Գերմանիա

Գերմանիան (պաշտոնապես՝ Գերմանիայի Դաշնային Հանրապետություն) պետություն է Արեւմտյան Եվրոպայում։ Հյուսիսում սահմանակցում է Դանիային, արեւելքում՝ Չեխիային եւ Լեհաստանին, հարավում՝ Ավստրիային եւ Շվեյցարիային, հարավում՝ Ֆրանսիային, իսկ Լյուքսեմբուրգին, Բելգիային եւ Նիդերլանդներին՝ արեւմուտքում։ Մայրաքաղաքն է Բեռլինը։

ԳԴՀ-ն բաժանված է 16 վարչատարածքային միավորների՝ երկրամասերի, եւ ընդգրկում է շուրջ 357 386 քկմ տարածք։ Ունենալով շուրջ 83 միլիոն բնակչություն՝ համարվում է ՌԴ-ից հետո Եվրոպայի խոշորագույն պետությունը, ինչպես նաեւ ԵՄ ամենախիտ բնակեցված պետությունը։ Ամենաբնակեցված, արդյունաբերական խոշոր երկրամասը Ռուրն է, որի գլխավոր քաղաքներն են Դորտմունդն ու Էսսենը։ Գերմանիայի մյուս նշանավոր քաղաքներն են Մայնի Ֆրանկֆուրտը, Համբուրգը, Մյունխենը, Քյոլնը, Շտուտգարտը, Դյուսելդորֆը, Լայպցիգը, Դրեզդենը, Բրեմենը, Հաննովերը, Գելզենկիրխենը եւ Նյուրնբերգը։

Մերօրյա Գերմանիան դաշնային խորհրդարանական հանրապետություն (բունդեսհանրապետություն) է, որը կառավարվում է վարչապետի՝ կանցլերի կողմից։ Այժմ կանցլերն է Անգելա Մերկելը։

ԳԴՀ-ն 1957-ից ի վեր հանդիսանում է Եվրոպական տնտեսական համագործակցության, իսկ 1993-ից՝ Եվրոպական միության համահիմնադիր անդամ, 1999-ից՝ Շենգենյան գոտի։ Անդամակցում է նաեւ ՄԱԿ-ին, Հյուսիսատլանտյան դաշինքին (ՆԱՏՕ), «Մեծ յոթնյակին», Տնտեսական համագործակցության եւ զարգացման կազմակերպությանը եւ այլն։

ԵՄ-ն կմեծացնի ճնշումը Բաքվի վրա, եթե Ալիևը չհամաձայնի դադարեցնել կրակը․ Հայկո Մաաս |factor.am|

factor.am: Գերմանիայի արտգործնախարար Հայկո Մաասն այսօր Բունդեսթագում պատասխանել է ԼՂ հակամարտության վերաբերյալ հարցերին՝ հայտարարելով, որ եթե Ադրբեջանը ռազմական գործողությունների դադարեցման պատրաստակամություն չհայտնի, ԵՄ-ն կմեծացնի ճնշումը նրա վրա, գրում է DPA-ը։ «Այսօր երեկոյան ես կրկին կխոսեմ իմ ադրբեջանցի գործընկերոջ հետ։ Մինչ օրս իրականացված բանակցություններն ամենաքիչը օգնել են ստանալ հայկական կողմի՝ կրակի դադարեցման մասին պատրաստակամության մասին ազդանշան, ինչը մինչ այս պահը հնարավոր չի եղել Ադրբեջանի պարագայում։ Այս հարցը կքննարկվի, եթե նաև այնպիսի իրավիճակ ստեղծվի, երբ կողմերից մեկը հրաժարվի զինադադարից, այդ դեպքում մենք մեր հետագա քայլերը կքննարկենք ԵՄ-ում ու կմեծացնենք Ադրբեջանի նկատմամբ ճնշումը։ Մենք կապի մեջ ենք նաև Ռուսաստանի ու Թուրքիայի հետ, որոնք մեծ ազդեցություն ունեն կողմերի վրա։ Այս պահին մենք ակնկալում ենք, որ Ադրբեջանը, ինչպես և Հայաստանը, սկզբունքորեն կհայտարարի կրակի դադարեցման պատրաստակամության մասին։ Իսկ եթե Ադրբեջանը հրաժարվի նման պատրաստակամություն հայտնել, ԵՄ-ի կողմից ճնշումը կուժեղանա»,- ասել է Մաասը։

