստանի քաղաքացիություն չունեցող հայեր՝ Հայաստան տեղափոխվելու համար: Պետությունը փորձում է նրանց օգնելու ձևաչափ գտնել: Այս մասին Կորոնավիրուսի կանխարգելման հարցերով հանձնաժողովի նիստից հետո լրագրողների հետ զրույցում հայտնեց հանձնակատար Զարեհ Սինանյանը: «Սփյուռքից դիմումներ կան, սակայն շատ քիչ: Անձ կա, որ Իրանում է բնակվում, ՀՀ քաղաքացի չէ, և ուզում է ինչ-որ ձևով Հայաստան գալ: Փորձում ենք այդ մարդկանց օգնելու ձևաչափ գտնել, սակայն դժվար է օգնել այն իմաստով, որ քաղաքացի չեն: Եվ մենք այն աստիճանի պարտավորություն չունենք, ինչպիսին ունենք ՀՀ քաղաքացիների նկատմամբ»,-ասաց Սինանյանը: Հիմնականում դիմում են Իրանից: 5-ից քիչ են դիմել: Հանձնակատարը վստահեցրեց, որ փորձում են այդ մարդկանց օգնելու ձևաչափ գտնել, սակայն դեռ չունեն: Կիրակի օրը Իտալիայից Հայաստան կտեղափոխվեն ՀՀ 100 քաղաքացի:
12:53 - 13 մարտի, 2020
Առնվազն մինչև մարտի 23-ը կրթական համակարգի գործունեությունը կդադարեցվի, դասեր չեն լինի․ Նիկոլ Փաշինյան

Առնվազն մինչև մարտի 23-ը կրթական համակարգի գործունեությունը կդադարեցվի, դասեր չեն լինի․ Նիկոլ Փաշինյան

Վարչապետ Նիկոլ Փաշինայնն այսօր կառավարության նիստի ավարտից հետո ֆեյսբուքյան իր էջի ուղիղ եթերում անդրադարռձել է կորոնավիրուսի խանխարգելմանն ուղղված աշխատաքներին։ «Մեր քննարկման եզրակացությունն այն էր, որ կանխարգելիչ միջոցներից որևէ մեկը այս դեպքը չէր կանխարգելելու։  Կորոնավիրուսի տարածումը կանխարգելելու լավագույն միջոցը յուրաքանչյուրիս պատասխանատվությունն է։ Ոչ մի ողերգություն չկա, եթե հանդիպելիս իրար չբարևենք, էլ չեմ ասում համբուրվելով չբարևենք։ Սրանք միջոցներ են որոնք վարչական որոշմամբ չենք կարող կարգավորել։ Դիմակների վերաբերյալ՝ դրանց գները անդրամաբանական ռեկորդներ են սահմանում։ Առողջապահության նախարարը և այլ մասնագետներ ասացին,  որ փողոցում ուղղակի քայլող մարդը դիմակ կրելու անհրաժեշտություն չունի, միայն ունեն այդ անհրաժեշտությունը ունեն միայն այն մարդիկ ունեն, ովքեր ունեն ախտանիշներ և նրանք, ովքեր  շփվում են այդ մարդկանց հետ»,-ասաց վարչապետը։ Փաշինանը նշեց , որ  այսօր կհետազոտվեն դեռևս մարտի մեկին մեկուսացված քաղաքացիները  և ամենայն հավանականությամբ նրանց մոտ կլինի բացասական եզրակացություն, նրանք կկարողանան վերադառնալ տուն։ «Առնվազն մինչև մարտի 23-ը կրթական հաստատաությունները աշխատանքը կդադարեցվի՝ դասեր չի լինի։  Ամսի 18-ին մենք կրկին կքննարկեն այս հարցը և անհրաժեշտության դեպքում այս ժամկետը կերկարաձգենք։ Կոչ ենք անում հնարավորինս խուսափել զանգվածային միջոցառումներ կազմակերպելուց  և մասնակցելուց, մանավանդ այն հայրենակիցների, ովքեր ունեն որոշակի ախտանիշներ»,- տեղեկացրեց Փաշինյանը։ Ուղիղ եթերում վարչապետը անդրադարձավ նաև Հայաստանի տնտեսությանը, նա նշեց, որ այս իրավիճակը ոչ միայն կվնասի Հայստանի տնտեսությանը այլև կարող են այդ վերադասավորումները նոր հանրավորություններ բացել Հայաստանի տնտեսության վրա։ « Այս պահի դրությամբ նոր հաստատաված դեպքեր չունենք։ Կրկին կոչ ենք անում անհատական բարձր գիտակվցության և բարձր պատասխանատվության։ Մեր  ամենամեծ խնդիրն այն է, որ պարզենք Էջմիածնում տեղի ունեցած նշանադրության մասնակիցների և ախտահարված մարդկանց հետ շփում ունեցած անձանց ողջ շրջանակը։ Բոլոր այն քաղաքացիներին, ովքեր մասնակցել են այդ միջոցառանը կամ շփում են ուենցել այդ մարդկանց հետ, ապա առաջին հերթին կոչ եմ անում ինքնամեկուսացվել և այդ մասին զգուշացնել համապատասխան մարմիններին։ Այս իրավիճակին մենք պետք է վերաբերենք հանդարդ»,- եզրափակեց Փաշինյանը։  
12:51 - 13 մարտի, 2020
Հորդորում եմ ԱԺ պատգամավորներին և աշխատակիցներին հնարավորինս նվազեցնել ֆիզիկական հաղորդակցությունը այլ անձանց հետ․ Արարատ Միրզոյան