19:55 - 07 հոկտեմբերի, 2020

Լյուքսեմբուրգի հայ համայնքը ցույց է կազմակերպել ի աջակցություն Արցախին |armenpress.am|

armenpress.am: Լյուքսեմբուրգի հայ համայնքը ցույց է կազմակերպվել ի աջակցություն Արցախին՝ Ադրբեջանի կողմից սանձազերծած պատերազմում: Ցույցին մասնակցել են ոչ միայն հայ համայնքի ներկայացուցիչները, այլ նաև Եվրոպական խորհրդարանի նախկին պատգամավոր Ֆրանկ Էնգելը, նրա կուսակից ընկերները, ինչպես նաև Լյուքսեմբուրգի խորհրդարանի պատգամավոր Փոլ Գալեսը: Այս ամենի հետ մեկտեղ Լյուքսեմբուրգի հայ համայնքի կողմից կազմակերպվում են տարբեր դրամահավաքներ և իրերի հավաքագրման նախաձեռնություններ:

01:12 - 07 հոկտեմբերի, 2020

Մերկելն Էրդողանի հետ քննարկել է Լեռնային Ղարաբաղում առկա իրավիճակը |hetq.am|

hetq.am: Գերմանիայի կանցլեր Անգելա Մերկելը երեքշաբթի՝ հոկտեմբերի 6-ին, տեսակոնֆերանսի ֆորմատով բանակցություններ է վարել Թուրքիայի նախագահ Ռեջեփ Թայիփ Էրդողանի հետ։ Ինչպես հայտնել է Գերմանիայի նախարարների կաբինետի մամուլի ծառայությունը, կողմերը քննարկել են նաև Լեռնային Ղարաբաղում առկա իրավիճակը։ «Հայաստանի և Ադրբեջանի միջև հակամարտության կապակցությամբ կանցլերը հանդես է եկել հրադադարի և ԵԱՀԿ Մինսկի խմբի շրջանակներում բանակցությունների օգտին, որոնք ուղղված կլինեին էական առաջընթացին»,- նշվում է տարածված հաղորդագրության մեջ։

21:59 - 06 հոկտեմբերի, 2020

Գնդակոծվում են Ստեփանակերտը և ՀՀ տարածքը. Բունդեսթագի պատգամավորների հայտարարությունը |1lurer.am|

1lurer.am: Գերմանիայի Բունդեսթագի Գերմանիա-Հարավային Կովկաս խորհրդարանական բարեկամության խմբի փոխնախագահներ Ալբերտ Վայլերը (Քրիստոնեա-դեմոկրատական միություն կուսակցություն) և Թիլ Մանսմանը (Ազատ դեմոկրատներ կուսակցության) համատեղ հայտարարություն են տարածել Լեռնային Ղարաբաղում իրավիճակի վերաբերյալ: Հայտարարությունը հրապարակվել է Ալբերտ Վայլերի պաշտոնական կայքում: «Որպես Բունդեսթագի Գերմանիա-Հարավային Կովկաս խորհրդարանական բարեկամության խմբի փոխնախագահներ՝ պահանջում ենք Հայաստանից և Ադրբեջանից դադարեցնել Լեռնային Ղարաբաղի շուրջ ռազմական գործողությունները: Բոլոր մասնակից կողմերը պետք է վերադառնան բանակցությունների սեղանի շուրջ և համատեղ կառուցողական աշխատանքներ տանեն ԵԱՀԿ Մինսկի խմբի համանախագահների հետ: Ռազմական ճանապարհով հակամարտությունը կարգավորելու փորձերն ապակայունացնում են տարածաշրջանը և վտանգում տեղում մարդկանց անվտանգությունը: Գնդակոծվում են նաև քաղաքացիական բնակավայրեր, այդ թվում՝ մայրաքաղաք Ստեփանակերտը, ինչպես նաև Հայաստանի Հանրապետության տարածքը: Բազմաթիվ քաղաքացիներ են զոհվել, կան մի շարք վիրավորներ: Մենք խստորեն դատապարտում ենք ագրեսիայի ցանկացած դրսևորում. բռնությունը չի կարող լուծում լինել: Բոլոր կողմերը պետք է հավատարիմ մնան միջազգային հումանիտար իրավունքին: Դրանից բացի՝ մենք մեծապես մտահոգված ենք այս պատերազմում Թուրքիայի ներգրավվածությամբ: Թուրքական ուժերի ներգրավումը լրացուցիչ վտանգավոր բացասական ազդեցություն կունենա առանց այդ էլ փխրուն կայունության վրա: Հենց այդ նպատակով մենք կոչ ենք անում նաև նրան դադարեցնել ռազմական հռետորաբանությունը: Այս ծանր պահին մեր մտքերը երկու կողմերի զոհերի ընտանիքների և հարազատների հետ են»,- ասվում է հայտարարության մեջ:

17:59 - 02 հոկտեմբերի, 2020

Ֆրանսիան և Գերմանիան հակամարտության կողմերին հրադադարի կոչ են անում |azatutyun.am|

azatutyun.am: Ֆրանսիան առաջնահերթ է համարում Լեռնային Ղարաբաղում կրակի դադարեցումը, այս մասին երկուշաբթի օրը հայտարարել է երկրի դիվանագիտական գերատեսչությունը՝ ընդգծելով խորը մտահոգությունը հակամարտության գոտում շարունակվող լայնածավալ ռազմական գործողությունների կապակցությամբ: «Ֆրանսիայի արտգործնախարարությունը կողմերին կոչ է անում անհապաղ դադարեցնել կրակը և վերսկսել երկխոսությունը», - ասվում է գերատեսչության պաշտոնական կայքէջում տեղադրված հաղորդագրությունում: «Որպես ԵԱՀԿ Մինսկի խմբի համանախագահ երկիր` Ֆրանսիան իր գործընկերների՝ Ռուսաստանի և Միացյալ Նահանգների հետ վերահաստատում է իր հանձնառությունը՝ Լեռնային Ղարաբաղի հակամարտության բանակցային և տևական կարգավորմանը հասնելու համար միջազգային օրենսդրությանը համապատասխան», - նաև հայտարարում է պաշտոնական Փարիզը։ Կողմերին հրադադարի կոչով է դիմել նաև պաշտոնական Բեռլինը: Գերմանիայի դաշնային կառավարությունը Լեռնային Ղարաբաղում տեղի ունեցող ռազմական բախումները գնահատում է «վտանգավոր իրավիճակ»,- այս մասին հայտարարել է գերմանական կառավարության պաշտոնական ներկայացուցիչ Շտեֆան Զեյբերտը: Նրա խոսքով` Բեռլինը վճռականորեն կոչ է անում հրադադարի ռեժիմ հաստատել և անհապաղ վերսկսել բանակցությունները:

20:35 - 28 սեպտեմբերի, 2020

Մերկելը «Շարիտե» հիվանդանոցում այցելել էր Նավալնիին |azatutyun.am|

azatutyun.am: Գերմանական լրատվամիջոցները պարզել են, որ կանցլեր Անգելա Մերկելը գաղտնի պայմաններում այցելել էր Բեռլինի «Շարիտե» հիվանդանոցում բուժումը շարունակող ռուսաստանցի ընդդիմադիր գործիչ Ալեքսեյ Նավալնիին։ Այս մասին հայտնում է գերմանական Der Spiegel-ը: Նավալնին հաստատել է տեղեկությունը՝ նշելով, որ հանդիպումը ոչ թե գաղտնի էր, այլ մասնավոր: «Մասնավոր հանդիպում և զրույց ընտանիքի հետ», - մեկնաբանել է ռուսաստանցի ընդդիմադիր գործիչը։ Սեպտեմբերի 22-ին Նավալնին դուրս է գրվել հիվանդանոցից, սակայն վերականգնողական բուժումը Գերմանիայում շարունակվում է:

14:15 - 28 սեպտեմբերի, 2020

Գերմանիայի արտգործնախարարը ռազմական գործողությունների անհապաղ դադարեցման կոչ է արել |tert.am|

tert.am: Հայաստանն ու Ադրբեջանը պետք է անհապաղ դադարեցնեն ռազմական գործողությունները, Լեռնային Ղարաբաղի շուրջ ճգնաժամը պետք է լուծվի խաղաղ դիվանագիտական ճանապարհով: Այս մասին հայտարարել է Գերմանիայի արտգործնախարար Հայկո Մաասը, գրում է ՏԱՍՍ-ը:«Հակամարտության կողմերին կոչ եմ անում անհապաղ դադարեցնել բոլոր ռազմական գործողությունները, մասնավորապես՝ գյուղերի և քաղաքների գնդակոծումը: Հայաստանն ու Ադրբեջանը պետք է անհապաղ հրաժարվեն ուժային մեթոդներից՝ հօգուտ առարկայական բանակցությունների»,-ասել է դիվանագետը:Վերջինս ընդգծել է, որ ԼՂ հակամարտությունը կարելի է լուծել միայն ԵԱՀԿ Մինսկի խմբի միջորդությամբ բանակցությունների միջոցով:

16:48 - 27 սեպտեմբերի, 2020

Գերմանիայում գրանցվել է վերջին հինգ ամիսներին կորոնավիրուսի ցուցանիշների առավելագույն աճը |hetq.am|

hetq.am: Ռոբերտ Կոխի անվան ինստիտուտը շաբաթ օրը՝ սեպտեմբերի 26-ին, գրանցել է ապրիլի վերջից ի վեր Գերմանիայում կորոնավիրուսի նոր դեպքերի ամենամեծ աճը։ Այդ մասին գրում է «Deutsche Welle»-ն։ Վերջին մեկ օրվա ընթացքում գրանցվել է կորոնավիրուսի 2507 նոր դեպք, մահացել է 9 մարդ։ Կորոնավիրուսի համավարակից ի վեր Գերմանիայում, ընդհանուր առմամբ, գրանցվել է կորոնավիրուսի 282 730 դեպք, 9452-ը մահացել են, իսկ մոտ 249 700 մարդ էլ ապաքինվել։ Գերմանիայում ներկայումս կորոնավիրուսի վերարտադրողականության ինդեքսը կազմում է 0,91, այն դեպքում, երբ նախօրեին այն կազմում էր 0,78։ Սա նշանակում է, որ 100 վարակվածներ վարակում են 91 առողջ մարդու։ Շարունակությունը՝ hetq.am-ում։

18:48 - 26 սեպտեմբերի, 2020

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

Հայաստանի Անկախության տոնի առթիվ Հանրապետության նախագահ Արմեն Սարգսյանին շնորհավորական ուղերձ է հղել Գերմանիայի Դաշնային Հանրապետության նախագահ Ֆրանկ-Վալտեր Շթայնմայերը: Ուղերձում ասվում է. «Այս տարի Covid-19-ի համավարակի հետևանքները ստվերում են այնքան ուրախալի այս օրը: Եվս մեկ անգամ պարզ է դառնում՝ փոխկապակցված աշխարհում համընդհանուր խնդիրների լուծման համար բոլոր պետություններն ունեն միմյանց կարիքը: 2018 թվականի հայաստանյան խաղաղ փոփոխությունները և դրանցից բխած զարգացումները ցույց են տալիս, որ հայ ժողովուրդն իր ապագան կերտելու հարցում լի է լավատեսությամբ և հաստատակամությամբ: Ուստի վստահ եմ, որ Հայաստանը արդյունավետորեն կհաղթահարի նաև ներկայիս մարտահրավերները: Գերմանիան կշարունակի որպես հուսալի գործընկեր կանգնած լինել Հայաստանի կողքին: Ձեզ և Ձեր համերկրացիներին հետայսու ևս մաղթում եմ, որ խաղաղ ու բարիդրացիական միջավայրում շարունակեք զարգացնել Ձեր երկիրը, և հույս ունեմ շուտով կրկին հանդիպել Ձեզ»,- ասվում է Գերմանիայի նախագահի շնորհավորական ուղերձում:

16:44 - 21 սեպտեմբերի, 2020

Էրդողանն ու Մերկելը քննարկել են իրավիճակը Միջերկրական ծովի արևելքում |tert.am|

tert.am: Թուրքիայի նախագահ Ռեջեփ Թայիփ Էրդողանն ու Գերմանիայի կանցլեր Անգելա Մերկելը տեսակոնֆերանսի ձևաչափով վարել են բանակցություններ, որոնց ընթացքում քննարկել են երկկողմ հարաբերություններն ու իրավիճակը Միջերկրական ծովի արևելքում: Այս մասին տեղեկացնում է «Անադոլու» գործակալությունը` հղում տալով Թուրքիայի նախագահի աշխատակազմի հասարակության հետ կապերի վարչությանը:Թուրքիայի նախագահը հանդիպման ժամանակ հայտարարել է, որ Միջերկրական ծովի արևելքում առկա տարաձայնությունները հնարավոր է լուծել «բանակցությունների և փոխզիջումների միջոցով`ապահովելով խնդրին կառուցողական և արդարացի մոտեցում»:Նա ընդգծել է, որ «եվրոպական երկրները պետք է արդար և հետևողական լինեն Միջերկրական ծովի արևելքի հարցում» և որ Թուրքիան «շարունակելու է ակտիվ և վճռական քաղաքականություն վարել սեփական իրավունքների պաշտպանության նպատակով»:

10:42 - 17 սեպտեմբերի, 2020

Մերկելն ու Թրյուդոն քննարկել են Բելառուսում ստեղծված իրավիճակն ու Նավալնու թունավորումը |tert.am|

tert.am: Կանադայի վարչապետ Ջասթին Թրյուդոն և Գերմանիայի կանցլեր Անգելա Մերկելը հեռախոսազրույցի ժամանակ քննարկել են Բելառուսում ստեղծված հետընտրական իրավիճակն ու ռուս ընդդիմադիր գործիչ Ալեքսեյ Նավալնուն առնչվող միջադեպը։ Այս մասին հաղորդում է ТАСС-ը՝ վկայակոչելով Կանադայի կառավարության լրատվական ծառայության տարածած հաղորագրությունը: «Երկրների ղեկավարներն անդրադարձել են Ռուսաստանի հետ հարաբերությունների թեմային և կրկին դատապարտել ռուս ընդդիմադիր գործիչ Ալեքսեյ Նավալնու թունավորումը, քննարկել Բելառուսում ստեղծված իրավիճակն ու կարևորել ժողովրդավարական փոփոխությունների անհրաժեշտությունը»- ասվում է հաղորդագրության մեջ:

09:18 - 16 սեպտեմբերի, 2020

Լավրովը Գերմանիայի ԱԳ նախարարին հորդորել է հրաժարվել Նավալնու հետ կապված դեպքի քաղաքականացումից |armenpress.am|

armenpress.am: Ռուսաստանի արտաքին գործերի նախարար Սերգեյ Լավրովը և Գերմանիայի ԱԳ նախարար Հայկո Մաասը հեռախոսազրույցում քննարկել են Ալեքսեյ Նավալնիի հետ կապված իրավիճակում փոխգործակցությունը։ Ռուսական կողմը վերահաստատել է իր պատրաստակամությունը համագործակցության ուղղությամբ։ Այդ մասին տեղեկացնում է ՌԴ ԱԳՆ-ն։ «Զրուցակիցներն անդրադարձել են ռուս-գերմանական հարաբերությունների հեռանկարներին, ինչպես նաև Նավալնիի շուրջ ստեղծված իրավիճակի հետ կապված երկկողմ և բազմակողմ միջազգային փոխգործակցությանը։ Ռուսական կողմը հաստատել է իր պատրաստակամությունը համագործակցելու այդ հարցում»,- ասված է հաղորդագրության մեջ։ ՌԴ ԱԳ նախարարը նաև հորդորել է Նավալնու հետ կապված իրավիճակի հետագա քաղաքականացումից։