Հորդորում եմ ԱԺ պատգամավորներին և աշխատակիցներին հնարավորինս նվազեցնել ֆիզիկական հաղորդակցությունը այլ անձանց հետ․ Արարատ Միրզոյան

ՀՀ Ազգային ժողովի նախագահ Արարատ Մկրզոյանը ֆեյսբուքյան իր էջում գրում է․ «Շրջաբերական ԱԺ պատգամավորներին և աշխատակիցներին․ Հարգելի գործընկերներ, Կորոնավիրուսի վարակի տարածման հավանականությունը նվազեցնելու, առողջապահության համակարգի արդյունավետությանը նպաստելու և վարակը հաղթահարելու գործում կարևոր է յուրաքանչյուրիս մասնակցությունը։ Ուստի հորդորում եմ, որ ելնելով հանրային առողջության նկատմամբ պատասխանատվությունից՝ ԱԺ պատգամավորները և աշխատակիցները հնարավորինս նվազեցնեն ֆիզիկական հաղորդակցությունը այլ անձանց հետ և իրենց աշխատանքային պարտականությունները կատարեն առցանց, իսկ վերջին երկու շաբաթվա ընթացքում գործուղման մեկնած կամ որևէ ռիսկային խմբի ներկայացուցչի հետ ֆիզիկական շփումներ ունեցած գործընկերները ժամանակավորապես հնարավորինս ինքնամեկուսանան։ Կոչ եմ անում նաև խստորեն հետևել Առողջապահության նախարարության ցուցումներին, հաճախակի ախտահանել ձեռքերը և ձեռքերով հաճախ հպվող առարկաները, խուսափել դեմքին դիպչելուց, խուսափել զանգվածային միջոցառումներին մասնակցելուց։ Միաժամանակ տեղեկացնում եմ, որ հաշվի առնելով մանկապարտեզներում և դպրոցներում դասապրոցեսի՝ վարակի կանխարգելմամբ պայմանավորված ժամանակավոր ոչ բնականոն ընթացքը, ԱԺ այն աշխատակիցների նկատմամբ, ովքեր մանկապարտեզ կամ տարրական դպրոց հաճախող երեխա ունեն և իրենք են հոգում այդ երեխայի խնամքը, աշխատանքային օրվա ընթացքում ողջախոհության սահմաններում կարճատև բացակայությունների համար կարգապահական տույժեր չեն կիրառվի։ Հարգանքով և առողջության մաղթանքով՝Արարատ Միրզոյան»
12:50 - 13 մարտի, 2020
Հայաստան ժամանողներին մասնագետները հորդորում են հետևել ինքնամեկուսացման ցուցումներին |armenpress.am|