22:33 - 15 սեպտեմբերի, 2020

Գերմանիան ևս 1500 փախստական կընդունի |azatutyun.am|

azatutyun.am: Գերմանական կառավարությունը մտադիր է Հունաստանում գտնվող փախստականների ճամբարներից Գերմանիա տեղափոխել ևս 1500 փախստականների: Գերմանիայի պաշտոնական աղբյուրների համաձայն՝ խոսքը 400 ընտանիքների մասին է: Հունական Լեսբոս կղզում ավելի քան 12 հազար փախստականներ՝ հիմնականում Աֆղանստանից, Աֆրիկայից և Սիրիայից, սպասում են ապաստանի: Վերջին մի քանի տարվա ընթացքում Գերմանիան իր դռներն է բացել շուրջ 1 միլիոն 200 հազար փախստականների համար: Սոցհարցումները վկայում են, որ գերմանացիների մեծամասնությունը կողմ է փախստականներին ապաստան տրամադրելուն:

15:07 - 15 սեպտեմբերի, 2020

Գերմանացի բժիշկների պնդմամբ` Նավալնին արդեն ի վիճակի է քայլել |azatutyun.am|

azatutyun.am: «Ռուսաստանցի ընդդիմադիր գործիչ Ալեքսեյ Նավալնու առողջական վիճակը շարունակում է բարելավվել», - այսօր հայտարարել են Բեռլինի «Շարիտե» հիվանդանոցի ներկայացուցիչները։ Գերմանացի բժիշկների խոսքով՝ Նավալնիին անջատել են արհեստական շնչառության սարքից, և նա այժմ «կարողանում է կարճ ժամանակով վեր կենալ անկողնուց»։

19:24 - 14 սեպտեմբերի, 2020

Կրեմլի խոսնակը՝ Նավալնիի գործը քննելու և Պուտինի հետ Բելառուսի նախագահի հանդիպման մասին |factor.am|

factor.am: Կրեմլի խոսնակ Դմիտրի Պեսկովը վերահաստատեց Գերմանիայի կողմից Մոսկվային ուղղված հորդորը, որպեսզի ապացույցներ տրամադրեն Ռուսաստանի ընդդիմադիր առաջնորդ Ալեքսեյ Նավալնիին անցյալ ամիս թունավորվելու մասին. գրում է VOA-ն: Պեսկովն ասաց, որ լիարժեք քրեական գործ կարող է հարուցվել միայն այն դեպքում, երբ Ռուսաստանը թունավորման ապացույց տեսնի. «Մենք չէինք ցանկանա և չենք սիրում, երբ այլ երկրներ մեզ թելադրում են, թե ինչ դատական գործընթացներ սկսենք, երբ և ինչ հիմքերով»: Հարցին, թե արդյոք Նավալնիի թունավորումը կարող է ազդել առաջիկա տարածաշրջանային ընտրություններում Կրեմլի աջակցությունը վայելող թեկնածուների համբավի վրա, Պեսկովը պատասխանեց, որ կառավարությունը նման «մտահոգություններ» չունի:

14:22 - 13 սեպտեմբերի, 2020

Մինչև Ռուսաստանը Գերմանիայից անհրաժեշտ տեղեկություն չստանա, Նավալնիի գործի քննությունը չի սկսի․ ՄԱԿ-ում ՌԴ մշտական ներկայացուցիչ |tert.am|

tert.am: ՄԱԿ-ում Ռուսաստանի մշտական ներկայացուցիչ Վասիլի Նեբենզյան Անվտանգության խորհրդի նիստի ժամանակ հայտարարել է, որ Ռուսաստանն ընդդիմադիր գործիչ Ալեքսանդր Նավալնիի գործի քննությունը չի սկսի մինչև Գերմանիայից անհրաժեշտ տեղեկություններ չստանա, գրում է «ՌԻԱ Նովոստի» գործակալությունը «Նույնիսկ իրավաբանական համալսարանի առաջին կուրսի ուսանողը գիտի, որ ցանկացած հետաքննությանը պետք է նախորդեն մեզ հասանելի ցուցմունքների վրա հիմնված ապացույցներ և փաստեր, հակառակ դեպքում մեր իրավապահ մարմինները հետաքննություն սկսելու որևէ հիմք չունեն»,-նշել է Նեբենզյան և հավելել, որ Նավալնիի կյանքը փրկած ռուս բժիշկները նրա անալիզներում որևէ քիմիականն միացություններ չեն գտել։

10:50 - 11 սեպտեմբերի, 2020