Հայաստան ժամանողներին մասնագետները հորդորում են հետևել ինքնամեկուսացման ցուցումներին |armenpress.am|

armenpress.am:  Հայաստանում կորոնավիրուսով վարակված անձանց հետ շփման ամբողջ շրջանակը հայտնաբերված է և մեկուսացված: Այս մասին նշել է ՀՀ ԱՆ Հիվանդությունների վերահսկման և կանխարգելման ազգային կենտրոնի վարակիչ հիվանդությունների համաճարակաբանության բաժնի պետ Լիանա Թորոսյանը: «Կոնտակտավորները մեկուսացվում են, նրանք գտնվում են 14-օրյա կարանտինի մեջ առանձին շինությունում: Սահմաններին խիստ վերահսկողությունը շարունակվում է: Արտերկրից ժամանողները սահմանային բոլոր անցման կետերում ջերմաչափվում են, խնդիրների դեպքում հոսպիտալացվում են համապատասխան բժշկական հաստատություններ: Եթե ախտանշանները բացակայում են, ապա մեկուսացվում են տան պայմաններում»,-ասաց Լիանա Թորոսյանը: Նա հորդորեց Հայաստան բոլոր վերադարձողներին ականջալուր լինել, հետամուտ լինել առողջապահական մարմինների խորհուրդներին: «Ինքնամեկուսացում ասվածը ինքնանպատակ չէ, այն նախատեսված է տվյալ անձի առողջական վիճակի վերահսկողության ապահովման, ինչպես նաև միջավայրն առավել անվտանգ դարձնելու համար»,-ասաց Լիանա Թորոսյանը: Նա ընդգծեց, որ հնարավոր բոլոր միջոցառումներն իրականացվում են թե՛ հնարավոր դեպքերն արագ հայտնաբերելու, թե՛ բժշկական օգնությունը պատշաճ կարգով կազմակերպելու համար:
11:22 - 13 մարտի, 2020
Չինաստանում մեկ օրում կորոնավիրուսից 1318 մարդ Է ապաքինվել |armenpress.am|

Չինաստանում մեկ օրում կորոնավիրուսից 1318 մարդ Է ապաքինվել |armenpress.am|

armenpress.am: Չինաստանում վերջին 24 ժամվա ընթացքում նոր կորոնավիրուսից զոհերի թիվն աճել Է յոթով, վարակվածների թիվն ավելացել Է ութով, ապաքինվել Է եւս 1318 մարդ: Այդ մասին մարտի 13-ին հայտնել Է ՉԺՀ-ի հիգիենայի եւ առողջապահության հարցերի պետական կոմիտեն: Կոմիտեի տվյալներով՝ ախտահարվածների թիվը կորոնավիրուսի հարուցած հիվանդության տարածման ողջ ժամանակաշրջանում հասել Է 80 հազար 813-ի, նրանցից ապաքինվել են 64 հազար111-ը, մահացել Է 3176 մարդ: Ինչպես նշել են պետկոմիտեում, Հուբեյի կենտրոնական նահանգում, որտեղ շարունակվում Է հիվանդության գլխավոր օջախի վերացումը, վերջին 24 ժամվա ընթացքում վարակվել Է հինգ մարդ, բոլորն Էլ Ուհանում: Նահանգում հիվանդացածների ընդհանուր թիվը հասել Է 66 հազար 786-ի: Մահվան դեպքերը Հուբեյում անցած օրվա ընթացքում ավելացել են վեցով (բոլորն Էլ Ուհանում)՝ մինչեւ 3062: ապաքինվածների թիվն ավելացել Է 1255-ով՝ մինչեւ 51 հազար 553: Մյուս երկրներից կորոնավիրուսով վարակման բերովի դեպքերի ընդհանուր թվաքանակը Չինաստանում հասել Է 878-ի: Նոր կորոնավիրուսի հարուցած հիվանդության բռնկումն արձանագրվել Է 2019 թվականի դեկտեմբերի վերջին Ուհանում: Առողջապահության համաշխարհային կազմակերպությունն այն ճանաչել Է համավարակ: ՉԺՀ-ի սահմաններից դուրս ամենից շատ վարակվածներ կան Իտալիայում, Հարավային Կորեայում եւ Իրանում: Ախտահարման դեպքեր են հայտնաբերվել ավելի քան 100 երկրում, հաղորդել Է ՏԱՍՍ-ը:
11:19 - 13 մարտի, 2020